مبروك للهلال .. اول مرة نحضر هلال مريخ مقنعة ..

غلبنا الفلسطيني
وعشرة على عشرة لبشة
عشرة على عشرة لسعيد السعودي

اضعف خطوط الفريقين المهاجمين في الناحيتين

هاردلك يا ولي
لكن اوعا تكون مفتكر انو عندك فريق الكورة دي بدون غلطة الفلسطيني مفروض تكون 3 صفر...

تعالو السنة الجاية - بفريق تاني.

بس كيف يا اسامة تكون 3:0 وانا جايب فيك قونين ؟


بعدين انا لو ما عندي تيم
انت عندك شنو ؟

رحم الله اخونا سمندلاوى

ربنا يرحمه يا هجو

والله يا وليد انا لي زمن بطلت احضر كورة لكن حقيقي كانت كورة جميلة من الطرفين..لوالعالم دي بتحافظ علي مستواها دة وتطورو كان حسي بقينا عالميين..

هدفي الهلال الثاني والثالث خطأ الحارس الفلسطيني
الهدفين دخلو من ضربات ركنية والحارس واقف في المكان
الخطأ ولم يتدخل بالسرعة والقوة المطلوبة لإبعاد الكرة

هاردلك للمريخ
ومبروك للهلال .. غايتو كان انطبقت عليكم الليلة كان العيد مسخ ليكم

صحيح يالصاوي
كا ان الهدف الاول للمريخ خطاء من المعز محجوب بنفس الكيفية

الهلال هو الافضل
اضاع اهداف اضمن من التى ولجت الشباك
هجوم الهلال ليس ضعيف
والدليل ان محرز الهدفين بشو كان المهاجم الثانى
واحرز من تمريرة كاريكا المهاجم الاول هدفا
واضاع يكرى و سادومبا اهدافا بسوء الطالع
لكن اين هجوم المريخ ؟
تحركات فردية لراجى
دفاع الهلال قوى و ان ارتكب اخطاء فى التقطية
ولكن دفاع المريخ و كما ورد على لسان ابراهومة فى قناة قوون
كان شاردا و ارتكب اخطاء لا تحدث من مبتدئين

الهلال كان الافضل و يستحق لقب الممتاز
خاصة ان الهلال ظل ممثل السودان الوحيد فى المحافل الافريقية
و خرج بركلات الحظ الترجيحية من الكنفيدرالية
مبرووووووووووووووووووووووووووووووووووووووووووووووووووووووووك
للهلال
و عقبال الاندية الافريقية العام القادم ان شاء الله
سئمنا المنافسات المحلية
فى الممتاز ال 15
10 يطولات للهلال
اصبح الهلال حتى بلا وصيف

Quote: و عقبال الاندية الافريقية العام القادم ان شاء الله

ده شعرا ما عندك ليه رقبة

نسأل الله الرحمة لزميل المنبر الأخ سمندلاوي
ولآله الصبر .

_______________________________

ومبروووووووووووووووووووووووووووووووووكـ كأس البلد يا سيد البلد

ربنا يرحمه يا عمران

اتفق معك الاخ وليد

وكل سنة والكل بخير

مبارة كانت جميلة
وتستحق المشاهدة
واللعيبة اليعتمد عليهم من الفريقين في الفترة الجاي الصغار والصغار نسبيا كانو كويسيا لكن الجماعة الكبار ياريت يفسحو المجال لغيرهم شوي عشا المنتخب يعود شاب
ونقول لهم شكر القدمتوهو طيب




مبروك ياهلالاب

سلامات يا وليد وكل سنه وانت طيب:
الفريقين رغم انهم جاءو بخطه لعب تبدو متحفظه جدا الا انهم لعبو مباره مفتوحه وكل فريق جاء لينتصر لذلك كانت المباراه ممتعه جدا وهي شبيهه في كل شئ بمباره 2007 والتي انتهت ايضا بفوز الهلال 3/2

Quote: اضعف خطوط الفريقين المهاجمين في الناحيتين

يا وليد كاريكا خلخل دفاع المريخ خلخلخه ما بعدها خلخه وقطع لسفاري نفسو. عشان كده ما بتفق معاك انو هجوم الهلال كان ضعيف ورغم انو بشه احرز هدفيين الا ان كاريكا كان نجم فرقه الهلال بدون منازع

Quote: رحم الله اخونا سمندلاوى

رحم الله سندلاوى

شكرا
الاخ وليد
والله بعد رسلت المداخلة لقيتك انت صاحب البوست
اوع تفهم كده ولا كده
مع كامل احترامى
هارلك
نديكم الممتاز الجاى
لانو ما دايرين محلى تانى

Quote: لانو ما دايرين محلى تانى

قلت ليك ده شعرا ما عندك ليه رقبة

مرحب بوب

اختلف معاك في امر كاريكا وخلخلة دفاع المريخ
سفاري تعبان اساسا ولو كاريكا كان في مستواه عالي كان مشى فيه اكتر من مرة

كاريكا لعب في الشوط الاول وفي الشوط التاني كان رايح
سبب انو كاريكا كان مرتاح في الشوط الاول يعود لضعف هيثم المرابط
خاصة وانو المريخ بلعب بمدافعين فقط في الوسط


المريخ اتعوق في نجم الدين وخرب للمدرب خطتها كلها

بعد ما دخل بله ورجع نجم الدين متوسط دفاع وحرك السعودي للوسط
اقل من خمسة دقائق اصيب نجم الدين فاضطر لارجاع السعودي مرة اخرى للدفاع

هارد لك وليد
ولكل عشاق الاحمر
لكن وحقيقة البشوف هدف بشة الاول
بيقول ناس المريخ بايعين الكورة
معقولة
بشة يجري من خارج خط ال 18
وفي حراسة 6 من لعيبة المريخ
يدخل السكس يارد ويحرز هدف تعادل
صحيح تصرف كاريكا كان ذكيا عندما احتفظ بالكورة
لعدم وجود زميل متقدم، الاغرب ان مسألة
احتفاظ كاريكا بالكورة
كانت وسط حراسة من دفاع المريخ
روح لعيبة الهلال كانت عالية
واصرار على الفوز بعد خسارة الصعود للنهائيات
وتلك كانت بداية الإنتصار

سفاري ######## يالسنده
بخاف القلب

هاردلك و كل سن و انت طيب يا عمك


غايتو كوره ما بطالة

لكن بس شايف الفرقة بين الهلال و المريخ ماشه زايدة

المريخ دي ماشي في درب الزمالك بسرعه سادومبية

يديك العافية ياوليد
وهارد لك
شوف يا وليد المريخ مشكلتو في الوسط يعني لو كان عندي لاعب وسط ممتاز ما في فريق بيقيف امامو

هذه مشكلة الفريق اليوم ولكني لا ارى ان لديه مشكلة في اي خط آخر حتى الفلسطيني ليس باللاعب السيئ ابدا وهذه الكبوات تحدث للعيبة كثيرين

أما مشكلة الهلال فالهلال يعاني من مشكلتين المشكلة الاول الطرف الأيسر له له طرف أيسر فعال أبدا من ما فات كرنقو والهلال يعاني من مشكلة الطرف الايسر
والمشكلة التانية الهلال يحتاج للاعب محترف في الهجوم

فعلا وسط المريخ اضعف من وسط الهلال

مع انو الشغيل عطل هيثم مصطفى كثيرا

لكن الولد الواعي بشى شال الشيلة كما يجب

مرحب احمد ابراهيم

بالعكس انا شايف انو الفرق بين الهلال والمريخ في تقلص

لو كانت الكورة دي قبل شهرين
او تلاته

كان المريخ شرب ماروى

مرحب احمد هاشم فعلا الهلال يستحق المباركة

ولى ياشفت ياصفوة
الكورة فعلا كانت سمحة
الهلال كان متاخر وكنا واثقين انو حيعادل ويتقدم
وقد كان ..

شكرا سيد البلد فالضحية ممتعة لدرجة نسيان الخروج الافريقى..

Quote: فالضحية ممتعة لدرجة نسيان الخروج الافريقى

كضاااااااااااااااااااااااااااااااااااب

وليد هاردلك والله
لكن والله يا وليد، لأنو النتيجة الطبيعية للمباراه دي معروفه من زمان
عشان كده فرحتنا بإنتصار الهلال عليكم الليله زي فرحتنا لم غلبنا الخرطوم تلاته والله المورده
دي ما فرحتنا زي لمن كنا بننتصر علي المريخ زمان
لمن المريخ كان بعبع ومخيف

عموما نقطه سطر جديد

المباراه البعد إسبوع دي يا إما شلّعت ليكم فريقكم ده

يا شلّعتو

Quote: كضاااااااااااااااااااااااااااااااااااب

يا وليد
والله كلام اخونا ده صحيح بالنسبة لي
على الاقل اليوم
فرحانين و نسينا الصفاقصى
على فكرة اخبار الشكوى شنو؟

إبتداءً رحم الله فقيد المنبر والوطن سمندلاوي ..

أختلف مع القول بأن مستوى المريخ كان بعيداً ذاك البعد عن مستوى الهلال .. ونتيجة المباراة خير دليل على صحة إختلافي ، لعب المريخ مباراة جادة الليلة
إقترب فيها من أن يعمق فينا جراحاً في طريقها لأن تندمل ..
مستوى المريخ في الموسم الأخير كان بعيداً عن الهلال ، قد يعود ذاك إلى ظرف الهلال الذي كان يلعب في جو ضاغط لفترة طويلة بلا شك أضافت للهلال الكثير..
فلو لعب الهلال بنفس المستوى الذى أدى به مبارياته الأخيرة ، ولعب المريخ بنفس أداءه في مبارياته الأخيرة لأختلفت النتيجة ، لصالح الهلال بلا شك ولأتسع الفارق في النتيجة ..
إلا أن المريخ الليلة لعب بجدية وشكل خطورة على دفاعات الهلال حتى اللحظات الأخيرة من عمر المباراة ، وصدق من قال بأن ظروف مباريات هلال مريخ هي ظروف لحالها ..
إفتقد الهلال لتركيز مهند الطاهر الليلة مما شكل عبئاً إضافياَ على خط وسط الهلال ، وأضعف بطبيعة الحال فعالية خط هجومنا وخطورة مدثر كاريكا التي نعرفها ...
مباراة الليلة كانت شوطاً أول في مباراة الديربي ذات الشوطين وكانت مباراة لعيبة ..
كأس السودان هو الشوط الثاني وفيه سيقول المدربون وليس اللعيبة كلمتهم ..فهي مبارة بين ميشو وكروجر ..

دمت يا ولي ..

يا ولي كل سنة وانت طيب


ياخي ..المريخ كان كعب ..

والفلس طيني .. دا ماسورة كبيرة

والزومة دا اغبي لاعب اشوفه في حياتي,,,

ودفاع المريخ فاتح شوارع

وكروجر ..طبزاته كترت..

ورغم كل هذا .. الهلال كان الأفضل..

الهلال كان الافضل
بتحركات بشة وكاريكا وخليفة

اخطاء الدفاع من الفريقين مخجلة
الاهداف معظمها من اخطاء المدافعين وليس من مهارة المهاجمين
هدف المريخ الاول خظا من المعز
هدف الهلال الاول خطا من مرابط اخذ كاريكاالكورة منو بسهولة فى منطقة خطرة
هدف الهلال الثانى خطا من الحارس خايف من الخروج
هدف الهلال الثالث خطا خروج خاطى من الحارس

المباراة واصحت ضعف محرفين المريخ

من الافضل شطب كل من
النفطى
المرابط
الحارس رمزى
وعلى البيعة
كاسروكا
بن ضيف الله

يعني يا ولي


الجمل والخطط دي كلها عاوز تساوي فيها المريخ بالهلال


ياخ لعيبة الهلال دخلو المباراه مضمونه عشان كده كان في تراخي

المريخ جاب قوون بغلطه من المعز


بعد شفت الحصل شنو


ما تستفذو الهلال تاني

في تعليق على عنوان البوست أعتقد أن هلال مريخ
في البطولة الافريقية التي عرفت بواقعة 11 سبتمبر ذات الثلاثية كانت أكثر اقناعاً..
في المباراة الأخيرة: ليس من وجه مقارنة بين الفريقين فالكفة ترجح لجانب الهلال بكثير والشئ الوحيد الذي أتاح للمريخ الدخول في جو المباراة هو احترام ميشو الزائد للمريخ ولعبه بمهاجم واحد واحتفاظه بكروته الرابحة سادومبا وبكري لحين ميسرة..
دفاع المريخ ليس في مقدوره ايقاف لاعبي الهلال في الوقت الحاضر...
احتراماتي ..

تحية يا وليد ...والرحمة وجنات النعيم لسمندلاوي....

نقول كمريخاب مبروك للهلال وهاردلك يا مريخ ...الهلال كان اكثر ترابطا واقوي دافعية...المدرب الهلالي كان ذكيا في خطته الهجومية التي اعتمدت علي السرعة وضعف سفاري في الالتحام يضاف اليه الضعف الواضح للشغيل وقلق فهم الذين قصمموا ظهر الفريق...استخدم الهلال سلاح العنف لابطال مفعول النفطي ونجم الدين فكان لهم ما ارادوا ..اما راجي فقد نجحت الكماشة في تطويقه اما طمبل فقد بات جليا مدي حرصه علي عدم الالتحام بعد العنف المتزايد معه...

كاريكا هو نجم المباراة حيث نجح في خلخلة سفاري واتاحة الفرصة لزملائه لاكمال المهمة بنجاح...

واضح عدم التجانس بين افراد الفرقة الحمراء بل عدم التعاون وفق خطة ترك لهم الدرب امر معالجتها مهاريا وفشلوا وفي ذلك برهان اخر علي فشل المدرب ايضا..لا يسال الحارس وهو يبدو فاقدا الثقة في خط دفاع مهزوز لم يتم اختياره بعناية..

التجانس النفسي بين شبيبة الهلال هو مفتاح الانتصار والعكس صحيح لاشباح المريخ...وبداية العد التنازلي لسفاري وقلق والشغيل...وانذار لراجي ان اراد ان يكون نجما...مبروك ثانية للهلال الذي استحق الفوز وعمل له...اما المحترفون التوانسه نقول لهم سيعكم مشكور ومع السلامة