يا كيكى .. وآخرين نقدرهم .. بلاش فرندقيس .. ركزو فى الهردبيس أحسن ...

يا كيكى بالله خلينا فىالحلم الجميل انو فى زمن كان جميل حقيقى .. زم تحس انو انسان وبتساهم و تصنع عالم

جميل

شوف كيف انو الواحد لما اتخرج .. ويعمل .. وفى ا لقطاع العام بالتحديد .. يحس ويعيش ويعمل بكل ضمير وقناعه .. ويهيص بعد داك .. و satisfied

فعلا يمارس انسانيته .. ووطنيتهو مهنيته ..و دنيته واخرته كمان !!

تعال نشوف اليوم ..

انسان مؤدلج فطير كده بس .. مع غسيل مخ وتاريخ .. وفهم !!!

ياخ خلينا ..نستمتع بالزمن داك .. ان شالله يكون أشتر ...

وارتا ح شويه بالهردبيس بدل فرندقيس .. وهلم جرا ..

يعنى كتر شويه من التاريخ و ريح شويتين من داك ما معروف مستقبل ..

لأنو ببساطه .. لا حياة لمن تنادى ...

وهو اصلا ما فى أمتع واروع من الزمن الأغبر ..؟؟؟


وتسلم يا كيكى والأخرين ....

سلام يا بشير دفع الله
وايامك كلها اعيادا هردبيسية.. بلا فرندقس

كلامك سمح بالحيل.. علا لكن ياخ المشكلة انو الفرندقس استشرى وطغى
وازاح الهردبيس من دواوين الخدمة المدنية.. و وأد الاحلام الهردبيسية الصغيرة
المتمثلة في راتب يكفيك لنص الشهر!! والباقي دين وجرورة
لم يعد للهردبيس مكانا من الاعراب.. فيا اما هو تحت رحمة سيف الصالح العام
او العطالة او الهروب الى المنافي الاختيارية \ الاجبارية \ الاختبارية

ربما لم تلتفت الى ان الفرندقس مثل النبات الطفيلي، الذي يقتل اي نبات اخر لا يماثله في النواع او الحجم

يعني الهردبيس اذا تخرج من الجامعة ولم تقتله طلقة طائشة او تعذيب ما
فانه لن يجد خرم ابرة ليلج من خلاله الى دواوين الحيكومة
فكيف يحلم بالهيصة؟
وكيف يمارس انسانيته
ناهيك عن ان يحلم

اذا من الضرورى ان يركز كيكي والاخرون على الفرندقس لتعريتهم وكشفهم
وارجاعهم الى الجحور الخربة التي خرجوا منها
وليأخذ كل صاحب حق حقه دون Frendagussization

هلا يا بشير وحبابك يا اشرف
وكل سنة واتو بالف خير وبركة.. والاسرة وعموم الاهل
و يا بشير نحن جيل ضايع ما بين الهردبيس والفرندقس
ومعاك الزمن الغابر جميل وفيه اروع الذكريات والاحلام... ولكن الاحلام دي هي سبب كل البلاوي والكركبات
والرغبة الجامحة والنشطة لمقارعة الفرندقس في جخانيه وتعريته وسلخ جلده كما يسلخ النمل الصحرواي..
قمنا.. وقرينا وحلمنا بوطن يسع الجميع وتتاح لكل ابنائه المساهمة في بنائه بكل شفافية وكلا ياتي بما لديه.. ولكن عندما اشتد الساعد وشمرنا الايادي للعمل وجدنا كل الامر سراب بقيع واردب سمسم في وسط غابة الفرندقس الجديد الذي اوصد كل الابواب...وليس وصد كل الابواب بل تشريد منظم وسحل وتعذيب وقتل وقطع ارزاق... فعشان كده شلنا كرورنا ووشلنا حلمنا الذي هو باقي وجاري في دمنا وشرايينا تضخ دماء تحدثنا بوطن حدادي ومدادي وغائب.. وهذا الغياب الكبير الفرندقس هو المسئول الاول والاخير في امره لذا وجب ضربه ضرب غرائب الابل الفرندقسية اينما وجد...
والهردبيس يا البشير باقي في القلب والوجدان وهو قد عبر.. ولكن الحلم بالوطن الغائب سيظل هو الوقود الذي يحرك كل اشيائنا حتي يقضي الله امر كان مفعولا...
وتحياتي وتقديري..

أهلا بيكم اشرف و كيكى ..

الأتنين متفقين و أنا معاكم ..الفرندقس الكبير و الصغير عايز تصدى و تعريه و سلخ ووووووووو

لكن الأ سفين الفرنقسى يتغلغل و يتغور ..وبقوه خارقه التأثير .. بالترغيب أو الترهيب ..فى عده أجيال

يبقى نحن لازم نركز على الأجيال ديك زى ما بتقول يا كيكى ..وزى مايتعرضو لغسيل مخ خطير .. لازم يخرجون هدا الزوون ؟؟

الهدف لازم يكون هؤلاء الهردبيس !!!

و دمتم