Post: #1
Title: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 07:38 AM
مباراة نار نار ياحبيبي
مباراة الهلال اليوم ضد فريقين المريخ والصفاقسي
الهلال في الدوري المحلي رغم الستات والسبعات إلا انه فريق يجنن ويُحير في المستوى المتواضع
الهلال في كاس الكونفدرالية مبارياته حتى ولو لم يصعد المباراة النهائية يشفع له الاداء القوي والمميز في هذه الدورة
صراحة يامريخاب الهلال افرحنا وامتعنا
اذن بكل الحسابات ومعطيات كرة القدم هلال العز قادر ان يهزم المريخاب ويغادرالصفاقسي من المقبرة حزين اليوم ..
.
.
توحدوا من اجل رفعة الكرة السودانية
.
.
الهلال اليوم قادر ام سوف يُغادر ؟
|
Post: #2
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: مجدي عبدالرحيم فضل
Date: 11-14-2010, 07:42 AM
Parent: #1
الهلال اليوم قادر ام سوف يُغادر ؟
سؤال يجاوب عليه المستطيل الأزرق اليوم بالتوفيق للهلال
|
Post: #3
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: haroon diyab
Date: 11-14-2010, 07:44 AM
Parent: #1
ياخوي الكبكبة العليك شنو....؟
مرة....قادر ان يهزم ان يهزم المريخ
ومرة
قادر ام سيغادر
اللهم احفظنا .....!!!!
سلام للوالدة
|
Post: #4
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: omer osman
Date: 11-14-2010, 07:55 AM
Parent: #3
Quote: اذن بكل الحسابات ومعطيات كرة القدم هلال العز قادر ان يهزم المريخاب ويغادرالصفاقسي من المقبرة حزين اليوم ..
|
مهمة الهلال امام الصفاقسي صعبة ياوليد ...
الهلال مطالب باحراز هدفين على الأقل وان لاتستقبل شباكه هدف ...
البون شاسع ياوليد بيننا وبين فرق شمال افريقيا والاسباب تلقاها في البوست ده :وقد تأكد بما لايدع مجال للشك ....
اما عن هلال مريخ فهي لاتخضع لاي حسابات مسبقة وتحسم خلال التسعين دقيقة بغض النظر عن استعدادات أو موقف الفريقين قبل اللقاء
|
Post: #5
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 07:58 AM
Parent: #4
مجدي فضل ... ياحبيب
Quote: الهلال اليوم قادر ام سوف يُغادر ؟
سؤال يجاوب عليه المستطيل الأزرق اليوم بالتوفيق للهلال
|
المشكله ياخليل الهلال يوم في السماء ويوم في سابع ارض
قلوبنا اليوم مع الهلال
|
Post: #6
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: abas
Date: 11-14-2010, 08:00 AM
Parent: #5
باذن الله منتصرين
يا وليد
ومتاهلين اليوم
ومضحيين تالت يوم العيد
|
Post: #7
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:02 AM
Parent: #5
هارون دياب ... ارسي ياخي ومنور
Quote: ياخوي الكبكبة العليك شنو....؟
مرة....قادر ان يهزم ان يهزم المريخ
ومرة
قادر ام سيغادر
اللهم احفظنا .....!!!! |
اذا نحن حالنا كدا
اسياد الوجعة الليله كيف
لو لا خوف من اطالت عنوان البوست لطلبنكم يامريخاب فردا فردا بقيادتك وقيادة عمر جنابو
|
Post: #9
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:12 AM
Parent: #7
الصفوة عمر جنابو
Quote: مهمة الهلال امام الصفاقسي صعبة ياوليد ...
الهلال مطالب باحراز هدفين على الأقل وان لاتستقبل شباكه هدف ...
|
هي لو ماصعبة كنا فتحنا البوست دا
كلامك سليم وهكذا حسابات كرة القدم تقول
Quote: البون شاسع ياوليد بيننا وبين فرق شمال افريقيا والاسباب تلقاها في البوست ده :وقد تأكد بما لايدع مجال للشك ....
|
لان مستوانا غير ثابت والدوري عندنا ضعيف حتى المحترفين امكانياتهم ضعيفة لاترتقي الى مكانة فرق هلال مريخ
ياخي قبل كم يوم الهلال الخرطوم لاعب ضد النيل الحصحيصا وفي نفسس الوقت في الدوري السعودي (النصر ضد الاتحاد )
ياخي متعة والله متعة
غايتو مره كل نصف ساعة نحول نشوف النتيجة فقط لكرة هلال السودان .
| Quote: اما عن هلال مريخ فهي لاتخضع لاي حسابات مسبقة وتحسم خلال التسعين دقيقة بغض النظر عن استعدادات أو موقف الفريقين قبل اللقاء |
لالالالالالالا ياعمر انت فهمتني غلط
اقصد مباراة اليوم لان المريخ يقف جنب بجنب مع الصفاقسي ويتمنى هزيمة الهلال
ربنا يقلبها عليكم ناس حاقدين انتو ياصهاينه ماعايزين رحمة ربنا تنزل للهلال
عمرجنابو...
مباراة هلال مريخ حتى ولو قبل يوم الهلال هزم منتخب اسبانيا او برشلونة
لكن تأكد مباراة هلال مريخ ليس تخضع لحسابات معينه (وهذا يدل على عدم منهجيتنا في المنشط )
|
Post: #8
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: الصادق صديق سلمان
Date: 11-14-2010, 08:10 AM
Parent: #5
العزيز وليد عبداللطيف
كل سنة وانتم طيبون وإنشاء من الفايزين
اخطر ما كرة شمال افريقيا هي الهجمات المرتدة والهجوم من الاطراف
والضربات الثابتة من الجوانب وإجادتهم وضع كرتها في الشباك
الهلال عرف كيف يوقفها في تونس
وعلى الهلال ان يوقفها هنا باللعب الهجومي الضاغط من وسط الملعب
سرعة هجوم الهلال كله سادومبا وكاريكا وبكري المدينة وضربات مهند
وباصات هيثم وطلعات بشة سوف تحدث الفارق انشاء الله الكريم
يبقى الله يستر من هفوات مساوي وتقل باري ديمبا
لم أرى شيء مميز في الصفاقسي في المباراة الماضية
هي نفس طريقة لعب التوانسة الاعتماد على المرتدات السريعة
واللعب من الاطراف الخطير جداً
الحقيقة انا ارى ان وجود يوسف محمد في اليمين مهم جداً
نسأل الله أن ينصر هلالنا الليلة
الصادق
|
Post: #10
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:14 AM
Parent: #8
عباس
من بوقك لباب السماء
.
.
مع تمنياتي لكم بالتوفيق اليوم
|
Post: #11
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: محمد البشرى الخضر
Date: 11-14-2010, 08:16 AM
Parent: #8
Quote: اخطر ما كرة شمال افريقيا هي الهجمات المرتدة والهجوم من الاطراف
والضربات الثابتة من الجوانب وإجادتهم وضع كرتها في الشباك |
يا النبي نوح ...
طيب فضّلت شنو يا الصادق
ما هدي كرة القدم كلللللها زي ما كتبوها
|
Post: #12
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: omer osman
Date: 11-14-2010, 08:22 AM
Parent: #11
Quote: يا النبي نوح ...
طيب فضّلت شنو يا الصادق
ما هدي كرة القدم كلللللها زي ما كتبوها |
هههههههههههههههههه .........
غايتو التوانسة ديل الكورنر والعكسيات عندهم زي البلنتي ....
|
Post: #14
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:29 AM
Parent: #11
محمد البشرى الخضر Quote: يا النبي نوح ...
طيب فضّلت شنو يا الصادق
ما هدي كرة القدم كلللللها زي ما كتبوها |
هذا الشق الهجومي فقط لاتنسى الشق الاخر
|
Post: #13
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:26 AM
Parent: #8
الصادق الصادق ... سلامات
Quote: اخطر ما كرة شمال افريقيا هي الهجمات المرتدة والهجوم من الاطراف
والضربات الثابتة من الجوانب وإجادتهم وضع كرتها في الشباك |
كلام سليم
Quote: الهلال عرف كيف يوقفها في تونس
وعلى الهلال ان يوقفها هنا باللعب الهجومي الضاغط من وسط الملعب
سرعة هجوم الهلال كله سادومبا وكاريكا وبكري المدينة وضربات مهند
وباصات هيثم وطلعات بشة سوف تحدث الفارق انشاء الله الكريم |
فعلا الهلال عرف يوفها ولكن لاتنسى الصفاقسي كان لاعب تحت ضغط رهيب
وحالهم كان يقول باستطاعت الهلال هزيمتهم في تونس ويحسم المولد هناك
وخاصة هدية هيثم لسادمبا في تلك المباراة
وبرضو لاتنسى عيوب دفاعك اي تحول اللاعب السوداني عامة يغطي بنظره
فقط اكثر من مايغطي بحركتة وهذا من اكبر عيوب لاعب كرة القدم السوداني
كما فعلها عمر بخيت في تونس عدم استطاعتة تغطية الخطأ بل اكتفى بالنظر فقط
وهنا اثبت لك مثال لحديثي معك ياصادق
لكن يا الصادق الصفاسي سوف يلعب مع الهلال وهو في وضع مريح والعكس الهلال
الجمهور سوف يمارس معهة ضغط رهيب والحركة العشوائية سوف تكلفة الكثير
على كل حال ربنا يوفق فريق الهلال ويسعدنا
Quote: الحقيقة انا ارى ان وجود يوسف محمد في اليمين مهم جداً
|
يوسف محمد مشكلته كبيرة جدا جدا ويجب على الهلال يبحث عن البديل لهذه الخانة
| Quote: نسأل الله أن ينصر هلالنا الليلة |
ربنا يقبل منك
|
Post: #15
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: Hassan Senada
Date: 11-14-2010, 08:32 AM
Parent: #13
| Quote: يبقى الله يستر من هفوات مساوي وتقل باري ديمبا |
وتعصب الكابتن العجوز لانو الحكام اليوم ما حكام نادى الحكام
|
Post: #16
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:33 AM
Parent: #13
Quote: بان الفارق بيننا(الهلال والمريخ) وكرة شمال افريقيا كبير .......
والاحتفاء بالهزيمة 1/صفر فقط قياساً على هزائمنا السابقة يقلص الفارق الى كبير بدلاً عن كبير جداً ايام هزائم
الخمسات والستات ........ بعيداً عن الشماتة ...... صدقوني الهلال لن يتجاوز عقبة هذا الصفاقسي وربما يخسر الهلال
في ارضه باكثر من نتيجة تونس ...... الفرق التونسية وصلت مرحلة لايفرق معها كثيراً اللعب في ارضها او خارجها
اليوم تكتل دفاع الهلال وانكمش وسط الهلال وتراجع مهاجمي الهلال كل ذلك لايقاف سيل واندفاع الصفاقسي الذي يمتاز
لاعبيه بالسرعة واللياقة العالية ..... لكن هل سيلعب الهلال بذات الطريقة في امدرمان ...... وكان لعب بنفس
الطريقة (وووب) وكان لعب كرة هجومية بغية تحقيق فوز (وووبين) ....... |
منقول من بوست عمر جنابو
والله ياعمر جنابو كلامك دا عجبني جدا وكان تدرب فريق الخرطوم مكان النقر
|
Post: #17
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:35 AM
Parent: #16
حسن سنادة
| Quote: وتعصب الكابتن العجوز لانو الحكام اليوم ما حكام نادى الحكام |
عندي احساس هيثم اليوم سوف يكون افضل لاعب
وسوف يهدي النصر الى الفنان الراحل المقيم الكابتن ( والي الدين )
|
Post: #18
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: طارق الكوتش
Date: 11-14-2010, 08:36 AM
Parent: #13
الون الازرق جننى يا مريم
........
اشواق كميات
|
Post: #19
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 08:41 AM
Parent: #18
Quote: ........
اشواق كميات |
اوووووووووو الخبير طارق الكوتش
يازول انت وين والله اتصلت عليك اكثر من مره تلفونك مقفول
وامس اتصلت عليك والان سوف اتصل عليك
يازول المانع خير ان شاء الله
برضو الهاتف مغلق
كان كدي اعصابك بايظة من مباراة اليوم
|
Post: #20
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: الصادق صديق سلمان
Date: 11-14-2010, 08:41 AM
Parent: #18
عزيز طارق الكوتش
Quote: الون الازرق جننى يا مريم
|
كل سنة وانت والأهل والعيال وامهم طيبين انشاء الله
شنو ياخ وينك الأيام دي لابد زي تمبس كدا 
تمبس سببو معروف انت مالك؟
الصادق
|
Post: #21
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: إبراهيم عبد الحليم
Date: 11-14-2010, 08:44 AM
Parent: #20
معليش تخريمة
يا ولى وصلك الايميل بالاغانى؟
إبراهيم
|
Post: #22
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: طارق الكوتش
Date: 11-14-2010, 08:46 AM
Parent: #20
الصادق + وليد سلامات
شكرن للسؤال
انا فى السودان اجازه خاطفه
|
Post: #23
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: الصادق صديق سلمان
Date: 11-14-2010, 08:52 AM
Parent: #22
طارق الكوتش
| Quote: انا فى السودان اجازه خاطفه |
ماشاء الله
يعني انت الليلة في نص المعمعة
متفائلين بوجودك هناك يا هندسة
بالتوفيق لهلال الملايين الليلة
وإنشاء الله هدف للهلال من الدقيقة 08:00:02
الصادق
|
Post: #24
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: EMU إيمو
Date: 11-14-2010, 08:52 AM
Parent: #18
نسأل الله ان يوفق أبطال الهلال في أرض النزال
وان يصوّب تمريراتهم ويقوي تسديداتهم
أللهم آمين
أتوقع فوز الهلال 3/1
وأتمناها 4/0
وحتماًسوف يدخل الصفاقسي بروح مهزوزة
بين الثأر للترجي ورد إعتبار الكرة التونسية
وإستصحاب نتائجه المخيبة للآمال في المباريات المحلية الأخيرة.
|
Post: #25
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 09:11 AM
Parent: #24
Quote: معليش تخريمة
يا ولى وصلك الايميل بالاغانى؟
إبراهيم |
يادكتور يارائع ... بس بالله ماتزعجني وتشوش علي
اخوك اول اغنية بسمع فيها الان اغنية الاطفال حاجة رهيبة وللان لم اكتفي منها
لاني الان مشغلها خلفية للجهاز وبرد على الشباب
قلنا اكل العنب حبه حبه وبعد داك نشوف الباقي
.............................
مشكور يادكتور على الهدية فعلا حاجات جميلة
|
Post: #26
Title: Re: الهلال الجنن عبد القادر ... قادر ان يهزم المريخاب ويغادربالصفاقصي اليوم ...
Author: وليد عبد اللطيف
Date: 11-14-2010, 09:22 AM
Parent: #25
Quote: أتوقع فوز الهلال 3/1
وأتمناها 4/0
وحتماًسوف يدخل الصفاقسي بروح مهزوزة
بين الثأر للترجي ورد إعتبار الكرة التونسية
وإستصحاب نتائجه المخيبة للآمال في المباريات المحلية الأخيرة. |
قلوبنا مع الهلال يا إيمو
( اليوم ) الهلال يلعب وحي العرب تطرب
|
|