Post: #1
Title: هل أنت made in china مثلي ياصديق ؟ فكروا معاي أحساس غريب !
Author: زهير عثمان حمد
Date: 11-13-2010, 09:45 PM
Parent: #0
حاجة غريبه تأثير الصين الشعبية في حياتي تعرفوا الليلة أنا صحيت من الصباح قلت أشوف مدي تأثير الصين الشعبية في حياتي أكتشفت حاجة غاية في الغرابة من الفراشة حقتي بتاعت الاسنان اللا مأخذة وكمان البشكير والملابس الداخلية وكمان القميص والبنطلون والجذمة وحتي والشراب والحزام الي العالاقه بتاعت المفاتيح ولاعة السجاير جهاز اللابوب توب والتلفزيون والرسيفيروالموبيل مصنوع في الصين بس نوكيا التلاجة والغسالة والبوتجاز حق الطاولة الراديو الاستريو ياجماعة في النهاية بجد صدقت أنو أنا فعلا مصنوع في الصين الدولة الصديقة أتمنيت ألقي حاجة عندي ما صناعة صينيه و ماليها علاقة بالصين
تعالوا أنتم نحن تحت الاحتكار التجاري الصيني أمكن أمكن شنو اكيد,, في النهاية أنا ح أبحث عن زوجة صينيه طبعا بالتاكيد ما ح تكون مكلفة بس عمرها الافترضي قصير جدا عشان التغير يكون سريع وكمان سلاس وبدون خسائر مادية كبيرة
وأخير أصدقائي أبحثوا معي في موضوع أثر الصين في حياتنا وأهم أكتشاف كان أني صنعت في الصين في وقت كانت الصناعة الصينية في البدايات لو جاءكم الاحساس دا دليل أنو أحساسي حقيقي ما طشاش شبكة ولا وهم , بالله شوفوا القصة دى معي ضروري بالله أمكن انا جنيت يا جماعة أحاسيس غربية دي مش كدا
لو عندكم نفس الاحساس ونقوم نكون جمعية علي طول ونضع ليها نظام أساسي ونعمل باقي الاجراءات عشان الشريعة القانونية والعمل في الضو
أرجو كتابة تجاربكم مع أقتراحات جديدة.بالله كانوا جادين ما تهرجوا ياشباب .
*خصوصا الاصلع داك حمور دا مش صيني هندي عديل وكمان قاعد في مصر
*ودالصايم أنت وخدر ما معنا لا تحق ليكم العضوية واضح
|
Post: #2
Title: Re: هل أنت made in china مثلي ياصديق ؟ فكروا معاي أحساس غريب !
Author: انور التكينة
Date: 11-13-2010, 09:54 PM
Parent: #1
زهير صاحبى ...
قلت اخير كدى ؟
عاوز عروس 2 قدم و 3 بوصة ؟
عافى منك .. اكان ما لقيت حاول التايوانى ..
|
Post: #3
Title: Re: هل أنت made in china مثلي ياصديق ؟ فكروا معاي أحساس غريب !
Author: زهير عثمان حمد
Date: 11-13-2010, 09:56 PM
Parent: #1
شوفوا القصه العجيبة دي من شوية بغسل في الحلة برضو صينية وكمان التوم والصلصة حتي كمشتي والصحون
مفروض أنا أهاجر للصين فورا ا
|
Post: #4
Title: Re: هل أنت made in china مثلي ياصديق ؟ فكروا معاي أحساس غريب !
Author: زهير عثمان حمد
Date: 11-13-2010, 10:03 PM
Parent: #3
صديقي أنور
مساء الخير
والله عايزك تتأكد من أنو أخوك لسه كويس ما في شيء متعطلة فيهو والاجهزة حقتي تمام ولا دا أمكن جنون الصين
ماعارف بس مساعدة عاجلة قبل ما النظام يبوظ تماما؟!
|
Post: #5
Title: Re: هل أنت made in china مثلي ياصديق ؟ فكروا معاي أحساس غريب !
Author: زهير عثمان حمد
Date: 11-13-2010, 10:45 PM
Parent: #4
الليلة يا حلليك ما جنيت خلاص طول زمانك مريض بس عقلك حاضر وكمان قادر تمشي الشغل وتقول كلام معقول وتتعامل وتجيب دواءك وتشتري اللحمة والكرشا وراسين السمك ,الليلة ياحلليك كان جنيت طبك صعيب لا كهربة ولا فقرا ما بحلوك جنك دا ما متأصل في نافخك متحكر
ياجماعة شوف حل ما قالوا (الجن بيدوا لكين كعبه الاندروا) ’ الليلة أسالك ربي جن مستور هادي , الجن ما شايتن بغيض وأخير من لعنة الافساد , والمجنون والله مبدع خطير وأنسان جميل حتي لو كتم بس في راسو دلقو وشتم مريح ,تمثال من لحم ودم مغطي بالدالقين
والله ثائر وبطل صبر حتي الان ما أجنن كفر ولا فجرنفسو أنتحر
صحي دا الجن ذاتو ؟ .
|
|