Post: #1 Title: المعايدين في الغربة .. ابكوا هنا .. Author: الفاضل احمد عباس Date: 11-14-2010, 06:35 PM Parent: #0
ياخوانا طال العهد بينا وبين اخر عيد في رحاب دفء الاهل .. واصبحت صباحات اعيادنا كلها اجترار لما كان في الامس .. واول دمعة اذرفها على افتقاد العيد في السودان .. انا مين يتني ؟؟؟
Post: #2 Title: Re: المعايدين في الغربة .. ابكوا هنا .. Author: احمد محمد بشير Date: 11-14-2010, 06:39 PM Parent: #1
وين العيد يا حبيبنا الفاضل!! أنسي بس, إحتمال نشتغل يوم العيد شوفتا كيف!
لو داير اغنية بهذه المناسبة الكيف كيف أنا ممكن أتبرع ليك بإغنية في البوسط وتشتغل أوتوماتيك , إذا وافق سيادتكم.
Post: #3 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 06:44 PM Parent: #2
اخونا العزيز ابوحميد ما احتمال نشتغل في العيد ، بل قطع شك كان الله احيانا .. سادي وردية طبعة اولى كاربة في جريدة لا تعرف التثاؤب .. قول يا لطيف .. وياريت تسمعنا الغنى يااخوي ..
Post: #4 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 06:50 PM Parent: #3
يعني انت ياشيقوق معيد في حلتكم ؟ ما تخش تبكي هنا !!!
Post: #5 Title: Re: المعايدين في الغربة .. ابكوا هنا .. Author: احمد محمد بشير Date: 11-14-2010, 06:52 PM Parent: #3
نسمع ونبكي بس يا الفاضل.
Post: #6 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 06:59 PM Parent: #5
احمد ..
دا الشيء الببكي ذاتو ..
Post: #7 Title: Re: المعايدين في الغربة .. ابكوا هنا .. Author: احمد محمد بشير Date: 11-14-2010, 07:05 PM Parent: #6
طبعا يا الفاضل نحن من غير الناطقين بها.
لمن نسمع الشوايقة اصحاب اللغة ديل بتجينا الجرسة .
والحاجات البيقول فيها ود اليمني دي بتجيب لينا الجِعّيييير والحالة الما ياها.
Post: #9 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 07:13 PM Parent: #7
احمد الشجن يذيبى فوارق كل لغات العالم.. لينطق بشوق مبين .. الجعيير ما عيب ياخوي في حضرة الغياب القسري عن وطن الجدود المختطف ؟؟
وكم يخنقنا الشوق الى "قدلة حافي حالق في شارع المين رود "
الفاضل كيفك وكل سنة وانت طيب وشكرا علي هذه الطلة الشجية
وجينا عشان نبكي فالبكاء هو الشفاء لما بين الجوانح
سلامي لك ولافراد الاسرة ولرزان ولكل الاصدقاء الذين معك في سلطنة عمان
Post: #10 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 07:21 PM Parent: #8
الغالي الشامي ياخي مشتاقين كتيييير والى قعدات "الرواق الشامي " بالحرم المكي .. شوقنا اكثر .. كيف احوال الاحباب باطيب البقاع ام القرى .. وفي مقدمتهم الحبيب يوسف ، والاخ تيفة ، وجميع القابضين على جمر الغربة .. هربنا من تكليف الشغل في العيد بالسعودية ، فاصبحنا نحن من نكلف ونكون كذلك في ركب المكلفين ..
كل عام وانتم بخير .. و تحياتي لاسرتكم الكريمة ..
Post: #11 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 07:28 PM Parent: #10
اكثر ما افتقد في عيد حلتنا تلك الجولة المكوكية التي تعقب صلاة العيد وتأخنا الى معظم بيوت القرية الواسعة ان لم يكن كلها ..
Post: #12 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 07:47 PM Parent: #11
اكثر ما يجرسني في عيد الغربة ، تلك التلفونات التي تجيء من الاهل في السودان صبيحة العيد وهي محملة باريج "الشيات " ، ونغمات " طقطقة " اللحوم في "صاج " السلات الكبير .. هذا حالي في عيد الاضحي ..
Post: #13 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 08:12 PM Parent: #12
و يبكيني كذلك نظرة في عيون بنياتي متسائلة .. وين باقي العيد ؟ يسألن عن جدهن ، وعن الاعمام والخالات وصويحبات "الفريق ".. !!
Post: #14 Title: Re: المعايدين في الغربة .. ابكوا هنا .. Author: صلاح غريبة Date: 11-14-2010, 08:18 PM Parent: #12
سجلوني
انا لي 30 سنة قاعد ابكي في الغربة
Post: #15 Title: Re: المعايدين في الغربة .. ابكوا هنا .. Author: الفاضل احمد عباس Date: 11-14-2010, 08:27 PM Parent: #14
صلاح غريبة سجلناك ياخوي ليس باكيا فحسب .. بل زعيم " البواكجية " .. 30 سنة ياراجل ولا شوفتن تبل الخاطر ، ولا عيدن بين الحبان في الاهل .. !!!
Post: #16 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 08:59 AM Parent: #15
ايضا .. اكثر ما افتقده في عيد الغربة عدم التلقائية ، حيث ان وجد احتفال فهو وفق برنامج ، اما في عيد السودان ، فانت لا تدري اين تفطر ، ولا اين تأكل "االمرارة " والشية ، في بيتك ام عند الجيران ، ام في طرف الحلة ؟؟
Post: #17 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 09:10 AM Parent: #16
التصافي و"العفو والعافية" ، اكثر صدقا في عيد السودان ، بينما في الغربة ، تكون اكثر بروتوكولية !!
Post: #18 Title: Re: المعايدين في الغربة .. ابكوا هنا .. Author: Hassan Senada Date: 11-15-2010, 09:21 AM Parent: #17
Quote: اكثر ما يجرسني في عيد الغربة ، تلك التلفونات التي تجيء من الاهل في السودان صبيحة العيد وهي محملة باريج "الشيات " ، ونغمات " طقطقة " اللحوم في "صاج " السلات الكبير .. هذا حالي في عيد الاضحي
كل عام وانت بالف خير يا الفاضل
Post: #19 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 09:33 AM Parent: #18
الاخ حسن وانت بالف خير .. ان شاء الله عيدك في البلد " الناسا حنان "
Post: #20 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 09:43 AM Parent: #19
افتقد في عيد الغربة ، الخروج بطريق والعودة بغيره ، حيث ان كل الطرق هنا الى مكان الصلاة يوم العيد والعودة بنفس الاتجاه ..
Post: #21 Title: Re: المعايدين في الغربة .. ابكوا هنا .. Author: أحمد المصطفى ابراهيم Date: 11-15-2010, 09:55 AM Parent: #20
الصديق من على البعد صلاح غريبة والله حننتني يا اخي انا رجعت من الغربة قبل 16 سنة ولسة طعمها في حلقي. كيف أنت؟ صلاح يا اخي الايميل الاول اتهكر راسلنا على الجديد تجده في الراكوبة وسودانايل وسودانيز ون لاين والانتباهة واستفهامات www.istifhamat.blogspot.com
كل عام وانتم بخير وكل المغتربين وعيد سعيد ببكاء مكتوم
Post: #22 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 10:04 AM Parent: #21
الصديق من على البعد صلاح غريبة والله حننتني يا اخي انا رجعت من الغربة قبل 16 سنة ولسة طعمها في حلقي. كيف أنت؟ صلاح يا اخي الايميل الاول اتهكر راسلنا على الجديد تجده في الراكوبة وسودانايل وسودانيز ون لاين والانتباهة واستفهامات istifhamat.blogspot.com كل عام وانتم بخير وكل المغتربين وعيد سعيد ببكاء مكتوم
اخونا احمد المصطفى وكل عام وانتم بخير .. وعيد سعيد بدون نحيب
Post: #24 Title: Re: المعايدين في الغربة .. ابكوا هنا .. Author: أحمد المصطفى ابراهيم Date: 11-15-2010, 10:10 AM Parent: #22
الأخ الفاضل سلام مالفرق بين شكيرة حاج الصافي وشكيرة الوادي؟ وبعدين حا وريك انا من وين!
Post: #26 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 10:26 AM Parent: #24
احمد المصطفى .. ياخوي عرفتك
والفرق " الشدر " بس !!
Post: #23 Title: Re: المعايدين في الغربة .. ابكوا هنا .. Author: علاء الدين محمد بابكر Date: 11-15-2010, 10:09 AM Parent: #21
خليل وينو..المفروض يكون كاسر ركبة بيجاي..
يا وليد ما يفوتك بيت البكا دة....ههههههههههههههه
Post: #27 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 10:30 AM Parent: #23
علاء الدين
كثيرين مفروض يكونوا كاسرين ركب هنا .. الا ان الحياء "وحاجات تانية حامياهم"
ان شاء الله عيد دافيء
Post: #25 Title: Re: المعايدين في الغربة .. ابكوا هنا .. Author: طارق أحمد عثمان Date: 11-15-2010, 10:16 AM Parent: #20
قريبي الفاضل كل عام وانت والعيال بألف خير
وما تنسى إستكانة منتصف النهار حول نار جبنة هادئة مع تلك الشلة كاملة الدسم.
كأني أسمع صوت (محمد دوم وعابدين وعبد العزيز وعمر وباقي الرهط) خلف الباب الآن ....
حتما ستعود تلك الأيام
Post: #28 Title: Re: المعايدين في الغربة .. ابكوا هنا .. Author: أحمد المصطفى ابراهيم Date: 11-15-2010, 10:34 AM Parent: #25
الأخ الفاضل بدون عواطف ورومانسية أحسن تعيد في مدينة حلوة ذي جدة أم في قرية جزيرية بينها والمحيريباامتار. وكلاهما لا يصح فيهما الا قول توفيق صالح جبريل ( دامر المجذوب لا انت قرية تبدو بداوتها ولا انت بندر)؟ سلامس وسلام صديق البادي وبز عثمان البدري وكل اولاد اللصم باللعوتة
Post: #30 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 10:46 AM Parent: #28
قريبي احمد المصطفى
عطر الله ذكرى عمنا الاصم وتقبله في الصالحين بركة يوم عرفة هذا .. كيفكم وكل العقب عساكم طيبين .. وياخوي ياريتنا كنا في جدة القريبة دي .. الحكاية جابت ليها اول مكان تشرق عليه الشمس في الوطن العربي والخليج ؟ او هكذا يقولون .. ما قلت ليك عرفتك ؟؟
Post: #29 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 10:36 AM Parent: #25
العزيز طارق جولات وبينها استكانات .. وفي الحالتين سعادة غامرة ورضا جميل
كيفك والاسرة وطبعا عيدك بكاه اقل نسيبا لاعتبارات القرب من السودان و" الكثرة " التي غلبت الشجاعة ..!!
كثير سؤالي عنك وعن من بطرفكم من الاحبة
Post: #31 Title: Re: المعايدين في الغربة .. ابكوا هنا .. Author: الفاضل احمد عباس Date: 11-15-2010, 12:17 PM Parent: #29
يوم العيد في حلتنا ، وبعد اللف على جميع البيوت ، تكون "الاستكانة" التي حكى عليها اخونا طارق .. وهي تختلف باختلاف الحال والمقام والمكان والصحبة .. فان كانت مع احبة امثال طارق او الضابط العظيم بخيت البشير او ابن الخالة الغالي اسماعيل مساعد او صلاح شكيرة ، يكون "الشربوت " حاضر فيها بـ"قوة" .. اما لو كانت الاستكانة في حضرة العزيز يوسف الصافي "بحر " او عابدين او صلاح مساعد او "ابو السيد " ، تكون القهوة سيدة الموقف ، مع طائف من صحون الشواءات بين وقت واخر ..