Post: #1
Title: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 02:28 PM
Parent: #0
#
وهذه محمدة أذا أصبح البلد منفتح أسفيريا المهم في الامر لدي بعض الغرائب حدثت هذا الاسبوع اليكم واحدة منها
أتصلت في زميل بوردابي مخضرم علي الهاتف ولكنه فضل أن تكون المحادثة في الامر بالاسكايب وكان الموعد الساعةالعاشرة ليلا وأخوك مهوس كلام في تمام العاشرة والتسعة والعشرون أتصلت به
ياخي وينك ما داخل نت
كانت الاجابة الزميل سين ( والله يازهير زوجتي مفسبكاة خليك شوية أنت يعني ساعة كدا)
أنا منفعل جدا ( والله أنت وزوال مرض دا كلام شنو انا ما عندي علاقة بالبقرة حقتك دا كلامي معك أنت )
الزميل سين ( واالله أنت محنون زوجتي الان بستخدم في الكمبيوتر داخلا الفيس بوك فهمت ياخي بعد ساعة نتكلم في موضوعنا)
أنا معليش ياخي لكين انت ذاتو زوال فارغ و كلمة مفسبكاة دي جديدة وأنت والله راجل باطل مراتك مفسبكاة قدامك كدا وانت ما بتغير عليها أبدا والله انت وزوال مخستك تاني ما تجيني ولا عندي علاقة بيك قال مفسبكاة بالله البلد بقي فيها رجال )
الزميل سين ( أنت زوال حمار وما بتفهم عشان كدا الله ماح يديك مرة أصلو يأخي انت مالك ومال مراتي انت موضوعك معي مع السلامة ذاتو حاجة تجمعنا بيك بلاها )وقفل الخط
بالله أنا غلطان ياجماعة قلت كلام فارغ بس كيف ياخي الزوال دا يخلي المرة تفسبك قدام دا الموضوع
والله ما قصدت غير موضوع المرة تفسبك قدام زوجها حاجة جديدة مش كدا
يعني كان زوالي كان خلي الفسبكاة وتاب لربو هي كيف بعدين المرة دي ممكن تطلق لانها مفسبكاة
فتوي ياشيخ بدر الدين أسحق
|
Post: #2
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: محمد البشرى الخضر
Date: 11-17-2010, 02:37 PM
Parent: #1
| Quote: بالله أنا غلطان ياجماعة قلت كلام فارغ بس كيف ياخي الزوال دا يخلي المرة تفسبك قدام دا الموضوع |
أفو يا زهير انت حاشاك الغلط
غلطان الفيس بوك طبعاً
|
Post: #3
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 02:43 PM
Parent: #2
ود البشري
خليك زوال موضوعي انت أظنك من أنصار الحركات دي
قال مفسبكاة زوال ما عندو أي موضوع أزعل موت ياخي
|
Post: #4
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: omer osman
Date: 11-17-2010, 02:51 PM
Parent: #3
| Quote: أنا منفعل جدا ( والله أنت وزوال مرض دا كلام شنو انا ما عندي علاقة بالبقرة حقتك دا كلامي معك أنت ) |
| Quote: أنا معليش ياخي لكين انت ذاتو زوال فارغ و كلمة مفسبكاة دي جديدة وأنت والله راجل باطل مراتك مفسبكاة قدامك كدا وانت ما بتغير عليها أبدا والله انت وزوال مخستك تاني ما تجيني ولا عندي |
وما جاك بالدرب لحدي اسه !!!!!!!!
بالجد مشكلة والله ........
|
Post: #5
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 02:58 PM
Parent: #4
عمر يعني ممكن يكون فيها دم وكدا
لا أخوكم وأنتو عارفين ما بيكون صحي ألا في الشغل الصباح الزوال دي أشرحوا حقيقة الموقف وحالتي النفيسة والدنيا عيد كمان بالله الكبار يتداخل بسرعة
|
Post: #6
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: omer osman
Date: 11-17-2010, 03:03 PM
Parent: #5
Quote: عمر يعني ممكن يكون فيها دم وكدا
لا أخوكم وأنتو عارفين ما بيكون صحي ألا في الشغل الصباح الزوال دي أشرحوا حقيقة الوقف وحالتي النفيسة والدنيا عيد كمان بالله الكبار يتداخل بسرعة |
والله يازهير تخلي الواحد لايعرف يزعل والا يضحك ......
ياخ انت زول كارثة عديل كده ...
والزول ده بكون لقي ليك العذر وزي ماقلت الدنيا عيد ......
وبالمناسبة دي كل عام وانت بخير والسنة الجاية عريس ...
|
Post: #7
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 03:09 PM
Parent: #6
عيدك سعيد ياعمر
شكرا ليك يعني شرحتو لي وضعيتي خلاص ياسلام علي البورداب والله نعم الاخوان
ما في مشكلة كدا الواحد ممكن أجدع في البلد الليلة في كم عرس في أمدرمان
|
Post: #8
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: محمد البشرى الخضر
Date: 11-17-2010, 03:27 PM
Parent: #7
Quote: خليك زوال موضوعي انت أظنك من أنصار الحركات دي
قال مفسبكاة زوال ما عند أي موضوع أزعل موت ياخي |
موضوعي وحاتك يا غالي
انا من انصارك انت بس
|
Post: #9
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 04:07 PM
Parent: #8
ودالبشري
أنا فعلا لساني طويل بس عليك الله في زمنكم النسون كانوا السينما مابيدخلوها
حسي تعال شوف زمن العالم الاسفيري دا الله ياودالبشري
أخوك بالجد في دي كان عشوائي جدا
انت يا هندسة ما تقول النصحية
بكرة يارشاشة الله يستر عليكم المريخ في كامل جهزيتو
ثلاثة صفر اللهم أنصر المريخ علي جماعة السما الزرقة
|
Post: #10
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Ahmed Abdallah
Date: 11-17-2010, 04:27 PM
Parent: #9
التحية لود عوج الدرب سيف مساعد
|
Post: #11
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 08:19 PM
Parent: #10
الاستاذ أحمد عبدالله
عيدك سعيد
ود عوج الدرب سيف مساعد النويري كان هو بالله أبعدنا منو الدنيا عيد
|
Post: #12
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: osman righeem
Date: 11-17-2010, 08:22 PM
Parent: #10
زهير يا صديق
انت عارف انا زول اخوك الكبير و بكون عايز مصلحتك
عارف عادي بتكون المرة مفسبكه و مرات في تاب تاني
بتكون عاكسه ريح كمان..... غايتو ممكن نعمل دويتو
مع الزول العايز يقفل جامعة الاحفاد أو تاخذ خطوة
جريئة و تدويت مغ ذو الركبة
فيك حاجة لله كده ما قادر احددها لكنها حاجة حميدة
بعدين الموضوع ده سوف يضعف اسهمك في سوق البنات
و خاصة انت طالب عروس عن طريق العنكبوتية .. اصح للون يا زهير
|
Post: #13
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 09:01 PM
Parent: #12
ياستاذنا عثمان
مساء الخير تعرف مشكلتي بجيء الحوش نايم وبمرق منو نايم وناس ودالبشري الحاقدين كل واحد منهم في بلد ما عارف حجم المعاناة هنا المهم خلاص وأخير لي حوص السمك بتاعي هوية جميلة ونظيفة وكان البت القديمة رجعت في عرس وكان ما رجعت قاعد قنعت من خيران في حوش بكري الكلو جندريات دا
والله فعلا بعد مرات بكون أنسان حمارجدا بيدي بسوط سوطا كدا عجيبة لكين المؤمن مصاب ياصديقي بعضهم يقول شارب دواء وأخرين قالوا مجنون رسمي
دمت صديق أيها الشايقي الكريم
|
Post: #14
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: smart_ana2001
Date: 11-17-2010, 09:46 PM
| Quote: أنا منفعل جدا ( والله أنت وزوال مرض دا كلام شنو انا ما عندي علاقة بالبقرة حقتك دا كلامي معك أنت ) |
بالجد ? قلت لصحبك كده ? و لسه صحبك ?
يا صاحب البوست ...دى طريقة فى الكلام عن زوجات اصحابك???
عليكم الله لى واحد فيكم قاعد يتكلم كده يجى يورينا.....
و الله العظيم.....و الله العظيم......و الله العظيم (و ما طالبنى حليفة) الشفتو فى البورد ده ...فى حياتى كلها ما شفتو و لا حتى سمعت بيه.
|
Post: #15
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 10:35 PM
Parent: #14
أنت رجل مثالي جدا نحن في عالم أفتراضي ياصديقي أنظر حوالك
|
Post: #16
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: smart_ana2001
Date: 11-17-2010, 11:12 PM
Parent: #15
| Quote: أنت رجل مثالي جدا نحن في عالم أفتراضي ياصديقي أنظر حوالك |
انا (و الحمد لله) ما رجل
جديده على حكاية احترام الناس وعدم تشبيهم بالحيوانات بقت "مثالية"
نظرت حولى......ما شفت عدم احترام للناس ذى الى فى كلامك لصحبك عن زوجته
|
Post: #17
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-17-2010, 11:57 PM
Parent: #16
ياأخت أسمارت
أعلمي تمام العلم أن هذه المراة المبجلة لست بقرة وأنت كذلك وكل بنات جنسك من النساء ولكن قد أكون لا أحسن أستخدام اللغة العربية ومفرداتها جيدا لذلك لك العتبي حتي ترضي ويرضي كل الاناث في بقاع الارض مجد الرب مقامهن بالعطاء الانساني والانجاب
اني أأسف لما بدر مني وهذه السقطه البشعة التي لا تصدر الا من حمار وما أكثر الحمير وسط جنس الرجال
مبسوطة أسمارت هانم
بارك الله فيكي وعفنا وعفاكي
والسلام عليكم
|
Post: #18
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: smart_ana2001
Date: 11-18-2010, 01:17 AM
Parent: #17
Quote: مبسوطة أسمارت هانم
بارك الله فيكي وعفنا وعفاكي
والسلام عليكم |
قلبنا تريقه ???
الله يعين النساء الحولك
|
Post: #19
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Adil Hamza
Date: 11-18-2010, 03:34 AM
Parent: #18
Quote: التي لا تصدر الا من حمار وما أكثر الحمير وسط جنس الرجال
|
سلام يا زهير
شنو حكاية الحمير و البقر دى
ياخى خلى عندك شوية احترام للناس البتقرأ كلامك ده
عادل
|
Post: #20
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Amany Elamin
Date: 11-18-2010, 07:16 AM
Parent: #19
سمارت كل سنه وانتي طيبه,,
يعني ياحبيبه زعلتك كلمة (بقره)؟ طيب أنا الجمله دي حيرتني رسمي:
| Quote: أنت والله راجل باطل مراتك مفسبكاة قدامك كدا وانت ما بتغير عليها أبدا والله انت وزوال مخستك تاني ما تجيني ولا عندي علاقة بيك قال مفسبكاة بالله البلد بقي فيها رجال |
صدق القائل: اذا ساء فعل المرء ساءت ظنونه !!!!!!
الغريبه سيد البوست كتب الكلام ده,
ولما جوهو عشان يحددوها معاهو ساق العبط علي الشيطنه وقال أنا كنت نايم وما صاحي وماعارفه شنو !!
والأغرب انه الجماعه رخوهو عادي بعد داك !!
ياجماعه لو سمحتو ! أي زول ما واعي لكتابته هنا ما ياذينا بنوعية التخاريف دي,
لأنه نحن ماعندنا كشف طبي لحالة الكاتب النفسيه ولا العقليه وعليه أي كلمه بتتكتب هنا صاحبها مسئول عنها قدامنا مسئوليه كامله ,,
|
Post: #21
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: محمد عبدالرحمن محمد
Date: 11-18-2010, 07:56 AM
Parent: #20
| Quote: أي كلمه بتتكتب هنا صاحبها مسئول عنها قدامنا مسئوليه كامله |
شكراً أماني..
_______
يا أخ زهير؛
خليك من الفي صلب موضوعك دا كلو؛ وريني أنا [المطرطش] دا،
الفيس بوك أنا طواالي فيهو وأسرتي حريم ورجال وأصحابي وصاحباتي؛
دحين لو هو مكاناً مش ولا بد كدي نورنا فشان نختاهو وتاخد فينا حسنه!
وشكراً..
[المطرطش]
|
Post: #22
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: محمد البشرى الخضر
Date: 11-18-2010, 08:06 AM
Parent: #21
استغرب من الشباب الماخدين كلام ابو الزهور على محمل الجد و بتزرزر فيه
على احسن الفروض المحادثة المفترضة انتهت بقولة استناني بعد ساعة الباقي كلو متموم موية لو ما كانت كلها زي ايميلات العروسات و اخوات عزة و مقالات المغاربة
ابو الزهزر عايش في عالمه الخاص يا شباب ما تعصروا عليه ساي
|
Post: #23
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Amany Elamin
Date: 11-18-2010, 08:32 AM
Parent: #22
ياود البشري,,
Quote: استغرب من الشباب الماخدين كلام ابو الزهور على محمل الجد و بتزرزر فيه
على احسن الفروض المحادثة المفترضة انتهت بقولة استناني بعد ساعة الباقي كلو متموم موية لو ما كانت كلها زي ايميلات العروسات و اخوات عزة و مقالات المغاربة
ابو الزهزر عايش في عالمه الخاص يا شباب ما تعصروا عليه ساي |
أنا فاهمه كلامك تماما,,
لكن في حدود مفروض ما يتخطاها, اتخطاها ياخد علي راسه,
ماممكن سارح ومارح بقصصه القاطعها من راسه دي والناس بتعاين ليهو بعينها !!!!
|
Post: #24
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-18-2010, 09:36 AM
Parent: #23
أماني الامين
تحياتي
بالله أصدروا فرمان بأنو زهير ما يكتب تاني أنتو ماخدين ألدنيا بجدية شديد وأنا زوال بلعب اللي عايز يلعب معي أهلا بيهو واللي عندو تحفظ بالله ما يقرفني الدنياعيد
(منو ياخد علي راسه دا) والله أنت أظنك ما عارفة الادميرال أبو الزهراء لكين شكرا علي الاسلوب الراقي يا بت القبايل
ما أظن عندنا ميثاق شرف أخلاقي غير أنو اللي مايكتب هنا يكون ما بخدش الحياء ولا لفظ نابي و انا ملتزم بكدا
ولست نبيا ولا قديسا أماني لكي أنتهج الاكارم أمثالك وليس هنالك قوي في الارض تسطيع أن تقودني لغير قناعاتي
|
Post: #25
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: حمور زيادة
Date: 11-18-2010, 09:39 AM
Parent: #23
تصدق يا ابو الزهور فسبكة النساوين دي حاجةغريبة فعلا.
الفيس بوك ده مفروض يكون دخولو بالشنب.
ـــــــــــــ
اسمارت .. كراعك من الابنص .. ابو الزهور ده حبيبنا و متصور معانا .. يا ود البشرى ساعد اسمارت دي باللينكات.
اماني ياخ ما تفسدو بهجة المنبر. دعو زهير يكتب يا جندريات.
|
Post: #26
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-18-2010, 09:48 AM
Parent: #25
أخوي حمور
ا لعيد كيف معك أنشالله قضيت عيد مبهج كما أنا
بالله شفت الظلاميين ديل قالوا شنو ياخي تعرف مشكلتي في المنبر دا أنو حتي لو كتبت كلام كويس يقولوا دا جنون أبو الزهراء
المهم يافردة انا الان قاعد أعمل أحصاء عن وجود بنات حواء الادميات من السودان في الفيس بوك مستعين بمجموعة منهن
يا مركز أبحاث الجندر الغوث ......الغوث ......زهير لم يكفر أو يخرج عن الملة
لكنه صاحب لغة متواضعة وخطابه شماسي جدا
|
Post: #27
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: حمور زيادة
Date: 11-18-2010, 09:53 AM
Parent: #26
يا زهيرالحصاء البتعمل فيو ده مهم جدا
بس اتذكر انك لزم تقسمم لقوائم .. يعني السمحات براهن و الشينات براهن .. المتزوجات براهن و العلى قيد الحياة براهن .. و في خانة الوسط طبعا التي تشمل متزوجات على وشك الطلاق او الترمل او على قيد الحياة داخلات الضل استعدادا للانتقال الى قائمة المتزوجات .. و كده.
ربنا يوفقك يا زهير.
و ضروري تجي تعرض لينا نتايج البحث هنا. و باذن الله حيعمل ضجة اعلامية.
|
Post: #28
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Amany Elamin
Date: 11-18-2010, 10:02 AM
Parent: #25
| Quote: بالله أصدروا فرمان بأنو زهير ما يكتب تاني أنتو ماخدين ألدنيا بجدية شديد وأنا زوال بلعب اللي عايز يلعب معي أهلا بيهو واللي عندو تحفظ بالله ما يقرفني الدنياعيد |
ياسيد زهير,
يعني جايي تقدح في (الذكور) اللي (اناثهم) في الفيس بوك و(البلد مافيها رجال), وتقول ما تقرفوني؟ لله في خلقه شئون !!!!!
يعني يا نضحك ليك, يا إمّا نسكت؟
Quote: ما أظن عندنا ميثاق شرف أخلاقي غير أنو اللي مايكتب هنا يكون ما بخدش الحياء ولا لفظ نابي و انا ملتزم بكدا
ولست نبيا ولا قديسا أماني لكي أنتهج الاكارم أمثالك وليس هنالك قوي في الارض تسطيع أن تقودني لغير قناعاتي |
يا أخوي احترم الاَخرين وقناعاتهم, وماتتعدّي عليهم بالصوره الفجّه دي وتقول بلعب !!!!!!!
|
Post: #29
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-18-2010, 10:40 AM
Parent: #28
أماني
أنت الوحيدة اللي عاملة للموضوع توم وشمار عادي ألعب اللي بيزعل مني و من كلامي غلطان لانو في العالم الاسفيري دا نحن متخذينو منطقة حرة للتنفيس بعدين شنو قصة أحترام الاخرين والله الكل في الحياة الواقعية هم أهل للاحترام وكمان الاسفيرية منو قاليك أنا بحترم زوال وبالله أسألي عن زهير عثمان وقيمو الحيايتة عشان ما تعملي قضية من لاشيء
والمهم في الامر أنا ما مخد الدنيا جد والله لو بتعرفيني في الواقع المعاش رجل مهذب جدا بس مليت التهذيب وقصة أخلاقي ياخي خلي نفس
للفوضي الخلاقة المهم أماني أعتذر عن أي أذي لحق بك والاخرين وأنشالله ربنا يهدي الجميع
تمام كدا
|
Post: #30
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Amany Elamin
Date: 11-18-2010, 06:57 PM
Parent: #29
أخ زهير,,
شكرا علي ردك الهادئ وعلي الاعتذار,
بعتذر عن الحده ولو قريت مداخلتك الأولي مره تانيه بتلقي لي كل الأعذار,
لا شأن لي بشخصيتك في الواقع (لك كامل الاحترام), أنا أتحدث عن موضوع مطروح أمامي بأسلوب أو بصوره غير لائقه,,
وكانت مداخلتي في حدود التعليق عليهو,
معذره,, البورد أسود, والموت بقي كل يوم بيختار مننا,
لذلك وددت العوده لازالة أي سوء علق في نفسك من حدتي,,
|
Post: #31
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-18-2010, 07:57 PM
Parent: #30
أختي العزيزة أماني
لك كل التبجل سيدتي ولاغبار علي ما ذهبت اليه ولكن للناس طبائع وضعف أنساني قد يكون مقبول أو غير مقبول لا أعلم ولكن فسد الرأي والكتابة الفوضوية ليست من قويم السلوك ولكنها شطحات ممكن أن تكسر رتابة الحياة ومحاولة لتغيير مانعيش من ضنك ومعاناة ولكنهاأن تعدت المعقول تكون ممجوجة فلك كل الشكر علي التنبيه والقسوة القانونية وأعلم لا علاقة لك بماذا أكون في واقعي ولكن عليك أيضا بمعرفة أنا والزملاء لسناشرا خطير ولا أمان مستطاب و بينمها معقولية التعايش الانساني الذي ننشد وعسني أكون الانسان المعقول سيدتي
متعك ربي بالعقل والعافية ودمتي لي أختا أعتز بها
وفي حضرة الموت نصمت محزنون
رحمه الله الزميل سمندلاوي وأسكنه فسيح جناته أنه سميع مجيب
|
Post: #32
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Zomrawi Alweli
Date: 11-19-2010, 11:06 AM
Parent: #31
سلام وكل عيد وانت بخير يا زهير عثمان حمد
البوست جميل وفيه من روح المرح الكتير
حتى رد صاحبك بتاع الزوجة المفسبكة برضو جميل
ولولا متعة الحوار بينكما لما سردت بكل شفافية ورد عليك بنفس الشفافية
ومزيدا من الشفافية واعطوا لانفسكم هامش الحرية في الكتابة ومساحة للابداع
يا مبدعين
|
Post: #33
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-19-2010, 01:10 PM
Parent: #32
أخي زمراوي الولي
كل عام وانت بخير
شكرليك بس نحن قفلين اليوم وبكرة عشان العزاء أخوانا السمندولاي تعيش انت
المهم انت كداب كدا ليه في نوبي ولي قوم نوم ياخي (قال الولي )
تحياتي
|
Post: #34
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Zomrawi Alweli
Date: 11-19-2010, 05:03 PM
Parent: #33
| Quote: المهم انت كداب كدا ليه في نوبي ولي قوم نوم ياخي (قال الولي ) |
الناس زاغت منك انا الباقي ليك
لالالالالالالالالالالالالاكييييييييييييييين امانة ما رحت يوم بكرة
نشوفك اما بقيت بارك وقلت الروب
|
Post: #35
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-19-2010, 09:16 PM
Parent: #34
يابربري أسمع
لا روب ولبن قاعد منتظر المعركة الفاصلة
|
Post: #36
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: Zomrawi Alweli
Date: 11-20-2010, 00:20 AM
Parent: #35
Quote: يابربري أسمع
لا روب ولبن قاعد منتظر المعركة الفاصلة |
الزول دا روحو محرقاهو انمرق من طرفو
اصلو البخليك تتصل على الناس الفمسبكين شينو ظاطو
ناس وصوني ما اتهاوش معاك ... فتك بعافيك ... الله يشفيك
هوهوهو هاااو -- جررررررر
|
Post: #37
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-20-2010, 03:37 PM
Parent: #36
مسكين عيان ما تزعلوا منو
|
Post: #38
Title: Re: (أنتظر دقائق زوجتي مفسبكاة ) أو المفاسكيبات من علي الفيس بوك من الاناث بقيت مشكلة والله!
Author: زهير عثمان حمد
Date: 11-20-2010, 08:02 PM
Parent: #37
الاخوة البورداب الاعزاء البركة فيكم وفينا
لقد أنتهت غرفة الاحصاء الخاص ببنات السودان علي الفيس بوك وهو في اللمسات الاخير حسب القوائم المقترحة وسوف ينشر في بوست أخر قريبا
أنتم علي موعد معنا في جهد بحثي وحشد معلوماتي هاممممممممممم
تحياتي
|
|