Post: #1
Title: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-13-2010, 06:41 PM
Parent: #0
الولية مشت الحج مع رفقة مامونة,,,,
تركت لى البنات,,,
لدن اربعة سنوات,,,,سهل التعامل معها,,,
لما سنتان ونصف,,,لا تعرف صرفا ولاعدلا
حتى اللحظة غيرت بامبرز مرة واحدة,,,لكنها مرت خفيفة
اها افيدونى بشوية نصائخ حتى تمر هذه الايام مرت منها 4 ساعات فقط
واحدة تامت والاخرى متابعة معاى خروج الترجى وسط جمهوره مع ترديد ماما ماما
فتكم عافية
|
Post: #2
Title: Re: للمتزوجين فقط...,,,عاوز مساعدكم,,,انا فى ورطــة
Author: عبداللطيف خليل محمد على
Date: 11-13-2010, 06:52 PM
Parent: #1
يا زول استغل الفرصة و جيب التانية !!
طوالي ..
حتى لو ( فكة حيرة ) !!
و بعدين الظرف مقدر جداً .. ( ما عرفت للبت ) !!
و معاك حق .
لا حملت قبل كدا .. لا ولدت لا رضعت ..
عذرك مقبول ..
و الله نصيحتي ليك : دي فرصة لا تعوض ..
( بت الجيران شديدة ) .
|
Post: #3
Title: Re: للمتزوجين فقط...,,,عاوز مساعدكم,,,انا فى ورطــة
Author: أحمد ابن عوف
Date: 11-13-2010, 06:58 PM
Parent: #2
عارف يا عبداللطيف لو الولية دي عندها لابتوب ووايرليس وشافت كلامك دا في البورد هسع
الا تشوف ليك مخارجة من الكون سريع، على ما اعتقد المريخ قالوا ممكن
يسكنه الانسان هههههههههههه
ابقوتة
اولا يا حبيب، انا ما خضت تجربة زي دي، اقصاها يومين الولادة في المستشفى
ثانيا، يبدو انك موثوق في قدراتك والا لما تركت لك البنات
ثالثا: احمد الله انهن بنات ما الولاد، الاولاد مسكتهم صعبة ما زي البنات
وربنا يقويك
|
Post: #7
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-13-2010, 07:46 PM
Parent: #3
Quote: ثانيا، يبدو انك موثوق في قدراتك والا لما تركت لك البنات
ثالثا: احمد الله انهن بنات ما الولاد، الاولاد مسكتهم صعبة ما زي البنات
وربنا يقويك |
ابن عوف,,,
ما فى اى مقدرات تذكر,,,اول مرة اغير لطفل
لكن انا عارف ان الحج شاق,,فكيف بان تاخذ معك طفل
قلت احسن اتبالا بهن فى شقتى,,,وربك يعين
لك الشكر
|
Post: #6
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-13-2010, 07:42 PM
Parent: #2
Quote: الله نصيحتي ليك : دي فرصة لا تعوض ..
( بت الجيران شديدة ) . |
ياعبد اللطيف,,,فكرك بنقدر على ترلتين
يازول انت وين غاطس
كل عام وانت بخير
|
Post: #4
Title: Re: للمتزوجين فقط...,,,عاوز مساعدكم,,,انا فى ورطــة
Author: محمد المختار الزيادى
Date: 11-13-2010, 07:16 PM
Parent: #1
| Quote: حتى اللحظة غيرت بامبرز مرة واحدة,,,لكنها مرت خفيفة |
بس داير اقول ليك حاجة يا حبيب و اكيد بتكون عرفتها شوف
الحاجة"المدام" دى كانت بتتعب كيف مع الشفع
حجا مبرورا و عودا حميدا باذن الله
قبلاتى للاميرات الصغيرات
تحياتى
|
Post: #5
Title: Re: للمتزوجين فقط...,,,عاوز مساعدكم,,,انا فى ورطــة
Author: osama fadlalla
Date: 11-13-2010, 07:41 PM
Parent: #4
ابقوته حالك زين انشاء الله
تجربة فريدة ...حاول ان تستمتع بها بالدخول الى عالمهن صدقني متعة لاتوصف..
دخلتها مجبرا لمدة اسبوع ووجدتها اهون كثيرا مما كنت اظن...المشكله الحقيقية ما بعد ذلك لانهم ح يتعلقوا بيك وما ح يفهموا ان المسالة كانت مهمة لاجل محدود..الله وكيلك انا حسع ما يحلني من تغيير البانبارز والاطعام و..و.. الا غيابي عن البيت.
لكن فكرة عبداللطيف دي برضها ما بطاله (:(:(:
|
Post: #9
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-13-2010, 07:53 PM
Parent: #5
اخ اسامة,,,,,
اشكرك على سكب الخبرة هنا,,,والله طمئنتنى ,,,
عموما اول وثانى العيد عندنا استراحة دى يويمن بكونن فى استمتاع
كل سنة وانت طيب
|
Post: #8
Title: Re: للمتزوجين فقط...,,,عاوز مساعدكم,,,انا فى ورطــة
Author: عبد الحميد البرنس
Date: 11-13-2010, 07:49 PM
Parent: #4
العزيز أب قوتة
سلامات وحج مبروك
حكاية بسيطة. ممكن تتعالج. 4 سنوات ونصف شق دربو خلاس. أما الآخر فلا بأس. قد يتوقف دورك على حل النزاع بينهما. محمد ابني كان عمره سنة وأربعة شهور، أما أنيس فكان عمره يشارف على الأسبوعين. وحدث وأن رقدت المدام مستشفى لمدة عشرة أيام تقريبا. كان محمد ينام ليلا وأنيس ينام نهارا ولم يتعود بعد على مناخ الحياة. تلك كندا. ومع ذلك، كانا يتشاركان تلك الفترة ما بين الخامسة والسابعة صباحا في النوم. وتلك كانت فرصتي الوحيدة لأن أغمض عيني خلال تلك الأيام الصعبة. ومع هذا وهذا، كان لا بد أن نذهب ثلاثتنا إلى المستشفى على الأقل مرتين. زمان، أيام العزوبية، قلت لأحد الأصدقاء أنا عايز طفل أوطفلة عمر تلاتة سنة، كنت أعتقد أن الأطفال أكثر لطفا في تلك المرحلة. لكنه قال بنبرة مجرب: عندها لن يكن طفلك أوطفلتك.
|
Post: #11
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-13-2010, 08:11 PM
Parent: #8
يابريسن وين الحى بيك,,,
وبركة الشفناك طيب,,,تحياتى للعيال وامهم
فعلا تجربتك لها وقع اخر,,لكن انا ناسى اول مرة يفارقوا امهم
ربك يعينا ,,,انا رجل كتير الطلوع والعلاقات الاجتماعية
حبست البيت صعبة والخروج على الحدائق بحرمنى من اصدقائى
شكرا لك شكرا
|
Post: #10
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-13-2010, 08:04 PM
Parent: #4
Quote: بس داير اقول ليك حاجة يا حبيب و اكيد بتكون عرفتها شوف
الحاجة"المدام" دى كانت بتتعب كيف مع الشفع |
الاخ الزيادى,,,حقيقة ان مهمتهم لا احد يقدر عليهامن الرجال,,,
عندنا عم طلق المره,,وعندو منها طفلان,,واهلها فى منطقة اخرى
وعندما رجعها لاهلها,,تدخل والدها وقال ليه انا سلمت شخص واحد
وهو بنتى,,طبعنا عمنا شال الاولاد وخرج بيهم على الشارع,,ومع الصياح
قبل راجع وقال عاوز ام عياله,,,,
تحياتى لك
|
Post: #12
Title: Re: للمتزوجين فقط...,,,عاوز مساعدكم,,,انا فى ورطــة
Author: هشام كمال
Date: 11-13-2010, 08:41 PM
Parent: #10
Quote: تجربة فريدة ...حاول ان تستمتع بها بالدخول الى عالمهن صدقني متعة لاتوصف..
دخلتها مجبرا لمدة اسبوع |
الاخ ابقوتة
الكلام الفوق دا سليم وهى متعة لا تنتهى واحمد الله مليون مرة لانوهم حبيباتك بنات.
الولد وعمرو سنة ونص بيعنى فى يومين طقم جلوس اشتريتو بى مليون ونص وحياتك بعتو بى اربعمية الف بعد شهرين من الاستعمال ودا كان فى ظرف مشابه لظرفك والمدة الزمنيه عشرة يوم.
الفرق بين الولد والبنت فرق السماء من الارض.
حبابهم البنيات
البنيات شالن النوم من غيونى وروحن
البنيات المن حلاتن عشرقن
ابقى عشرة على البيات
هشام
|
Post: #13
Title: Re: للمتزوجين فقط...,,,عاوز مساعدكم,,,انا فى ورطــة
Author: keiga2000
Date: 11-13-2010, 08:51 PM
Parent: #12
ياحوله يا ابو قوته
انا شلت هـم يوم بكره
مشكلتك كلها بالنسبة ليوم غد الأحد ما بين الساعة 8 و10 مساء وأنت عاوز البساعدك
في اللحظات دي بالذات دي لحظات عصيبة ما اظن تقدر تغير بامبرز ولا ...........
عشان كدا قلوبنا معك
ويحلك الحلا بلــه
أبومصطفى
|
Post: #18
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:33 AM
Parent: #13
| Quote: مشكلتك كلها بالنسبة ليوم غد الأحد ما بين الساعة 8 و10 مساء وأنت عاوز البساعدك |
ابو مصطفى,,,امسكوا فى ناس راجى ديل,,,واجدعوا العواليق التوانسة
اما جماعتك ديل احسن تقيفوا فى صفنا ساى,,,
سنرويهم فى يوم التروية,,,
شكرا ياعزيز وتحياتى لمصطفى
|
Post: #17
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:27 AM
Parent: #12
Quote: البنيات شالن النوم من غيونى وروحن
البنيات المن حلاتن عشرقن
ابقى عشرة على البيات |
تعرف باهشام
الكبيرة منهن...قلنا ننزل نجيب عشا,,,نسيت الطاقية
مشت جابتها وجات,,,لكن الولد بكاتل معاك
ههههههههههه,,,ربنا يخلى ليك عيالك
عيدك سعيد
|
Post: #14
Title: Re: للمتزوجين فقط...,,,عاوز مساعدكم,,,انا فى ورطــة
Author: عاطف عمر
Date: 11-13-2010, 09:18 PM
Parent: #1
أركز يا عمك
أركز
وعندما ينتهي موسم الحج تطلب من بكري أن يسحب هذا البوست فوراً كى لا يقع في نظر المدام الحاجة
وذلك يا صديقي كى لا ( تظهر نقاط ضعفك ) وتقع في ( إبتزاز ) لا حد له لأقل مطالبة - معقولة أو غير معقولة -
" أنا ح أسيب ليك البنات وأسافر أهلي "
بل بالعكس
اعطي الحاجة صورة أنكم كنتم مبسوطين
وأنو البنات حلوات
وماعندهم أى مطالب
ولم يتعبوك أبداً أبداً
ولا ضر شيئاً إن ( أديتها كوز كدا ) وقلت ليها
" تاريكم كنتم غاشننا بمسؤولية العيال وهى ولا مسؤولية ولا حاجة "
وتبلغ قمة الروعة إن أنت ( جندت ) البنات لمصلحتك بأن تجعل البنات يشهدن في غيابك كمثل القول
" والله يا ماما بابا دا طبيخو أحلىىىىىى من طبيخك "
أو
" والله يا ماما كنا مبسوطين لمن بابا كان بيعمل لينا كل حاجة "
____________________
نصيحة أخيرة
لا تطمئن للصغار
حتى التي ( تغير لها البامبرز )
إنهن كاميرات رقمية
يسجلن كل سكناتك وحركاتك و ( مكالماتك ومشاهداتك ) وسوف يوصلنها للحاجة عند أول طلب
_________________
خبرة عشرون عاماً من الزواج
|
Post: #15
Title: Re: للمتزوجين فقط...,,,عاوز مساعدكم,,,انا فى ورطــة
Author: yasir Abdelgadir
Date: 11-13-2010, 09:25 PM
Parent: #14
ابوقوتة
مش كان احسن ليك الوزارة ...... كان حلتك من دا كلو
تحياتي للامورات
برضو حالك أحسن من حالي....عيد عزابي
|
Post: #16
Title: Re: للمتزوجين فقط...,,,عاوز مساعدكم,,,انا فى ورطــة
Author: khaleel
Date: 11-13-2010, 09:45 PM
Parent: #15
يا سلام يا ابو قوتة
هذه ستكون اجمل فترات حياتك
وستعرف انو الحريم ماسكات مننا بلاوي
حاول بكرة صرف البنات للجيران
عايزنك مصحصح
عيدك مبارك يا فردة
|
Post: #20
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:50 AM
Parent: #15
| Quote: مش كان احسن ليك الوزارة ...... كان حلتك من دا كلو |
كان جبنا خدامة
بيضاء زى الحمامة
والبنات مايعرفن ماما
الى يوم القيامة,,,,
دكتور,, ياسر
هلالك ,,الجاسر
يارب ,,الكواسر
الصفاقس خاسر
|
Post: #19
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:40 AM
Parent: #14
| Quote: خبرة عشرون عاماً من الزواج |
عاطف عمر,,,
من نصائحك نستفيد,,,حقيقة كلامك فى محلو,,,
ليلة عاوز البس واحدة شراريب ضحكت وقالت لى مش زى ماما
لكن انا لو لقيت واحد يطعمن زى عمر ولدك دا
بمشى الحج مع امهن,,,,
تحياتى,,,,
|
Post: #21
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:58 AM
Parent: #19
الجميل ,,,خليل
انت للفوز دليل
للهم,,, لا تشيل
نحن اولاد النيل
سنحسمهم,, عديل
وسنشعل,,الفتيل
والوصيف ,,زعيل
ونوديه,, د,فيل
|
Post: #22
Title: Re: للمتزوجين فقط...,,,عاوز مساعدكم,,,انا فى ورطــة
Author: ودقاسم
Date: 11-14-2010, 06:43 AM
Parent: #21
ابوقوتة الياقوتة
لمّن تستمتعوا بالعرس ما تنسوا الولادة ..
بس صدّقني كله متعة ..
وبعدين البامبرز دا دين ابن ###### جدا
لما الأولاد يكبروا ويفتروا عليك تقوم تذكّرهم البامبرز ..
"والله لسة انت البامبرز ما حليت دينو .."
فيفطس بالضحك .. ويتراجع عن الافتراء ..
وكل سنة وانت طيب ..
|
Post: #23
Title: Re: للمتزوجين فقط...,,,عاوز مساعدكم,,,انا فى ورطــة
Author: Hassan Senada
Date: 11-14-2010, 06:50 AM
Parent: #22
ابقوته كل سنة وانت طيب العفو والعافية
|
Post: #29
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 04:50 PM
Parent: #23
| Quote: ابقوته كل سنة وانت طيب العفو والعافية |
حسن,,, سنادة
لونك الاحمر السادة
الليلة بقولك افادة
قبل نطق الشهادة
الليلة يوم التروية
وبكرة عرفة,,,سسنحر الصفاقسى
قبل ليلة العيد,,,
كل سنة وانت طيب,,,
طبعا ردى عليك قبل المباراة بساعة ونصف
تسلم المشاركة
|
Post: #24
Title: Re: للمتزوجين فقط...,,,عاوز مساعدكم,,,انا فى ورطــة
Author: nazar hussien
Date: 11-14-2010, 07:05 AM
Parent: #22
هسي دا بوست زول غالبو يغير البامبرز...
كتبت بوست ورديت علي الناس ديل واحد واحد...
هسي البنيات ديل تاعباتنك في شنو؟
يا صديق دي ايام الما مرّ عليها نص عمروا ضايع
قول لي كيف؟
ببساطة اكتشفت انو اقصي تغييرات للبامبرز في اليوم هي تلات مرات
دا طبعا اذا ما قمت اكلت الصغيرونة دي اكل ما صحي...
الاكل:
حليب...وكورنفليكس...وخيار...وجزر...وسندوتشات جبنة...وبيض
وجيكن نقتس...وعيش سندوتشات سلايس...وبعض العصاير الفارغة...
وبعض الشيوكلاتات...والجبس...
الحاجات الفوق دي جيبها وختها في التلاجة وكلها جاهزة...
تحشي وتدي المايكرويف لمدة دقيقة...وفي العصريات مع المغارب
تشوف ليك اقرب حديقة اطفال...ترابية اللعب...بتجيبهم البيت
الساعة سبعة نجاض تب ناس نوم...وهكذا...
الحكاية اسهل مما تتوقع...ما تشيل هم...وتبقي في الحقوا البت...
وشوفي اختك...وما تقع من السرير...وما تفتح التلاجة...
لو مر عليك اليوم الاول بس كرروا...
|
Post: #25
Title: Re: للمتزوجين فقط...,,,عاوز مساعدكم,,,انا فى ورطــة
Author: Amany Elamin
Date: 11-14-2010, 08:42 AM
Parent: #24
أبوقوته سلامات,,
البنات أساميهم حلوه جدا علي فكره,, لدن ولما,,
وأمهم عارفاهم في رفقه مأمونه برضو, وعارفاك قدها وقدود,
تحيه كبيره للأباء اللي بيشاركوا في الاعتناء بالأطفال حتي في وجود أمهاتهم,
لأنه ما في أجمل من الحميميه البتنشأ بين الطفل والأب, من اطعام الطفل في فمه, أو تغيير ملابسه أو مجالسته عند النوم,
ودي هي بوابة الصداقه مع الأب والقرب من للأطفال,
طبعا الحميميه بين الأم والطفل شئ طبيعي وتلقائي,
لكن الأب أحيانا بيفوّت علي نفسه متعه كبيره بالبقاء بعيدا عن قضاء مستلزمات الأطفال داخل المنزل,
وعليه بتنشأ فجوه بين الأب والطفل يصعب سدّها لاحقا,,
ربنا يتقبل حج أم البنات الحلوات,
وهنيئا ليك بصحبة السكّرات لدن و لما,
ربنا يحفظهم ويخليهم ليك انشاء الله,,,
|
Post: #26
Title: Re: للمتزوجين فقط...,,,عاوز مساعدكم,,,انا فى ورطــة
Author: علاء الدين محمد بابكر
Date: 11-14-2010, 09:06 AM
Parent: #25
ابوقوتة كل حجة وانت طيب..
أنا مريت بتجربتك دي قبل تلاتة سنين..والعيال تلاتة..والحاجة حجت وجاورت (رجعت بعد تلاتين يوم) يوم يلطش يوم..
وكنت قاعد براي معاهم من دون اي عون أجنبي..
جربت كل انواع الترضيات والدلع..
ما تنسي السوق لهدوم العيد..في دي لازم تستعين بخبير اجنبي (اجنبي دي يعني انثي)..عشان نحنا في الهدوم بنتغشي..
ونبقي في البكا ودي شينة ودي ما عا########ي..
بس نصيحة اخيرة..خليك قريب منهم.وربنا يكون في عونك..وعونهم..
كل سنة وانت وهم طيبين وربنا يرجع ليكم الحكومة بالسلامة..
|
Post: #27
Title: Re: للمتزوجين فقط...,,,عاوز مساعدكم,,,انا فى ورطــة
Author: احمد الزبير
Date: 11-14-2010, 10:23 AM
Parent: #26
حظك كعب كناعاوزين ننجدك
ونرسل ليك حبشيه كاربه
فتشناك لقيناك في الرياض
تعال الدوحه ، ليك علي تاني
كل سنه حجه .
|
Post: #32
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:50 PM
Parent: #26
| Quote: أنا مريت بتجربتك دي قبل تلاتة سنين..والعيال تلاتة..والحاجة حجت وجاورت (رجعت بعد تلاتين يوم) يوم يلطش يوم.. |
الاخ علاء
تلاتين يوم والله انا ابكى عديييييل,,,لكن لو فى السودان ال30 يوم ما بتشعر بيها
لان هنالك خالات وحبوبات,,,عموما تجربة يستفاد منها
شاكر لك مرورك الجميل خالص
|
Post: #30
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:00 PM
Parent: #24
Quote: هسي دا بوست زول غالبو يغير البامبرز...
كتبت بوست ورديت علي الناس ديل واحد واحد...
هسي البنيات ديل تاعباتنك في شنو؟
يا صديق دي ايام الما مرّ عليها نص عمروا ضايع
قول لي كيف؟ |
نذار
عليك الله نزل لينا كلامك الجميل دا,,,
يوم هزيمة الاهلى المصرى,,,بعد نحر الصفاقسى,,,,
صدقنى احداهن بتعرف سادمبا وامبيلى,,,على الرقم من مريخية الحاجة
مبروووووك مقدما
|
Post: #28
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 04:42 PM
Parent: #22
Quote: لما الأولاد يكبروا ويفتروا عليك تقوم تذكّرهم البامبرز ..
"والله لسة انت البامبرز ما حليت دينو |
ود قاسم,,,
ياسيد الملاحم
كنت فينا فاهم
وبتفك الطلاسم,,,
كلامك داينطبق على الاولاد لكن البنات لمايكبرن
تقول ليهن شنو,,,
شاكرين حضورك المميز
|
Post: #31
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:43 PM
Parent: #28
Quote: البنات أساميهم حلوه جدا علي فكره,, لدن ولما,,
وأمهم عارفاهم في رفقه مأمونه برضو, وعارفاك قدها وقدود, |
العزيزة د.امانى
يعجبوك اولادك,,,ودا طبعا من ذوقك,,,
طبعا لدن,,اسمى بوردى,,,نشر فى مسابقة على هذا الصرح العملاق سودانيزاون لاين
ما بعرف وقتها انت عضوة معنا ام لا,,,
اشكرك على المداخلة القيمة ذات المدلول الخاص,,,,
انا من المقيمين فى بوستاتك الجميلة المفيدة,,,لكنى بسرق الشهد
بدون ان اترك اثر,,هنا الرابط,,,,مسابقة كبــرى,,,,هات/ى اجمل اسم لبنوته,,,, واربح 100 دولار
|
Post: #35
Title: Re: للمتزوجين فقط...,,,عاوز مساعدكم,,,انا فى ورطــة
Author: abuguta
Date: 11-14-2010, 05:52 PM
Parent: #31
Quote: حظك كعب كناعاوزين ننجدك
ونرسل ليك حبشيه كاربه
فتشناك لقيناك في الرياض
تعال الدوحه ، ليك علي تاني
كل سنه حجه . |
احمد الزبير,,,
طيب نتحول الدوحة...ايش المانع,,,
ياخى مشكور على جميل حضورك
شكرا
|
Post: #33
Title: Re: للمتزوجين فقط...,,,عاوز مساعدكم,,,انا فى ورطــة
Author: ismeil abbas
Date: 11-14-2010, 05:50 PM
Parent: #28
أبوقوته أخى الكريم..انت ليس فى ورطة أنت فى فرصو ذهبية لآكتشاف مهام النساء الصعبة..ربنا ما يحرمنا منهم...
أسمع كلام أختنا امانى ألأمين ده درر...لكم التحية جميعآ وربنا يجيب أمهم بالسلامة وجميع الحجاج ويتقبل حجهم.
تحياتى....وامنياتى بالفوز للهلال 3صفر..
|
Post: #34
Title: Re: للمتزوجين فقط...,,,عاوز مساعدكم,,,انا فى ورطــة
Author: Abdlaziz Eisa
Date: 11-14-2010, 05:52 PM
Parent: #28
الأخ/ ابوقوتة
سلام
مبرووووك الحج لأم الأولاد..
ومبروك المهمة الجميلة دي..
بس ده كله كوم... ورش الصفاقسي كوم ..
تحياتي
|
Post: #36
Title: Re: للمتزوجين فقط...,,,عاوز مساعدكم,,,انا فى ورطــة
Author: Abureesh
Date: 11-14-2010, 06:32 PM
Parent: #34
أبوقوتـة،
عيـد مبارك ومبروك لأم العيال الحج..
نصيحـة مختصـرة للخروج من الورطـة المنتظـرة.
أمشى لأقرب جرير بوكشوب واشترى بكتة ورق طباعـة printer paper ودستـة اقلام رصاص مبرية
وشوية الواح صغيرة لوضع الورق عليها..
خت الحاجات دى كلها فى الواطــاة فى نص الصالون أو أحدى الغرف وخليهم يشخبطوا زى ما عايزين.
شوف تانى لو سألوا منك ولا من ماما زاتها.. بس ما تنسى مواعيد اكلهم وانتبه لحاسـة الشم.
وبعودة امهم بالسلامة إن شاء الله ممكن تدعى البطولات.. وكدا يتحسن خطهم فى الكتابة وثقافة اليد
والتعود المبكر على الرسم، وشكـر المدام حيمشى لحمـاد.
|
|