Post: #4 Title: Re: الـلـيـــل.... Author: خالد المحرب Date: 11-13-2010, 01:26 AM Parent: #2
وفى الليل تبحر البواخر وتحمل المحبين بهدوء بدون عجله وفيها عبير الزمن الامس الذى تحس فيه بحرارة اللقيا عندما يحصل اللقاء عكس زمن السرعه الذى افقد كل شى لذته ما لى اراك تبحر الليل انا اتتنى هواتف كانت مزعجه فوقتنى من النوم ولكن ما علينا
Quote: وفى الليل تبحر البواخر وتحمل المحبين بهدوء بدون عجله وفيها عبير الزمن الامس الذى تحس فيه بحرارة اللقيا عندما يحصل اللقاء عكس زمن السرعه الذى افقد كل شى لذته ما لى اراك تبحر الليل انا اتتنى هواتف كانت مزعجه فوقتنى من النوم ولكن ما علينا
ما علينا يا شيخ العرب وكم سلينا....
ذكرتني بالإبحار.... وما أدراك ما الإبحار يا شيخنا.... بحر لجي،،، وبحر من الرمال،،، وبحار من الخيـــــــال,,, وكل يبحر في بحره
وفي الإبحار تأني على عكس الطيران ذكرتني بزمن الجوابات ،،، ترسل الجواب وتنتظر أيام وليلي ،،، يجيك الرد .... قبلها تذكرت الزمن الجميل زمن تهديك المحبوبة أو المريدة (العشمانة) منديل مطرز بالحرير...........
مالك علي يا شيخنا نابش لي ناراً حسبتها قد خمدت وماتت....
واللــيــــــــــــــــــــــــــــــــل بحر شاطئيه الشروق والغروب..... يبدأ بزوال الشمس وينزعج بعودتها مجدداً وهكذا التوالي وهكذا نتعذب...
Post: #10 Title: Re: الـلـيـــل.... Author: خالد المحرب Date: 11-13-2010, 02:01 AM Parent: #8
مالى اراك ياحسن وانت تبحر فى الليل كانما تريد ان تعبر النيل سبحا الى الجهه الاخرى وهناك تنتظر الحبيبه وهذا خيال منى ولكن ارى هذاوهاك منى الهديه دى من الامس الجميل
Quote: مالى اراك ياحسن وانت تبحر فى الليل كانما تريد ان تعبر النيل سبحا الى الجهه الاخرى وهناك تنتظر الحبيبه وهذا خيال منى ولكن ارى هذاوهاك منى الهديه دى من الامس الجميل
أتقول قاعد معاي!!!!!! بس وين الهدية؟؟؟ شنو يعني ده كرم إسفيري (عزومة مراكبية)؟؟؟؟
و ليلي أنا رغم نجيماته ، تنقصه نجمة و ليلي أنا رغم حلكته و دامس ظلامه ، في حضورها يشع نور أبلج و ليلي أنا ، أتدثره فيطويني بتحنان الأمهات فأسكب فيه ما أسكب ، و عندما ينفلق الصبح ، أستحث الليل لكى يعود
Quote: و ليلي أنا رغم نجيماته ، تنقصه نجمة و ليلي أنا رغم حلكته و دامس ظلامه ، في حضورها يشع نور أبلج و ليلي أنا ، أتدثره فيطويني بتحنان الأمهات فأسكب فيه ما أسكب ، و عندما ينفلق الصبح ، أستحث الليل لكى يعود
الليل الذي جمع بين الفنان والصوفي الفنان كرومة مع الشيخ الوقور قريب الله : ذات مرة التقي الفنان كرومة بالشيخ الوقور قريب الله فكان لقاء ارواح وصدي الحان .. كان كرومة يغني في بيت عرس بودنوباوي وانطلق صوته في هدأة الليل صافيا عذبا.. يهز المشاعر ويأخذ بمجامع القلوب وتتراقص الفتيات علي الحانه الجميلة.. ودار العرس كانت قريبة من منزل الصوفي الشيخ قريب الله والذي كان جالسا في خلوته مع حيرانه ومريديه يتحدث معهم واحيانا يصمت متأملا منفردا بنفسه وهنا وصل اليه صوت كرومة يغني .
ياليل ابقالي شاهد .....علي نار شوقي وجنوني .. يا ليل..
واعجب مولانا بالصوت وبالكلمات وسأل من هذا الذي يغني لليل قالوا له انه مطرب اسمه كرومة وصمت الشيخ ثم طلب من بعض تلاميذه ان يحضروه اليه .. وذهبوا وكان كرومة قد انهي الاغنية وهمسوا في اذنه: الشيخ قريب الله يريد ان يراك الآن... وفزع كرومة واضطرب ماذا يريد منه رجل الصوفية هذا (والوصف هنا لحسن نجيله)... وكان بجواره الشاعر عمر البنا والذي شجعه بانه سوف يذهب معه .. وكان كرومة يتوقع توبيخا وتقريعا وتأنيبا ولكن الشيخ رحب به واعطاه عسلا ممزوجا بالماء وهنا طلب مولانا ان يسمع الاغنية التي سمعها فوقف منتشيا ليطرب ومعه كورس من شخص واحد هو الشاعر عمر البنا .. ويستمع الشيخ الي كرومة يقول:
يا ليل صار ليك معاهد ...... طرفي اللي منا موزايد ..يا ليل دنا لي سهرك واشاهد..... فوق لي نجمك ظنوني .. يا ليل
ويتجاوب الشيخ قريب الله وتمتلكه نشوة الليل ويصيح الله .. الله .. ويندهش الفنان كرومة والشاعر البنا ..وسط التهليل بفرحة الليل . فالليل عند الصوفي صفاء وهدوء وسكينة وبحر لجي يبحر فيه متأملاً في ملكوت الله مناجياً ربه هائماً باكياً في حب الخالق. وعند العاشق هيام وعشق ودموع مسفوحة على محراب الحب، إما سعيد بقرب محبوبه فيقصر ليله وتباغته أشعة شمس الصباح وكأن الليل لحظات تمر كالبرق... أو شقياً يطول ليله مع الذكريات، فيكون ليله كليل أمرئ القيس حين قال:
وليل كموج البحر أرخى سدوله *** علي بأنواع الهموم ليبتلي فقلت له لما تمطى بصلبه *** وأردف إعجازاً وناء بكلكل ألا أيها الليل الطويل ألا أنجلي *** بصبح وما الإصباح منك بأمثل
وانا استرق البصر في سكون حركة الكون، وفي حضرة من اهوى عبثت بي الاشواق، وفي سكون الليل..الليل دعونا نجتلي الصمت الرهيـــــب
في سكون الليل دعنا نجتلي الصمت الرهيب إنّ في جنبيّ معنى فوق إدراكي عجيب لست أعبا .. لست أُعنى طالما كنت الحبيب فانطلق يا روحي إنّا قد نزعنا القيد عنّا
******
ها هي الأضواء رفّت والدجى أصغى إلينا والمنى في القلب رفّت واستقرّت في يدينا والذي عيناك أخفت قد بدا لمّا التقينا فاحتسينا .. وانتشنا .. ما علينا .. ما علينا
******
ثم عدنا .. وانصرفنا كلّنا يمشي وحيدا باكياً قلباً وجفنا خائفاً ألاّ يعودا فافترقنا ما عرفنا ما دها هذا الوجودا أين منّا الأمس أينا ؟ والمنى والحبّ أينا ؟
شكراً لترككم الباب مواري، كي لا نزعج او نقطع عنكم خلوتكم.. ودامت لياليكم
حبابك محمد حسين وألف مرحب مشكور كتير على المشاركة الجميلة
Quote: شكراً لترككم الباب مواري، كي لا نزعج او نقطع عنكم خلوتكم.. ودامت لياليكم
يا زول باب شنو؟؟ هو حوش زاتو مافي قعدتنا دي فوق قوز مطرف بره الحله والقمره 14 والنسيم عليل أقعد بس يا زول وأستمتع معانا بالليل ولا كمان كان عند شكيه أشكي ليهو وكان عندك بكية أخد راحتك تب...
الله الله ما قلنا الليل بيجيب ناسوا .... أهه يا رانية يا بتي أول من تجرأ من الجنس اللطيف وأعلن إنضامه لنادي أهل الليل.
Quote: الليل دا اقسى مراحل اليوم خصوصا على الوحيد بيبقى طووووووووووووووووووووووويل طول ما عالم بيه الا الله
الليل طويل لي ناس وقصير لي ناس وكدي أتأملي في كلمات محمود بيرم التونسي في قصيدة أهل الهوى يا ليل:
أهل الهوى يا ليل فاتوا مضاجعهم واتجمعوا يا ليل صحبه وأنا معهم
يطولوك يا ليل ويقصروك يا ليل يطولوك يا ليل من اللي بيهم وانت يا ليل بس اللى عالم بيهم فيهم كسير القلب والمتألم واللي كتم شكواه ولم يتكلم واللي قعد بعد الحبايب وحده وبات حزين يشكي هيامه ووجده يشكو ولا مخلوق سمع شكواهم إلا الكواكب فى السما سمعاهم يطولوك يا ليل بالسهد والأفكار والشمس بعد الليل تطلع عليهم نهار وبعد طول الويل تعود لهم ياليل
ويقصروك ياليل فى صحبه هنيه على وتر رنان فى الصبحية فيهم ياليل خل عطف على خله ويقوله لحن الشوق وخله يقول له ويقصروك ياليل على هنا وسرور والشمس بعد الليل يطلع عليهم نور ويسألوك ياليل امتى تعود ياليل ناس من قلوبهم تقول ياليل وناس على الأرغول تقول ياليل واحنا معانا بدر طالع فى ليلة قدر فيها حبيب القلب وافا ووفى الندر هو يقول ياليل واحنا نقول ياليل وكلنا بنقول ياليل أهل الهوى ياليل
Quote: أهل الهوى يا ليل فاتوا مضاجعهم واتجمعوا يا ليل صحبه وأنا معهم
يطولوك يا ليل ويقصروك يا ليل يطولوك يا ليل من اللي بيهم وانت يا ليل بس اللى عالم بيهم فيهم كسير القلب والمتألم واللي كتم شكواه ولم يتكلم واللي قعد بعد الحبايب وحده وبات حزين يشكي هيامه ووجده يشكو ولا مخلوق سمع شكواهم إلا الكواكب فى السما سمعاهم يطولوك يا ليل بالسهد والأفكار والشمس بعد الليل تطلع عليهم نهار وبعد طول الويل تعود لهم ياليل
ويقصروك ياليل فى صحبه هنيه على وتر رنان فى الصبحية فيهم ياليل خل عطف على خله ويقوله لحن الشوق وخله يقول له ويقصروك ياليل على هنا وسرور والشمس بعد الليل يطلع عليهم نور ويسألوك ياليل امتى تعود ياليل ناس من قلوبهم تقول ياليل وناس على الأرغول تقول ياليل واحنا معانا بدر طالع فى ليلة قدر فيها حبيب القلب وافا ووفى الندر هو يقول ياليل واحنا نقول ياليل وكلنا بنقول ياليل أهل الهوى ياليل
يا لها من صحبة قصرت ليلي في ضيافة شيخ العرب ود المحرب وأسرته الكريمة وشريكه حياته زميلة البورد السيدة الفاضلة عفاف أبو حريرة.. وصحبة الجميل لامن فايت الحدود زميل البورد الرجل الفنان طارق ميرغني وحرمه الأستاذة فوزية.. دعوة كريمة قصرت ليلي وجعلت شمس الصباح تسابقني في العودة هل أصل قبلها وأتوارى في ظلام خيالي أم تحرقني بلهيبها وتقول لي أفق؟؟؟ أفق خفيف الظل هذا السحر نادي من الغيب غفاة البشر هبوا أملأوا كؤوس الطلى قبل أن يملا العمر كف القدر
الشــايقي..حبابك يا صديقي.. حباب الصديقات و الأصدقاء هنا.. وكل ليل و الجميع بخير..يجتمعون على ورد المحبة..و يفترقون على ذكراها الطيبة.. عيد بخيت و سعيد.. اما الليل..ود الكـلــب..!!
( أناجيك.. و اسافر في بحور التيه.. لا بتعب من الإســفار.. ولا بيغشاني مرة..نـُعاس..)
المحرب الليلة مروس وحاة الله علا يكتب ليك هنا بالعنكوليب
زولك اعمى واطرش من تعب وارهاق طلوع جبل عرفات
حبسنى حابس لكن كان الله مد فى العمر السنه الجايه بكون فوق جبل عرفات انشاء الله واتمنى ان تكون وانت ومن نحب برفقتنا انشاء الله جهزنا الشطه عيار 380 والبصل الحار عشان نقوم الصباح بدرى على الشيه والمراره النيه هيييييييييييييع ات وين يالعشا
Quote: كان الحديث عن الفن والمطربين والتطريب بعيد عن السياسه والكوره والاثنين يفسدن مثل هيك جلسات تحياتى للاخوين حسن وطروقى استمتعت برفقتكم ليلة البارحه
يا شيخنا وقت التصوير ما قلت ليك فك العنكوليبا دي من يدك!!!! أهه الصورة طلعت مهزوزه ،، وشيل شيلتك مع ود شيقوق!!!!!!
Post: #71 Title: Re: الـلـيـــل.... Author: عبد اللطيف بكري أحمد Date: 11-16-2010, 01:38 AM Parent: #69
من كل قلبي أهديكم أجمل تحياتي وامنياتي القلبية الصادقة بمناسبة العيد السعيد أعاده الله علينا بالخير والبركة،، من عروس الرمال هذه الامنيات الخاصة لكم جميعاً والدعوة لكم مشاركتنا افراحنا في زواج اخي الاصغر عبد العزيز
سلامنا يالشايقي وليك وحشة والله والخيانة دي ما عافيها لكم ياطارق ميرغني وشيخ المحرب ولا بد من الاعادة وبالبطيء كمان
==
حسن اي وصايا من السودان؟
ياشيخ المحرب يافنان : الثنائي مع أسرار هو الرائع مجاهد عمر
Quote: من كل قلبي أهديكم أجمل تحياتي وامنياتي القلبية الصادقة بمناسبة العيد السعيد أعاده الله علينا بالخير والبركة،، من عروس الرمال هذه الامنيات الخاصة لكم جميعاً والدعوة لكم مشاركتنا افراحنا في زواج اخي الاصغر عبد العزيز
سلامنا يالشايقي وليك وحشة والله والخيانة دي ما عافيها لكم ياطارق ميرغني وشيخ المحرب ولا بد من الاعادة وبالبطيء كمان
==
حسن اي وصايا من السودان؟
ياشيخ المحرب يافنان : الثنائي مع أسرار هو الرائع مجاهد عمر
يـــاســــــــــــــلام يا عبدو أخيراً الله حقق أمنيتي في أنك تظهر لينا في ليلنـــا ده رغم بعد الإحتمال فعارفك في الأبيض وعيد وعرس وذكريات صبا وشباب وآخر زحمة.. بس أخيراً جيت ،،، وقاعد أقول الليل بجيب ناسوا وترا جابك.... وترا جابك من قلب الأبيض للرياض على جناح ملاك سامي.... عيدكم جميعاً مبارك وسعيد ومعايدة خاصة جداً للعم بكري أحمد ويا ريت يكون متذكر أيام السفر.... وألف مبروك للعريس أخونا الأصغر عبدالعزيز ونتمنى له حياة زوجية سعيدة مديدة.... خيانة تب ما في وكل الحكاية كانت صدفة وأجمل صدفة، وبقت بس عايره وأدوها سوط.... والحكاية ما حجتاجة لإعادة بالبطيء لأن العرض مستمر ما أستمر الليل يعب النهار...
من السودان ومن عروس الرمال جيب لي معاك ريحة التراب ،،، تراب بلدي.....
والله ليك وحشة فايته الحدود وزايده على القوانير على قول فاطنة بت ود خير...
أما ثنائي اسرار بابكر ده والله شيخ العرب غلبني بيهو جنس غلبة ،،، لا هو قادر يتذكروا ولا أنا قدرت عرفتو بس بركة العترت في البوست وحليتني من google search .....
رسل لي رقم أتصالك الحالي فجميع أرقامك لا تستجيب.... ما تبعد وخليك قريب ....
Post: #73 Title: Re: الـلـيـــل.... Author: خالد المحرب Date: 11-16-2010, 08:34 AM Parent: #71
Quote: من كل قلبي أهديكم أجمل تحياتي وامنياتي القلبية الصادقة بمناسبة العيد السعيد أعاده الله علينا بالخير والبركة،، من عروس الرمال هذه الامنيات الخاصة لكم جميعاً والدعوة لكم مشاركتنا افراحنا في زواج اخي الاصغر عبد العزيز
سلامنا يالشايقي وليك وحشة والله والخيانة دي ما عافيها لكم ياطارق ميرغني وشيخ المحرب ولا بد من الاعادة وبالبطيء كمان
==
اخونا وحبيبنا عبد اللطيف بكرى كل سنه وانت طيب امنياتى لك باجازه جميله مع الاهل وربنا يتم للعرسان بالخير اهو نحن قاعدين نصنع الفرح مع الناس الحلويين ديل نوعدك انشاء الله بعد العوده من السودان نعمل جلسه فنيه خاصه شكرا
Post: #75 Title: Re: الـلـيـــل.... Author: محمد عبدالرحمن محمد Date: 11-16-2010, 09:05 AM Parent: #73
آ الناس الفوق كلكم؛ كل سنه وانتو طيبين والقاقبلي الفي مرادكم ينحقق.. وحظكم واطاتكم صبحاني ونحن باقيلنا سته ساعات لامن تشرق! هسع : أنا والنجم والمسا
والليــــــــــل نهــــــــــــــار العاشقين...... وآمنت بالله. لكم\ن , هذه الهدية , وعاطر الحب والتقدير و الإحترام. (واحد من شلة ناس الليل).
Post: #78 Title: Re: الـلـيـــل.... Author: محمد عبدالرحمن محمد Date: 11-16-2010, 09:23 AM Parent: #76
Quote: خليك قريب (بس بالله عليك الله تسجيل واحد تشغيل تلقائي يكفي عشان البوست ما يبقى زي المولد)....
الشايقي وباقي السُهّار؛ انشالله لياليكم دايماً حالي.. يا اخوانا والله التشغيل التلقائي ولا المو تلقائي دا عودي فيو عود مرا! الحمدلله العرفت أنزل لي غنيه! دحين ورونا اشي دي قعيسووها كيفن
Quote: السفرو بالليل، قصيدة للمرحوم حسن الدابي يصف فيها رحلة من محطة الباخرة في القرير الى محطة الباخرة بالكلد حيث مقصدها، وكيف ودعهم (جدي الريل) ودمعه يسيل
الليلة ليل ياليل للسفرو بالليل يا حليل جديّ الريل ودعنا دمعو يسيل وا بورو شق النيل خاويهو زي السيل
كان شفتو يوم داك البانة تتاكا قالت ودعناك عيني تتباكى
يقدل دخل جوة في الصندل اتحوه حرق القلب جوه لا حول لا قوة
من القرير حل الصورك جل رفع الستار طل دماعو سال بل
طالب المقل غرب أمواجو تتقلب بحاريهو اتسلب جر السلك تلب
قام بيهو لي أوسلي مين الصبر متلي والله العظيم أصلي لا ديمة ماب اسلي
خلوني في حيرتي قام بيهو لي كورتي يا خلا كيف شورتي شالوها نوارتي
قام لأم بكول كابس قالو البحر يابس كان البرد قارس الريس شن حارس
مورة ود قدورة طباها بابورة يا حليل المضمورة الدنيا غدارة الحتاني وحجاره قصاد البيارة ضربولو صفاره جات ناسو تتجاره
هو ياللمين البشاري كان ليهو آخر ما يبقى ليل... تفاجئك شمس الصباح وتقطع عليك تأملك ونجواك ولكنها تغرب حتماً ويعود الليل..... ونعود للهيام والعشق... ليلك سعيد يا عريس (مع وقف التنفيذ).....
Post: #95 Title: Re: الـلـيـــل.... Author: محمد الكامل عبد الحليم Date: 11-22-2010, 11:18 AM Parent: #93
يا الشايقي سلام...نضع اولا الاطار...وليل كموج البحر ارخي سدوله علي بانواع الهموم ليبتلي...انتهاءا ...نرسم الليل في البعاد جنة لقاء...هذا هو الطار العام العام الذي يجمعنا حيث كل يغني علي ليلاه يجمهنا الليل وتفرقنا الحكاوي والغناوي والبلاوي....
للبعض هو نهار للعاشقين...وللبعض الاخر شاهدا علي نيران الشجون...وللبعض لوحة يغازل فيها العشاق للنجوم سهدا تارة وصبابة تارة اخري...وللاخرين تعبدا ورقا.... والبعض يرقص التشاشا ويفضحه النهار.
ليل الغربة طعمه اخر ومذاقه اخر...حين تطل اطياف الذكريات...سابحا كنت في تخوم المحيطات او مستغرقا ي ملكوت الله في دنياوات جديدة....
اما الليل الهادي فهو نادر ندرة الكبريت الاصفر ...للحاملين عصا التسيار امثالنا
Quote: يا الشايقي سلام...نضع اولا الاطار...وليل كموج البحر ارخي سدوله علي بانواع الهموم ليبتلي...انتهاءا ...نرسم الليل في البعاد جنة لقاء...هذا هو الطار العام العام الذي يجمعنا حيث كل يغني علي ليلاه يجمهنا الليل وتفرقنا الحكاوي والغناوي والبلاوي....
للبعض هو نهار للعاشقين...وللبعض الاخر شاهدا علي نيران الشجون...وللبعض لوحة يغازل فيها العشاق للنجوم سهدا تارة وصبابة تارة اخري...وللاخرين تعبدا ورقا.... والبعض يرقص التشاشا ويفضحه النهار.
ليل الغربة طعمه اخر ومذاقه اخر...حين تطل اطياف الذكريات...سابحا كنت في تخوم المحيطات او مستغرقا ي ملكوت الله في دنياوات جديدة....
اما الليل الهادي فهو نادر ندرة الكبريت الاصفر ...للحاملين عصا التسيار امثالنا
لك وللمتداخلين تحياتي
أخطر ليل يا أخي هو ليل الغربة وكمان في الشتاء .... وما تقول الشتاء داخل علينا وبدأت تباشيرو تهل... الله يعينا وأياكم على ليله الطويل البارد....
هيييييييييييييييييييييييع حمداً لله على السلامة وصلت متين؟؟ شايفك ظهرت أيام العيد لمحة وأختفيت... وإتصالاتك مقطوعة؟؟؟؟ كدي أمشي شوف البطان في حوش ود المحرب : هييييييييييييييييييييييييع
الليل... وما أدراك ما الليل.... دائماً يطول .... ويقصر أحياناً... في حضرة الحبان والنغم الجميل... وكل ليل يمر يخصم من أعمارنا يوماً... وما أقلها من أيام يقصر فيها ليلنا فيكون بهيج.. ولطالما طال ذات الليل وهو كئيب....
