Post: #1
Title: أسباب إنحراف الشباب ...!!!
Author: المكاشفي الخضر الطاهر
Date: 11-14-2010, 05:28 PM
Parent: #0
تعلمون جميعا أن مرحلة الشباب من أخطر المراحل التى يمر بها الفرد في حياته ، وإن لم يلتزم فيها الشاب بالاخلاق الفاضلة والقيم النبيلة فإنه سينحرف الى غير الجادة ، ويكون فريسة لشهواته ولهمزات الشيطان ، فيأخذ به القارب الى جزر منقطعة من الشذوذ والإنحلال والتفسخ الأخلاقي ويكون بذلك عرضة لكل صنوف التخلف والجهل ولا يفيد لا يقدم لأسرته ولا لمجتمعه أي فائدة
طيب إذن السؤال :من وجهة نظركم و من واقع المشاهدة للمجتمع السوداني ماهي أسباب إنحراف الشباب ؟؟
حتى نضع الحلول المناسبة للقائمين على الأمر ولكم التحية وكل عام وانتم بخير
|
Post: #2
Title: Re: أسباب إنحراف الشباب ...!!!
Author: Rawia
Date: 11-14-2010, 05:34 PM
Parent: #1
المكاشفي كل عام وإنت بخير
في رأي أهم سبب للانحراف الشباب هي الكارينا طبعاً عارفني كويس ما أتيت لحوار
|
Post: #3
Title: Re: أسباب إنحراف الشباب ...!!!
Author: المكاشفي الخضر الطاهر
Date: 11-14-2010, 05:41 PM
Parent: #2
Quote: Rawia
في رأي أهم سبب للانحراف الشباب هي الكارينا |
شكرا الاستاذة راوية قول واحد
دايرين بقية الاسباب حا نقوم نصنف هذه الاسباب
|
Post: #4
Title: Re: أسباب إنحراف الشباب ...!!!
Author: amin siddig
Date: 11-15-2010, 00:05 AM
Parent: #3
الإنحراف ده تعريفك ليهو شنو ؟
مع أنو أنا متاكد إنو كل الحاجات الإنت مصنفها إنحراف دي حتطلع في النهاية حاجات طبيعية
فلا هي إنحراف وفقاً للطب النفسي ، و لا هي إنحراف إذا نظرنا إلى العالم خارج دولتنا الرسالية
حاجات كل العالم بيعملها و شايفها عادية و ماشي لي قدام ـ و لمن تحصل في السودان تبقى إنحراف و السودان راجع لي ورا
يا السودانيين- أو متطرفيهم - شايفين روحهم أفهم من باقي العالم ! رغم أنو ما في أي دلائل موضوعية تدعم هذا الزعم المنتفخ من الخارج و فاضي من الداخل !
الشباب الما بنحرفوا حسب تعريف المكاشفي للإنحراف ديل بكونوا ضيعوا شبابهم ساي
الشباب ده بيجي مرة واحدة في العمر ، و في حاجات كتيرة الزول لمن يكبر ما بيقدر يعملها
عشان كده ( الإنحراف ) في الصغر خير من ( المقابضة ) في الكبر
و الما بنحرف ربما يشعر بالندم لاحقاً
يعني أمريكا الشمالية ، و أمريكا اللاتينية ، و أروبا ، و شرق و جنوب اسيا و معظم أفريقيا جنوب الصحراء ديل كلهم منحرفين و ما طبيعيين ، و الناس الطبيعيين بس سكان حزام الصحراء و القنابل و الدقون ؟
مالم يتم إختراع دواء بيرجع الشباب ، فأي زول بيمنع نفسو من الإنحراف بيكون جنى على نفسه
|
Post: #5
Title: Re: أسباب إنحراف الشباب ...!!!
Author: أحمد الشايقي
Date: 11-15-2010, 01:00 AM
Quote: طيب إذن السؤال :من وجهة نظركم و من واقع المشاهدة للمجتمع السوداني ماهي أسباب إنحراف الشباب ؟؟
حتى نضع الحلول المناسبة للقائمين على الأمر
|
الأخ المكاشفي
وما هي أسباب انحراف القائمين على الأمر بالنظر لتقرير المراجع العام لحكومة السودان
؟؟؟؟؟
أحمد الشايقي
|
Post: #6
Title: Re: أسباب إنحراف الشباب ...!!!
Author: المكاشفي الخضر الطاهر
Date: 11-22-2010, 03:05 PM
Parent: #5
Quote: فأي زول بيمنع نفسو من الإنحراف بيكون جنى على نفسه |
الاخ امين صديق كدا القا ليك زول واحد يوافقك في ما ذهبت إليه
|
Post: #7
Title: Re: أسباب إنحراف الشباب ...!!!
Author: محمد عبدالرحمن محمد
Date: 11-22-2010, 03:50 PM
Parent: #6
سلامات المكاشفي؛ س:
Quote: طيب إذن السؤال: من وجهة نظركم و من واقع المشاهدة للمجتمع السوداني ماهي أسباب إنحراف الشباب ؟؟ |
ج:
Quote: تعلمون جميعا أن مرحلة الشباب من أخطر المراحل التى يمر بها الفرد في حياته ، وإن لم يلتزم فيها الشاب بالاخلاق الفاضلة والقيم النبيلة فإنه سينحرف الى غير الجادة
|
________ دا قدر فهمي!
ولو قصدك أسباب عدم التزام الشباب [بالأخلاق الفاضله] و[القيم النبيله]، دا يبقى كوم تاني..
|
Post: #8
Title: Re: أسباب إنحراف الشباب ...!!!
Author: مرتضى احمد عبد القادر
Date: 11-22-2010, 03:52 PM
Parent: #6
Quote: طيب إذن السؤال :من وجهة نظركم و من واقع المشاهدة للمجتمع السوداني ماهي أسباب إنحراف الشباب ؟؟ |
لو ممكن توضح لينا إنحراف الشباب دا كيفنهو؟؟ ومظاهر إنحراف الشباب في المجتمع السوداني شنو ؟ بعدين نجي نشوف السبب شنو..
|
Post: #9
Title: Re: أسباب إنحراف الشباب ...!!!
Author: علاء الدين حيموره
Date: 11-22-2010, 06:46 PM
Parent: #8
Quote: أسباب إنحراف الشباب ...!!! |
الشباب كلو في السودان انحرف ؟؟؟ وللا قصدك تقول انحراف بعض الشباب ؟؟
الشباب من سن كم والى سن كم ؟
اتمنى الا تكون جامعة الاحفاد سببا مباشرا في انحراف شباب السودان ..
|
Post: #10
Title: Re: أسباب إنحراف الشباب ...!!!
Author: الصادق اسماعيل
Date: 11-23-2010, 07:59 AM
Parent: #9
Quote: طيب إذن السؤال :من وجهة نظركم و من واقع المشاهدة للمجتمع السوداني ماهي أسباب إنحراف الشباب ؟؟ |
الأحفاد ثم ماذا برضو الاحفاد يا زول الاحفاد ولا شئ غير الاحفاد، أغلقوها يسلم الشباب من الإنحراف
|
Post: #11
Title: Re: أسباب إنحراف الشباب ...!!!
Author: هشام محمود سليمان
Date: 11-23-2010, 09:00 AM
Quote: .مالم يتم إختراع دواء بيرجع الشباب ، فأي زول بيمنع نفسو من الإنحراف بيكون جنى على نفسه |
هذه دعوه الي الانحلال والتفسخ الاخلاقي وهو مايعارض الفطره السويه التي فطر الله سبحانه وتعالي عليها الخلف ففي الحديث الشريف ( كل مولود يولد علي الفطره فابواه يهودانه وينصرنانه اويمجسانه او كما قال )
|
|