ابوعركي البخيت بِلالَنا الذي صَدح

Post: #1
Title: ابوعركي البخيت بِلالَنا الذي صَدح
Author: خدر
Date: 11-17-2010, 10:20 PM

اعدت للمغني السوداني دوره الهام في قيادة شعبه و إستلهام قيم الكرامة منه .. أثبت لنا و لحكومة المؤتمر الوطني ان الفنان موقف و قضية و إنو الفن ما تمومة جرتق . قررت العودة بعد ان حّملناك اكثر من طاقتك بطلباتنا من كل اركان الدنيا, ارهقك معجبيك و جمهورك بالإتصال و مطالبتك بالعودة و كنت دوما تردد , لم يحن الاوان بعد. و حين رأيت التمزق علي بعد فراسخ إخترت توقيت الإستفتاء و عدت لتغني بعد قطيعة مع الاجهزة الاعلامية دامت زمنا علي المسرح القومي لا إستوديوهات التلفزيون و كان تثمينا راقيا منك لدور المسرح القومي في حياتنا الثقافية. كانت رسالتك واضحة لوضع الامور في نصابها , الفن عصب الامم, لحمتها و سداتها وفرس رهانها, قلتها بصوت جهور , لم ترهب سطوة الإنقاذ و لم تخش علي روحك , كأنك بلال تُنشِدنا و الدنيا جاهلية

تعالوا نغني

___
تعالوا نغني , الاغنية التي غناها عركي في حفل اول ايام عيدالاضحي و تم حجبها في بث الحلقة

Post: #2
Title: Re: ابوعركي البخيت بِلالَنا الذي صَدح
Author: خدر
Date: 11-17-2010, 10:30 PM
Parent: #1

تعالو نغني غنا الايام الجاية كتير
ونفرّح بيها سما السودان
تعالو نلم الوان الطيف الفي الخرطوم
ابناء شعبي والفي امدرمان
تعالو نفكر ايه البحصل في السودان
الجوع .. المرض .. الخوف .. الشك
عدم اطمئنان هد الانسان
تعالو نقعد نحسب خطونا من ما اخدنا الاستقلال لحد الان
اتقدمنا ولا اتأخرنا؟ اتأخرنا ولا اتقدمنا؟
سؤال مطروح لي كل فئة من فئات الشعب بألف سؤال
دم اجدادنا بيحرض فينا علي الحرية
وبذكرنا عشان ما نحافظ علي وحدتنا الوطنية
بس مكتسباتم بي صراعتنا وبي خلافتنا دفناها وبقت منسية
حقو نشوف من وين بتجينا مشاكلنا ومنو البيعطل حركة شعبنا بي الزندية
ونجيبو نحاسبو بي عدالة وبي ديمقراطية
انا شايف الجوع بيطل من وقت لآخر ليهو بلدنا سهول
اطفال بتشردو في الطرقات وبياكلو الذل ومنو المسئول؟
والحرب لعينة وممتدة وبتحصد فينا ويا للهول ويا للهول
وبلدنا الغالية وام الخير فيها كمان ظهر البترول
اشيائنا بتتناقض
وفي الواقع نحنا كتير وكتير بندور
في الحلقة الواحدة كما البندول
نكسرها كيف؟ الحلقة الواحدة دي نكسرها كيف؟
ونمدها جسر يوصلنا والدنيا عجول
يا حكامنا الدنيا عجول
يا ساستنا الدنيا عجول
يا سادتنا الدنيا عجول
يا جنرالاتنا الدنيا عجول

Post: #3
Title: Re: ابوعركي البخيت بِلالَنا الذي صَدح
Author: خدر
Date: 11-17-2010, 10:36 PM
Parent: #2

___
الفيديو و الصور للاستاذ ابوبكر سيد احمد

Post: #4
Title: Re: ابوعركي البخيت بِلالَنا الذي صَدح
Author: خدر
Date: 11-21-2010, 10:40 AM
Parent: #3

نواصل

Post: #5
Title: Re: ابوعركي البخيت بِلالَنا الذي صَدح
Author: Mustafa Mahmoud
Date: 11-21-2010, 11:37 AM
Parent: #4

المبدع ابوعركي يدخل الكيزان في جحر ضب

Post: #6
Title: Re: ابوعركي البخيت بِلالَنا الذي صَدح
Author: خدر
Date: 11-22-2010, 11:27 AM
Parent: #5

اضغط علي الفيديو للتشغيل

___

الفيديو تسجيل و مونتاج احمد عبدالوهاب عبدالكريم

Post: #7
Title: Re: ابوعركي البخيت بِلالَنا الذي صَدح
Author: ضياء الدين ميرغني
Date: 11-25-2010, 02:28 PM
Parent: #6

هو ليس بلالنا فقط بل هو نبض قلوبنا ايضا
ساتحدث عن كثير لاحقا
التحية للصامد الفنان ابو عركي البخيت

Post: #8
Title: Re: ابوعركي البخيت بِلالَنا الذي صَدح
Author: willeim andrea
Date: 11-25-2010, 02:37 PM
Parent: #7

.

Post: #9
Title: Re: ابوعركي البخيت بِلالَنا الذي صَدح
Author: عبدالوهاب علي الحاج
Date: 11-25-2010, 03:31 PM
Parent: #8

شكـراً يا طـارق علـى البوسـت