يوم في يوم غريب فيهو الشمس لمت غروبها وسافرت بانت نجوم متفرقه زي الدموع فى خد حبيب ودع حبيبتو السافرت والليل ضفاير حزنو مداها الألم زي التقول عارف النهاية القاربت والكون حزين خايف الهجير شايف الربيع غابت شهورو وهاجرت
شفت الفريق ضامي الفرح فى دار حبيب ضميتو في قلبي الحنين ماتت خطاي ... ضاع الأمل واحترت في خوفي الدفين عاينت لقيت الحبيب في عرشو في تاجو الحزين حولوا العيون فيها الفرح بس الفرح في عيونو ماقادر يبين والدمعة في عيني بتودع طيف حبيب خلاهو لي قدر السنين
واشتقت لي طيف الدموع ومشيت طريق اسمو المصير ودعت زهرات الأماني ورجعت لي ألمي الكبير حسيت شعور الراهب السار السنين مشتاق يفتش ليهو دير لمن تعب سالت دموعو علي الدرب خاف الأمل كره المسير
يا حبي عيش كلمات خطاب من الحبيب كان النهاية حرفو الدموع سطرو النحيب والحسرة كانت فيهو غاية خلاني اغرق في المصير وانا لسه عايش في البداية أندم علي الحلم اللي راح واطفي الشموع وابكي النهاية
Post: #4 Title: Re: اندم علي الحلم اللي راح واطفي الشموع وابكي النهاية Author: omer osman Date: 11-14-2010, 09:14 PM Parent: #3
ان العين لتدمع وان القلب لينزف ولكن ماذا عسانا ان نفعل ؟
تلك هي حال كرة القدم ، يوم لك ويوم عليك
ويوم بكرة جميل ابدا لا اتغرب لا مسافر باكر ضواي
ان كان الحزن كبيرا يااخي فذلك لان الامل كان اكبر
شكرا للهلال الذي اعطانا الفرح ولو الي حين
شكرا لفتية الهلال الذين يذلوا الغالي والنفيس لنثر الفرح المهاجر
هون عن نفسك اخي خليل ففريق القرن في افريقيا لم يصعد لمنصات التتويج الا في الثمانينات
وتذكر دوما ان الهلال قد زرع في نفوسنا الفرح والامل ورفع رأسنا عاليا
واصبح اسما معروفا في افريقيا وحتما سنعلوها هامة المجد
اما اولئك الشامتين فيومهم قريب ولن نتخلي عن الهلال ابدا
Post: #32 Title: Re: اندم علي الحلم اللي[B] راح واطفي الشموع وابكي النهاية Author: محمد حيدر المشرف Date: 11-15-2010, 01:02 AM Parent: #31
استغفر يا خليل, انت ما مؤمن ولا شنو
.. كان لحظات حزينه جدا بالنسبه لى .. ديمبا لو ختوها ليهو مية مره وقال ليهو ضيعها ما بقدر بشه عمل اى حاجه وعدى من المدافع بى حرفنه عاليه ومفروض يختها فى الحته الفى مزاجو .. البلنتى بتاع سادومبا مافى حكم فى الدنيا ممكن ما يعده مهند الطاهر بيتمنى الكور الزى دى فى رجلو الشمال
كان مفروض الشعب السودانى يفرح شويه يا خليل .. وكنا حنفرح معاكم .. نستحمل لزوجة وعدم نكهة الغالب الاعم من الرشاشات ونفرح معاكم.. ولكن, وبعد ضياع الحلم بتاعكم وللامانه كده ما حنبكى معاكم موضوع النهايه ده
تحياتى وهاردلك
Post: #33 Title: Re: اندم علي الحلم اللي[B] راح واطفي الشموع وابكي النهاية Author: عبدالعزيز الفاضلابى Date: 11-15-2010, 01:59 AM Parent: #32
ولا ندم ولاحاجة يا ود عمى الهلال خرج بضربات الحظ بعد اداء يكيَف أى سودانى فى الخارج ضربات الجزاء دى زى اللوترى المهم ياقول تبارك لو يحافظ الهلال على هذا المدرب وهذا الفريق فالكأس فى الطريق ان شاء الله هارد لك ياهلالاب.
Post: #34 Title: Re: اندم علي الحلم اللي[B] راح واطفي الشموع وابكي النهاية Author: عبد الله كسلا Date: 11-15-2010, 06:09 AM Parent: #33
هارد لك يا خلي ...
ده مستوى الكورة في السودان .. وبالرغم من كده .. الهلال هو أحسن فريق في السودان حالياً ..
الحظ عاند .. والتسرع والحماس الزائد أدى لضياع الفرص امام المرمى ..
واضح إنه الشباب كانوا مصرين على تحقيق الفوز .. لكنهم ما قدروا يستغلوا الفرص بشكل جيد ..
والجاي أحلى بإذن الله .. ما تفقد الأمل يا خليل ..
النتيجة الحقيقية للمبارة هي 4 - 1 لصالح الهلال ..
الهدف + ضربة الجزاء الواضحة وضوح الشمس + فرصتين دربكة داخل خط ستة ضاعوا من الهلال .. واحدة من المدافع المتهور .. والتانية من بشة .. ده غير كورة هيثم في العارضة ..
وقون الصفاقيسي كان مفروض يكون من الفرصة الضاعت من مهاجم الصفاقسي في بداية المبارة ..
وهي الفرصة الوحيدة ليهم طوال المبارة ...
الصفاقيسي كان في أسوأ حالاته امبارح .. كان منتهي ومستسلم عديل كده ..
وكانت الفرصة كبيرة لفتية الهلال .. لكن نقول شنو بس ... الله غالب ...
Post: #35 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 06:55 AM Parent: #34
Quote: الصفاقيسي كان في أسوأ حالاته امبارح .. كان منتهي ومستسلم عديل كده ..
وكانت الفرصة كبيرة لفتية الهلال .. لكن نقول شنو بس ... الله غالب ...
اه يا عبد الله كسلا
اه لو اه تفيد مجروح والمثل القديم ساير
كلما وصل الهلال لتلك المرحلة فانه يحترق وغيره (يخترق)
Post: #36 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 06:58 AM Parent: #35
Quote: المهم ياقول تبارك لو يحافظ الهلال على هذا المدرب وهذا الفريق فالكأس فى الطريق ان شاء الله
فاضلابي ابن عمي
الهلال محتاج لسنوات عديدة ليصل
هيثم مصطفي عمر بخيت المعز محجوب هولاء اعمدة الفريق
تقدمت بهم السن لن يقدمو افضل من هذا العام
لن ننتظر مرة اخري
Post: #37 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 07:01 AM Parent: #36
Quote: هاردلك يا خلي
الله يا عبد المجيد
مسخ طعم العيد ياخ وبالغ معنا الهلال
Post: #38 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 07:05 AM Parent: #37
Quote: وتذكر دوما ان الهلال قد زرع في نفوسنا الفرح والامل ورفع رأسنا عاليا
ابو شوارب
عيدك مبارك
وكلما نشتل الافراح تجي الاقدار تمد ايدا
Post: #39 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 07:09 AM Parent: #38
Quote: ولكن, وبعد ضياع الحلم بتاعكم وللامانه كده ما حنبكى معاكم موضوع النهايه ده
سلامات محمد المشرف
ياخي الهلال فريق يجيد ايذاء نفسه وجمهوره في دوري الاربعة
لا يعقل ان يكرر الهلال الخروج من دور الاربعة ثلاثة مرات
ايه دا ياخ
Post: #40 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 07:11 AM Parent: #39
صديقي البدري
عيد سعيد
لماذا علامات التعجب
هذا هو هلالنا ليس غريب عليك
دوما في المحكات يزوغ
Post: #41 Title: Re: اندم علي الحلم اللي[B] راح واطفي الشموع وابكي النهاية Author: منتصرمحمد زكى Date: 11-15-2010, 07:24 AM Parent: #40
وستعلم بعد رحيل العمر بانك كنت
تطارد خيط دخان
هاردلك خليل ما بتدي حريف
حزنك النبيل الهادئ يدل على هلالية واعية
Post: #42 Title: Re: اندم علي الحلم اللي[B] راح واطفي الشموع وابكي النهاية Author: عواطف ادريس اسماعيل Date: 11-15-2010, 07:35 AM Parent: #41
خلو ..
كل عام وأنت بخير
أها بيت البكا بي وين ولا خلاس الفراش رفعوه
عارف دي أجمل أغنية لسيد خليفة .. آآآآآآآآآآآآه من الأحلام اللي راحت وأنا لسة في البداية!!
Post: #43 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 11:11 AM Parent: #42
Quote: هاردلك خليل ما بتدي حريف
منتصر عيدك مبارك
ياخي تعبنا من هاردلك الكتيرة دي في دور الاربعة
البحصل شنو ما معروف
Post: #44 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 11:13 AM Parent: #43
Quote: أها بيت البكا بي وين ولا خلاس الفراش رفعوه
عواطف
سوف لن نبكي بعد اليوم
هلالنا تعودنا عليه في تلك المطبات لا يجيد طلوعها
ورحم الله امري عرف قدر نفسه
Post: #45 Title: Re: اندم علي الحلم اللي[B] راح واطفي الشموع وابكي النهاية Author: امير عوض الجمري Date: 11-15-2010, 11:21 AM Parent: #44
هاردلك خليل والله العظيم الهلال هو الاجدر بالبطولة بس لا زالت تنقصه ثقافة الفوز بها
نتمنى البطولة القادمة ان يظهر الماردان الاحمر والازرق في ابهى صورة ويتوجان بالبطولتين ويلتقيان في سوبر افريقيا .
كل الود وكل سنة وانت بالف خير
Post: #46 Title: Re: اندم علي الحلم اللي[B] راح واطفي الشموع وابكي النهاية Author: khaleel Date: 11-15-2010, 11:34 AM Parent: #45
Quote: والله العظيم الهلال هو الاجدر بالبطولة بس لا زالت تنقصه ثقافة الفوز بها
يا برنس
عيدك مبارك
الهلال بالامس لعب ستين في المائة من المباراة بكرات عالية جدا من المدافعين
والله يا خليل (دون شماته هي جوهر واصل بداخلي تجاه الهلالاب) انت الوحيد التستحق الواحد يقيف ويقول ليك هاردلك لانو بالجد انت الوحيد (برضو) الوقع ليك انو المشكلة مشكلة معرفة وتقدير للمباريات الكبيرة (الادوار المتقدمة والنهائيات) ولانو برضو حاسي (الله يعلم) بانو انكسار العشم وضياعو حار وحار جداً.
هاردلك يا صاحبي وياخ ما تخليك رقيق كده وحاة الله الهلال ده يكتلك .
Post: #47 Title: Re: اندم علي الحلم اللي[B] راح واطفي الشموع وابكي النهاية Author: محمد الامين احمد Date: 11-15-2010, 12:05 PM Parent: #45
