Post: #1
Title: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 07:00 AM
Parent: #0
إنهم يتقاضون 40 جنيهاً مقابل ذبح الخروف ...!!!
ليس هذا هو السبق المرجو ....
|
Post: #2
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 07:02 AM
Parent: #1
إنهم ينفخون الخروف نفخاً مبرحاً بمنفاخ العجلة ..... !
|
Post: #3
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: حمور زيادة
Date: 11-16-2010, 07:04 AM
Parent: #2
السنة الجاية حيسلخوهو بالمبشر.
كل عام و انت بخير يا صديق.
|
Post: #5
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 07:06 AM
Parent: #3
وإنت طيب يا حمور ...
جاني إحساس أن ضباحين السنة دي تخرجوا من كلية جهاز الأمن للنفخ الحديث ....
اللهم أجعله خير
|
Post: #4
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 07:04 AM
Parent: #2
|
Post: #6
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 07:10 AM
Parent: #4
هذا البوست هدية معايدة لصلاح قوش .. وهو قاعد لينا في بوستاتنا كدا زي العمل الردي ... والله حرام عليك يا ريس !!!!
|
Post: #7
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: كمال سالم
Date: 11-16-2010, 07:24 AM
Parent: #6
ياصديق مش كتر خيرهم القدروا يشتروه !
مساكين بقى ماعندهم حيل للنفخ إ
زول منفوخ عشرين سنه ينفخ شنو تانى ؟
والله بلومه ما ينفخها .
كل سنه وإنت طيب وعيد سعيد .
|
Post: #8
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: دينا خالد
Date: 11-16-2010, 08:03 AM
Parent: #7
كل سنة وانتو طيبين
الانفاس ورزاز اللعاب المتطاير من الفم
ناقل مباشر للكثير من الامراض الخطيرة والجراثيم
والبكتريا .. النفخ على الاشياء التى تؤكل بيدو
لى خطير فليفتينا اطباء البورد ...
هسه بقولوا حتى اللبن ما تنفخ على الا يكون
ح تشربوا انت ..
امراض الكبد الوبائى الخطير والمتفشى بصورة
كبيرة فى دولنا بتنقل باللعاب والتنفس
فاحذروا ان ينفخ لكم اى احد فى طعامكم ..
الحاجة الخطيرة انو الرئتين التين يتم نفخهم
بواسطة ضباح لا احد يعرف شىء عنه تؤكل نيئة ..
شفت الخطورة كبيرة كيف ؟؟
كل سنة وانت طيب
ــــــــــــ
الفكرة جهنمية اذا كانت العجلة
ما عندها ايدز لووووووب
|
Post: #9
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: عمر صديق
Date: 11-16-2010, 08:18 AM
Parent: #8
الاخ ابو فواز
كل سنة وانت طيب
وشكرا للسبق الاسفيري
|
Post: #13
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 12:20 PM
Parent: #9
أخي الفاضل عمر صديق ...
تحياتي وأمنياتي لك بعيد سعيد ..
وكل عام والجميع بخير وربنا يحقق الأماني ..
وهاردلكم ياخي مغادرة الهلال للكونفدرالية ... والله غادروا بشرف ...
كل الود
|
Post: #12
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 12:17 PM
Parent: #8
Quote: كل سنة وانتو طيبين
الانفاس ورزاز اللعاب المتطاير من الفم
ناقل مباشر للكثير من الامراض الخطيرة والجراثيم
والبكتريا .. النفخ على الاشياء التى تؤكل بيدو
لى خطير فليفتينا اطباء البورد ...
هسه بقولوا حتى اللبن ما تنفخ على الا يكون
ح تشربوا انت ..
امراض الكبد الوبائى الخطير والمتفشى بصورة
كبيرة فى دولنا بتنقل باللعاب والتنفس
فاحذروا ان ينفخ لكم اى احد فى طعامكم ..
الحاجة الخطيرة انو الرئتين التين يتم نفخهم
بواسطة ضباح لا احد يعرف شىء عنه تؤكل نيئة ..
شفت الخطورة كبيرة كيف ؟؟ |
معك حق أستاذة دينا ... حقيقة إبتكار جهنمي ... والحاجة أم الإختراع ...
أنا سمعت من بعض الأخوة القادمين من السعودية أن هناك في فتوة تقول بكراهة نفخ الذبيحة ، وأعتقد أن هناك حديث نبوي يمنع النفخ في الشاي وما شابهه من المشروبا الساخنة لتبريدها قبل الشرب والله أعلم!
تحياتي العطرة
وكل عام وأنتي بخير
|
Post: #11
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 12:12 PM
Parent: #7
Quote: ياصديق مش كتر خيرهم القدروا يشتروه !
مساكين بقى ماعندهم حيل للنفخ إ
زول منفوخ عشرين سنه ينفخ شنو تانى ؟
والله بلومه ما ينفخها .
كل سنه وإنت طيب وعيد سعيد . |
والله صدقت عزيزي كمال سالم ؛ كتر خير القدر يشتريه ..
والضباحين زاتهم "منفوخين" مغصة وما فيهم حيل نفخ ، وزي ما قالوا السنة الجاية النفخ حيكون على حساب صاحب الخروف .. ولازم يكون في البنشـــــر ... !!
تحياتي
|
Post: #10
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: عاطف عمر
Date: 11-16-2010, 08:24 AM
Parent: #1
سلامات صديق
كل عام وأنتم بألف خير
حقيقي سبق
لكن عمك دا شغال براهو كدا مالو ؟؟
لا مساعد
ولا جمهور من أهل البيت
حتى أطفال ساااااى كدا مافي
يا ربي نحنا كنا متلقين حجج ولا شنو ؟؟
|
Post: #14
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 12:26 PM
Parent: #10
Quote: حقيقي سبق
لكن عمك دا شغال براهو كدا مالو ؟؟
لا مساعد
ولا جمهور من أهل البيت
حتى أطفال ساااااى كدا مافي
يا ربي نحنا كنا متلقين حجج ولا شنو ؟؟ |
تحياتي عزيزي عاطف وكل سنة وإنت طيب .. وربنا يحقق الأماني ..
بالعكس والله العيال موجودين لكن صدف إنهم كانوا في الجانب الآخر ..
وحتى من الأشياء الجميلة إبني فارس وهو في الصف السابع وعمره 12 سنة لفت نظر الضباح وقال ليه ما تضبح وتسلخ والخروف الآخر موجود ويتابع لأن ذلك حرام - وقال إنه دا كان آخر درس أدوهوا ليهم قبل الإجازة .... ما شاء الله !
كل التحايا النضرة وكل الود
أبوفواز
|
Post: #15
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-16-2010, 12:47 PM
Parent: #14
سلام صديق وكل عام وإنت بخير ..
Quote: إنهم يتقاضون 40 جنيهاً مقابل ذبح الخروف ...!!!
|
الليلة الصباح بعد الصلاة في سوق الكلاكلة اللفة شي غريب جدا ..!
مشيت أجيب ضباح لقي ليك الضباحين مالين السوق .. أظن عددم أكتر من عدد الخرفان الناس اشتروها .. الجماعة ديل لقيت ليك كلهم متفقين على حاجة واحدة .. تقول ليهو بي كم تضبح ؟ يقول ليك إنت داير تدفع كم ؟ مع النقاش بيبدأ معاك من مية جنيه .. وبيقيف في ستين جنيه .. أمشي للبعدو برضو يسألني : إنت داير تدفع كم ؟! برضو يبدأ لي من مية ويقيف في ستين .. خمسين جنيه ما في زول رضا بيها .. قعدت إتلفت ومتحير شفت لي واحد جا نازل من بوكسي .. الظاهر يا دوب جديد وجاي يشوف رزقو ومن ملامحو عرفتو دا ما تبع الجماعة التانين وما أظن متفق معاهم ..
ناديتو يا حاج .. يا حاج .. جاني .. قلت ليهو عندي خروف .. قبل ما يسألني إنت داير تدفع كم ؟ طوالي داهمتو ليك : إنت عشان تضبح داير كم ؟ عمنا قال لي والله يا ولدي أنا يا دوب جاي من الفتيح (فتيح العقليين) .. وكت قابلتك أول وقابلتني وإخترتني من دون الناس دي بمشي معاك وخليها بالنية .. قلت ليهو .. إنت أساسا قاعد تضبح بي كم ؟ قال لي يا ولدي في الأيام العادية بضبح كان بي عشرة كان بي خمسطاشر .. لكن طبعا الدنيا عيد وبندورلنا زيادة ما بناباها كان لقيناها ..! قلت ليهو ابشر بالخير يا حاج .. بنديك الزيادة تب ..!!
مشى معاي البيت جاب الخروف ضبحو .. علقو .. قشرو .. فرتكو .. قطعو وإنتهى من الموضوع ..!!
شكرا يا حاج ما قصرت وكل عام وإنت بخير واديتو خمسة وعشرين جنيه .. يعني زيادة عشرة جنيه ..!! الراجل إستلما حامد وشاكر .. مش كدة وبس .. الزول ربنا فتحا عليهو طلع من عندي واحد من ناس الحلة ناداهو .. بيضبح لي الزول داك واحد تاني حجزو .. ولحدي كتابة السطور دي عمنا حايم في الحلة شغال ضبح سااااااااي ..!!
عمنا شغال بي نظرية (بيع بي أقل تربح أكتر) .. وترجمتا (أضبح بي أقل .. تضبح أكتر) ..!
|
Post: #16
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: Al-Shaygi
Date: 11-16-2010, 01:06 PM
Parent: #15
Quote:
شكرا يا حاج ما قصرت وكل عام وإنت بخير واديتو خمسة وعشرين جنيه .
|
ناذر كل سنة وأنت طيب وعيدك مبارك
ياخ أنت جبار كدي مالك؟؟؟
الجماعة في الأول عصروك لامن بقيت تحنس في الخمسين كان واحد يحن عليك ويقبل بيها....
وقت لقيت عمك الطيب ده ما كان تديها ياهو وتعتبر الزيادة صدقة.....
وتقول لي جعلي؟؟
يظهر أنك جعلي 3D
لكن والله عمك بطيبتو وأصالته يستاهل أكتر منها وزي ما قلت الله رزقو ويستاهل كمان ندعوا ليهو بالخير والصلاح والله يديهو لامن يرضى....
أهم شي أخدت رقم موبايلو للضحية الجاية؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #17
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-16-2010, 01:10 PM
Parent: #15
| Quote: عمنا شغال بي نظرية (بيع بي أقل تربح أكتر) .. وترجمتا (أضبح بي أقل .. تضبح أكتر) ..! |
تحياتي أستاذ ناذر .. وكل عام وأنت بخير ..
أنا تقريباً خضت تجربة قريبة لتجربتك هذه ... بالأمس أتفقنا ؛ أنا وشقيقي وأحد أصدقائي وقررنا الذهاب إلى "أبوزيد" وهي لمن لا يعلم بعد سوق ليبيا في أطراف أمدرمان لشراء الأضحية ..
وقفنا مع أكثر من 5 مجموعات بيع وكلهم متفقين على أن أصغر خروف ب 500 جنيه ...
أخيراً ؛ سمعت نقاش دائر بين أحد السماسرة وأحد الراغبين في الشراء .. ومن الأرقام عرفت أن هذه المجموعة هي محطتي الأخيرة ..
وبالفعل ؛ أول ما تحدث صاحب الحيوانات ، قال أن السعر موحد وهو 360 جنيه ، والغريب في الموضع أنه بالفعل كل "الخراف" كانت صغيرة السن وحجمها واحد بس تقول تايوانيين .. وبلدية 100% ، بدون أي جدل كثير إتفقنا على أن نشتري 3 خراف في سعر الواحد 340 جنيه ، وفي دقائق كانت مجموعته قد اكتظت بالمشترين ولا أعتقد أنه قد مر زمان قبل أن يبيع كل بضاعته ...
والحمد لله الخراف كانت في غاية الروعة وممتازة جداً ...
صحيح أن 340 زاتها كتيرة ... لكن بالنسبة للواقع الغريب في السوق فأعتقد بأنها مناسبة جداً ...
تحياتي العطرة أستاذ ناذر
|
Post: #18
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-16-2010, 01:21 PM
Parent: #17
الشايقي كل سنة وإنت طيب ..
Quote: الجماعة في الأول عصروك لامن بقيت تحنس في الخمسين كان واحد يحن عليك ويقبل بيها....
وقت لقيت عمك الطيب ده ما كان تديها ياهو وتعتبر الزيادة صدقة.....
وتقول لي جعلي؟؟
يظهر أنك جعلي 3D
|
جعلي ثري دي شنو يا سيد ..!! إنت عارف نظامي اللي هو (الذبيح قليل التكلفة) .. كلمة قليل التكلفة دي بقيت أحشرا في أي تعامل شخصي أو تجار ي أو إجتماعي زاتو ههههههههههه
يا خي أنا من شدة زعلتي من الضباحين الاوائل ديلك لمن فكرت أجل الضحية لحدي بعد العيد عشان الاسعار ترخص هههههههه
Quote: أهم شي أخدت رقم موبايلو للضحية الجاية؟؟؟
|
الضحية الجاية إنشاء الله حا أضبح بي نفسي وطبعاً رقم موبايلي عندك ..!!
|
Post: #19
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-16-2010, 01:34 PM
Parent: #17
سلام استاذ صديق ..
| Quote: والغريب في الموضع أنه بالفعل كل "الخراف" كانت صغيرة السن وحجمها واحد بس تقول تايوانيين .. وبلدية 100% |
أنا ما عارف حكاية الخرفان البتشبه بعض حكايتا شنو ؟!
أمبارح جيت ماري في واحد من الشوارع قلت أجر الشارع وإتفرج اول وبعد داك إختار حتة أقيف فيها اشتري منها ... لفت نظري مجموعة من الخرفان لونا ابيض بي أسود .. مخططة زي البقر الفريزيان بالضبط ..!! والناس متلمية فوقا .. يمين الخرفان دي من شدة ما متشابهة وقدر بعض تحلف تقول ديل مستنسخات من النعجة دولي ديك ..!!
بس إنت كنت محظوظ بي السعر دا لأني إشتريتو أغلى شوية وصاحب الخرفان بيقول للناس الخرفان دي جايبا من البطانة ومربيات تربية طبيعية ومش عارف إيه ..!! وكان من الواضح إنو الخرفان نضيفة وما فيها كلام خاصة لونا مشجع وظريف ...!!
طبعا الطعم برضو ظريف والدليل على كدة أنا بكتب المداخلة دي وبتِرع وقدامي جك بتاع شربوت ما عارفو خالي من الكحول ولا لا ..!!
|
Post: #20
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: محمد قرشي عباس
Date: 11-16-2010, 02:12 PM
Parent: #19
العزيز صديق عبدالجبار
كل سنة و إنت طيب
غايتو نحن قبال سنين في البيت كنا بنضبح برانا و بنستعمل المنفاخ ده زاتو .. لكن حكاية إنو الجزارين لفحوا فكرتنا دي ما سمعت بيها 
دمت بخير
............
ملحوظة:
في بحث طبي توضح أن عادة نفخ الرئة (بالذات في الشرق) هي أحد أسباب إنتشار مرض السل بالسودان !!
فالموضوع جادي و ياريت لو التقليعة دي تنتشر
|
Post: #21
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: عماد الشبلي
Date: 11-16-2010, 02:26 PM
Parent: #20
والله فكرة رايعة
شكرا صديق وكل عام وانت بخير
|
Post: #22
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: معاذ الهادي
Date: 11-16-2010, 02:48 PM
Parent: #21
سلام يا صديقي...صديق
كل سنة وانت طيب
وبركة الشفنا محمد عباس طيب في بوستيك ده
تانيا
الملاحظ اختفاء الشربوت وازدهار المشروب الكان منافس بقوة في الانتخابات الفاتت
ثالتا
ترييع نازر وشربوتو عملو لي نفسيات
رابعا
المنفاخ قد يكون اخف قدرا من النفخ المباشر
لكن ياريت لو تختفي ظاهرة النفخ دي
اسوء حاجة في الضحية
انو الواحد ياكل ليهو فشفاش منفوخ
يتلمن عليك الاتنين
مرض البهيمة ومرض الجزار
|
Post: #23
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: محمد قرشي عباس
Date: 11-16-2010, 03:35 PM
Parent: #22
حبيبنا معاذ ..
ليك وحشه و الله
كل عام و إنت بخير
Quote:
اسوء حاجة في الضحية
انو الواحد ياكل ليهو فشفاش منفوخ
يتلمن عليك الاتنين
مرض البهيمة ومرض الجزار
|
دي قلبت فيها هوبة عديل كده .. 
|
Post: #24
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-16-2010, 04:09 PM
Parent: #22
معاذ ..
Quote: تانيا
الملاحظ اختفاء الشربوت وازدهار المشروب الكان منافس بقوة في الانتخابات الفاتت
|
الشامبيون قصدك ؟!!
لكن فعلا الشربوت بدا يختفي لأنو في ناس حرموهو عدييل كدة ..
Quote:
اسوء حاجة في الضحية
انو الواحد ياكل ليهو فشفاش منفوخ
|
يوووووووووووووووووووعععععععع
بالغت يا معاذ طممت لي بطني .. فشفاش شنو التاكلو ؟!
بعدين أفرض منفوخ .. خايف تقرم منو يطرشك فيك ولا شنو ؟!!
|
Post: #25
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: معاذ الهادي
Date: 11-16-2010, 04:45 PM
Parent: #24
Quote:
يوووووووووووووووووووعععععععع
بالغت يا معاذ طممت لي بطني .. فشفاش شنو التاكلو ؟!
بعدين أفرض منفوخ .. خايف تقرم منو يطرشك فيك ولا شنو ؟!!
] |
يازول داير تلبسني تهمة ساااااااااااااي كدة في صمة خشمي
انا الفشفاش ده كان شفتو ساي ..........................بيغمن علي
...................
انا قصدت الناس البتاكل الفشفاش في المرارة تعمل حسابها
اولا عشان الفشفاش ده عبارة عن صالة عرض للا مراض الفي البهيمة
ويجي الجزار ثانيا يتم الناقصة وينفخ ليك مرضو كلو في الفشفاش
يعني صحن المرارة يكون عبارة عن كرنتينة
|
Post: #26
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-16-2010, 05:02 PM
Parent: #25
Quote: يعني صحن المرارة يكون عبارة عن كرنتينة
|
ههههههههههههههه
إنت يا معاذ الضباحين دي بينفخو الفشفاش دا لي شنو ؟!!
هو ما بيتأكل لو ما نفخوهو ولا شنو ؟!!
سؤال جادي والله ...!!!
|
Post: #29
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-17-2010, 06:09 AM
Parent: #22
Quote: وبركة الشفنا محمد عباس طيب في بوستيك ده
تانيا
الملاحظ اختفاء الشربوت وازدهار المشروب الكان منافس بقوة في الانتخابات الفاتت
ثالتا
ترييع نازر وشربوتو عملو لي نفسيات
رابعا
المنفاخ قد يكون اخف قدرا من النفخ المباشر
لكن ياريت لو تختفي ظاهرة النفخ دي
اسوء حاجة في الضحية
انو الواحد ياكل ليهو فشفاش منفوخ
يتلمن عليك الاتنين
مرض البهيمة ومرض الجزار |
تسلم يا معاز وإنشا الله من العايدين وربنا يجمعنا دايماً في الأفراح ..
وربنا يحمينا من مرض البهيمة ومرض الجزار ..!!!
كل عام وأنت بخير
تحياتي العطرة
|
Post: #28
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-17-2010, 06:04 AM
Parent: #21
شكراً عزيزي عماد الشبلي ..
كل سنة وأنتم طيبون ...
تحياتي
|
Post: #27
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-17-2010, 06:02 AM
Parent: #20
كيفك يا دكتور قرشي ...
كل عام وأنت بخير وربنا يحقق الأماني ..
تعرف أنا بمناسبة هذا البوست إتصل بي أحد الأصدقاء وعرفت منه لأول مرة أنه في "المذابح" والسلخانات الكبيرة بيستخدموا الكومبريسور ، وطبعاً هذا منطقي جداً بسبب العدد الهائل من "الضحايا" المحكوم عليهم بالنفخ ...
أعتقد أنها سنة حميدة ونتمنها تطويرها وتعميمها
تحياتي
|
Post: #30
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-18-2010, 06:32 AM
Parent: #1
.
|
Post: #31
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 08:12 AM
Parent: #30
صحيفة التيار تقتبس "نفخنا" ..... حقوقنا يا ريس ... !!
الاأربعاء 17 نوفمبر 2010م العدد رقم 449 - الصفحة الأخيرة - عيون الكاميرا !
|
Post: #32
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-19-2010, 10:21 AM
Parent: #31
عليك بي محامي كارب يا صديق ..!!
|
Post: #33
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 10:31 AM
Parent: #32
كيفك يا ناذر ..
أنا حسب علمي أنو الصور اللي بنرفعها نحن بتكون ملك لسودانيز أونلاين .. لكن يبقى الحق الأدبي .. بقى دي ما عارف يعملوها كيف ...؟!
المهم سيد الحوش ما يضيع حقوقنا ... أنشالله 10% ... !! من شان الله !
تحياتي
|
Post: #34
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 10:49 AM
Parent: #33
|
Post: #35
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: بدر الدين اسحاق احمد
Date: 11-19-2010, 10:58 AM
Parent: #33
Quote: صحيفة التيار تقتبس "نفخنا" ..... حقوقنا يا ريس ... !!
الاأربعاء 17 نوفمبر 2010م العدد رقم 449 - الصفحة الأخيرة - عيون الكاميرا ! |
أ. صديق كل سنة وانت والاسرة طيبين وبالف خيــر ....
دا موضوع ليس بالسهل ولا الهين ..
دا موضوع ملكية فكريــة ( الصور ) من حقوق المصور فإذا كنت انت المصور فلك كل الحــق فى التضرر من صحيفة التيار
بكل الوسائل القانونيــة ...
مع طلب التعويــض المجزئ
ورد الحقوق الادبية لشخصكم
بـس كدا فى الاول ملكنـا معلومات حول الصورة :
هل تم تصويرهـا بكاميرة ( الكترونية ) خاصــة ؟
وهل لا زلت محتفظ باصل الصورة فى ذاكرة الكاميرا ؟
والصحيفة هل نشرت الموضوع ونسبتــه الى ( شخص / جهة ) مــا ...؟
وهل لديك النيــة فى ان يصل هذا الامــر الى نهاياتــه القانونيــة ؟
بعد داك يوجد حــق ادبــى عام للموقــع ( سودانيزاونلاين ) لصاحبه بكرى ابوبكر وشركائــه وهم ( نحن اعضاء المنبر )
دا موضوع مجتمعــى عام لابد من تسخير بعض الجهود للتثقيف بـه ..
|
Post: #36
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 03:10 PM
Parent: #35
Quote: دا موضوع ليس بالسهل ولا الهين ..
دا موضوع ملكية فكريــة ( الصور ) من حقوق المصور فإذا كنت انت المصور فلك كل الحــق فى التضرر من صحيفة التيار
بكل الوسائل القانونيــة ...
مع طلب التعويــض المجزئ
ورد الحقوق الادبية لشخصكم
بـس كدا فى الاول ملكنـا معلومات حول الصورة :
هل تم تصويرهـا بكاميرة ( الكترونية ) خاصــة ؟
وهل لا زلت محتفظ باصل الصورة فى ذاكرة الكاميرا ؟
والصحيفة هل نشرت الموضوع ونسبتــه الى ( شخص / جهة ) مــا ...؟
وهل لديك النيــة فى ان يصل هذا الامــر الى نهاياتــه القانونيــة ؟
بعد داك يوجد حــق ادبــى عام للموقــع ( سودانيزاونلاين ) لصاحبه بكرى ابوبكر وشركائــه وهم ( نحن اعضاء المنبر )
دا موضوع مجتمعــى عام لابد من تسخير بعض الجهود للتثقيف بـه ..
|
شكراً أستاذ بدر الدين .. وكل عام وأنت بخير وينعاد عليكم بالصحة والعافية ..
أولاً الصور أخذتها بواسطة الجوال ومحفوظة في الذاكرة.
ثانياً كتبت الصحيفة تحت الصورة " الصورة منقولة من سودانيز أونلاين "
ثالثاً : والله يا بدر الدين يا خوي أنا مفلس فلسة عدوك " وعضتي تسعر" ... لو الموضوع فيه كاش ، أبداً ما بقول لع ...!!!
أنا سبق وقلت للأخ ناذر بأنني اعتقد أن المادة حسب قوانين المنبر ملك لسودانيز أون لاين ، ولكنني قطعاً لدي حق الملكية الفكرية أو بالدارجي الحق الأدبي ..!!!
تحياتي وتقديري أستاذ بدر الدين .... ولو قدرت تطلع لينا حاجة ليك الحلاوة .. حلاوة عيد ضحية كمان ...
|
Post: #37
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 03:20 PM
Parent: #36
وبالمناسبة ؛
لقد حرصت على أن أستأذن الضباح (الجزار) قبل تصويره ، وأخذت منه الإذن بنشرها على الإنترنت في وجود شهود ....
|
Post: #38
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: محمد قرشي عباس
Date: 11-19-2010, 04:06 PM
العزيز .. صديق
Quote:
أنا حسب علمي أنو الصور اللي بنرفعها نحن بتكون ملك لسودانيز أونلاين .. لكن يبقى الحق الأدبي .. بقى دي ما عارف يعملوها كيف ...؟!
|
قوانين المنبر مافيها إنو الصور بتكون ملك المنبر ..
دي ذكرتني بالتنوية اللي بتعلقه أغلب محلات التصوير الفوتوغرافي حول ملكيتها للنيجاتيف (وما لاقي ليها مبرر لحدي الآن قانونا)
بعدين كون أن الجريدة نوهت للمصدر (سودانيز أون لاين) بيخلينا نفترض حسن النية ..
و السؤال للقانونيين .. هل ده بيحلهم من التبعات (القانونية/الحق الأدبي)
هل من أعراف النقل ذكر المصدر فقط دون المصور الأصلي .. أم أنه إنتهاك أيضا يماثل الإنتحال
غايتو فرصة نتعلم ..
يكفيك فخرا إنك تنبأت بأنه سبق صحفي لحدي ما وصل الصحافة الورقية كذلك !!
مودتي
|
Post: #39
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: waleed dawash
Date: 11-19-2010, 06:34 PM
Parent: #38
| Quote: وعرفت منه لأول مرة أنه في "المذابح" والسلخانات الكبيرة بيستخدموا الكومبريسور |
الاخ صديق كل عام وانتم بخير
ياصديق البوست ده كلو كوم وكلامك ده كوم براه...
يعني انت كنت متخيل انو يوميا في السلخانات الجزارين
ديل بنفخو ليهم مئات العجول والاف الخراف؟ ده غير التصدير
والذي كان في سلخانة امدرمان وحدها يصل العدد فيه الى
ستة الف راس في اليوم؟ يعني الجزارين واهلهم والجيران وامدرمان
دي كلها لو بنفخو البهائم دي ... كانت تكون عندهم لوز بفوق وتحت ليوم الدين.
|
Post: #40
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: بدر الدين اسحاق احمد
Date: 11-19-2010, 08:18 PM
Parent: #39
Quote: أولاً الصور أخذتها بواسطة الجوال ومحفوظة في الذاكرة.
ثانياً كتبت الصحيفة تحت الصورة " الصورة منقولة من سودانيز أونلاين "
|
يا استاذ صديق كل عام انت والاسرة الكريمة بخير
اهـا الصحفيين المحترفين ديل بيعرفو كيف يتخارجو من ( المطبات القانونية )
فالاشارة الى مصدر الصورة فيــه ( حفظ للحق الادبى للموقع )
السؤال اين الحق الادبى للمصور ؟
حين انزلت الصورة كان يلزمك كتابة شعار / اسم / علامة مائية داخل الصورة تحدد فيها ملكيتك للصورة
وتحزر من اعادة استخدام الصورة باى طريقة الا بأذن منك شخصيا / او من ينوب عنك ..
Quote:
ثالثاً : والله يا بدر الدين يا خوي أنا مفلس فلسة عدوك " وعضتي تسعر" ... لو الموضوع فيه كاش ، أبداً ما بقول لع ...!!!
|
انت والله عشمان عشم ابليس فى الجنة ...
الجماعة ديل مقشطين ويا دوبك بالاعلان قادرين يتمو ( مرتبات الصحفيين )
---------------------------------------------------------------
| Quote: أنا سبق وقلت للأخ ناذر بأنني اعتقد أن المادة حسب قوانين المنبر ملك لسودانيز أون لاين ، ولكنني قطعاً لدي حق الملكية الفكرية أو بالدارجي الحق الأدبي ..!!! |
كدا فى الاول شوف كلام سيد الحوش بكرى ابو بكر :...
| Quote: لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة [email protected] |
مساهمات / كتابة / مقالات / صور / قصة / شعر لنقلها لابد من الحصول على اذن الادارة قبل ذلك ..
ثم شوف كلامــو التانــي عن كتابات الاعضاء :..
| Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها |
وهنــا سيد الحوش يتبرأ من اى مسئوليــة ( رأى / مقال / صورة / .... ) منشورة باسم اى عضو
هناك ( تحديد ملكية تحتاج الى اذن لنشرها )
وهنــا ( تبرؤ من اى مسئولية يمكن ان تنشأ من مساهمات الاعضاء )
|
Post: #41
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: نيازي مصطفى
Date: 11-19-2010, 09:47 PM
Parent: #40
فكره جميلة جدا وتقريبا صحيه اكثر من النفخ بالطريقة التقليدية ..
كل عيد وأنتم والجميع بخير وصحة وعافية .
نسأل الله ان يرحم اخونا سمندلاوي ويسكنه فردوسه الاعلى مع الابرار والمتقين ؛
|
Post: #45
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 11:03 PM
Parent: #41
Quote: فكره جميلة جدا وتقريبا صحيه اكثر من النفخ بالطريقة التقليدية ..
كل عيد وأنتم والجميع بخير وصحة وعافية .
نسأل الله ان يرحم اخونا سمندلاوي ويسكنه فردوسه الاعلى مع الابرار والمتقين ؛ |
كل عام وأنت بخير أخي نيازي ..
ونحن نأمن معك ونسأله تعالى عز وجل أن يدخل الراحل سمندلاوي فسيح جناته مع الصديقين والشهداء وحسن أؤلئك رفيقا .... وأن يلهم آله وأصدقائه وكل محبيه حسن العزاء والصبر الجميل ..
وإنا لله وإنا إليه راجعون ..
|
Post: #44
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 10:57 PM
Parent: #40
شكراً ليك أخ بدر الدين على التوضيح المفيد ..
على أي حال نحن متكلين على الله ومن بعده سيد الحوش ..
وإنشا لله سيد الحوش يبقى طيب ...
تحياتي
|
Post: #43
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 10:52 PM
Parent: #39
Quote: ياصديق البوست ده كلو كوم وكلامك ده كوم براه...
يعني انت كنت متخيل انو يوميا في السلخانات الجزارين
ديل بنفخو ليهم مئات العجول والاف الخراف؟ ده غير التصدير
والذي كان في سلخانة امدرمان وحدها يصل العدد فيه الى
ستة الف راس في اليوم؟ يعني الجزارين واهلهم والجيران وامدرمان
دي كلها لو بنفخو البهائم دي ... كانت تكون عندهم لوز بفوق وتحت ليوم الدين. |
تحياتي أخ وليد وكل سنة وأنت طيب ..
الحقيقة أنا لم أفكر في الموضوع دا خالص .. وكنت بفتكر أنه في تقنية مختلفة خالص من قصة النفخ دي ..
علي كل حال أهو بنتعلم من الأيام
مودتي
|
Post: #42
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-19-2010, 10:49 PM
Parent: #38
Quote: قوانين المنبر مافيها إنو الصور بتكون ملك المنبر ..
دي ذكرتني بالتنوية اللي بتعلقه أغلب محلات التصوير الفوتوغرافي حول ملكيتها للنيجاتيف (وما لاقي ليها مبرر لحدي الآن قانونا)
بعدين كون أن الجريدة نوهت للمصدر (سودانيز أون لاين) بيخلينا نفترض حسن النية ..
و السؤال للقانونيين .. هل ده بيحلهم من التبعات (القانونية/الحق الأدبي)
هل من أعراف النقل ذكر المصدر فقط دون المصور الأصلي .. أم أنه إنتهاك أيضا يماثل الإنتحال
غايتو فرصة نتعلم ..
يكفيك فخرا إنك تنبأت بأنه سبق صحفي لحدي ما وصل الصحافة الورقية كذلك !!
|
شكراً عزيزي محمد قرشي ..
وزي ما قلت أهي فرصة نزيد من ثقافتنا القانونية ..
تحياتي ومودتي
|
Post: #46
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: ناذر محمد الخليفة
Date: 11-20-2010, 09:03 AM
Parent: #42
Quote: يكفيك فخرا إنك تنبأت بأنه سبق صحفي لحدي ما وصل الصحافة الورقية كذلك !!
|
فعلا .. أخ قرشي ..
|
Post: #47
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-20-2010, 05:46 PM
Parent: #46
|
Post: #48
Title: Re: أرجو أن يكون سبقاً إسفيرياً ؛ آخر تقليعات الضباحين !
Author: صديق عبد الجبار
Date: 11-20-2010, 06:21 PM
Parent: #47
|
|