Post: #1
Title: FM 100
Author: Ahmed Elmardi
Date: 11-12-2010, 11:36 PM
يا أخوانا
وأخواتنا
في اف ام 100
أون لاين إذاعتكن دي كانت شغالة كويس جدا
وفيها اجنهادات ما بطالة *
وبعضها جيد جدا..
لكن ليكن فترة في زول بسوط في بثها المباشر من الانترنيت
عشان يسوي شنو ما عارف !!..
الليلة بدت تظهر فيها (اعلانات) وبرضها شغالة بشكل ردئ
بالله خلوها زي ما كانت بتعمل (ستريمنق) كويس وما محتاجة تغيير.
الخوف انو نفس الزول يكون زاحف علي امدرمان كمان
لانها لحدي الان شغالة كويس
------
اجنهادات ما بطالة
طبعا لو استثنينا بعض الحاجات
زي برنامج امبارح بسمع فيهو ( ما متاكد كان في اف ام مية ولا امدرمان)
عن أسعارخراف الأضحية وما الى ذلك
افتكر انو كان في منتهى العبث في ما يتعلق
بمزج صوتي بين (باعات الخراف .. باع ... باع ... باعين ) وعدد من الأغاني الجيدة
صدقوني
ماكانت طريفة على الاطلاق
وبدت لي كعمل تجريبي لايليق باذاعة محترفة
لأن مثل هذا العبث باصول الأغاني ..
التي سلمها لكم هولاء الفنانين بلا (باعات)
يلحق جراح دائمة يتلك الأغنيات
المسألة كانت هكذا برائعة زيدان مثلا:
أعاين ليك
باااااع .. وانت تبسم لي ... باااع
ياحبيبيي.. بااااااع... باااااااع
|
Post: #2
Title: Re: FM 100
Author: احمد محمد بشير
Date: 11-13-2010, 00:01 AM
Parent: #1
http://www.sudanradio.info/media/media3/
اف أم مية
إنت قاصد إذاعة امدرمان ولا إذاعة قائمة بي زاتها إسمها أف ام 100؟
لانو شايف القوقل وداني للموقع بأسم إذاعة أمدرمان.
|
Post: #3
Title: Re: FM 100
Author: Ahmed Elmardi
Date: 11-13-2010, 00:14 AM
Parent: #2
لا يا أحمد في إذاعة بالاسم دا
فيها مواد كتيرة بتتسمع، وفيها مجهود بالمعايير السودانية للشغلة دي.
خاصة لو ما عندك مدخل لوسايط سودانية تانية زيي كدا ()
أنا ما بشوف تلفزيون سوداني هنا الا في بيوت الأصحاب
عشان كدا لما أكون شغال بتكون اف آم ١٠٠ شغالة في الباكقراوند مرات.
أهو الرابط
FM 100
.
|
|