Post: #1
Title: الحج فى أبهى صوره ...
Author: النصرى أمين
Date: 11-14-2010, 01:34 AM
قبل عدة شهور اتصلت به اثر عودته من زيارة قصيرة للسودان ..
فاجانى ..النصرى ..انا داير احج ..
قلت ليهو يازول قول بسم الله ..انت جيت من السودان امبارح !!!
واخدت اجازتك السنوية ولا تستحق اجازة تانية هذه السنة ....
وناس الشغل مستحيل يدوك اجازة تانية الا تكذب عليهم...
وبعدين من وين تلقى ليك 6 الف دولار تكلفة الحج ...
قال لى الله كريم ....
4 شهور متواصلة اشتغل فيها صاحبى دون توقف ,,,7 ايام فى الاسبوع ..
حرم نفسه من كل شئ حتى يحقق هذه الامنية الغالية ...
كنت احن لحاله ....
وفعلا استطاع ان يغطى فترة غيابه كاملة وهى 21 يوم
وتوفير مبلغ تكاليف الحج ....
حجا مبرورا وسعيا مشكورا صديقى العزيز ...
|
Post: #2
Title: Re: الحج فى أبهى صوره ...
Author: معاوية المدير
Date: 11-14-2010, 01:41 AM
Parent: #1
العقابية لينا انا، وإنت يالنصري.
الزول ناداهو المنادي يا قول أهلنا.
اضف إلي ذلك كمان سفّر زوجته السودان
في نفس الوقت.
حجاً مبروراً وسعياً مشكوراً أخي
عمر عبد السلآم، وارجوان لا تنسانا من
صالح الدعاء...
نشوفك في العيد يا النصري بمشيئة
الله تعالى.
المرّة دي اظهر...
|
Post: #3
Title: Re: الحج فى أبهى صوره ...
Author: النصرى أمين
Date: 11-14-2010, 01:46 AM
Parent: #2
يا معاوية
نحن بنزازى لعمرة لينا 5 سنة
|
Post: #4
Title: Re: الحج فى أبهى صوره ...
Author: معاوية المدير
Date: 11-14-2010, 02:30 AM
Parent: #3
Quote: يا معاوية
نحن بنزازى لعمرة لينا 5 سنة |
وحات الجليل الرحيم مزازيين معاك، ويا قول
اللبنانيين: عم بنحاول، بس ما في شي بيطلع بإيدنا.
وزي ما بقول لعمر طوالي عبارة اللبنانين هذه...
|
Post: #5
Title: Re: الحج فى أبهى صوره ...
Author: النصرى أمين
Date: 11-14-2010, 02:58 AM
Parent: #4
جدنا يا معاوية سمعتو مرة بقول
ان نجحت التجارة ..المرة والحمارة..
وان ما نجحت التجارة ..كفانى الحمارة ....
العيد جاهزين ليهو موية ونور وطواقى جديدة
و بكاميرتنا
|
Post: #6
Title: Re: الحج فى أبهى صوره ...
Author: النصرى أمين
Date: 11-14-2010, 01:25 PM
Parent: #5
فوق لمزيد من الاطلاع
|
Post: #7
Title: Re: الحج فى أبهى صوره ...
Author: dabeep
Date: 11-14-2010, 02:55 PM
Parent: #6
نعم يا النصري الحج في ابهي صوره هذا العام والاحبة في ضيافة الرحمن ..
ناس عزيزين علينا برضو غادرونا قبل كم يوم وأفئدتهم تلبي نداء ابراهيم للحج وتركونا ولسان حالنا يردد :
لبسوا ثياب البيض شارات اللقاء * وأنا الملوع قد لبسـت سـوادي
يارب أنت وصلتهم صلني بهـم * فبحقهـم يـا رب فُـك قيـادي
فإذا وصلتـم سالميـن فبلغـوا * مني السلام أُهيـل ذاك الـوادي
قولوا لهم عبـد الرحيـم متيـم * ومفـارق الأحـبـاب والأولاد
صلى عليك الله يا علـم الهـدى * ما سار ركب أو ترنـم حـادي
صلي الله علي سيد الخلق نبينا وحبيبنا ومعلمنا محمد وعلي اهله وصحبه اجمعين
ربنا يوعدنا واياكم
وكل عام وانتم بخير
|
Post: #8
Title: Re: الحج فى أبهى صوره ...
Author: النصرى أمين
Date: 11-14-2010, 11:01 PM
Parent: #7
شكرا يا دبيب على الفيديو
ربنا يكتب سلامة الحجاج ويرجعهم لاهلهم وحبايبهم سالمين
وغانمين ....
وزى ماقلت
ربنا يوعدنا واياكم ...
تعود الايام وربنا يحقق الامنيات
|
|