Post: #1 Title: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 03:35 AM Parent: #0
المرة دي بتمدح في النبي (ص) ومن خلال إحدي تلفزيونات الدولة!! وين ال ....... شاهدوا و اللبيب بالإشارة بيفهم.
Post: #2 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 03:39 AM Parent: #1
انا ما لاقي أي تفسير لتصرف هذة السيدة بهذة الطريقة و الملابس الكيف كيف دي يجوز السيدة دي إيمانها ضعيف وما عارفة أمور الحشمة بالذات لمن يكون المدح لسيد الخلق سيدنا محمد (ص).
انا بلوم ناس المشروع الحضاري و المخرج بتاع الحلقة و صاحب القناة اللي سمح لهذة السيدة لتمدح أشرف الخلق بهذة الطريقة.
حقو الناس تتأدب وتتحشم في حضرة الني (ص) ....... ولا شنو؟
Post: #3 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 03:44 AM Parent: #2
.
ياريت نسمع من ناس القناة اللي موجودين معانا في المنبر ومن ناس المشروع الحضاري لتفسير هذا الأمـر!
Post: #4 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 04:15 AM Parent: #3
يا أخونا ما تعملوا رايحيين من البوسط ده.
** تعليق لاحد الأخوة لشريط الفيديو علي اليوتيوب... يقول:
Quote: فى الروضة نتلمى.........؟؟؟ لمى شعرك دة اول ......مسخرة والله
Post: #5 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 04:19 AM Parent: #4
تعليق شخص أخر من اليوتيوب:
Quote: الحاجة الغايبة عليكم يا أيها السادة, إنو السنوات الاخيرة فى بعض البنات المسيحيات اسلمن من خلال تزاملهم فى الجامعات السودانية, وتزوجن مسلمين وسبب لهم ذلك مشاكل مع اهلهم - ارجعوا لبعض الاخبار لكم سنه للوراء - اعتقد والله اعلم ان هذة الفنانة احداهن
Post: #6 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 04:25 AM Parent: #5
تعاليق مختلفة ومتباينة علي الفيديو..... من اليوتيوب. قال أحدهم..
Quote: أمنت بالله و ملائكته و كتبه و رسله لانفرق بين احد من رسله.......لك مني يا مونيكا التحية و ايا كان الدافع اللذي من اجله كانت المدحه , ماشاء الله علي الاداء. بالنسبه للاخوة النقاد انتو منو !! عشان تحكموا علي الناس بظواهر الامور , السودان ده فيو ناس كتيرين سوا من الحكومه او مدنيين بنو قصور و شيدو مصانع مستغلين اسم الدين الي هم بعيدين عنو كل البعد,,,اصحو يا ناس ربنا واحد وشاهد,خبير وبصير,سميع وعليم
Post: #7 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: محسن خالد Date: 11-13-2010, 04:25 AM Parent: #5
عزيزي أحمد سلام وتحية طيبة الزولة دي اسمها مونيكا، قبطية، مسيحية، وجاملتكم في مدح النبي محمّد، يعني حقو تقولوا بارك الله فيها، وما قصّرت، وبس. سلام
Post: #8 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 04:34 AM Parent: #7
اهلا بالناقد المبدع أستاذنا/ محسن خالد.
النقطة اللي إنت ذكرتها دي كانت فايته علي! وعرفتها من خلال ردود الإخوة اللي في اليوتيوب. الأمور الدينية دي بقي انا ما شديد فيها,
ولذلك طالب مساعدة ناس الفقه بالبورد. ما عارف هل يجوز لأهل الكتاب مدح النبي (ص) بطريقة هذة السيدة وبهذة الملابس وفي قنوات المسلميين؟
تعليق آخـر لاحد الإخوة في اليوتيوب.
Quote: يا جماعه حرام عليكم مسيحيه وتمدح في الرسول مافيه مسلمه تقوم بهذا الشيء. هذة تمدح من اجل المال لو كانت تمدح الرسول من جد وحقيقة لكانت امنت به!
Post: #9 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: Abdlaziz Eisa Date: 11-13-2010, 04:36 AM Parent: #5
العزيز أحمد بشير
سلام
الزولة جديدة في اللغة.. جديدة في الغناء.. جديدة في الإسلام وجديدة في السودان..
ده كله كوم!!
فالقناة جديدة والمذيعة كذلك وادارتها...
في النهاية الشئ بيزنيس!! وكل بفتواه جاهزة!! حتى الإسلام والمشروع الحضاري علامات تجارية عند الجماعة..
تحياتي
Post: #10 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 04:42 AM
Quote:
الزولة جديدة في اللغة.. جديدة في الغناء.. جديدة في الإسلام وجديدة في السودان..
ده كله كوم!!
فالقناة جديدة والمذيعة كذلك وادارتها...
في النهاية الشئ بيزنيس!! وكل بفتواه جاهزة!! حتى الإسلام والمشروع الحضاري علامات تجارية عند الجماعة..
وعليكم السلام يا عبد العزيز.
انا ما قادر أحكم علي هذا الشئ من جانب واحد وفي نفس الوقت ما قادر أقول ليها شكرا و أسكت زي ما قال أستاذنا محسن خالد.
غايتو دايريين لينا شيخ كده محايد من جماعة البورد علشان يفتينا.
الجماعة قالو السيدة قبطية. هل يجـوز؟
Post: #11 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: يوسف الولى Date: 11-13-2010, 05:28 AM Parent: #10
Quote: وبهذة الملابس
و ياتو غنيه ممكن تمشى مع ما تلبس ؟ تزكرت ما يلبسه فرفور فى برنامج رمضان .. لقيتو بالمقاس دا انو لبسو ما ماشى مع الغنا .. معقوله بس يغنى حماسه وهو لابس لبس ناس الكنغو وما راى اهل الدين فى مديح الرسول الكريم صلى الله عليه وسلم والحنه فى الانامل مع ملاحظه انو الفنانه اقصد المادحه تلبس لبس يمشى مع المديح وهى تدين بالاسلام يعنى فى المديح يتحجبو وفى الغنا يكشفو على وزن فى اليل يضبحو وفى النهار يسبحو وبعدين ... هى المشكله وين بالظبط.. عشان نركز لانو الفيديو بالنسبه لى فيهو كميه بتاعه مشاكل غايتو اكبر مشكله شايفها هو انو النبى الكريم صلى الله عليه وسلم يتم مدحه بمصاحبه الاورغن .. وبتاع البتاعه البينفخوها دى مش كان اخير يقيف على حيلو بدل ما ناخد انطباع انتو محتاج يمشى الحمام فحدد المشكله وين عشان نركز والراى شنو لو المدحه دى بنفس الصوت والشخصيه والمسيقى المصاحبه . بس كانت فى الراديو
Post: #12 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: احمد محمد بشير Date: 11-13-2010, 05:53 AM Parent: #11
Quote: و ياتو غنيه ممكن تمشى مع ما تلبس ؟
لم نتطرق للأغاني, ما جاء في الفيديو عبارة عن مديح.
Quote: تزكرت ما يلبسه فرفور فى برنامج رمضان
مافي زول جاب سيرة فرفور, ولاطريقة لبس الرجال. الموضوع المطروح إنو قبطية تغني وبهذة الملابس, وفي أحد تلفزيونات الدولة بتاعة: ناس المشروع الحضاري. لذلك دايريين تفسير من شيخ محايد وعلي شرط "الشيخ" ما يكون تابع لجماعة الحضاري!
Quote: يعنى فى المديح يتحجبو وفى الغنا يكشفو على وزن فى اليل يضبحو وفى النهار يسبحو
مين القال الكلام ده؟ افهم المطروح هنا و جيب لينا حلول وفتاوي..... انا مسلم و ديني يقول أنه يتجوب علي السيدة أن تتحجب ولا تبدي زينتها إلا لبعولتها كما ذكر في القرآن.
Quote: وبعدين ... هى المشكله وين بالظبط..
المشكلة زي ما قولت ليك, أحد تلفزيونات المشروع بتعرض مديح بهذة الطريقة!! ياااااخ السيدة دي علي الأقل كانت تدِس شعرها لخمسة دقائق حتي تنتهي الفقرة إحتراما للمسلمين!
Quote: وبتاع البتاعه البينفخوها دى مش كان اخير يقيف على حيلو .فحدد المشكله وين عشان نركز
مشاكل الرجال الفي الفرقة الموسيقية انا ما إطرقت ليهم ولا شوفتهم عملوا شنو! الموضوع, هل يجوز لأهل الكتاب مدح النبي بطريقة السيدة أعلاه؟
Quote: والراى شنو لو المدحه دى بنفس الصوت والشخصيه والمسيقى المصاحبه . بس كانت فى الراديو
إذا كانت المدحة في الراديو لما نعرف الموضوع!. ولما كنا سنفتح البوسط,و بالتالي المشكلة كانت حتكون مستتر عليها. يعني كنا حنقول حينها إنو ناس الإذاعة سيحاسبو أمام الله في اليوم الآخر.
السيد/ يوسف الولي: جاوبتك حسب ما أعرف, ولا أفقه في الأمور الدينية لأفتي. . ومازلنا في إنتظار أحد جماعة الإفتاء
Post: #13 Title: Re: ده شئ عجيب !!! وين ناس المشروع الحضاري؟؟ تعالو شـاهدوا ( يوجد فيديو ) Author: يوسف الولى Date: 11-13-2010, 06:58 AM Parent: #12
الاستاذ احمد
Quote: جاوبتك حسب ما أعرف
شكرا على ردك ... ولكن تساؤلاتى بعد ردك ظلت تراوح مكانها
Quote: جاوبتك حسب ما أعرف, ولا أفقه في الأمور الدينية لأفتي.
لم اطالبك باى فتوى .. وانا اثق تماما بانك افقه منى بشؤن ديننا الحنيف