Post: #1
Title: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقنه!
Author: Abuelgassim Gor
Date: 11-13-2010, 01:51 PM
محمد عكاشة
وناذر محمد خليفة
كل عام وأنتم بخير
والله جيلكم دا جيل مرقة جداد ساى
نحن جيل الجلابية والشنب والمركوب
أما المره ..هييع مجهبزة ومقعده
مش زى بنات جيلكم الواحده زى المسواك
نحن جيل الخنفس والشارلتون
جيلكم دا كلو صلع .... 
|
Post: #2
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-13-2010, 01:58 PM
Parent: #1
وقبال ما تعرس
أول بالتبادى
لازم يدوك كورس فى لف العمامة والمركوب ومرّيس الشنب...
وكيف تبقى راجل تمام مالى هدومك ..جلابيتك
والمره بعلموها كيف تبقى مره ....
وانت ماشى لبيتك بوصوك الراجل برجالو والكريم بأم عيالو
مش زى الجيل دا ...ياكل هامبورغر ....
والله شنبك كان ما بقى قبضه وتلات أصابع ...المره تشمها قدحه
هييييييع
|
Post: #3
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: الطيب رحمه قريمان
Date: 11-13-2010, 02:01 PM
Parent: #1
ول أبا قور
كيف حالك , اخى انت شغلك سماحة فيارين ساكت
عافى منك يا ولض امى بس بدور ليك شوية رياضة فى عشان الكرش تنزل شوية و بتن ما فى زول اسمح منك دت
ما شاء الله عينى باردة
|
Post: #4
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-13-2010, 02:08 PM
Parent: #3
ولد أبوك
هييع الفارس
رحمه بكتل مناك للحجاز
كل عام وأنتم بخير
Quote: ول أبا قور
كيف حالك , اخى انت شغلك سماحة فيارين ساكت
عافى منك يا ولض امى بس بدور ليك شوية رياضة فى عشان الكرش تنزل شوية و بتن ما فى زول اسمح منك دت
ما شاء الله عينى باردة |
الكرش يا ولض أمى ..غلب ...غُلب ساى
اليوم بكتلوك فى ضهرك وأم باكر فى بطنك ..
وفى ناس هنى بركبونا أمحدبو ساى....
|
Post: #5
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-13-2010, 02:18 PM
Parent: #4
الراجل مركوب
وصلاة وسبحه
جيلكم ..جيل حدائق حبيبى مفلس
|
Post: #6
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: محمد عكاشة
Date: 11-13-2010, 07:39 PM
Parent: #5
يادكتورقور
العيدمبارك عليك والوليدات وسيدة حواء..
طيبين يعودعليكم بالخير والبركات
تى شيرتات قال ..
ياعمك الجلابية محمداك والتوب ..انت جلكنته خلاس ..
محمدومنتصر كبروك ..
وبكرة غالية تختها ليك عديل وتبقيك جدو قور
انت بعد ده زول أجاويد ومواجبات وحقو تمسكه من الكبرى ..فى دى خلى ولدنا ناذر يديك منظر..
اغنية من النوع الختررى ..
ياااخى انت من زمن أدينى حقنه
ياحاج صلاتك بالنبى
__
اسمع ..الخروف كييييف
وماتقول شنب وتوب..
هيييع الحاجات دى ماعندها تكاليف برضك
جهبز الخروف الماخمج والفحم والشطة الخضراء وخليك جاهز
|
Post: #7
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: ناذر محمد الخليفة
Date: 11-14-2010, 07:40 AM
Parent: #6
عمنا قور ..
كل عام وإنت بخير ..
أول حاجة أنا السنة دي عزابي في البيت .. جهز الشية جاي اتغدى معاك في العيد
Quote: نحن جيل الخنفس والشارلتون
جيلكم دا كلو صلع .... |
خنفس شنو يا عمنا .. ؟؟!! أمال الصلع دي الورثنا ليها منو ؟!!
بعدين يا خي جلاليب شنو ومراكيب شنو في الحر دا ..؟!! أنحنا ناس مواكبين العولمة ..!!
الجلابية دي غايتو لبستها مرتين .. مرة في عرسي يوم البطان ومرة في عرس لؤي قبل كم شهر ..
هسي كدي يب لي الإستايل دا :
بلا جلابية بلا بطيخ ..!!!
|
Post: #8
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: لؤى
Date: 11-14-2010, 09:46 AM
Parent: #7
Quote:
الجلابية دي غايتو لبستها مرتين .. مرة في عرسي يوم البطان ومرة في عرس لؤي قبل كم شهر ..
|
يا رااااااااااااااجل 
ودا عرّاقي ؟ 
قور سلامات
|
Post: #9
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: ناذر محمد الخليفة
Date: 11-14-2010, 10:22 AM
Parent: #8
لا حوللااااااااااااااااااه ...!!
لكن يا لؤي لقيتك خطير عديل .. أخطر من كوستاوي زاتو ..!!!
لكن يا كيشة أنا قاصد الجلابية كاملة مع ملحقاتا .. العمة والمركوب والشال وكدة ...
الصورة دي في البلد .. شهيتني المسلمية ياخ ..!
وكل سنة وإنت طيب ..!!
|
Post: #12
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-14-2010, 05:07 PM
Parent: #8
يا لؤى
سلامات والعيد مبروك عليك
عافى منك قبضت لى الولد ناذر بالثابته
دا كابى زوقه سنه كاملة ...
|
Post: #11
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-14-2010, 05:01 PM
Parent: #7
يا ولدى ناذر
حسى اللابسو دا شنو
أنا قايلو قرمصيص ...
عولمتكم تلبس الرجال القرمصيص ....
العيد مبارك عليك وعلى اسرتكم الكريمة
| Quote: أول حاجة أنا السنة دي عزابي في البيت .. جهز الشية جاي اتغدى معاك في العيد |
أنا عارفك قاعد تعمل فى ( التبره برا ..حالات البيت بلا مره)
والله عووود يا ولدى دا اسمو الاستعمار الاستيطانى ....أسأل عمك
تانى مافى عزوبية ليك ...
| Quote: خنفس شنو يا عمنا .. ؟؟!! أمال الصلع دي الورثنا ليها منو ؟!! |
الصلع دا من أفاعيلكم ...مرقت الدجاج وأكل البوش ..والشنو ..شنو داك ما عارف
والله نحن من شدة كنا خنافيس لغاية ما تقدر تشوف القاش ..
قاشنا عريض من الردف للصرة !!
شارلستون وجزمة كعب عالى ...
حسى قلبتو لينا ( جى فايس)
ياهو قلتها بعضمة لسانك
السنة دى ما تجى العيد ...
بجيك ويحلنا الله ...
خاصة بعد ما بقيت ما بتظهر فى معهد الموسيقى
|
Post: #10
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-14-2010, 04:46 PM
Parent: #6
Quote: يادكتورقور
العيدمبارك عليك والوليدات وسيدة حواء..
طيبين يعودعليكم بالخير والبركات
تى شيرتات قال ..
ياعمك الجلابية محمداك والتوب ..انت جلكنته خلاس ..
محمدومنتصر كبروك ..
وبكرة غالية تختها ليك عديل وتبقيك جدو قور
انت بعد ده زول أجاويد ومواجبات وحقو تمسكه من الكبرى ..فى دى خلى ولدنا ناذر يديك منظر..
اغنية من النوع الختررى ..
ياااخى انت من زمن أدينى حقنه
ياحاج صلاتك بالنبى
__
اسمع ..الخروف كييييف
وماتقول شنب وتوب..
هيييع الحاجات دى ماعندها تكاليف برضك
جهبز الخروف الماخمج والفحم والشطة الخضراء وخليك جاهز |
هييع الخروف تمام ومعاه شريحة زين هدية!!
كل شيئ جاهز
والعيد مبروك عليك وعلى الأسرة
البس جلابيتك وملفحتك الماخمج
ومرحبابك ...
شطه وأم فتفت....
وقول الشربوت ....الشربوت
يا زول هوى والله عمك لسه نارو حيه ..
واجبات شنوه ..
أنا ومحمد ومنتصر نقوم الصباح فى سباق على التى شيرتات ..
غالية طوالى تلفح ليك توب الحاجة
يا زول هوى
|
Post: #13
Title: Re: هيييع نحن جيل الجلابية والشنب والمركوب والتوب..ناس محمد عكاشه وناذر جيل التى شيرت أدينى حقن
Author: Abuelgassim Gor
Date: 11-17-2010, 05:36 AM
Parent: #10
الخروف ضبحناهو
الشربوت جهزناهو
كل شيئ عملناهو
لا عكاشه ولا ناذز واحد ما شفناهو
يا ناس أدينى حقنة كلامكم كملناهو
|
|