راجي عبد العاطي لن يحرز هدفا في الهلال

غالبا اللاعب الجديد بالمريخ والجديد علي القمة

لا يحرز اهدافا

المريخ اهدافه في الهلال يحرزها لاعبين بالتخصص


منذ التاريخ القديم

حيث ظل ماجد علي ما اظن هو هداف المريخ في القمة

باحرازه 14 هدف

ويليه جاد الله 12 هدف

ثم الفاضل سانتو مرورا بعطا ابو القاسم


الي عهد الكوبرا زيكو وسانتو رفاعة

Quote: غالبا اللاعب الجديد بالمريخ والجديد علي القمة لا يحرز اهدافا

يا خلي.

بطل هضربة من هسع.

قلل من الشربوت شوية.

أنت نسيت جوبا مالك علي أنا ؟

هدف لاعب المريخ الجديد على القمة والجديد على المريخ المرحوم سامي عز الدين؟

كل سنة وأنت والاسرة طيبين يا خلي.

Quote: هدف لاعب المريخ الجديد على القمة والجديد على المريخ المرحوم سامي عز الدين؟ كل سنة وأنت والاسرة طيبين يا خلي.

جاييك يا دينق


كل سنة وانت طيب

نادرا ما احرز لاعب جديد علي القمة اهدافا

تحسب علي اصابع اليد

صحيح سامي احرز هدفا وعلي عبد الخالق احرز ولكنها قليلة

يعني المريخ اهدافه في الهلال

يحرزها متخصصين وليس اي لاعب

ان كانت هناك اهدافا

فهي من المتخصص طمبل او فيصل العجب

والملاحظة ايضا علي كليتشي فهو متخصص بالفطرة في الفريقين

احرز اهدافا هنا وهناك وكذلك طمبل

Quote: غالبا اللاعب الجديد بالمريخ والجديد علي القمة لا يحرز اهدافا

خلي يا هندسة

كل سنة وانت طيب أولاً وربنا يحقق امانيك
غايتو غالبا دي فيها برااااح للاستثناءات وكدا
وان شاء الله يكون راجي ضمن الما غالبا دي ويسجل
ويكسر القاعدة كما كسرها من قبل صلاح الامين وغيره

تحاياي

Quote: ويكسر القاعدة كما كسرها من قبل صلاح الامين وغيره

هلا صديقي بشاري

صلاح الامين او صلاح بمبان له الرحمة

متخصص في شباك الهلال منذ اهلي مدني

وشباك الهلال ليست غريبة عليه

الراحل ايداهور برغم العظمة زار شباك الهلال مرتين فقط

وعبدالحميد السعودي مرة واحدة فقط

والعملاق وارغو فشل في زيارة شباك الهلال واهدر كل الفرص الساهلة والمضمونة

امام مرمي الهلال

اما الهلال

كان التخصص لعلي قاقرين فقط

حيث احرز 19 هدفا في القمة والهدف العشرين لم يحتسب

والي عهد زاهر مركز بسبعة اهدافا

لم يميل الهلال كثيرا بالتخصص في شباك المريخ


عدد من اللاعبين الجدد احرزو اهدافا في شباك المريخ

علي سبيل المثال لا الحصر

خالد بخيت زار الشباك الحمراء ثلاثة مرات وهو نوع من التخصص

ولكن نذكر حسن عبدالحفيظ وصالح الضي وحنظلية وجمال سانتو

وعصام سليم والتاج محجوب وباكمبا واقجي وسولي شريف

حمد الجريف لاعب المريخ علي ما اظن احرز هدفين في شباك الهلال

ولكنه ترك هذا التخصص وكان تشجيع المريخ الشهير

حمد انت وولد انت

الريح كاريكا ما متذكر اهدافه في القمة

ولكن علي ما اظن انه له بعض التخصص في شباك المريخ

خليل كل عام وانت بخير

اه راجى حا يكسر القاعدة دى ويحرز هدف جميل

احفظ للتوثيق ..

تحياتى ..

خلي كل سنة و إنت طيب

=
لا راجي لا غيره لن يحرز هدف في الهلال
=
رغم فوزنا المتوقع إلا إن فرحتنا سوف تظل ناقصة !

راجى عبدالعاطى .. الولد الشقى يحرز أجمل الاهداف فى
شباك المعز .. رايك شنو ياصديقى ..

تاج السر

بالمناسبة

مدثر كاريكا كنت وما زلت اصفه بالمحلي له هدف يتيم في شباك المريخ

ولن تكون لاعبا عظيما ما لم تزور شباك المريخ عدة مرات

Quote: انطلقت بطولة الدوري الممتاز بالشكل الحالى لأول مرة في عام 1996م وكانت تحمل يومها اسم «الدوري العام» وبدأت مواجهات هلال مريخ في هذ المنافسة في ابريل من عام 96 حيث استضاف الهلال لقاء الدورة الاولي واستطاع ان يكسب المباراة بأربعة اهداف مقابل هدف واحد.. احرز اهداف الهلال جمال سانتو- انس النور- زاهر مركز- ابو شامة فيما سجل هدف المريخ الوحيد زيكو. في الدورة الثانية للدوري العام 96 انتصر الهلال علي المريخ بهدفين نظيفين واقيمت المباراة بملعب الاخير احرز هدفي الهلال سانتو والمرحوم والي الدين وهي لمباراة زيكو الشهيرة التي لم تكتمل بعد انسحاب المريخ احتجاجاً علي ركلة جزاء احتسبها الحكم سليمان حسين لصالح الهلال... وفي الدورة الاولي للممتاز عام 1997م التقي الفريقان باستاد الهلال وكسب الهلال المباراة بهدف نظيف حمل توقيع زاهر مركز. وشهدت الدورة الثانية تحقيق اول فوز مريخي علي الهلال منذ انطلاقة الممتاز حيث كسب المريخ المباراة التي اقيمت بملعبه بهدف نميري احمد سعيد. في الدورة الاولي للممتاز عام 1998 كسب الهلال المباراة التي اقيمت باستاد المريخ بهدف نظيف احرزه باكمبا. وكرر الهلال فوزه بملعبه في الدورة الثانية بهدف وحيد حمل توقيع صلاح الضي.. في عام 1999م التقي الفريقان مرة واحدة فقط في افتتاح المربع الذهبي حيث اقيمت البطولة بنظام المجموعتين واقيم اللقاء لأول مرة باستاد الخرطوم وكسب الهلال بهدفين للمعلم خالد بخيت مقابل هدف للمريخ احرزه حاتم محمد احمد.. في عام 2000م وفي الدورة الاولي تعادل الفريقان بدون اهداف في ملعب استاد الهلال وكان هذا أول تعادل بين فريقي القمة في بطولة الممتاز منذ عام 1996م في الدورة الثانية انتصر المريخ بهدفين نظيفين احرزهما عبد المجيد جعفر ومحمد موسي. في الدورة الاولي للممتاز عام 2001م كسب المريخ المباراة التي اقيمت بملعب الهلال بهدفين نظيفين نالهما فيصل العجب ونجم الدين ابو حشيش في الدورة الثانية تعادل الفريقان بدون اهداف في المباراة التي استضافها استاد المريخ.. في الدورة الاولي للممتاز عام 2002م تعادل الفريقان بدون اهداف واقيمت المباراة باستاد الهلال. في لقاء الدورة الثانية الذي استضافه استاد المريخ انتصر الهلال بهدف معتز كبير في الدورة الاولي عام 2003فاز الهلال على المريخ في عقر داره بهدفين دون مقابل احرز خالد بخيت الهدف الاول واضاف هيثم طمبل الهدف الثاني في الدورة الثانية تعادل الفريقان سلبيا في المباراة التي اقيمت باستاد الهلال.. في موسم 2004م وفي الدورة الاولي للممتاز كسب الهلال المباراة التي استضافها بملعبه بهدفين نظيفين احرزهما معتز كبير وروبيرو. وكرر الهلال فوزه في الدورة الثانية وقلب هزيمته بهدف السعودي الي فوز بهدفين لروبيرو وهيثم طمبل. في الموسم الماضي 2005م حقق الهلال فوزاً كاسحاً في الدورة الاولي بثلاثية نظيفة نالها صالح بهجة وهيثم مصطفي وهيثم طمبل. في الدورة الثانية تعادل الفريقان باستاد المريخ سلبيا. فى الدورة الأولى 2006 تعادل الفريقان 1/1 أحرز للمريخ جندى نميرى وعادل للهلال كليتشى... في الدوره الثانيه فاز الهلال علي المريخ 2/0 محرزي الاهداف ريتشارد و قودوين. في موسم 2007 الدوره الاولى تعادل الفريقان 1/1 محرزي الاهداف قودوين وموسى الزومه وفي الدوره الثانيه فاز الهلال علي المريخ 3/2 محرزي الاهداف من الهلال كرنقو وكلتشي ومهند ومن المريخ فيصل العجب وطمبل في موسم 2008 الدوره الاولى فاز المريخ على الهلال 1/0 احرز الهدف هيثم طمبل. وتعادلا ايابا بهدف لكل احرز للهلال سيف مساوي وللمريخ هيثم طمبل وفى موسم 2009 الدوره الاولي تعادل الفريقان 1/1 احرز للهلال هيثم مصطفى واحرز هدف المريخ كلتشى . وفاز المريخ ايابا 1-0 احرزه كلتشى التقي الفريقان في بطولة الممتاز 27 مرة كسب الهلال «13» مباراة وفاز المريخ في «5» مباريات وتعادل الفريقان 9 مباريات . احرز الهلال «30» هدفا في مرمي المريخ فيما احرز المريخ «16» هدفا في مرمي الهلال.

Quote: خليل كل عام وانت بخير اه راجى حا يكسر القاعدة دى ويحرز هدف جميل احفظ للتوثيق ..

خالد كل سنة وانت طيب

ممكن طبعا ولكن طمبل هو الاقرب لزيارة شباك الهلال

Quote: رغم فوزنا المتوقع إلا إن فرحتنا سوف تظل ناقصة !

عبد المجيد

الدوري المحلي بدون بطولات خارجية اشبه باكل المستشفي

Quote: راجى عبدالعاطى .. الولد الشقى يحرز أجمل الاهداف فى شباك المعز .. رايك شنو ياصديقى ..

تاج السر كل سنة وانت طيب

انا ارشح طمبل او العجب او قلق

الجماعة الذين تعودو علي زيارة شباك الهلال

راجي عبد العاطي تسهل قبضته

بالمناسبة فيصل العجب احرز هدفين في مرمي الهلال

في الممتاز

مش معقول

هدف طمبل الشهير في شباك المعز

هدف كاريكا اليتيم في شباك المريخ

عيد سعيد يا خلي وكل عام وانتم جميعا بخير
طبعا أكيد ما قاصد الكلام دا :

Quote: المريخ اهدافه في الهلال يحرزها لاعبين بالتخصص منذ التاريخ القديم

الحقيقة أن عدد كبير من لاعبي المريخ غير المتخصصين زاروا
شباك أبو الهل وفق التاريخ الجديد أمثال محمد موسي ونجم الدين أبوحشيش
وعثمان زكي وعبد الحميد السعودي وكل هولاء غير متخصصين في الشباك الزرقاء
كما أن هناك لاعبين سجلوا في التاريخ الأقدم ولا يعتبروا متخصصين في شباك
الهلال لان اللاعب المتخصص في التسجيل بشباك القمة يجب ان تتعدي أهدافه
الثلاثة أو الأربعة على الأقل ولا أعتقد ان أمثال المرحوم سامي عزالدين
وعمار خالد وعطا أبو القاسم ودحدوح وسانتو رفاعة وحمد الجريف وعثمان زكي
وابو حشيش متخصصين في شباك الهلال وإلا لاعتبرناكل لاعبي المريخ متخصصين في
الشباك الزرقاء بيد أن كل واحد من هولاء سجل هدفين .
وبناء عليه يعتبر فيصل العجب من الجيل الحالي هو الوحيد المتخصص في
شباك الهلال بتسجيله أربعة أهداف .

Quote: عيد سعيد يا خلي وكل عام وانتم جميعا بخير طبعا أكيد ما قاصد الكلام دا :

سلام يا طلحة وعيدك مبارك

قاصدو تماما

المريخ يحرز اهداف بالتخصص في الهلال علي عكس الهلال

اي وافد ممكن يحرز اهدافا في الهلال


هيثم طمبل هو هداف الجيل الحالي في القمتين

تلاتة اهداف في المريخ وتلاتة اهداف في الهلال

فيصل العجب رصيده هدفان فقط في الممتاز وهدف في كاس السودان وهدف في الانقاذ علي ما اظن

Quote: وعمار خالد وعطا أبو القاسم ودحدوح وسانتو رفاعة وحمد الجريف وعثمان زكي

اي مهاجم جربه الهلال بنسبة تسعة وتسعين في المائة احرز اهدافا في المريخ


والعكس تماما في المريخ يعتمد علي التخصص

لاحظ اهداف المريخ 16 في الممتاز للمقارنة مثلا

طمبل تلاتة والعجب اتنين وكليتشي اتنين والبقية موزعة

يا خليل أخوي جبت ليك أسماء للاعبين غير متخصصين سجلوا اهدافا
في الهلال وبرضو مصر تغالط الحقائق ؟

Quote: الدوري المحلي بدون بطولات خارجية اشبه باكل المستشفي

لذلك الهلال مريض وطريح المستشفى لـ 80 عاماً .... هههها
خليل كل سنة وانت واسرتك بالف خير ....

بعدين يا خلي انت ذكرت تخصص كليتشي في القمتيت على فكرة كليتشي احرز في المريخ هدفين فقط واحدهما ضربة جزاء والتاني هدية بهاء الدين الشهيرة
يعني ابو الكلاتيش لعب في الهلال 3 سنوات جاب قونين بس ولعب ضد الهلال 3 مباريات في شهرين جاب قونين وزادها بعد ذلك .


ياسر الديبة الحا يجيب القون اها رايك شنو!!!!

Quote: يا خليل أخوي جبت ليك أسماء للاعبين غير متخصصين سجلوا اهدافا في الهلال وبرضو مصر تغالط الحقائق ؟

هولاء يا طلحة مفروض يكونو متخصصين

السعودي راس حربة يجب ان يحرز اهدافا

عثمان زكي جاء للمريخ من الحصاحيصا هدافا

اهدافهم شحيحة

في الهلال اي مهاجم لعب احرز اهدافا في شباك المريخ

اهداف المريخ في الهلال بكثرة ظلت حكرا علي لاعبين معينين

Quote: هولاء يا طلحة مفروض يكونو متخصصين

المفروض شىء والواقع شىء آخر يا خلي اخوي
انت قلت أنو راجي لن يسجل في الهلال لأنه غير متخصص في شباكه
وإفترضت أن أي لاعب غير متخصص في شباك الهلال لن يحرز هدفا
في مباراة الفريقين المقبلة ، لكن الواقع يقول عكس ما قلت تماما .

Quote: فيصل العجب رصيده هدفان فقط في الممتاز وهدف في كاس السودان وهدف في الانقاذ علي ما اظن

يا خليل يا بلد
إذا كنت بتتكلم عن هداف مباريات الهلال والمريخ فالهداف هو العجب برصيد أربعة
اهداف .

Quote: بعدين يا خلي انت ذكرت تخصص كليتشي في القمتيت على فكرة كليتشي احرز في المريخ هدفين فقط واحدهما ضربة جزاء والتاني هدية بهاء الدين الشهيرة

امير يا برنس

عيدك سعيد


كليتشي مجموع اهداف في القمتين خمسة اهداف


نسيت اهداف سد مروي ول شنو

ياسر الديبة ما اظن يشارك وهلال مريخ لا تحتاج المغامرة

Quote: يا خليل يا بلد إذا كنت بتتكلم عن هداف مباريات الهلال والمريخ فالهداف هو العجب برصيد أربعة اهداف .

صحيح يا طلحة

وانا لم استبعد ان يحرز العجب مع طمبل هدفا في مباراة الخميس

هم متخصصون وخبراء علي عكس راجي

انا بنيت الافتراض علي تاريخ المريخ مع الهلال

والله اعلم

ممكن طارق مختار يجيب قون

اصلو هلال مريخ تفتح باب الارزاق

Quote: انت قلت أنو راجي لن يسجل في الهلال لأنه غير متخصص في شباكه وإفترضت أن أي لاعب غير متخصص في شباك الهلال لن يحرز هدفا

لا يا طلحة

اقرا الكلام كويس

انا قلت غالبا اللاعب الوافد في المريخ لا يحرز اهدافا في مباراة القمة


القاعدة في المريخ التخصص التخصص

كل عام وانت بالف خير يا خلي

Quote: كل عام وانت بالف خير يا خلي

شيقوق العريس السيرتو بالخميس

عيدك مبارك ياخ

Quote: والله اعلم ممكن طارق مختار يجيب قون اصلو هلال مريخ تفتح باب الارزاق

عليك نور يا خلي ..

Quote: لا يا طلحة اقرا الكلام كويس

قريتو كويس ولقيتو ياهو كدا زي ما كتبتو :

Quote: راجي عبد العاطي لن يحرز هدفا في الهلال

الظاهر المشكلة في لن الفوق دي يا خلي

هلا يا ابو خليل وجوقة المريخاب الغالاطين غلاط قبورة...
لاعب المريخ البجيب قون في الهلال تاريخيا كان بكون لاعب كازريمي وعارف سكة شبكة الهلال وين وزارها عدة مرات علر اهداف المريخ الفي الهلال التي في الغالب هي اقوان استروبيا لوووووووول...
يعجبني زيكو ثم دحدوح وكان الدحيش من يصرعني بتلك الاقون الاستروبيا...

وراجي ده منو يا ابو خليل...؟؟
فيهو ريحة بتاعة كازريما لامافي..؟؟
لو مافي ريحة كارزيما تخيل لي قووون في استروبيا في الهلال حيشمو كشنة
وعليه ان ينتظر طويلا كما انتظر فيصل العجب عقدين من الزمان ونيف


وعيد سعيد وكل سنة وكل الاخوة الرياضيين هلالاب ومريخاب ومورداب وغيره بالف خير وبركة

Quote: الظاهر المشكلة في لن الفوق دي يا خلي

يا طلوح


لن افتراضية طبعا

بحكم التاريخ فقط المريخ غالبا يميل للتخصص

Quote: وراجي ده منو يا ابو خليل...؟؟ فيهو ريحة بتاعة كازريما لامافي..؟؟ لو مافي ريحة كارزيما تخيل لي قووون في استروبيا في الهلال حيشمو كشنة وعليه ان ينتظر طويلا كما انتظر فيصل العجب عقدين من الزمان ونيف

صحيح يا كيكي

انظر للرجل الخارق عبد المجيد جعفر كان هداف دوري الثانية في فريق الصحافة

وهداف الخرطوم تلاتة وهداف الموردة احرز ستة اهداف في المريخ وخمسة اهداف في الهلال

ايام كان لاعب في الموردة وهداف الممتاز لعدة سنوات

عندما لعب مع المريخ رصيده هدفا واحد في القمة

العزيز/ خليل

كل عام وانتم بخير..


قلل من الشربوت ياخي وان شاء الله حمى الصفاقسي عدت بسلام..!!

بكرة شئ جديد وترقب حدث فريد..
تأتي الأهداف من أقدام جديدة..

كل عام وانتم بخير يا كيكي
قلت لي :

Quote: لاعب المريخ البجيب قون في الهلال تاريخيا كان بكون لاعب كازريمي

كان كدا كل واحد من الأسماء الفوق دي لاعب كارزيمي
وقياسا عليه فميزة المريخ هي ان كل لاعب فيه يمكن ان يسجل
هدفا في الهلال ..
اها بكرة الجماعة ديل يمسكوا منو يفكوا منو ؟

تأرخ سااااي يا خلي
و زي ما يجي يجي!

أولا: الأمير صديق منزول هو هداف هلال/مريخ الأول




تانيا: متوكل عبد السلام (كشة) عنده مسمارين في المريخ في مباراة واحدة
و هو جديد لنج!




ثالثا: الفاضل سانتو أحرز أهداف في الهلال أكتر من ما فعل جاد الله

رابعا: داك إسمه (علي عبد القادر) و ليس (علي عبد الخالق), و الآخر (حسين)
عبد الحفيظ و ليس (حسن) عبد الحفيظ!

خامسا: وين أهداف عز الدين الدحيش, بتذكر منها تلاتة في مرمى المريخ في
مباراة واحدة و نحن في الإبتدائي و الرابع جابو قاقرين, المباراة انتهت 4/2
دا غير (الدهب) و خلافه!

سادسا: بل راسك يوم الخميس: اليسويه الصفاقسي في الهلال تلقوه في شباكم!

كل سنة و انت طيب.

Quote: أولا: الأمير صديق منزول هو هداف هلال/مريخ الأول

هلا المعز ادريس

هداف القمة هو علي قاقرين بي 19 هدف

وليس منزول


تانيا: متوكل عبد السلام (كشة) عنده مسمارين في المريخ في مباراة واحدة
و هو جديد لنج!


وهو يثبت كلامي
رابعا: داك إسمه (علي عبد القادر) و ليس (علي عبد الخالق), و الآخر (حسين)
عبد الحفيظ و ليس (حسن) عبد الحفيظ!

اطلق عليه الصحفيين لقب علي عبدالخالق رازق لانه احرز هذا الهدف


حسين عبد الحفيظ الطبق الطاير نعم غلطة مطبعية

ثالثا: الفاضل سانتو أحرز أهداف في الهلال أكتر من ما فعل جاد الله


جاد الله اهدافو اكثر من الفاضل سانتو

راجع مصادرك

Quote: لمريخ يكسب 65مباراه مقابل 62مباراه للهلال من الفوز المباشر و65 تعادل قاقرين ملكا للهدافين وجاد الله الوحيد الذى احرز الهاتريك مرتين تفوق طفيف للمريخ فى المحصلة الكاملة خلال الفترة من مطلع عقد الستينات وحتى اليوم لعب فريقا القمة 192 مباراة داخل المعلب وهناك 11 مبارات معلنة لم تلعب بسبب الانسحابات وفى كل الاحوال اعتبر المنسحب او المتخلف عن المرارة مهزوماً ليكون عدد المباريات الكلي 203 مباراة . المريخ حقق تفوقاً طفيفاً على الهلال فى المحصل العامة كالاتى : v كسب المريخ 65 مباراة بالفوز المباشر بينما كسب الهلال 62 مباراة بالفوز المباشر v انتهت 65 مباراة بالتعادل من المباريات التعادلية كسب الهلال 3 مباريات بالركلات الترجيحية والمريخ مره واحده بالترجيحيه واخرى بالقرعه واذا اعتبرنا كسب الركلات الترجيحية فوزاً داخل الملعب يصبح للمريخ 63 فوزاً مقابل 60 فوز للهلال . انسحب الهلال من 8 مباريات معلنة واذا اضفنا لها رفه اللعب امام المريخ فى دور الاربعة لدجورة سيكافا التى اقيمت فى الخرطوم عام 1994م ترتفع انسحابات الهلال الى 9 انسحابات مقابل انسحاب واحد للمريخ يرتفع الى انسحابين اذا اضفنا له قرار انسحاب واحد للمريخ يرتفع الى انسحابين اذا اضفنا له قرار اتحاد الكرة باعتبار المريخ منسحباً من مباراته امام الهلال على كاس السودان عام 2002م ونشير بالانسحاب المذكورة تتعلق بمباريات رسمية ولا تدخل ضمنها الاعذارات وعن المشاركة فى مباريات حبية او دورات غير رسمية . اذا اعتبرنا الانسحابات هزيمة للفريق المنسحب واضفنا للمحصلة العامة (الفوز داخل الملعب + الفوز بالترجيحية) يصبح للمريخ 77 انتصار مقابل 67 انتصار للهلال . خلال 50 عاماً أحرز المريخ 173 هدفاً فى شباك الهلال مقابل 169 هدفاً فى مرمي المريخ . على قاقرين ملكاً لهدافي القمة يعتبر مهاجم الهلال السابق والسفير الحالي هو اكثر اللاعبين الذي احرزوا اهدافاً فى لقاءات القمة حيث بلغ رصيده عدد 18 هدفاً بدأها فى عقد الستينيات واكملها فى عقد السبعينات كما نال قاقرين لقب هداف عقد السبعينات وجاء بعده مهاجم المريخ ماجد الذى سجل كل اهدافه خلال عقد الستينات وبلغت 14 هدفاً ثم جناح المريخ الفرفارة جاد الله واحرز 12 هدفاً فى لقاءات القمة ثم جكسا واحرز 11 هدفاً وياتي بعدهم كل من كمال عبد الوهاب (المريخ) وعز الدين الدحيش (الهلال) واحرز كل منهما 9 اهداف . يجدر بالذكر ان البعض يرصد 19 هدفاًُ للهداف على قاقرين فى لقاءات القمة الا ان مؤرخ الهلال عبد الغفار عبد الرازق ذكر ان الهدف رقم 19 احرزه على قاقرين فى مبارة استعراضية جريت بين قدمي لاعبي الهلال والمريخ ولا تعتبر مباراة رسمية لانها جرت بين لاعبين غير مقيدين رسميا. ويقول البعض هناك مباريات للقمة كسبها المريخ مثل مباراة فاز فيها المريخ بهدف لنجمه محمد التيجاني محمد احمد واخري كسبها بهدف لعاطف القوز ويقول الاخ عبد الغفار مباراة التيجاني غير رسمية ولا حبية كاملة حيث كانت استعراضية لعبت لنصف ساعة فقط واحتسب فيها زمن اضافي على دفعتين . وبالنسبة للمباراة التى سجل فيها عاطف القوز هدف الفوز للمريخ هى الاصل مباراة سداسي اقيمت على شرف اعياد رئاسة الجمهورية عام 1983م ولا تعتبر مباراة فعلية . ننوه ايضا بان على قاقرين ليس هو صاحب اكبر عدد من الاهداف فى لقاءات القمة منذ ميلاد العملاقين فخلال الفترة التى سبقت عقد الستينات يوجد مهاجمون سجلوا اعداد قياسية من الاهداف فى لقاءات القمة مثل صديق منزول (الهلال) الذى يقال ان اهدافه فى القمة فاقت الثلاثين هدفاً وهناك ايضاً ثعلب المريخ طلب مدني الشهير بدبوية الذى سجل قرابة الثلاثين هدفاً فى لقاءات القمة. جاد الله يتفوق فى الهاتريك جناح المريخ الشهير فى عقد الستينات والسبعينات جاد الله خير السيد الملقب (بكاروشه) يعتبر احد اميز هدافي القمة خلال الـ 45 عاماً الاخيرة وله رصيده بلغ 12 هدفاً كما تفوق جاد الله على كل هدافي القمة خلال هذه الفترة باحرازه لعدد اثنين (هاتريك) جاءا فى مرمي الحارس العملاق سبت دودو .. الهاتريك الاول احرزها كلها جاد وجاء الهاتريك الثاني لجاد الله عام 1969م فى المباراة التى كسبها المريخ 4/1 . هداف المريخ ماجد نال الهاتريك مرة واحدة فى شباك الهلال عندما فاز المريخ 3/2 عام 1964م وايضاً نال نجم الهلال عز الدين الدحيش الهاتريك فى مرمي المريخ فى المباراة الحبية التى كسبها الهلال 4/2 وهى اخر مباراة سجل فيها الهاتريك . لقاء القمة خلال عقد الستينات رقم الفائز النتيجة الاهداف ملحوظة 1. المريخ 2/صفر سري – ابراهيم جلك كاس الدوق هرر 2. الهلال 1/صفر ود الحوري حبية 3. تعادل 3/3 سري – عبد الرحيم الشيخ – حسن العبد / منزول 2دريسة دورى الخرطوم1 4. الهلال 3/1 حسن عطية 2 دريسة /ابراهيم جلك دورى الخرطوم2 5. المريخ 2/1 ابراهيم جلكعبد الرحيم الشيخ / عبد الكريم الدويم كاس البلدية 6. تعادل صفر/صفر - كاس جمال عبد الناصر 7. الهلال 1/صفر د الاشول كاس الدوق هرر 8. الهلال 3/2 دريسة – حسن عطية – كوارتي /برعي2 دورى الخرطوم1 9. تعادل 1/1 عبد الرحيم الشيخ/ديم الصغير دورى الخرطوم2 10. تعادل 1/1 برعي /ممي شاه حبية 11. تعادل صفر/صفر - كاس البلدية 12. المريخ 1/صفر ابراهيم جلك دوري السودان 13. المريخ 3/1 ماجد2-برعي/حبشي كاس اضاءة استاد الخرطوم 14. المريخ 1/صفر خوجلي كاس افتتاح افتتاح استاد الموردة 15. المريخ 2/صفر ماجد2 كاس الدوق هرر 16. المريخ 1/صفر ماجد – برعي/حمد النيل دورى الخرطوم1 17. المريخ 2/1 ماجد2- زيدان دورى الخرطوم2 18. المريخ 3/صفر ماجد2 كاس البلدية 19. المريخ 2/صفر ماجد2 كاس رمضان 20. تعادل صفر/صفر - دورى الخرطوم1 21. الهلال 1/صفر جكسا دورى الخرطوم2 22. الهلال 3/صفر جكسا – شاويش – صديق محمد احمد دوري الخرطوم 1 23. الهلال 2/صفر عيسي دهب- صديق محمد احمد كاس الدوق هرر (امتلكه الهلال) 24. الهلال 3/صفر جكسا 2- شاويش دوري الخرطوم 2 25. تعادل صفر/صفر كاس البلدية 26. المريخ 2/1 وزة – مصطفي /جكسا اعادة كاس البلدية 27. المريخ 3/2 ماجد3/جكسا-صديق كاس الاتحاد 28. - - - كاس اكتوبر اعادة 29. تعادل 2/2 ماجد – اسامة اغا / جكسا- عبد المحمود دوري السودان 30. الهلال 3/1 شاويش 2-صديق/دقنو دوري الخرطوم 2 31. الهلال 3/2 السر الجمل2-شاويش/كممال بني-مصطفي كاس الملك فيصل 32. الهلال 1/صفر صديق محمد احمد دوري الخرطوم1 33. المريخ 1/صفر شبر دوري الخرطوم 1 34. المريخ 3/صفر جاد الله دوري الخرطوم 2 35. - - - انسحب الهلال (دوري الخرطوم2) 36. الهلال 1/صفر جكسا دورة كاس البلدية 37. الهلال 3/1 السر الجمل 2-كوارتي/ شبر دوري السودان 38. المريخ 2/صفر مصطفي - جقدول دوريالخرطوم1 39. - - - انسحب المريخ دوري الخرطوم 2 40. الهلال 1/صفر جكسا كاس استانلي رواس 41. المريخ 2/1 بشارة- اسماعيل بخيت/عبد المحمود دوري الخرطوم 1 42. الهلال 2/1 قاقرين- عبد المحمود/ اسماعيل بخيت دوري الخرطوم 2 43. - - - انسحب الهلال (دوري السودان) 44. المريخ 2/صفر جاد الله2 على شرف ديوري هاماني 45. الهلال 1/صفر جكسا كاس البلدية 46. تعادل 2/2 جكسا – على قاقرين/ بشارة – اسماعيل كاس رئيس بلغاريا تريكوف كسبه الهلال بالقرعة 47. المريخ 4/2 جادالله3-كاوندا/ الدحيش 2 دوري الخرطوم 1 48. تعادل 1/1 بني – قاقرين دوري الخرطوم 2 49. تعادل صفر/صفر - نهائي كاس الاتحاد (كسبه الهلال بالفرصتين) 50. تعادل 1/1 باشرة / عبده مصطفي كاس الصداقة 51. المريخ 2/صفر صلاح عباس- محسن عطا كاس الصداقة عقد ماجد اطلقنا على (عقد الستينات) اسم (عقد ماجد) وهو مهاجم المريخ المرعب عبد الماجد عثمان الشهير بـ (ابو جنزير) لأنه اكثر لاعب فى تاريخ القمة احرز اهدافاً فى لقاءات القمة خلال تلك الحفبة والتى كانت خلاصتها كالاتى : v كسب المريخ 19 مباراة v كسب الهلال 16 مباراة v تعادل الفريقان 12 مرة v انسحب الهلال من 3 مباريات معلنة v انسحب المريخ من مبارة واحدة v سجل المريخ 59 هدفاً v سجل الهلال 52 هدفاً v هداف اعقد الستينات ماجد (المريخ) وسجل 14 هدفاً ويليه مهاجم الهلال جكسا وسجل 10 اهداف خلال عقد الستينات لقاءات القمة خلال عقد السبعينات رقم الفائز النتيجة الاهداف ملحوظات 52. تعادل 1/1 ابراهومة الحماداب/قاقرين تكريم الفريق القومي 53. المريخ 2/صفر كمال عبد الوهاب- بشارة دوري السودان 54. الهلال 1/صفر قاقرين دوري الخرطوم1 55. المريخ 2/1 كمال- بشارة/ قاقارين دوري الخرطوم2 56. تعادل صفر/صفر - دوري السودان 57. المريخ 1/صفر بشارة دوري السودان 58. الهلال 2/صفر محمد حسين كسلا2 ودية 59. المريخ 1/صفر كمال عبد الوهاب كاس الوحدة الوطنية 60. المريخ 1/صفر حموري الكبير دوري الخرطوم1 61. المريخ 2/صفر الفاضل سانتو-كاوندا دوري الخرطوم2 62. الهلال 2/صفر كسلا – فتاح دوري الخرطوم1 63. تعادل 3/3 سانتو-جادالله-طلب مدافع ىالهلال/قاقرين2-شواطين دوري الخرطوم2 64. الهلال 4/2 الدحيش3-قاقرين/كمال عبد الوهاب2 ودية 65. الهلال 2/صفر شيخ ادريس-بركات-الدحيش دوري السودان 66. تعادل صفر/صفر - دوري الخرطوم1 67. المريخ 1/صفر سليمان عبد القادر دوري الخرطوم2 68. تعادل صفر/صفر - ودية 69. الهلال 3/صفر قاقرين-جكسا دوري الخرطوم1 70. تعادل صفر/صفر - دوري الخرطوم2 71. المريخ 3/صفر كمال-جادالله-كاوندا كاس الاتحاد 72. المريخ 3/2 سانتو-جادالله-كاوندا/قاقرين2 73. الهلال 2/صفر الدحيش2 على شرف عودة الاندية 74. المريخ 2/صفر كمال-بشارة دوري كاس العودة 75. المريخ 2/1 جادالله – صلاح عباس/قاقرين اعياد مايو 76. تعادل 2/2 حمورلاي الصغير /حسن وداعةمدافع المريخ-قاقرين دوري الخرطوم1 77. المريخ 2/1 حموري الصغير- سانتو الخرطوم/عثمان الجلال الكاس الذهبي 78. المريخ 3/1 كمال- الفاضل سانتو2/قاقرين على شرف الثورة الصحية 79. تعادل 1/1 الفاضل سانتو/قاقرين الكاس الذهبي 80. الهلال 2/1 الدحيش-قاقرين/ الفاضل سانتو دوري الخرطوم 2 81. الهلال 1/صفر قاقرين على شرف نائب رئيس العراق 82. تعادل 1/1 زيكو كوستي/ الريشة دوري السودان 83. الهلال 2/1 التاج محجوب2/مازدا على شرف عودة الاندية 84. المريخ 1/صفر حموري الصغير دوري كاس العودة 85. المريخ 1/صفر سامي عز الدين اعياد مايو 86. - 1/صفر متوكل عبد السلام دوري الخرطوم(واحدة) 87. - - - انسحب الهلال – دوري السودان 88. الهلال 1/صفر عصام سليم دوري الخرطوم1

Quote: كان كدا كل واحد من الأسماء الفوق دي لاعب كارزيمي وقياسا عليه فميزة المريخ هي ان كل لاعب فيه يمكن ان يسجل هدفا في الهلال ..

واي لايك يا طلحة وعلي طريقة الفيس بوك الشهيرة..
يا زول سكة مرمي الهلال في كور هلال مريخ دي ما كل لاعب في المريخ بعرفها
واللاعب الكارزيمي القاصدو انا يا طلحة هو اللاعب العارف شغلو كويس مهاريا وفنيا وثبات في تراب الميدان ده..
ياخي انتو تاريخيا جبتو مهاجمين وطيلة هلال مريخ تلقي المهاجم بتراجف زي صحن الكاسترد
قوون في الهلال-مريخ ده ما شغل بجي بالهين كده من لعيبتك الثبيت الكورة عندهم بالتلتلة ده لوووووول
----------

عيد سعيد يا طلحة وكل سنة وانت الاهل بالف خير وبركة

Quote: يا زول سكة مرمي الهلال في كور هلال مريخ دي ما كل لاعب في المريخ بعرفها

يا كيكي حسب الأسماء المذكورة فوق دي فكل لاعبي المريخ
تقريبا يعرفون طريقهم لشباك الهلال .

المعز إدريس سلامات ولك عام وانت وجميع الاحباء طرفك بخير وصحة
وأعتقد انو قاقارين هو هداف لقاءات الفريقين طوال أربعة عقود
ونصف من الزمان حيث سجل 18 هدفا في فترة الستينات والسبعينات
وياتي بعده ماجد صاحب المتواليات الثمانية (14هدف) والجناح الخطير جاد
الله خير السيد (12هدف ) وجكسا (11هدف) ، والدكتور كمال عبد الوهاب
وعز الدين الدحيش وسجل كل منهما (9أهداف ) .
والله أعلم .

Quote: قلل من الشربوت ياخي وان شاء الله حمى الصفاقسي عدت بسلام..!! بكرة شئ جديد وترقب حدث فريد.. تأتي الأهداف من أقدام جديدة..

عزيز علينا

عيدك مبارك

انشاء الله الاتنين يتغلبو

Quote: المعز إدريس سلامات ولك عام وانت وجميع الاحباء طرفك بخير وصحة وأعتقد انو قاقارين هو هداف لقاءات الفريقين طوال أربعة عقود ونصف من الزمان حيث سجل 18 هدفا في فترة الستينات والسبعينات وياتي بعده ماجد صاحب المتواليات الثمانية (14هدف) والجناح الخطير جاد الله خير السيد (12هدف ) وجكسا (11هدف) ، والدكتور كمال عبد الوهاب وعز الدين الدحيش وسجل كل منهما (9أهداف ) . والله أعلم .

شكرا يا طلحة

لقيتك مذاكر كويس


كلامك تطابق مع الاقتباس بتاعي

Quote: كليتشي مجموع اهداف في القمتين خمسة اهداف نسيت اهداف سد مروي ول شنو

لا ما نسيت يا خليل عشان كده قلت ليك زاد ا الهدفين بعد كدا بس انا حبيت اطابق 3 سنوات مع 3 مباريات

Quote: ياسر الديبة ما اظن يشارك وهلال مريخ لا تحتاج المغامرة

حا يلعب اخر 10 دقائق وحا يحرز هدف الفوز (المباراة حا تكون تعادل لحين دخوله باي نتيجة كانت) وتكون انطلاقة هذا الفتى ..

Quote: حا يلعب اخر 10 دقائق وحا يحرز هدف الفوز (المباراة حا تكون تعادل لحين دخوله باي نتيجة كانت) وتكون انطلاقة هذا الفتى ..

يا برنس

دوري الابطال هذا العام سيكون نار علي نار

انصح الفريقين بتقوية دروسهما

عشان ما يعشمونا ساكت وبعدين يجو يسمخو علينا

العيد زي السنة دي

Quote: لقيتك مذاكر كويس كلامك تطابق مع الاقتباس بتاعي

بس يا خليل إنتا قلت أنو قاقارين أحرز 19 والصحيح انو احرز 18 بس ..

Quote: يجدر بالذكر ان البعض يرصد 19 هدفاًُ للهداف على قاقرين فى لقاءات القمة الا ان مؤرخ الهلال عبد الغفار عبد الرازق ذكر ان الهدف رقم 19 احرزه على قاقرين فى مبارة استعراضية جريت بين قدمي لاعبي الهلال والمريخ ولا تعتبر مباراة رسمية لانها جرت بين لاعبين غير مقيدين رسميا.

طيب يا طلحة

في حلقة في برنامج صحة وعافية استضاف المريخي عمر محمود خالد

قاقرين مع بعض الاطباء

ودكتور عمر قال انو قاقرين احرز 19 والعشرين لم يحتسب

Quote: يا برنس دوري الابطال هذا العام سيكون نار علي نار انصح الفريقين بتقوية دروسهما عشان ما يعشمونا ساكت وبعدين يجو يسمخو علينا العيد زي السنة دي

والله صاح يا خليل الفريقين محتاجين دروس خصوصية وياريت المدرسين يكونوا فعلا متخصصين ما يكونوا زي مدرسين مواسم الامتحانات يلصقوا اعلاناتم (مدرس خصوصي لجميع المواد!!!!)

اكيييد فهمتني

Quote: والله صاح يا خليل الفريقين محتاجين دروس خصوصية وياريت المدرسين يكونوا فعلا متخصصين ما يكونوا زي مدرسين مواسم الامتحانات يلصقوا اعلاناتم (مدرس خصوصي لجميع المواد!!!!) اكيييد فهمتني

فاتني يا برنس ان اذكر


ان الاصل في المريخ التخصص وفي الهلال التعدد


وابراهومة المسعودية يثبت ايضا نظريتي يا طلحة

المريخ ونظرية التخصص

Quote: هدافي المريخ في لقاءات القمة : الهداف الأول : ماجد عثمان ( أبوجنزير ) وأحرز (14) هدف . الهداف الثاني : جاد الله خير السيد (كاروشة ) وأحرز 12 هدف . الهداف الثالث : كمال عبد الوهاب ( اللعاب وإختصاصي أمراض الهلال ) أحرز 9 أهداف . الهداف الرابع : الفاضل سانتو وأحرز 7 اهداف . الهداف الرابع (م) : منصر الزاكي ( زيكو ) وأحرز 7 . الهداف الرابع (م) : برعي وأحرز 7 اهداف . الهداف السابع : إبراهومة المسعودية والعجب وأحرزا 5 أهداف . الهداف الثامن : كل من ( إبراهيم جلك ، السر كاوندا ) ولكل 4 أهداف . الهداف التاسع : كل من ( عبد الرحيم الشيخ ، مصطفي أحمد المصطفي ، إسماعيل بخيت ، حموري الصغير ) ولكل 3 أهداف . الهداف العاشر : كل من : ( كمال بني ، صلاح عباس ، سامي عز الدين ، عمار خالد ، عطا أبو القاسم ، سانتورفاعة ، دحدوح ، حمد الجريف ، عثمان زكي ، نجم الدين أبوحشيش ) ولكل منهم 2 هدف

Quote: ------------------------------------ الاحد 21 يناير 1968 المريخ 2 الهلال 1 اهداف المريخ احرزها بشارة و اسماعيل السبت 5 ابريل 1969 المريخ 4 الهلال 2 جاد الله 3 اهداف و هدف لكاوندا ------------------------------------- الاحد 27 ديسمبر 1970 المريخ 2 الهلال 1 احرزهم بشارة وكمال عبد الوهاب ------------------------------------- الجمعة 8 اكتوبر 1971 المريخ 1 الهلال صفر احرزه حموري الكبير ------------------------------------- السبت 1 يناير 1972 المريخ 2 الهلال صفر احرزهم سانتو و كاوندا ------------------------------------- الاثنين 8 يوليو 1974 المريخ 2 الهلال صفر كمال عبد الوهاب و بشارة عبد النضيف ------------------------------------- 21 يوليو 1975 المريخ 3 الهلال 1 اهداف المريخ 2 سانتو وهدف لكمال عبد الوهاب

Quote: الجمعة 6 اكتوبر 1978المريخ صفر الهلال 1 احرزه متوكل عبد السلام ----------------------------------- الخميس 21 يونيو 1981 المريخ صفر الهلال 1 احرزه عصام سليم ------------------------------------- الاربعاء 9 يناير 1980المريخ 1 الهلال صفر احرزه علي عبد العزيز -------------------------------------- الاحد 11 ينتير 1981 المريخ 1 الهلال 1 عبدو الشيخ و صلاح ابوروف -------------------------------------- الاثنين 28 ديسمبر 1981المريخ 1 الهلال 1 عطا ابوالقاسم و حسين عبد الحفيظ ---------------------------------- الاربعاء 5 مايو 1982انسحب الهلال ---------------------------------- الاثنين 7 فبراير 1983 المريخ صفر الهلال صفر ---------------------------------- الاربعاء 25 مايو 1983 المريخ 1 الهلال 1 سامي عزالدين و حمد دفع الله ----------------------------- الخميس 12 يناير 1984 المريخ صفر الهلال 1 حمد دفع الله ---------------------------- الخميس 15 مارس 1984 المريخ صفر الهلال صفر --------------------------- 13 يوليو 1985 استاد الخرطوم المريخ 1 الهلال صفر ابراهومة المسعودية -------------------------- 4 يونيو 1985 رمضان ودية المريخ 1 الهلال صفر هدف جمال ابوعنجة في الدقيقة 14 من الشوط الاول ------------------------------ 10 يونيو 1985 ودي رمضان في المباراة الثانية المريخ 1 الهلال صفر بهدف الدحيش ثاني انتصار في ستة ايام ----------------------------- 13 يوليو 1985 استاد الخرطوم دوري المريخ 1 الهلال صفر احرزه ابراهومة المسعودية ------------------------------ الثلاثاء 3 سبتمبر 1985 استاد الخرطوم المريخ صفر الهلال 1 احرزه االسر للهلال ----------------------------- 1 نوفمبر 1985 استاد الخرطوم المريخ 2 الهلال صفر دوري السودان الاهداف لابراهومة المسعودية و هدف من ضربة راس لمامون صابون المباراة لم تكتمل بسبب الحجارة من جمهور الهلال اصيب حارس المريخ بريمة بطوبة في رأسه الاربعاء 19 مارس 1986 المريخ 2 الهلال صفر ابراهومة المسعودية ----------------------------- الاربعاء 4 سبتمبر 1986 المريخ صفر الهلال صفر نقض الحكم عثمان احمد البشير هدفا لعاطف القوز ------------------------------ الجمعة 14 نوفمبر 1986 دوري السودان استاد الخرطوم نهائي المريخ صفر الهلال 2 ------------------------------- الخميس 18 يونيو 1987 استاد الخرطوم دوري المريخ 1 الهلال صفر احرزه عصام الدحيش ------------------------------- الاثنين 4 ديسمبر 1987 دوري السودان المريخ 1 الهلال 1 هدف المريخ احرزه سانتو طرد لاعب الهلال حمد دفع الله بالكرت الاحمر اعتدى جهاز الهلال الفني على الحكم خسر الهلال في ضربات الترجيح 1/3 بعد التعادل في الشوطين الاضافيين -------------------------------- الجمعة 19 يناير 1987استاد المريخ دورة سيكافا المريخ 1 الهلال 1 هدف المريخ احرزه عصام الدحيش ضربات الترجيح بعد الوقت الاضافي فاز بها المريخ 4/2 ----------------------------------- 10 ديسمبر 1988 دوري السودان المريخ 2 الهلال صفر احرزهم دحدوح لم تكتمل المباراة بسبب حجارة جمهور الهلال

لاحظو التخصص حتي فيما يعرف بالمتواليات الثمانية

Quote: متوالية الثمانية: الجمعة 26 مارس 1962 المريخ 1 الهلال صفر اخرزه ابراهيم جلك ------------------------------- الاحد 8 ابريل 1962 افتتاح اضاءة استاد الخرطوم المريخ 3 الهلال 1 اهداف المريخ 1 برعي و 2 ماجد و هدف الهلال حبشي --------------------------------- السبت 19 مايو 1962 المريخ 1 الهلال صفر افتتاح استاد الموردة هدف المريخ احرزه خوجلي الصغير (خوجلي مصطفى) ---------------------------------- الخميس 31 مايو 1962 كأس الدوق هرر المريخ 2 الهلال صفر احرزهم ماجد ----------------------------------- الخميس 21 يونيو 1962 الدوري العاصمي المريخ 1 الهلال صفر احرزه ماجد ----------------------------------- الاحد 9 سبتمبر 1962 المريخ 2 الهلال 1 احرزهم برعي و ماجد و هدف الهلال حمد النيل و يفوز المريخ بالدوري العاصمي ------------------------------------ الجمعة 28 سبتمبر 1962 المريخ 3 الهلال صفر اهداف المريخ زيدان هدف و هدفين لماجد و يفوز المريخ بكأس البلدية ------------------------------------- الخميس 12 فبراير 1963 كأس رمضان الذي فاز به المريخ المريخ 2 الهلال صفر اهداف المريخ احرزهم ماجد -------------------------------------- الاحد 7 ابريل 1963 الدوري العاصمي المريخ صفر الهلال صفر

Quote: مأمون أبوشيبة منذ انطلاقة بطولة الدوري الممتاز عام 1996م وحتى الدورة الأولى لهذا الموسم 2009م أي على مدى 14 موسماً التقى عملاقا الكرة السودانية 26 مرة رجحت فيها كفة فريق الهلال الذي حقق 13 انتصاراً على نده التقليدي مقابل 4 انتصارات فقط للمريخ، بينما انتهت 9 مباريات بالتعادل. يذكر أن المنافسة أقيمت عام 1999م من دورة واحدة بنظام المجموعتين والمربع الذهبي. والغريب أن تفوق الهلال في مباريات القمة يتركز على مباريات القمة في الدوري الممتاز ولكن إذا أجرينا رصداً عاماً للقاءات القمة في الألفية الجديدة وعبر 34 مواجهة نلاحظ تعادل الكفتين في عدد مرات الفوز بكسب كل منهما 11 مباراة. وفيما يلي نقدم سرداً مختصراً لكل لقاءات القمة في الدوري الممتاز. اللقاء (1) للهلال أول لقاء لقمة الكرة السودانية على بطولة الدوري الممتاز حدث في الدورة الأولى لأول بطولة عام 1996م بملعب الهلال وفي تلك المباراة أنزل الهلال بالمريخ هزيمة ساحقة بلغت 4/1 أحرز للهلال جمال سانتو وأنس النور وزاهر مركز وأبوشامة من ركلة جزاء احتسبها الحكم عصام عبد اللطيف وأحرز للمريخ زيكو. اللقاء (2) للهلال حقق الهلال فوزاً ثانياً على المريخ بملعبه في الدورة الثانية للدوري عام 1996م حيث تقدم الأزرق بهدفين لجمال سانتو ووالي الدين في الشوط الأول، وفي الشوط الثاني احتسب الحكم سليمان حسين ركلة جزاء للهلال ولكن لاعبي المريخ احتجوا على قرار الحكم، وأثناء احتجاج لاعبي المريخ أنهى الحكم المباراة، واعتمدت اللجنة المنظمة النتيجة كما انتهت عليها المباراة. وقد فاز الهلال باللقب لأول مرة. اللقاء (3) للهلال في مباراة الدورة الأولى عام 1997 حقق الهلال فوزه الثالث على التوالي في الممتاز على المريخ عندما هزمه بهدف وحيد ناله زاهر مركز على ملعب الهلال. اللقاء (4) للمريخ حقق المريخ على ملعبه أول فوز له على الهلال في الدورة الثانية للدوري الممتاز عام 1997م بهدف وحيد ناله نميري أحمد سعيد بضربة رأسية، وكان الحكم أحمد الماظ قد طرد مدافع المريخ حاتم محمد احمد في ربع الساعة الأول من زمن المباراة. هذا وقد انتزع المريخ اللقب من الهلال. اللقاء (5) للهلال حقق الهلال الفوز على المريخ على ملعبه في الدورة الأولى للدوري عام 1998 بهدف وحيد ناله باكمبا المنتقل من المريخ للهلال، وأدار اللقاء الحكم عبدالعزيز المارشال. اللقاء (6) للهلال في الدورة الثانية للدوري الممتاز عام 1998 بملعب الأزرق كرر الهلال فوزه على المريخ بهدف وحيد ناله صلاح الضي، وقد أدار هذا اللقاء الحكم المصري الدولي جمال الغندور، وفي ذلك العام فاز الهلال ببطولة الممتاز للمرة الثانية بعد أن استردها من المريخ. اللقاء (7) للهلال في عام 1999 أقيمت منافسة الدوري الممتاز بنظام المجموعتين وقد التقى فريقا القمة في المربع الذهبي للمنافسة باستاد الخرطوم وحقق الهلال الفوز بنتيجة 2/1 أحرز له خالد بخيت الهدفين بينما سجل للمريخ حاتم محمد أحمد. وفي تلك المباراة تعرض الحكم أحمد عيسي للاعتداء من بعض لاعبي المريخ فأصدرت اللجنة المنظمة قرارات بإيقاف بعض لاعبي المريخ مما قاد إدارة المريخ للانسحاب من المنافسة، ليواصل الهلال مبارياته في المربع الذهبي ويكسب البطولة للمرة الثالثة. اللقاء (8) تعادل في الدورة الأولى للدوري الممتاز عام 2000 على ملعب الهلال انتهى لقاء القمة بالتعادل السلبي.. وأدار اللقاء الحكم السعودي عبدالرحمن الزيد الذي أثار جدلاً كبيراً. اللقاء (9) للمريخ في الدورة الثانية للدوري الممتاز عام 2000 باستاد المريخ حقق المريخ الفوز على الهلال 2/صفر وأحرز له عبد المجيد جعفر ومحمد موسى أدار اللقاء الحكم صلاح أحمد محمد صالح وكان يحرس مرمى المريخ البورندي سيكا باريزي، وفي ذلك العام فاز المريخ بالبطولة للمرة الثانية في تاريخه. اللقاء (10) للمريخ واصل المريخ انتصاراته على الهلال في عقر داره في الدورة الأولى للدوري الممتاز عام 2001 بالفوز عليه 2/صفر أحرزهما نجم الدين أبوحشيش وفيصل العجب في الشوط الثاني من المباراة. اللقاء (11) تعادل في الدورة الثانية عام 2001 انتهي لقاء القمة بالتعادل السلبي وكان المريخ قد دخل تلك المباراة وقد توج مبكراً كبطل للممتاز بينما لعبها الهلال كأداء للواجب. اللقاء (12) تعادل في الدورة الأولى للدوري الممتاز عام 2002 التقي العملاقان باستاد الهلال وانتهى اللقاء بالتعادل السلبي. اللقاء (13) للهلال في الدورة الثانية للدوري الممتاز عام 2002 ورغم تتويج المريخ كبطل للمنافسة مبكراً وللمرة الثالثة على التوالي تمكن الهلال من قتل أفراح المريخ بالبطولة عندما تغلب عليه في عقر داره بهدف ناله معتز كبير. اللقاء (14) للهلال حقق الهلال الفوز على المريخ على ملعبه 2/صفر في الدورة الأولى للدوري الممتاز عام 2003 وأحرز الهدفين خالد بخيت وهيثم طمبل الذي انتقل للمريخ موسم 2007م. اللقاء (15) تعادل في الدورة الثانية للدوري الممتاز عام 2003 باستاد الهلال دخل فريق الهلال لقاء القمة وهو بطل متوج للمنافسة، وانتهى اللقاء بالتعادل السلبي، وقد استرد الهلال البطولة من المريخ الذي كان قد احتكرها لثلاثة مواسم متتالية.. اللقاء (16) للهلال في الدورة الأولى للدوري الممتاز عام 2004 بملعب الهلال حقق فريق الهلال الفوز على المريخ 2/صفر نالهما معتز كبير والمحترف البرازيلي روبيرو.. اللقاء (17) للهلال في الدورة الثانية عام 2004 باستاد المريخ تقدم المريخ بهدف عبدالحميد السعودي ورغم إكمال الهلال للمباراة ناقصاً بعد طرد الحكم خالد عبدالرحمن المدافع عمار مرق إلا ان الفريق تمكن من انتزاع الفوز عندما سجل له المحترف البرازيلي روبيرو من ركلة جزاء ثم هيثم طمبل هدف الترجيح ليحتفظ الهلال بالبطولة للمرة الثانية على التوالي. اللقاء (18) للهلال في الدورة الأولى للممتاز عام 2005 على ملعب الهلال وبإدارة الحكم أحمد النجومي حقق الهلال فوزاً كبيراً على المريخ بثلاثة أهداف نظيفة أحرزها صالح نيالا وهيثم مصطفي وهيثم طمبل. اللقاء (19) تعادل في الدورة الثانية للدوري الممتاز عام 2005 انتهي لقاء القمة الذي جرى بملعب المريخ بالتعادل السلبي ليتوج الهلال بطلا للدروي الممتاز للمرة الثالثة على التوالي والمرة السادسة في تاريخ المنافسة. اللقاء (20) تعادل في الدورة الأولى لدوري 2006م على ملعب الهلال تعادل فريقا القمة 1/1 وهو أول تعادل إيجابي للقمة في تاريخ الممتاز.. تقدم المريخ عن طريق رأسية لجندي نميري.. وخطف المحترف النيجيري كلتشي التعادل للهلال في الوقت المحتسب بدل الضائع. اللقاء (21) للهلال في الدورة الثانية لدوري 2006م وعلى ملعب المريخ فاز الهلال على المريخ 2/صفر أحرزهما ريتشارد والمحترف النيجيري قودوين في الشوط الأول، ليتوج الهلال بطلاً للمرة الرابعة على التوالي وللمرة السابعة في تاريخ المنافسة!!. اللقاء (22) تعادل في الدورة الأولى لدوري 2007م وعلى ملعب الهلال تعادل فريقا القمة 1/1 وقد تقدم المريخ عن طريق موسى الزومة ونجح الهلال في تحقيق التعادل عن طريق هدافه النيجيري قودوين. اللقاء (23) للهلال في الدورة الثانية لموسم 2007م وعلى ملعب استاد المريخ لعب الهلال بفرصتي الفوز والتعادل لكسب البطولة للمرة الثامنة، بينما جاء المريخ بفرصة الفوز فقط حتى يستدرج نده لمباراة فاصلة، ولكن الهلال نجح في تحقيق الفوز بعد مباراة مثيرة تقدم فيها المريخ بهدف طمبل كأول هدف له وهو يرتدي الشعار الأحمر في مواجهة فريقه السابق، وتمكن الهلال من التعادل في الشوط الأول بهدف صاروخي لظهيره الأيسر كرنقو، وفي الشوط الثاني تقدم المريخ للمرة الثانية بهدف لقائده فيصل العجب ونجح الهلال في إدراك التعادل من ركلة جزاء احتسبها الحكم أحمد النجومي ونفذها النيجيري كلتشي قبل أن يخطف مهند الطاهر هدف الفوز الغالي للهلال ليكسب اللقاء بثلاثة أهداف لهدفين. اللقاء (24) للمريخ لقاء القمة الذي استضافه ملعب المريخ في الدورة الأولى لدوري 2008م كسبه المريخ بهدف قاتل في الدقيقة 88 ناله الهداف هيثم طمبل ليكون قد سجل هدفه الثاني في شباك فريقه السابق. اللقاء (25) تعادل لقاء قمة الممتاز في الدورة الثانية لدوري 2008م استضافه ملعب الهلال وأداره الحكم الفاضل أبوشنب وانتهى بالتعادل بهدف لكل، أحرز للمريخ هيثم طمبل برأسية في مرمى المعز بالشوط الأول وأدرك الهلال التعادل في الشوط الثاني برأسية سيف مساوي في مرمى أكرم الهادي وقد توج المريخ بطلاً للمرة الخامسة حيث دخل بفرصتي الفوز والتعادل. اللقاء (26) تعادل آخر لقاء قمة في الممتاز جاء في الدورة الأولى لدوري هذا العام 2009م وكان يفترض أن يقام باستاد الهلال ولكن تم تحويل اللقاء لملعب الخرطوم نسبة لإعادة تحديث استاد الهلال وانتهت المقابلة التي أدارها الحكم سبت لبرادو بالتعادل 1/1 أحرز للهلال هيثم مصطفى وعادل للمريخ نجمه النيجيري المنتقل من الهلال كلتشي أوسونو في آخر دقائق المباراة. اللقاء (27) لمن؟ لقاء الدورة الثانية هذا العام 2009م المقام اليوم بالخرطوم كان يفترض قيامه باستاد المريخ ولكن قرر نادي المريخ تحويله للخرطوم بسبب الأضرار التي لحقت باستاده جراء استضافة المباراة المونديالية الفاصلة بين مصر والجزائر، هذا ويدخل الهلال للقاء بعد أن حسم البطولة قبل ثلاث جولات من نهايتها ويطمع في كسب اللقب بدون هزيمة وبتعادل واحد بينما يعمل المريخ للفوز لتعويض فقدان اللقب ونيل شرف إكمال الدوري دون هزيمة ويقود الهلال البرازيلي كامبوس بينما يقود المريخ مواطنه البرازيلي جوزيه لويس كاربوني لأول مرة في القمة. 20 لاعباً أحرزوا أهداف الهلال خلال 26 لقاء قمة بين العملاقين في الدوري الممتاز أحرز فريق الهلال 30 هدفاً في مرمي المريخ.. وقد سجل أهداف الهلال 20 لاعباً. لاعبا الهلال السابقان خالد بخيت وهيثم طمبل يتقدمان هدافي الهلال في مباريات القمة بالممتاز حيث أحرز كل منهما 3 أهداف ويليهما السباعي جمال سانتو وزاهر مركز ومعتز كبير والمحترف البرازيلي روبيرو والمحترف النيجيري قودوين ومواطنه كلتشي بجانب هيثم مصطفى حيث أحرز كل منهم هدفين، بينما أحرز هدفاً واحداً من لاعبي الهلال 10 لاعبين هم: أنس النور، أبوشامة، والي الدين، باكمبا، صلاح الضي، صالح نيالا، ريتشارد، كرنقو، مهند الطاهر وسيف مساوي. 12 لاعباً أحرزوا أهداف المريخ خلال 26 مباراة قمة في الممتاز سجل المريخ 15 هدفاً في مرمى الهلال و أحرزها 12 لاعباً وجاء في المقدمة هيثم طمبل المنتقل من الهلال عن طريق أورلاندو الجنوب أفريقي حيث سجل ثلاثة أهداف ويليه فيصل العجب برصيد هدفين بينما سجل هدفاً واحداً كل من : زيكو، نميري احمد سعيد، حاتم محمد احمد، عبد المجيد جعفر، محمد موسى، نجم الدين ابوحشيش، عبدالحميد السعودي، جندي نميري، موسى الزومة والنيجيري كلتشي المنتقل من الهلال. هيثم طمبل هدافاً للقاءات القمة في الممتاز من لاعبي القمة الذين أحرزوا أهدافاً في لقاءات قمة الممتاز ولازالوا مسجلين ويمكنهم زيادة غلتهم من الهلال القائد هيثم مصطفي ومهند الطاهر وسيف مساوي، ومن المريخ القائد فيصل العجب وهيثم طمبل والمهاجم عبد الحميد عماري والمدافع موسى الزومة والنيجيري كلتشي المنتقل من الهلال. لاعب المريخ المنتقل من الهلال هيثم طمبل هو أكثر اللاعبين تسجيلاً في لقاءات قمة الممتاز فإذا جمعنا أهدافه مع الفريقين فسيعتلي قائمة هدافي القمة في الممتاز برصيد ستة أهداف، ثلاثة لصالح الهلال ومثلها لصالح المريخ. الهلال حقق أكبر انتصارين على ملعبه حقق الهلال أكبر انتصارين في مباريات القمة بالممتاز بنتيجة 4/1 ثم 3/صفر والانتصاران جاءا على ملعب الهلال، بينما حقق الهلال الفوز بنتيجة 3/2 على ملعب المريخ. أربع جزائيات للهلال.. والمريخ محروم! طوال مسيرة الدوري الممتاز خلال 14 موسماً احتسب الحكام أربع ركلات جزاء فقط وجاءت كلها لصالح الهلال!! // الركلة الأولى احتسبها الحكم عصام عبداللطيف في أول مباراة للفريقين في الدوري الممتاز عام 1996 خلال اللقاء الذي كسبه الهلال 4/1 وسجل منها أبوشامة الهدف الرابع للهلال في المبارة . // الركلة الثانية احتسبت في نفس الموسم لصالح الهلال وذلك في مباراة الدورة الثانية والتي تقدم فيها الهلال بهدفي جمال سانتو ووالي الدين وفي الشوط الثاني احتسب الحكم سليمان حسين ركلة جزاء للهلال احتج عليها لاعبو المريخ ولم تنفذ ولم تكتمل المباراة. // ركلة الجزاء الثالثة احتسبها الحكم خالد عبدالرحمن في لقاء القمة بالدورة الثانية عام 2004 وذلك عقاباً لمدافع المريخ صلاح الياس الذي عرقل مهاجم الهلال السابق علاء الدين بابكر، وسجل من الركلة محترف الهلال روبيرو هدف التعادل لفريقه. // ركلة الجزاء الرابعة نالها الهلال في لقاء قمة ختام دوري 2007م عندما احتسب الحكم أحمد النجومي مخالفة جزاء ضد مدافع المريخ الشاب سعيد مصطفى ونفذها النيجيري كلتشي بنجاح في مرمى الحارس بهاء الدين. // المريخ لم تحتسب له أية ركلة جزاء في لقاءات القمة بالدوري الممتاز منذ انطلاقة المنافسة وعلى مدى 14عاماً!! الهلال فاز في الدورتين 3 مرات حقق الهلال الفوز في الدورتين على المريخ 3 مرات الأولى في العام الأول للمنافسة 1996 حيث فاز الهلال في الدورتين 4/1 و2/صفر.. الثانية جاءت عام 1998عندما فاز الهلال في الدورتين بنتيجة 1/0 الثالثة حدثت عام 2004 عندما فاز الهلال في الدورتين 2/ 0 و 2/1 ولم يسبق للمريخ ان حقق الفوز على الهلال في الدورتين!!! التعادل في الدورتين لم يحدث!! يلاحظ وطوال مواسم الدوري الممتاز عدم حدوث التعادل بين القمة في مباراتي الدورتين خلال موسم واحد مما يعطي مؤشراً بأن لقاء اليوم لن ينتهي بالتعادل!! خالد عبدالرحمن لا زال الأول في قمم الممتاز أدار لقاءات القمة الـ 26 منذ انطلاقة الممتاز 17 حكماً.. ويعتبر الحكم الدولي خالد عبدالرحمن هو الأكثر إدارة للقاءت القمة في الممتاز حيث أدار 5 لقاءات يليه الدولي السابق صلاح أحمد محمد صالح الذي أدار 3 مباريات، ويليهما الحكم الدولي الحالي بدرالدين عبدالقادر بجانب أحمد النجومي حيث أدار كل منهما مباراتين.. وأدار مباراة واحدة كل من : عصام عبداللطيف، سليمان حسين، أحمد الماظ، عبدالعزيز المارشال، المصري خالد الغندور، أحمد عيسى، السعودي عبدالرحمن الزيد، أحمد يعقوب، مبارك سيد أحمد، عبدالرحمن درمة، عبدالحميد صالح، أحمد خضر، الفاضل أبوشنب وسبت لبرادو. النجومي ارتبط بالثلاثيات!! الحكم الخرطومي أحمد النجومي أدار مباراتين للقمة في الممتاز والغريب إن الهلال فاز في كل من المباراتين بثلاثية، حيث انتصر على المريخ 3/صفر في مباراة الدورة الأولى عام 2005م كما فاز الهلال 3/2 في ختام دوري 2007م.. وبالتالي يكون الحكم أحمد النجومي مصدر فأل للهلال!!

التخصص في المريخ

Quote: لاعباً أحرزوا أهداف المريخ خلال 26 مباراة قمة في الممتاز سجل المريخ 15 هدفاً في مرمى الهلال و أحرزها 12 لاعباً وجاء في المقدمة هيثم طمبل المنتقل من الهلال عن طريق أورلاندو الجنوب أفريقي حيث سجل ثلاثة أهداف ويليه فيصل العجب برصيد هدفين بينما سجل هدفاً واحداً كل من : زيكو، نميري احمد سعيد، حاتم محمد احمد، عبد المجيد جعفر، محمد موسى، نجم الدين ابوحشيش، عبدالحميد السعودي، جندي نميري، موسى الزومة والنيجيري كلتشي المنتقل من الهلال.

والتنوع في الهلال

Quote: لاعباً أحرزوا أهداف الهلال خلال 26 لقاء قمة بين العملاقين في الدوري الممتاز أحرز فريق الهلال 30 هدفاً في مرمي المريخ.. وقد سجل أهداف الهلال 20 لاعباً. لاعبا الهلال السابقان خالد بخيت وهيثم طمبل يتقدمان هدافي الهلال في مباريات القمة بالممتاز حيث أحرز كل منهما 3 أهداف ويليهما السباعي جمال سانتو وزاهر مركز ومعتز كبير والمحترف البرازيلي روبيرو والمحترف النيجيري قودوين ومواطنه كلتشي بجانب هيثم مصطفى حيث أحرز كل منهم هدفين، بينما أحرز هدفاً واحداً من لاعبي الهلال 10 لاعبين هم: أنس النور، أبوشامة، والي الدين، باكمبا، صلاح الضي، صالح نيالا، ريتشارد، كرنقو، مهند الطاهر وسيف مساوي.

Quote: رابعا: داك إسمه (علي عبد القادر) و ليس (علي عبد الخالق), و الآخر (حسين) عبد الحفيظ و ليس (حسن) عبد الحفيظ! اطلق عليه الصحفيين لقب علي عبدالخالق رازق لانه احرز هذا الهدف

على عبد القادر هو جناح الهلال اليمين ايام عصام سليم وقاسم عثمان وقلة الكبير
وعلى عبد العزيز هو لاعب المريخ القادم من سهم القضارف وبعد ان سجل هدفا
للمريخ فى شباك الهلال اطلق عليه لقب على عبد الخالق رازق
والله اعلم
موضوع شيق وما تنسى قون شمس الدين باك الهلال فى شباك المريخ فى المباراة
التى فاز فيها الهلال 2-صفر بهدفى شمس الدين ووليد طاشين سنة 86 وشكلك نسيتو
بعدين وين مصطفى النقر ... الحاج ياخى واهدافو فى حامد بريمة بالتخصص
كل عام والجميع بخير

Quote: موضوع شيق وما تنسى قون شمس الدين باك الهلال فى شباك المريخ فى المباراة التى فاز فيها الهلال 2-صفر بهدفى شمس الدين ووليد طاشين سنة 86 وشكلك نسيتو بعدين وين مصطفى النقر ... الحاج ياخى واهدافو فى حامد بريمة بالتخصص كل عام والجميع بخير

تيتا عيدك مبارك


نعم قون النقر بتاع (بااااع) داك مفروض يزين هذا البوست

بالاضافة لي بتاع شناق شنق شنان

مصطفي النقر احرز فقط اربعة اهداف في مرمي المريخ

Quote: 4 أهداف هي حصيلتى في شباك المريخ * مصطفى النقر ارتبط اسمه بمباريات هلال مريخ فكم عدد الاهداف التي احرزها وفي اي الحراس ؟ ـ حقيقة مباريات هلال مريخ كنت اجد فيها نفسى ودائماً ألعب بدوافع عديدة وقد نلت النجومية اكثر من مباراة ولكن مع ذلك لم احرز سوى اربعة اهداف اعتبرها غالية للحد البعيد لانها جاءت في شباك حارس عملاق يعتبر من أميز الحراس في القارة الافريقية ألا وهو الاسطورة حامد بريمة.

مباريات ودية ودرع الانقاذ

Quote: منقول من كبتن الحلقه الثانيه نشرت الحلقة الاولي بتاريخ 14 / 9/ 2007 من نتائج هلال مريخ منذ عام 1930 وحتي عام 1952 من مرجعية صحيفة التلغراف يوم 1/ 10 / 1951 بقلم كمال راشد كيشو ومن عام 1946 حتي عام 1952 المرجعية كانت من الاخ والصديق ابوبكر عابدين وهوموسوعة قومية اكثر من لونية ولايبخل في تقديم المعلومة الصحيحة وقد تعرضت الي حملة شرسة من الاساءات والاستفزازات من بعض حملة الاقلام ولكن كنت اود ان يكون ردهم بالحقائق الموثقة وبالارقام وعليه اعيد نشر الاحصائية مرة اخري بوضع اللاعبين الذين احرزوا الاهداف وهي الحلقة الثانية لمباريات الهلال والمريخ منذ عام 1954 حتي 1985 نهاية المباريات الودية وفي عام 1953 الذي لم اذكره لانه شهد عدد من المباريات في كاسات مختلفة سننشرها في حلقة اخري منذ عام 1954 حتي عام 1985 لعب الهلال والمريخ 41 مباراة فاز الهلال في 19 مقابل 14 للمريخ وتعادل الفريقين في 8 مباريات وكان مجموع الاهداف 120 هدفا احرز الهلال 67 هدفا في مرمي المريخ مقابل 53 هدفا احرزها المريخ في مرمي الهلال وهناك احصائية عن كاس السودان النسخة الاولي والتي اوردها احمد مهران في صحيفة الصدي وذكر بان المريخ احرز كاس السودان النسخة الاولي 6مرات وايضا الاخ بدر الدين الفاتح ذكر في عموده بان المريخ احرز كاس السودان 17 مرة قديما وحديثا وعليه ننشر له ولاحمد مهران وثيقة كاس السودان الاولي ليعرف القاري الكريم التاريخ و الحقيقة الكاملة كما هناك جدل يدور حول كاس الدوق هرر ودرع الانقاذ لذلك سنقدم احصائية بذلك :-- اول لقاء جمع الهلال والمريخ اول لقاء جمع بين الهلال والمريخ كان في يوم 15 /4 / 1930 بميدان المدرسة الاهلية بامدرمان حي السور وفاز الهلال بنتيجة المباراة بهدف احرزه شريف علي محمد ولعب الهلال بمنتخب ضم كل من محمد سعيد ابوزعبوط ، فتح الله بشاره ، سيد ماهر ، محمد مرسال ، الحاج عوض الله ، علي عبد الله مبروك ، محمد حسين شرفي ، حسين كديس ، امين بابكر ابن ا لشعب ( كابتن ) ، الامين بابكر حمور ، شريف علي محمد وضم منتخب المريخ كل من احمد ابراهيم ابوالريف ، فتحي ابراهيم ، مصطفي جلال ، حمد ود مريم ، عبد الرحمن الفيل ، محمد عبد السلام ، عبد الله محمد فضل المولي ( كابتن ) ، احمد بابكر ، محمد عثمان حامد ، حامد ابوعصا ، عبدالقادر ابراهيم ، المرجعية : صحيفة حضارة السودان ابريل 1935 بقلم يوسف مصطفي التني احد مؤسسي الهلال وكتاب احمد محمد الحسن 1970 مباريات كاس السودان النسخة الاولي 31/ 12/ 1952 تعادل الهلال والمريخ 2/ 2 احرز للهلال صديق وابورزقه وللمريخ برعي وخوجلي 1/ 2 / 1953 خسر الهلال من المريخ صفر / 1 احرز للمريخ برعي 2/ 5 / 1954 فاز الهلال علي المريخ 1/ صفر احرز للهلال برعي الذي تحول من المريخ الي الهلال . مجموع المباريات ثلاث فاز الهلال في مباراة واحدة والمريخ ايضا فاز في واحدة وتعادل الفريقين في واحدة احرز الهلال في مرمي المريخ 3 اهداف كما احرز المريخ في مرمي الهلال 3 اهداف . ملحوظة : هذه احصائية لمباريات الهلال والمريخ الودية منذ عام 1954 حتي عام 1985 مجموع المباريات 41 مباراة فاز الهلال في 19 مباراة مقابل 14 للمريخ وتعادل الفريقين في 8 مباريات ومجموعة الاهداف 120 هدفا احرز الهلال 67 هدفا مقابل 53 هدفا للمريخ . نتائج مباريات الهلال والمريخ في درع الانقاذ افتتاح دور الرياضة في العاصمة الخرطوم 15/ 11/ 1935 افتتاح دار الرياضة بامدر مان 1/1 / 1948 افتتاح دار الرياضة بالخرطوم بحري 28/ 9/ 1956 افتتاح استاد الخرطوم 15/ 5 / 1962 افتتاح استاد الموردة 30/ 11 / 1964 افتتاح استاد المريخ 26/ 1/ 1968 افتتاح استاد الهلال اما بالنسبة للاندية في 1953 افتتحت الموردة ناديها الخاص بحي الضباط بامدرمان ، في عام 1954 افتتح الهلال ناديه بحي الشهداء بامدرمان ، في عام 1955 افتتح المريخ ناديه بحي المسالمة بامدرمان . نتيجةالمباراة تعادل الهلال والمريخ 1/ 1 + فاز الهلال علي المريخ 2/1 + تعادل الهلال والمريخ صفر / صفر + تعادل الهلال والمريخ صفر /صفر + تعادل الهلال والمريخ صفر/ صفر + تعادل الهلال والمريخ صفر/ صفر + فاز الهلال علي المريخ 2/ صفر +تعادل الهلال والمريخ 1/ 1 + فاز الهلال علي المريخ 1/ صفر + تعادل الهلال والمريخ 1/1 + خسر ا لهلال من المريخ 1/ 2 + تعادل الهلال والمريخ 1/ 1 + فاز الهلال علي المريخ 2/ صفر + خسر الهلال من المريخ صفر / 1 + خسر الهلال من المريخ صفر / 1 + خسر الهلال من المريخ صفر / 1 محرزوا الاهداف احرز للهلال كاريكا وللمريخ مبارك في مرماه احرز للهلال عصام غانا وكاريكا وللمريخ سانتو رفاعة ------ ------ ------ ------ -احرزها والي الدين وزاهر مركز -احرز للهلال زاهر مركز وللمريخ قدوره احرزه حضره احرز للهلال ياسر رحمة وللمريخ عثمان ذكي احرز للهلال صلاح الضي وللمريخ العجب وعبد المجيد جعفر احرز للهلال بسطاوي وللمريخ عثمان ذكي احرزهما مجاهد وخالد بخيت احرز للمريخ العجب احرزه ابوحشيش من ركلة جزاء احرزه العجب التاريخ 30/ 6/ 1990 20/ 6 / 1991 3/ 7 / 1992 3/ 7 / 1993 1/ 7 / 1994 10/ 7/ 1995 2/ 7 / 1996 3/ 7 / 1997 4/ 7 / 1998 3/ 7 / 1999 30 / 7 / 2001 20/ 7/ 2002 17 / 7/ 2003 17 / 7 /2004 15 / 8 / 2005 21 / 7 / 2006 مجموعة مباريات درع الانقاذ 16 مباراة فاز الهلال في اربعة مباريات وفاز المريخ ايضا في اربعة وتعادل الفريقين في 8 مباريات مجموعة اهداف الهلال 12 هدفا مقابل 10 اهداف للمريخ . نتائج مباريات الهلال والمريخ في كاس الدوق هرر 10/ 4/ 1956 فاز الهلال علي المريخ 1/ صفر احرزه علي محجوب ، 1/1 / 1960 خسر الهلال من المريخ صفر / 2 احرز للمريخ سري وجلك ، 24/ 3/ 1961 فاز الهلال علي المريخ 1/ صفر احرزه ود الاشول من ركلة جزاء ، 31/5 / 1962 خسر الهلال من المريخ صفر / 2 احزر للمريخ ماجد الهدفين ، 8/ 5/ 1964 فاز الهلال علي المريخ 2/ صفر احرز ها صديق محمد احمد وعيسي دهب ، مجموع المباريات خمسة فاز الهلال في 3 مباريات وفاز المريخ في مباراتين احرز الهلال 4 اهداف في مرمي المريخ واحرز المريخ 4 اهداف في مرمي الهلال وعلي حسب نظام المنافسة من يحزر الكاس ثلاث مرات يمتلكه

كأس جوبا


المناسبة: افتتاح جامعة جوبا
المـكان : مدينة جوبا جنوب السودان
التاريخ :1977م
أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم

--------------------------------------------------------------------------------

Quote: على عبد القادر هو جناح الهلال اليمين ايام عصام سليم وقاسم عثمان وقلة الكبير وعلى عبد العزيز هو لاعب المريخ القادم من سهم القضارف وبعد ان سجل هدفا للمريخ فى شباك الهلال اطلق عليه لقب على عبد الخالق رازق

شكرا تيتاوي,
أنا قصدت علي عبد القادر و خليل يقصد علي عبد العزيز و هدفه في حسن الطيب,

تحياتي يا طلحة و كل عام و أنت و أحباءك بخير و عافية
في لقاء على قناة النيل الأزرق ضم علي قاقرين و الفاضل سانتو
و جاد الله خير السيد تمت المقارنة بين أهداف قاقرين في المريخ
و أهداف سانتو في الهلال دون أن يشار إلي أن أهداف جاد الله تتفوق
على أهداف سانتو أم لا و من هنا كان اللبس!
موضوع الأمير صديق منزول دا نديهو صنة..
بعدين خليل دا أنا كنت فاكرو صهاينة!

Quote: ننوه ايضا بان على قاقرين ليس هو صاحب اكبر عدد من الاهداف فى لقاءات القمة منذ ميلاد العملاقين فخلال الفترة التى سبقت عقد الستينات يوجد مهاجمون سجلوا اعداد قياسية من الاهداف فى لقاءات القمة مثل صديق منزول (الهلال) الذى يقال ان اهدافه فى القمة فاقت الثلاثين هدفاً وهناك ايضاً ثعلب المريخ طلب مدني الشهير بدبوية الذى سجل قرابة الثلاثين هدفاً فى لقاءات القمة.

Quote: عزيز علينا عيدك مبارك انشاء الله الاتنين يتغلبو

ابوخليل

كل عام وانتم بخير...


البوست صار عيدية مدنكلة...
وكدا بيلزمك بالحضور يوم الخميس والإنتظار حتى مراسم الفرح الأحمر بالمقبرة..


تحياتي

وجبة كروية هلالية مريخية مدنكلة وعيدية نوعية يا شباب وتسلمو ياخي


تنهدات: والقول لود الباوقة
اردم اردم يا ابو خليل الصهيانة ديل

Quote: وابراهومة المسعودية يثبت ايضا نظريتي يا طلحة

كنت قايلك نسيتو ابراهومة العريس

Quote: والعملاق وارغو

اكبر غلطة ترتكب في حق المريخ هي اغارة هذا اللاعب !!!!!!!!!!!!!!!!! عشان كدا انا قلت ليك ان شاء الله المرسين بكونوا متخصصين .

Quote: الريح كاريكا ما متذكر اهدافه في القمة ولكن علي ما اظن انه له بعض التخصص في شباك المريخ

ده اخطر مهاجم في وجهة نظري وعلى فكرة يا خليل الريح اللاعب الوحيد الزار شباك حراس المريخ الثلاثة في عهده وهم الاسطورة حامد بريمة وشنان وياسين

يعتبر الفقيد الأمير صديق منزول من أميز اللاعبين الذين مروا بتاريخ الكرة السودانية حتى لقب بالأمير لحسن قيادته المثالية للهلال لسنوات طويلة وقيادته للمنتخب الوطني حتى أصبح نجماً من طراز فريد وإسماً له رنين في كل الأوساط الرياضية والإجتماعية والإبداعية، وكان أميراً له "كاريزما" طاغية داخل الملعب وخارجه وكان يمتاز بالقيادة الرشيدة المحنكة فهو يقود فريقه للنصر يوجه الدفاع ويضع الخطط للهجوم وتكاد لا تحس بحركته في الميدان فهو يتنقل بخفة ورشاقة وسلاسة من موقع لآخر ويأخذ مواقع إستراتيجية تمكنه من إصابة الهدف بطريقة سحرية مذهلة تسكر المتفرجين حتى الثمالة وتأخذ بالألباب بجانب قذائفه الحارقة بعيدة المدى وصواريخه عابرة القارات، ولعلّ طبيعة عمله كمراجع أثّر تفيه فجعلته دقيقاً في ألعابه وتمريراته حازماً في تصرفاته داخل الملعب وأنيقاً في لعبه ومظهره وزيه.
قاد الهلال والمنتخب الوطني لإنتصارات باهرة خلال الفترة من 49ـ1963م وسجّل إسمه بأحرفٍ من نور وترك ذكريات رائعة وراسخة في أفئدة الجميع وتغنت الفتيات إعجاباً به في الخمسينات حيث أشتهرت أغنية (البنطلون والجزمة لون، صديق منزول شات الكورة جاب القون).
بطاقته الشخصية
من مواليد العام 1932م، بدأ بفريق الهاشماب بأمدرمان عام 1944 وحتى العام 1949م، وقّع للهلال في العام 1949م وظل يلعب له منذ توقيعه وإستمر حتى إعتزاله عام 1963م، وأمضى بالملاعب 19 عاماً خمسة أعوام منها بالهاشماب 44ـ1949م وأربعة عشر عاماً بالهلال 49ـ1963م وأشتهر بالرقم (10) وبالقدم اليسارية التي لا تخطئ قذائفها المرمى وسلّم الراية ورقم الفانيلة لخليفته الأسطورة جكسا في 1963م والذي بدوره كان خير خلف لخير سلف.
كان يمتاز بالأخلاق الفاضلة واللعب النظيف وبقذائفه اليسارية الصاروخية، وكان لاعباً فذاً لا يجارى شارك في جميع المباريات مع الهلال والفريق الأهلي السوداني وأحرز أهدافاً رائعة وحاسمة خلال مسيرته الرياضية، وعاصر ثلاثة أجيال في الأربعينات والخمسينات والستينات "النور بله وقسوم وزكي صالح وديم الكبير والهادي صيام وسبت دودو وفيصل السيد وسليمان فارس وحسن عطية وممي ودريسه وأمين زكي" وغيرهم من أفذاذ نجوم الهلال وفطاحلة الكرة السودانية في تلك الحقبة الرائعة.
عمل مراجعاً ممتازاً بمصلحة المراجعة "ديوان المراجع العام" وينحدر من أسرة رياضية تعشق الرياضة وتهواها فشقيقه حامد منزول كان لاعباً بارعاً ومثالياً.
زار عدة دول مع الهلال والفريق الأهلي السوداني إثيوبيا ومصر وسوريا وقارتي أوروبا وآسيا، وتأثر بلاعب المجر المشهور بوشكاش وإعتبره مثله الأعلى في كرة القدم، وبجانب كرة القدم كان الأمير يهوى لعب التنس الأرضي والباسكت بول وتنس الطاولة وكان عفيفاً وأنيقاً ودقيقاً في مظهره وأدائه وعمله ولعبه وعلاقاته مع من حوله ورفض أن يساعده الناس في مرضه ومحنته وظل طريح الفراش يعاني في صمت وفي صبر إلى أن إنتقل إلى رحمة مولاه يوم الجمعة الموافق 11ـ4ـ2003م ودفن بمقابر فاروق بالخرطوم.
مسيرته الرياضية
{ وقّع لفريق الهلال عام 1949م قادماً من فريق الهاشماب والذي أمضى فيه خمسة أعوام 44ـ 1949م وأمضى مع فريق الهلال أربعة عشر عاماً متتالية 49 ـ 1963م.
{ بعد تأسيس الإتحاد الأفريقي لكرة القدم 1956م تم تكوين أول فريق أهلي سوداني وكان الأمير صديق منزول على رأس القائمة مع أفذاذ اللاعبين سبت دودو وسمير محمد علي وفيصل السيد وعثمان الديم وبرعي سليم وبرعي أحمد البشير وأوهاج وإبراهيم كبير ومتوكل أحمد البشير ومنصور رمضان والجاك عجب "كابتن" ومحمود الزبير وسري محمد علي وحسن العبد وسليمان فارس.
{ شارك صديق منزول في لقاء السودان أمام إثيوبيا في العام 1956م.
{ شارك في جولة الفريق الأهلي السوداني إلى آسيا وأوروبا عام 1957م ولعب خلالها مع الفريق الأهلي السوداني مباريات دولية ضد منتخبات بومباي وكلكتا والصين وهانكو وبكين "أ" وبكين "ب" وكانتون عام 1956م.
{ لعب مع الفريق الأهلي السوداني ضد موسكو وروسيا والنمسا وأندونيسيا والمجر 56ـ1957م.
{ شارك في أول بطولة للأمم الأفريقية عام 1957م بالخرطوم أمام مصر في نهائي البطولة.
{ شارك في ثاني بطولة للأمم الأفريقية عام 1959م بالقاهرة ولعب أمام إثيوبيا ثم مصر في نهائي البطولة.
{ شارك في تصفيات كاس العالم أمام سوريا عام 1957م.
{ شارك في تصفيات دورة روما الأولمبية عام 1960م.
{ كان كابتن المنتخب الأهلي السوداني في الفترة من 59ـ1962م.
{ كان كابتن الهلال وفاز معه ببطولة الدوري وكاس السودان وعدد من الكؤوس التي طرحت في مناسبات مختلفة.
وإذا قلنا بأن الأمير صديق منزول كان أحسن لاعب في السودان نكون قد ظلمناه فهو علاوة على ميزته كلاعب متألق فهو يمتاز بالأخلاق الفاضلة والأدب الجم والغيرة على الشعار الذي يرتديه.

Quote: مباريات خالدة للأمير منزول { كل المباريات التي لعبها الأمير صديق منزول ظلت خالدة ووضع بصمته المميزة فيها ولكن نستعرض بعض منها. { الجمعة 17ـ3ـ1950م إفتتاح دار الرياضة بمدني حيث قاد منتخب العاصمة في لقائه مع منتخب الجزيرة على شرف تلك المناسبة وانتهى اللقاء بالتعادل 3/3 أحرز الأمير هدفين وأهدى الثالث للفذ كشيب بعد أن كانت منتخب الجزيرة متقدماً 3/صفر وكانت تلك المباراة من المباريات النادرة التي إشترك فيها صديق منزول مع شقيقه حامد منزول وكان نجم لقاءها الأول. { الأحد 10ـ2ـ1957م خلال لقاء السودان مع مصر في البطولة الأولى للأمم الأفريقية بالخرطوم وعند الدقيقة العشرين من الشوط الثاني تخطى الأمير منزول مدافعي الفريق المصري الواحد تلو الآخر ووضع الكرة على طبق من ذهب داخل خط (18) أمام القانون برعي أحمد البشير والذي سدد هدفاً رائعاً كان أول هدف للسودان في مشاركاته في بطولة الأمم الأفريقية ورغم خسارة السودان للمباراة والكاس بهدفين مقابل هدف لمصر إلا أن الأمير كان نجم اللقاء. { الجمعة 29 ـ 5 ـ 1959م خلال لقاء السودان مع مصر في نهائي البطولة الثانية للأمم الأفريقية بالقاهرة وعند الدقيقة التاسعة عشر من الشوط الثاني أطلق الأمير صاروخاً رهيباً محرزاً هدف التعادل للسودان في شباك مصر ورغم أن اللقاء إنتهى لصالح مصر بهدفين مقابل هدف وفوزها بالكاس إلا أن هدف الأمير كان حديث الناس. { 20ـ2ـ1955م أحرز هدفاً أسطورياً رائعاً في شباك المريخ في اللقاء الذي إكتسح فيه الهلال المريخ بأربعة أهداف مقابل هدفين في بطولة الدوري. { ويعتبر الأمير منزول هدافاً للقاءات الهلال والمريخ عبر التاريخ حيث أحرز نحو أربعين هدفاً خلال الفترة من 4ـ3ـ1949 تاريخ أول أهدافه في المريخ وإختتم أهدافه بهدفين رائعين في 19ـ6ـ1960م في اللقاء الذي إنتهى بتعادل الفريقين 3/3 في دوري المدن الثلاثة. { لعب مع الفريق الأهلي السوداني أكثر من ثلاثة وعشرين مباراة دولية خلال الفترة من 56ـ1962م. { لعب مع الهلال مباريات خالدة أمام عدد من الفرق الأجنبية التي زارت السودان خلال حقبة الخمسينات ومطلع الستينات. { فاز مع الهلال ببطولة الدوري لأربعة مواسم متتالية أعوام 57ـ 58، 58ـ 59، 59ـ60، 60ـ61، وظلّ هذا التوالي صامداً كحدث غير مسبوق لم يستطع أي فريق أن يكرره أو يحطمه إلا فريق الهلال المارد الأزرق حين حطم هذا الرقم القياسي الذي صمد نحو (46) عاماً بفوزه ببطولة الدوري الممتاز للمرة الخامسة على التوالي 2003ـ 2007م. { لا ينسى جمهور الرياضة والهلالاب بصفة خاصة الهدف الرائع الذي أحرزه الأمير منزول من ضربة جزاء في شباك الأهلي حيث تعرض لإستفزاز حارس مرمى الأهلي فوضع الأمير الكرة وطبطب عليها ثم أدار ظهره للمرمى ولعبها بكعبه فولجت الشباك هدفاً أسطورياً لم يتكرر حتى تاريخ اليوم منذ الخمسينات. { أطلق الهلالاب إسم "الهيلاهوب" على إحدى لعبات الأمير صديق منزول الإستعراضية حيث كان يداعب الكرة بسن الكدارة ويلف بمنتهى الرشاقة مائة وثمانين درجة ليجد الكرة جاثية أمامه في خشوع ويا ويل المدافع الذي يكون لحظتها بالقرب من الأمير. { ألا رحم الله الأمير صديق منزول الذي عاش أميراً ومات أميراً وغفر له وأسكنه فسيح جناته مع الصديقين والشهداء وحسن أولئك رفيقاً وستظل ذكراه العطرة خالدة وباقية أبد الدهر. >>> إفتتاح إستاد الهلال وتكريم الأمير صديق منزول 1968م تم إفتتاح إستاد الهلال يوم الجمعة الموافق 26ـ1ـ1968 حيث إفتتح الأستاذ الزعيم إسماعيل الأزهري وضيف البلاد الكبير الرئيس الزامبي الدكتور كنيث كاوندا وجرى اللقاء الودي الكبير بين الهلال ومنتخب غانا القومي والذي كسب المباراة بهدفين مقابل هدف أحرز هدف الهلال الأسطورة جكسا من الكرة التي إرتدت من حارس المرمى الغاني من لعبة شريف لركلة جزاء فلحق بها جكسا وأودعها الشباك، وتقدم الأمير صديق منزول طابور العرض وطاف حول الملعب بالبدلة محيياً الجماهير التي هتفت بإسمه ولعب الأمير ضربة البداية للقاء الهلال ومنتخب غانا ثم خرج ليحل محله الإمبراطور أمين زكي وبين الشوطين تم تكريم الأمير صديق منزول حيث قلده الزعيم الأزهري هلالاً من الذهب الخالص بسلسلة بجانب الفانلة رقم (10) وألقى الأمير صديق منزول كلمة قوية، متحدثاً عن أمجاد الهلال وأن هذا الإستاد ما هو إلا عنوان للتضحية والفداء وسيكون مدرسة للأجيال القادمة شاكراً الجميع على تكريمه موضحاً أن الهلال عقيدة في نفوس الأهلة وأن مكانته سامية ويجب علينا أن نضع الأسس القويمة والأخلاق والمبادئ المثالية للأجيال القادمة والمتعاقبة حتى لا تندثر الرياضة ورسالتها السامية. وأشار إلى أن بعض الأشخاص جاءوا في غفلة من الزمان إلى إدارة الهلال وكادوا أن يذهبوا بكل أمجاد الهلال ومبادئه دون رجعة ولكن قوى الشر مهما تآمرت فإن الهلال فوق الجميع وسأكون جندياً مخلصاً في صفوف الهلال بعد أن عاد الصفاء وتحقق الأمل وحيا في ختام كلمته الرئيسين الأزهري وكاوندا وحيا جماهير الرياضة بالإستاد ملوحاً بالفانيلة رقم (10) وسط هتاف وتصفيق الجماهير

Quote: احرز للهلال بسطاوي وللمريخ عثمان ذكي

القون ده كان هيد من نص الميدان ويومها اطلق عليه قون النافورة
لانو المريخاب قالوا الكورة ضربت فى ماسورة لروى الملعب وغيرت
وبعدها عمار مكى ادوه السكة

Quote: القون ده كان هيد من نص الميدان ويومها اطلق عليه قون النافورة لانو المريخاب قالوا الكورة ضربت فى ماسورة لروى الملعب وغيرت وبعدها عمار مكى ادوه السكة

تيتا

رايك شنو تشوف صورة لاعبك المفضل بالهلال حمد دفع الله

اسامة الثغر لم يحرز اي هدف في مرمي المريخ

ابراهومة المسعودية

مهداة لصديقي امير الجمري

والله ايام يا زمان

مباراة البمبان الشهيرة

Quote: ده اخطر مهاجم في وجهة نظري وعلى فكرة يا خليل الريح اللاعب الوحيد الزار شباك حراس المريخ الثلاثة في عهده وهم الاسطورة حامد بريمة وشنان وياسين

مدثر كاريكا .. بكري المدينة ومهند الطاهر سيكونوا كذلك امتداداً للريح كاريـك يا أمير يا جمري !!! ركـز علي بكري المدينة (دا)

Quote: رابعا: داك إسمه (علي عبد القادر) و ليس (علي عبد الخالق), و الآخر (حسين) عبد الحفيظ و ليس (حسن) عبد الحفيظ!

سلام أخ خليل

إسمه علي عبد الرزاق وكان يلقب بـ ( مارادونا من المريخاب )

وبـ ( علي رزق ) من الهلالاب.

Quote: وبـ ( علي رزق ) من الهلالاب.

فعلا يا عماد

قام من نومو ولقي كومو

هدف واحد في الهلال اشتهر به حتي اليوم

4

والله يا ابو الشوش

بطلنا نبني امال عراض

ياخي ديل ما بتقدر تعمل معاهم اي توقعات


ممكن زي قال محمد عبدالرحمن

كورة تضرب في ركبة نصر الدين الشغيل وتدخل الشبكة

والكورة تنتهي

Quote: مدثر كاريكا .. بكري المدينة ومهند الطاهر سيكونوا كذلك امتداداً للريح كاريـك يا أمير يا جمري !!! ركـز علي بكري المدينة (دا)

يا ولي كل سنة وانت طيب وايمان ورشا وامهم طيبين .
تعرف انا ما رجفت من مهاجم في الهلال ولا حا اخاف من مهاجم زي ما كنت برجف وبخاف من الكارثة ده
الريح مهاجم حريييف وقناص وممكن يغير ليك نتيجة المباريات 180 درجة في اقل من ربع ساعة والامثلة
كثيرة واشهرها مباراة الموردة ومباراة ام دوم (لما فائز نصر الدين رقص مدافعين ولعيبة وسط الهلال اللول اللول يا لولية).. وحاتك نزل الريح الشوط التاني والكورة تعادل سلبي ونحن مبسوووطين وشمتانين في الهلالاب بي مزاج والله الريح ده عمل في عبد الجليل مدافع ام دوم عمائل مرة تشوف رقم عبد الجليل 3 مرة تشوف حرف E وشحط ليك الشاذلي بقونين من برة 18 والله الهلالاب سكونا سك .. كانت ايام والريح ماااا بجي زيو ولا مدينة ولا دولة !!
هههههههههها
تحياتي .

اخر شموع الكرة السودانية

Quote: صحيح سامي احرز هدفا وعلي عبد الخالق احرز ولكنها قليلة

خليل
كل سنة وانت بالف خير وربنا يحقق الاماني
والليلة للاسف مافى طريقة رقيص فى نادى الغزال مع الكورة

وسؤالى ياخلى على عبد الخالق ده منو اوعى يكون فاصد على عبدالعزيز
الختا الكورة فى صدرو ونزلها بالعضل وتوووووووف فى حسن الطيب
وفال بعدها حسن الطيب فى الصحف اعمل شنو الشيخ وعصام ويقفوا يتفرجوا

يبدو ان الرجفة حاصلة عليكم فعلا ياخليل بقيتوا تلخبطوا فى الاسماء

Quote: يبدو ان الرجفة حاصلة عليكم فعلا ياخليل بقيتوا تلخبطوا فى الاسماء

عيد مبارك يا معاوية

وجيب من جوووة

زي ظاهرة التخصص حا تتنقل من المريخ للهلال


احرز ديمبا هدفه الرابع في شباك المريخ

بعد هدفيه ايام شبيبة القبايل

واحرز لاسانا هدفه الثاني في مرمي الهلال

وقدم وافد جديد هو سعيد السعودي

ولاول مرة علي شاشة المقبرة فتي (الشباك)

محمد احمد بشير الشهير ببشة

يا خليل مبروك الفوز رغم أنو خالف بعض توقعاتك في البوست دا
طبعا لو نسي الهلالاب ما ح ينسوا أقوان المدفعجي عاطف القوز
لمزيد من التفاصيل راجع حراس مرمي الهلال عوض حسب الرسول
وأبشر وغيرهما ..

Quote: يا خليل مبروك الفوز رغم أنو خالف بعض توقعاتك في البوست دا

قربت تصدق يا طلحة

طمبل اضاع شبه الانفراد وتتدخل مساوي في اخر لحظة

والعجب لم يشارك

لكن قون سعيد السعودي حلو ياخ

خلي يا هندسة
بنترحم اولاً على روح زميل المنبر سمندلاوي
ونباركـ الكأس المكانو معروف سلفاً
وهاردلكـ على اليوم الغريب وعجيب الكان فيهو القدر كلامو واضح
_______________
ما عرفتو لينا يا خلي قصة (الحصة) الأداها البرنس للراجو ده

يا عمران لو خليتني ممكن احلف ليك انو كلام هيثم لراجي
كان عن الموضوع بتاع النظام العام .
ومستعد اراهن على كدا .

Quote: ما عرفتو لينا يا خلي قصة (الحصة) الأداها البرنس للراجو ده

عيد مبارك يا عمران

والبركة في الجميع

اعتقد يا طلحة وعمران

بتفاوض معاهو عشان يجي يلعب في الهلال

اصلو البرنس خبير مفاوضات زي ما عمل مع

علاء الدين يوسف

يا طلحة

هل احرز عاطف القوز اهدافا كثيرة في الهلال

اعتقد احرز هدفا ولم يحتسب ان لم تخن الذاكرة

الموضوع يا طلحة يخيل لي أكبر
شوف المودة البينو وبين بشة وعلا في اللقطات الأولى
والرعاية الظاهرة في تفاصيل حركة هيثم وقبول راجو للكلام بيى ضبانتو
الفيديو بدون صوت ( لحدي ما نركب الكلام )

يا خلي عاطف القوز سجل
وجعفر عباس سجل
وكذلك أسامة بريش العيلفون سجل
أظن المريخابي الوحيد الما سجل في
هلالكم دا إبراهيم عطا ومنصور سبت ..

يا عمران
البداية عن موضوع النظام العام ويمكن تكون مقدمة للكلام الفي رأسك .

Quote: وجعفر عباس سجل وكذلك أسامة بريش العيلفون سجل

اسامة بريش متذكرو في كورة السبتين

والتي سننهي اسطورتها يوم الخميس القادم

وبدل ما عمر محمود خالد يقول بين السبت والسبت يختال كاسان

نحن برضو حا نقول

بين الخميس والخميس يختال كاسان

جعفر عباس والجنيد والاغنية الشهيرة



حبوبة طارق طارق مكنتو خفت

وصولو جعفر ختالو شنبر

Quote: يا عمران لو خليتني ممكن احلف ليك انو كلام هيثم لراجي كان عن الموضوع بتاع النظام العام . ومستعد اراهن على كدا .

فعلا كان هيثم مصطفى بهديء في خاطر راجي بعد الهتاف الذي صدر من جماهير الهلال ..

شكرا يا علاء الدين
الموضوع كان واضح ولا يحتاج ذكاء
بالنسبة لهتاف الجماهير فالعتبي تقع بالطبع على الجرايد الرياضية
كاشفة ومكشوفة الحال .

Quote: يا طلحة هل احرز عاطف القوز اهدافا كثيرة في الهلال اعتقد احرز هدفا ولم يحتسب ان لم تخن الذاكرة

خليل كل سنة و إنت طيب و مبروك عليك العيد.....

نعم.... عاطف أحرز هدف من فاول خارج خط 18 .. إلا أن الحكم لم يحتسبها لأنو عاطف لعب الكرة قبل إشارة الحكم....
و قبل عمل حيطة للهلال فأعادها الحكم ... و كان وقتذاك الحارس عوض حسب الرسول... الذي قال في الجرايد:

هدف عاطف القوز صحيح% ... و بعدها بيوم تم شطبه من الهلال.....

كدي علي صوتك ده شوية يا خليل ما سامعين

Quote: كدي علي صوتك ده شوية يا خليل ما سامعين

صوتي عالي النبرة


راجي لم يحرز هدفا في نهائي الممتاز وله هدفا واحد للمريخ افريقيا


راجي ما يوجعش

Quote: خليل كل عام وانت بخير اه راجى حا يكسر القاعدة دى ويحرز هدف جميل احفظ للتوثيق ..تحياتى ..

اه يا خلى حفظت كلمنا فى محل وكااااااااااااااااااك

تحياتى ..

Quote: اه يا خلى حفظت كلمنا فى محل وكااااااااااااااااااك

لا يا خالد


الرهان كان علي مباراة الممتاز وكان راجي اسواء لاعب في المباراة

كاس السودان اصبح كالمباراة الودية بطولة لا تسمن ولا تغني من جوع

اعتقد لو كان مساوي موجود لو لعب راجي عشرة ساعات لن يحرز هدفا

Quote: نعم.... عاطف أحرز هدف من فاول خارج خط 18 .. إلا أن الحكم لم يحتسبها لأنو عاطف لعب الكرة قبل إشارة الحكم.... و قبل عمل حيطة للهلال فأعادها الحكم ... و كان وقتذاك الحارس عوض حسب الرسول... الذي قال في الجرايد: هدف عاطف القوز صحيح% ... و بعدها بيوم تم شطبه من الهلال.....

تصحيح للمعلومة
نعم عاطف القوز أحرز هدف من فاول ليس فقط من خارج ال 18
بل بعيداً جدا منه يعنى شايتا من القوز. الحالة كانت ضربة حرة مباشرة.
لحكم عثمان أحمد البشير (ديجانقو) لم يعد تنفيذ المخالفة بتاتاً،
بل نقض الهدف ولعبت الكرة ضربة مرمى وسط دهشة الجميع ..!!
كان سيكون الهدف الثالث للمريخ وفى الشوط الأول ودون مقابل للهلال!
لو حسب هذا الهدف الله وحده يعلم كم أهداف زيادة ستستقبلها شباك الهلال يومذاك.
بعد سنوات إعترف عثمان ديجانقو بصحة الهدف المنقوض،ولكنه نقضه خوفاً من حدوث شغب
من جماهير الهلال. هو تعليل والواقع خشى من هزيمة كبيرة للهلال عمل على تداركها
بنقض الهدف وفرملة فريق المريخ من زيادة الغلة

خليل وزواره تحياتى

بوست ظريف، رغم عدم صحة نظرية خليل عن أن اللاعبين الجدد على القمة لا يحرزون أهدافاً ..ونظريته أسقطها هنو وراجى معا
وأسقطها فى الماضى:
فى الستينيات ماجد .. جادالله .. مصطفى .. إسماعيل بخيت .. كمال بنى
فى السبعينيات كمال عبد الوهاب .. الفاضل سانتو .. حمور الكبير ..

أما عمن من هو هداف القمة فالإحصائية أن على قاقارين على رأسها هى ليست مقارنة دقيقة. معتمدة على عدد الأهداف الخام دون نسبتها لعدد سنوات اللعب، وأكثر دقة نسبتها لعدد مشاركات كل لاعب فى مباريات القمة

على قاقارين كان أكثر اللاعبين مواظبة على اللعب لفترة تعدت العشر سنوات. بينما الفاضل سانتو مثالاً لعب فى المريخ خمسة مواسم فقط من 71 وحتى 76 مع الرياضة الجماهيرية . ولعب على الأقل مدة مثلها محترفاً متميزً بالإمارات العربية. وبالإحصاء الدقيق سيكون سانتو هو من يجلس على قمة هدافى السودان محلياُ وأفريقياً (ناس المريخ يحسبون فيصل العجب محلياً وأفريقياً). بل ويتعداها الفاضل سانتو معتلياً قمة هدافى الخليج .. ربما ينافسه ماجد عبدالله السودانى الأصل بالسعودية (سمى على ماجد أبوجنزير) وعمر النور الذى لعب للزمالك

أيضاً يمكن رصد إحصائية بعدد المباريات التى أحرز فيها اللاعب هدفاً أو أكثر وخرج فريقه منتصراً فى مباريات القمة .. وأكيد سيكون على قمة الهدافين عبدالماجد عثمان (ماجد) وجادالله خير السيد وكمال عبدالوهاب