Post: #1
Title: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 04:59 PM
شكرا لكاتب هذا البوست:
الجنوبيون في الشمال ... مواطنون بنص المواثيق والأعراف ا..... وان انفصل الجنوب
ولكل الشماليين الذين أصبحوا يتحدثون باسم الجنوبيين فى الشمال!!
الفكرة كالآتى:
بعد أن يصوت الجنوبيون بنسبة 99 فى المية للإنفصال يجو يعيشوا فى الشمال, ويأجروا الجنوب لمن يدفع أكثر على أن يقتسموا ريع ذلك بينهم بالتساوى..
وذلك مادام الإنفصال لايحرمهم من حق المواطنة فى السودان المليون ميل!!
عزيزى زميل المنبر أرجو أن تثرثر معنا ولك شكرى وتقديرى على حزن الثرثرة!!
|
Post: #2
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 05:57 PM
Parent: #1
كدى النخت النقطة دى كان يجى ثرثار يفتح الحراج دا!
|
Post: #3
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: عبدالعزيز حسين عبدالرحيم
Date: 11-17-2010, 06:09 PM
Parent: #2
يفتح الله
------
اعتذر لطول كلامي وكل عام وانت بخير
|
Post: #4
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: jini
Date: 11-17-2010, 06:11 PM
Parent: #2
| Quote: الجنوبيون في الشمال ... مواطنون بنص المواثيق والأعراف ا..... وان انفصل الجنوب |
مواطنون ولذا من المنطقى ان يصوتوا لاجل الوحدة والتى ستسمح لهم بالعيش فى الشمال والجنوب فلماذا لا يفعلوا ذلك!
المواطنة لها حقوق وواجبات!
اراهن انهم سيكونون شيعة السودان سياسيا مرجعيتهم سيلفا كير والدليل مقاطعتهم التسجيل فى الشمال!
جنى
|
Post: #5
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 06:58 PM
Parent: #4
عبد العزيز
انت ماشايف المواثيق الدولية دى؟
|
Post: #6
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 06:58 PM
Parent: #5
جنى
بالله ماتحرف البوست عن مضارو
|
Post: #7
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: jini
Date: 11-17-2010, 07:31 PM
Parent: #6
Quote: بعد أن يصوت الجنوبيون بنسبة 99 فى المية للإنفصال يجو يعيشوا فى الشمال, ويأجروا الجنوب لمن يدفع أكثر على أن يقتسموا ريع ذلك بينهم بالتساوى..
وذلك مادام الإنفصال لايحرمهم من حق المواطنة فى السودان المليون ميل!!
عزيزى زميل المنبر أرجو أن تثرثر معنا ولك شكرى وتقديرى على حزن الثرثرة!! |
يا بلة كلامى لو ما فى الصميم بكون فى التنك!
جنى
|
Post: #8
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 09:11 PM
Parent: #7
جنى
بالله موش غريبة زول لاعايز يصوت للوحدة ولاعايز ينفصل ولا عايز يسجل وبرضو حقوقو محفوظة شمالا وجنوبا..
ياخى دا ولا حظ الهنود الحمر!!
|
Post: #9
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: رهف
Date: 11-17-2010, 09:13 PM
Parent: #7
دى ذكرتنى قصة الشايقى القالوا اجر بيته فى الجنة ومشى سكن مع عذابة فى جهنم
|
Post: #10
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 09:23 PM
Parent: #9
الشايقى دا تبع قطاع الشمال يا رهف؟
|
Post: #11
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: jini
Date: 11-17-2010, 09:30 PM
Parent: #10
Quote: جنى
بالله موش غريبة زول لاعايز يصوت للوحدة ولاعايز ينفصل ولا عايز يسجل وبرضو حقوقو محفوظة شمالا وجنوبا..
ياخى دا ولا حظ الهنود الحمر!! |
يا بخت من كان النقيب خاله!
النقيب الامريكى
جنى
|
Post: #13
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 09:44 PM
Parent: #11
طيب أيتام قطاع الشمال خالم منو ياجنى؟
|
Post: #12
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: الزبير صالح الزبير
Date: 11-17-2010, 09:43 PM
Parent: #10
Quote: بالله موش غريبة زول لاعايز يصوت للوحدة ولاعايز ينفصل ولا عايز يسجل وبرضو حقوقو محفوظة شمالا وجنوبا..
ياخى دا ولا حظ الهنود الحمر!! |
قبل إجازة العيد دة كنت بحضر لفتح بوست عن أسباب إنبطاح الإنقاذ أمام طلبات الجنوبيين والمجتمع الدولي
لكن الله ما سهل لي جمع المعلومات وبعدين جاءت مشغوليات لم تكن محسوبة أدت إلي عدم وضع البوست
الجنوبيين لهم كامل الحق في المطالبة بأكثر من ذلك كما الأمريكان من حقهم الدفاع عن مصالحهم بالطريقة التي يرونها مناسبة
لكن ما لا أفهمة هو إنبطاحية المؤتمر الوطني امام كل ذلك وما لاافهمة أكثر من ذلك هو اندفاع قطاع من الشماليين يرددون ما ينادي بة الجنوبيين غير مدركين مألات ذلك حاضرا ومستقبلا
لكن طب نفسا بعد الإستفتاء لن يمكث جنوبي واحد في الشمال لوحدهم سيرحلون دون تعب او رفع عصاة ( تلك العصا في شعر المتنبي ) علية الرحمة
|
Post: #14
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: أبو ساندرا
Date: 11-17-2010, 09:47 PM
Parent: #12
التسجيل في الجنوب حارق تش
وفي الشمال قاطعوا بقصد حتى يفوتو على المؤتمر الوطني
أي فرصة للتزوير
وذلك لأنهم متأكدين من أن تسجيل الجنوب فقط ح يفصل البدلة
|
Post: #15
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 09:51 PM
Parent: #14
| Quote: اندفاع قطاع من الشماليين يرددون ما ينادي بة الجنوبيين |
أها دى نقطتى أنا الأساسية يا الزبير!
|
Post: #16
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-17-2010, 09:53 PM
Parent: #14
| Quote: وذلك لأنهم متأكدين من أن تسجيل الجنوب فقط ح يفصل البدلة |
ابوساندرا
ان شا الله يدوكم القصاصة!
|
Post: #17
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: الزبير صالح الزبير
Date: 11-18-2010, 02:16 PM
Parent: #16
up
حتي ياتي الإنبطاحية الجدد ليعلمونا لماذا يعزفون في أوركسترا الجنوبيين الإنفصاليين
|
Post: #18
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: محمد يوسف الزين
Date: 11-18-2010, 10:00 PM
Parent: #17
زي ما قال ليك اخونا جني الحكيم لو هم دايرين مواطنة الشمال حيصوتو للانفصال ليه! وحتى التلاتة مليون الاكلو معانا عيش وملح ابو يمشو يسجلو! يبقى كيف الشماليين يغفرو ليهم!
بالصدفة لميت في البوست دا وانا يادوب رميت الجرايد الاشتريتها من الصباح وضاعت في نص الشربوت وما لقيتها الا لمن الاولاد نامو والهلال شال الدوري في نص مغصة الكونفدرالية
والبورد اسود والحزن ضارب في الخيمة!
نونسك بالجرايد يا ود موسى عشان تشوف الفوضى بعيونكـ..
- باقان نافخ الكير الأول بعد الطيب مصطفى لسة ما مرتاح مع انو مفروض يمشي يطمئن وينوم قفا بانو الطلاق حيحصل بالتلاتة!
قال الرجل الغراب: الدلائل تؤشر لغلبة خيار الانفصال (وطبعن لازم يحشر أبيي في نص الكلام)
- صورة كبيرة لنافع علي نافع تطل علينا في الجرائد وقبلها في التلفزيون. (صدقوني الرجل يتناول الشية في سيارته التي ملئت بالبنزين وهي تدور على مراكز تسجيل الجنوبيين في الخرطوم وضواحيها ليثبت أن هناك عمل منظم يهدف لافشال عملية التسجيل خوفاً من الصوت الجنوبي الخرطومي والذي يتوقع أن يختار الوحدة لاحقاً، رغم أن الفشل واقع لأن المراكز أصلاً شبه خالية!)
- كـرتي الأشتـر يتحدث من امريكا، (الرجل يتأثر بالاجتماعات الكلينتونية الامريكية التي لا تزيد في الحلة سوى الماء، وهو قيام الاستفتاء في موعده) يقول كرتي: الاستفتاء اشجع قرار اتخذ منذ الاستقلال.
وبعدين؟!
- يقول الخبر: دينكا نوك يلوحون باستفتاء منفرد وسلفا يطالب بالتريث..ويطلب من المسيرية والدينكا اعطاءه سانحة حتى 31 نوفمبر الجاري وصولاً الى حل ينهي معضلة ابيي (ماداير ادخل روحي في حليفة طلاق انو مولانا سلفا زاتو ما عارف يعمل شنو! حل مشكلة استفتاء ابيي عند الفكي ابوليمونة بس)
- كرتي الاشتر تاني: الحكومة سلمت مفوضية الاستفتاء 8.5 مليون دولار (لا احد يفوق المؤتمر الوطني في امور الايصالات المدفوعة، حيث ان المفوضية في الجنوب استلمت الاموال يا مدام كلينتون بعد دا شوفوها براكم)
- يقول الخبر: الخرطوم تشكك في صدقية الجزرة الامريكية (اها دا الذ خبر خاصة وانو مكتوب في أولو.."وكالات"، طبعن وهمة "وكالات" دي وهمة كبيرة في الجرايد، يعني خبر ممرر طيب الخرطوم منو البتشكك؟! علي كرتي طبعن (وش اخدر)، والخبر بصيغة تانية انو كرتي ما استلم الرد من القصر (القصر هو لقب علي عثمان) بشأن عرض مدام كلينتون حول رفع اسم السودان وهي عبارة تثير الرجفي (عبارة او كلمة رفع دي)..المهم!
- خبر: صلوات في الخامس من ديسمبر لاجل الاستفتاء: دعا التحالف الانجيلي العالمي والمجلس المسكوني للكنائس المؤمنين...الخ
- الجنوب يعجز عن احتواء الوافدين الجنوبيين من الشمال (تقريباً دا الخبر الوحيد والأهم في جملة الما أخبار)
- نص خطبة الامام الصادق المهدي..الخ
- شركة سابنتود التجارية افتتاح اكبر مجمع لقط ـ ـ ـ ـ الغيـ ـ ـ
|
Post: #19
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: Balla Musa
Date: 11-18-2010, 10:07 PM
Parent: #18
| Quote: - يقول الخبر: دينكا نوك يلوحون باستفتاء منفرد وسلفا يطالب بالتريث..ويطلب من المسيرية والدينكا اعطاءه سانحة حتى 31 نوفمبر الجاري وصولاً الى حل ينهي معضلة ابيي (ماداير ادخل روحي في حليفة طلاق انو مولانا سلفا زاتو ما عارف يعمل شنو! حل مشكلة استفتاء ابيي عند الفكي ابوليمونة بس) |
محمد يوسف
أهم حاجة فى الأخبار دى كلها الخبر المقتبس وخصوصا ماتحته خط..
هن شا الله يكون قال ليهم فى تمام الساعة 25 بتوقيت السودان!
|
Post: #20
Title: Re: بخصوص الإنفصال وحقوق الجنوبيين فى الشمال: ماهو رأيكم فى هذه الفكرة؟
Author: محمد يوسف الزين
Date: 11-18-2010, 10:29 PM
Parent: #19
لا يوجد يا زميل في تصريحات المسؤلين أي أهمية
تحياتنا..بوستيك جميل
|
|