معقولة يا الرشيد بدوي عبيد كنت غاشينا السنين دي كلها؟

زمان أيام كان مافي كورة بتتنقل على الهواء مباشرة عبر التلفزيون كان الراديو ملجأنا الواحد يجني من الساعة 2 ونص يسمع عاااالم الرياضة وينتظر نجاة كبيدة تقول ليك بعدها الان ننتقل بكم عبر المايكرفون في إذاعة خارجية وننقل لكم مباراة الهلال وفيلا اليوغندي بصوت الزميل الرشيد بدوي عبيد ..
الجو بيكون كاتم والقلب بيكون بيدق زي خمسين دقة في الثانية وأضنينك تكون صااانة والرشيد بدوي عبيد يقول ليك هو القووون هو والقوووون .. يا رااااجل ..
وياما انتظرنا صوت الرشيد بدوي عبيد مع قطوعات الكهرباء عشان نتلم في عمود ونجيب رادي عشان نسمع لال مريخ الساعة 8 مع إني كنت من أكتر الناس زواغانت من سماع مباريات الهلال عبر الرادي ..
وياما وطينا صوت التلفزيون وجبنا رادي وختيناهو بي فوق عشان نسمع صوت الرشيد وهو يقدم تحليل ووصف حي لي مباراة كان أهالينا في الأقاليم يرونها بصوت الرشيد حين كان النقل فقط في ولاية الخرطوم ..
جات قناة قوون الرياضية وبقا الرشيد بيقوم بالتعليق عبر التلفزيون مباشرة وللأسف إتفضح الرشيد بدوي عبيد أيما فضيحة أنكشف المستور ..
نعم عزيزي الرشيد بدوي عبيد كنت تخدعنا طيلة هذه المدة ..
نعم عزيزي الرشيد بدوي عبيد انت لا تعرف أشكال وأسماء لاعبي القمة هلال مريخ فما بالك بلاعبي الفرق الأخرى ..
نعم عزيزي الرشيد انت لا تميز بين هوو والقوون والإنفراد التام وبين لاعب بعيد جداً عن منطقة الجزاء وربما يكون قريب من حكم الراية ..
نعم عزيزي الرشي انت لا تميز بين من أحرز الهدف وبين من يجري مهنئاً بالهدف..
نعم عزيزي الرشيد انت لا تميز بي الأوف سايد وبين المخالفة ..
حزنت جداً وانا أشاهدك تعلق من خط التماس وأقرب منا ومن الكاميرات ورغما عن ذلك تشاهد عبر التلفزيونوفقط فقط تميز اللقطة عندما تأتي الكاميرات وتصورك فتشكر المصور لأنك تعرفت على شكلك بينما لا تميز من أحرز الهدف !!!!
تعجبت جدا جدا جدا وانت بتكورك قووون قووون قووون سااادومبا ..سااادومبا ..الهدف التاني للهلال احرزو سادومبا ..ورسمت ليك سيناريو لو كان في الإذاعة كنا صدقناك ..
رسمت ليك سيناريو غريب عجيب وقلت لينا عمر بخيت سدد كورة صداها الحارس ارتطمت بالعارضة ورجعت قابلها سادوبا بضربة رأسية متقنة حقق الهدف التاني !!!!
حولااااا يا الرشيد معقولة ؟؟؟
الكورة دخلت من قولة تيت ومن التسديدة ودي النعام ادم الله يرحمو كان شافا !!
أما لخبطتك بين خليفة وهيثم وكاريكا ومهند وعلاء الدين فدي حاجة مزعجة !!!
محبط انا يا الرشيد بدوي عبيد وانا استرجع الماضي وانفعل مع إذاعة الرشيد بدوي عبيد وكمية المعلومات التي تلقيتها من خلال الرشيد بدوي عبيد وعن اهداف ربما نسبها الرشيد لاخرين !!!!
..
تخريمة :
على الحسن مالك الله يرحمو لما كان بيزيع يقول ليك نحن الان في مدينة لاغوس ونزلنا في فندق خمسة نجوم والجو جميييل والامطار تهطل وياااا الله الهدددف الراااابع ..كانون جاب الهدف الرااابع

سلامات عمرنا
ياما اتلحسوا مشجعين من شدة هضربتو الكثيرة
غايتو الراديو كان مخبئ جواهو مهرج كبير
________
واحد اقليمي فشفاشو مهري منو

حيدرا :
شي مصران عصبي وشي مرارة وشي وشويات ..
وده كلو كوم وقراءات وتحليلات الرشيد للخطط كوم تاني فالرشيد كان مدرب للأحرار وأي كورة حضرتها كان بياخد أربعة وخمسة ..
بس لو في حاجة مكيفاني للكتاش فهو تدريبه للمريخ في البطولة العربيةخلا الإذاعة ومسك المريخ في اخر كورة

حكي لي احد مذيعي الاذاعة عن زميلهم الذي كان يعلق على احدي المباريات المذاعة وغير متلفزة...

المعلق المذكور يلخيط في اسماء اللعيبة على كيفو ....

وزميلو كل مرة ينبه فيهو ... ياخ ده ما فلان ده علان ........

المعلق لمن زهج من تنبيهات زميلو قال ليهو :

ياخ عليك الله فكناهو في زول شايف حاجة .....

والله يا جنابو عمر دي ذكرتني الكراكتير الجابوهو زمااان ..جايبين مزيع في الرادي بيقرا في الأخبار ولابس فنيلة حمالات ..

الاخ العزيز عمر الفاروق

سلامات كل عام وانت وضيوف البوست بألف خير

لا اظن ان الاستاذ والاعلامي الرياضي القدير الرشيد بدوي عبيد يستحق منا نكران دوره الكبير او التقليل من عطائه الثر والجميل طوال هذه

السنوان معلقلا كان او صحفيا او مدربا و لا اعتقد ان نقدك اللاذع له وبهذه الصورة تقابل كلمة شكرا ( فقط لا غير ) نظير مجهود جبار

يقابله عطاء مميز يشهد له كل محبي المستديرة

من منا معصوم من الخطأ ومن منا اخذ ( النمرة الكامله ) نظير اي عمل في اي مجال

هل يمكن ان نضع بعض الاخطاء التي وقع فيها مقابل كل سنوات عدة والتي استمتع بها جمهور الاستماع لكرة القدم عبر المذياع بصوته

الم نظلم هذا الانسان والذي يشهد له الكثيرون بالكفاءة كاستاذ وزميل عاصرناه لسنوات عبر الاذاعة وتعلمنا منه المفيد الم يقع في بصرك

اي حوار صحفي لآعلاميين رياضيين او مذيعين او حتي صحفيين شكل صباهم الفني صوت الرشيد بدوي عبيد ؟

يمكنك اخي العزيز ان تنتقده ( جميعنا معرض للنقد ولا احد يعلو عليه ) والنقد البناء هو مرأة نصحح من خلالها اخطاءنا ولكن يجب الا

ننسف عبر اسطرك كل ما قدمه الاستاذ القدير الرشيد بدوي طوال هذه السنين

الرجل يتستحق منا التقدير والاحترام وكم طربنا وسعدنا لآدائه ووصفه الحي لمباريات كرة القدم

لك الشكر اخي العزيز وللاستاذ الرشيد بدوي عبيد كل التقدير والمحبة والاحترام

الكبر دخل والشوف قلّ
عمر الفاروق بختكم والله الفتح مننننننننننتهي لكن املنا لازال في اولادنا الصافقسيون .... ههههههههههها

سلام للجميع
والله يا عمر الفاروق لما الرشيد قعد الخبط في التعليق وخاصة في قون عمر بخيت ونسبته لسادومبا اتذكرتك وقلت أمانة ما وقع راجل ..
أعتقد أن كثرة أخطاء الرشيد ترجع لضعف النظر والله أعلم..والمطلوب من الرشيد قليل من التركيز لكي لا يفقد قواعده ..
كسرة: الرشيد لديه عبارة يرددها كثيراً بأن الزمن المصاف لا يضاف إليه وهي غير صحيحة واليوم حكم مباراة اشار ب 4 دقائق وعندها سقط حارس المرمى فحولها ل5 دقائق بإشارة للحكم الرابع..
عليك الله براحة على الراجل فهو جزء من ذاكرة شعب..
احتراماتي..

أخـوى عمر الفاروق
سلامات
بالله أسـمـع دى
عمل مرجيحه
عمل زى شايت
كشاهو عطلو
إنت بس ألعبا قوية

Quote: الاخ العزيز عمر الفاروق سلامات كل عام وانت وضيوف البوست بألف خير لا اظن ان الاستاذ والاعلامي الرياضي القدير الرشيد بدوي عبيد يستحق منا نكران دوره الكبير او التقليل من عطائه الثر والجميل طوال هذه السنوان معلقلا كان او صحفيا او مدربا و لا اعتقد ان نقدك اللاذع له وبهذه الصورة تقابل كلمة شكرا ( فقط لا غير ) نظير مجهود جبار يقابله عطاء مميز يشهد له كل محبي المستديرة من منا معصوم من الخطأ ومن منا اخذ ( النمرة الكامله ) نظير اي عمل في اي مجال هل يمكن ان نضع بعض الاخطاء التي وقع فيها مقابل كل سنوات عدة والتي استمتع بها جمهور الاستماع لكرة القدم عبر المذياع بصوته الم نظلم هذا الانسان والذي يشهد له الكثيرون بالكفاءة كاستاذ وزميل عاصرناه لسنوات عبر الاذاعة وتعلمنا منه المفيد الم يقع في بصرك اي حوار صحفي لآعلاميين رياضيين او مذيعين او حتي صحفيين شكل صباهم الفني صوت الرشيد بدوي عبيد ؟ يمكنك اخي العزيز ان تنتقده ( جميعنا معرض للنقد ولا احد يعلو عليه ) والنقد البناء هو مرأة نصحح من خلالها اخطاءنا ولكن يجب الا ننسف عبر اسطرك كل ما قدمه الاستاذ القدير الرشيد بدوي طوال هذه السنين الرجل يتستحق منا التقدير والاحترام وكم طربنا وسعدنا لآدائه ووصفه الحي لمباريات كرة القدم لك الشكر اخي العزيز وللاستاذ الرشيد بدوي عبيد كل التقدير والمحبة والاحترام

لك الشكر يا أخت/ احسان لقد أنصفتي هذا الرجل الجميل......




الأخ الفاروق

سلام


الحمى الصفاقسية بتعمل كدا!!
ياخي خليك من الرشيد ده هسي... كدا فكر في الردم الراجيكم باكر ومن ثم يوم الخميس القادم..



تحياتي

العزيز عمر الفاروق
كدى ذكرنا بعد الرشيد ما فكه الميكرفون و درب المريخ
فى الدورة العربية ديييييييييييييييييييييييييييييك
المافى زول بيجيب سيرتها و قايلين الناس نسوها المريخ
غلب كم بقيادة الكوتش ابو الرشد ..
اوعك تجيب لى سيرة كورة الفريق اليمنى فى الدورة
دييييييييييييييييييييييييييييييييييييييييييييييييك

شخصيا أحب تعليق الرشيد بدوي عبيد وأن كنت دائما أفضل الراحل علي الحسن مالك عليه حيث كانا يتبادلان الميكرفون باعتبار الرشيد معلقا مبتدءا وقبلهما الراحل المقيم طه حمدتو ولكنه الأن أفضل السيئيين ولكني لأ أنسي له موقفا في كأس العالم 1994 عندما كان الرشيد يعلق علي مباراة للمنتخب السويدي وربما كانت هي المرة الأولي التي يتعامل فيها الرشيد مع التلفزيون والكمبويتر وحجم المعلومات الموجودة فيه عن أي لاعب ولذا تجد المعلقيين الأجانب لايصفون تناقل الكرة بين اللاعبيين فالمشاهد يري كل شئ أمامه بل يفندون لك تاريخ اللاعب الذي يمسك بالكرة عن عمره والأندية التي لعب لها والاهداف التي أحرزها وفي أمريكا يذكرون حتي التمريرات الحاسمة التي أهداها لزملائه ..المهم ولما كانت تلك المعلومات موجودة بذات الكم أمامه قال بأن حارس المنتخب السويدي عمره الأن اربعة وخمسون عاما بل ظل يردد الحارس العجوز ..ولم أصدق بأن لاعبا وصل الي سن الرابعة والخمسون بوسعه أن يكون حارسا لمنتخب بلاده وبعد فوات الأوان أستدرك الرشيد قائلا عفوا بان الاربعة والخمسون المذكوره هي عدد المباريات التي لعبها حتي الأن ولم يكن الحارس وقتها قد تجاوز عمره الثلاثون عاما وبعدها لم تتح الفرصة للأستاذ الرشيدبالتعليق علي أي مباراة ومن وقتها يبدو بأن (العرب) لم ينتدبوه علي الأطلاق ...التعليق علي المباريات فن وعلم وخبرة ودراية وفي محطات التلفزة الكبيرة يقوم بتلك المهمة أما لاعب سابق ذي صيت في المجال أو مدرب مشهود له بالكفاءة حيث يتميز كل منهم بخاصية لاتوجد في الأخر وكما يلاحظ الذين يتابعون المباريات العالمية سيجد هناك معلقين أثنين في نفس الوقت يقدمان علمهما وخبرتهما معا وليس (شوط لكل منهما ) ولذا كنت أفضل أن اتابع مباريات كأس العالم الأخيرة علي القنوات الامريكية لأن مستوي التعليق مهني بدرجة كبيرة لاتحامل فيها علي الحكم ولاتحيز فيها علي منتخب حتي وأن كان منتخب المعلق نفسه طرفا في المباراة لأن الكثيريين يتابعون مايقول حتي من الطرف الأخر ...كبوات الرشيد إذن هي جزء من المهنية الغائبة لمعظم المعلقيين باللغة العربية لاتستثني منهما أحد حتي وأن ذاع صيته وملأ صراخه الملأ بالتحيز الفاضح

الأخ عمر
كل سنة وانتا طيب

المشكلة في السودان فقه الكنكشة الذي يمنع أي شخص من الترجل
الرشيد كما قالت الأخت احسان تاريخ عظيم
لكن التاريخ هنا لايفيد
الزول ده والله نحبو شديد وما عندنا معاهو أي مشكلة
فهو صاحب صوت جميل و اسلوب مميز وثقافة كروية عالية وهلالابي قبل كل هذا
نحنا الهلاللابي بنحبو بلا سبب خلاف حالة كونه هلالابي
وزي ما قال حميد:
حتى القمر البابو قصاد بابي
حبيتو لأنو هلالابي

لكن الرشيد مشكلتو العكلتة و الانشرار
فهو يعلق علي المباريات ويدير الاستديو التحليلي يلحق الفترة المفتوحة في قون ويزور الاذاعة الرياضية يدي عمك يوسف السماني فاصل
وبعد دالك يلق بعثة الهلال الماشة زيمبابوي ويصل الخرطوم يلقى الفريق القومي ماشي غانا يلحق الطيارة
بعد داك يسك الاستوديهات التحليلية من الشروق لل ART للجزيرة لي قون
بعد داك يلحق الأحرار فهو رئيس النادي و المدرب ومجلس الادارة
ودي مشكلة السودن
تلقي ناس كتاااار زي الرشيد بعمل في 10 وظائف
و باقي الشباب قاعدين في الضللة (جمع ضل)
لأن ناس الرشيد ما خلو وظيفة حايمة
مع حبنا للرشيد نطالبة بالتركيز على حاجة أو حاجتين
ويدي فرصة للشباب

مع كامل احترامي للرشيد ولاحسان عبد المتعال

التحية للهرم الكبير الرشيد بدوي عبيد

الرجل خفيف الدم الظريف....معشوق الجماهير

الراجل بي يذيع بلهجة سودانية بحتة وبي يحترم الثقافة السودانية....وهذه وحدها تكفيه

يعني أخير ليكم المذيعين المتصنعين البي يحاكوا العرب؟؟؟؟؟؟؟؟

الفريق اليمني ده ذاتو غلبكم كم بعدها

.

ما كنت عارف يا ريتني كنت عارف

.

الرشيد هرم رياضي لا يمكن تجاوزه حين التوثيق للرياضة السودانية ,,,,,, و لكن مشكلته الكبيرة انه ما طور نفسه يعني لو كان استغل فرصة اختياره ضمن فريق المذيعين العرب في كاس العالم و من وقتها اشتغل علي تطوير نفسه كان الان حيكون في الجزيرة و لكن الرشيد و لعدم وجود المنافس لفترات طويلة بقي ذي المعز محجوب مع الهلال و المنتخب ما مستعد يطور نفسه و بعد ما العمر مشي اكتشف انه التطوير مستحيل و ربنا رزقه بقناة قوون ,,, انا نفسي اعرف قصة الرشيد مع الاف و اللام شنو ( التعريف ) يشبكنا العرضية الاستحواز ,, المراوغة ,, التهديف مرة شغال كده لقي الكورة ماشة علي النفطي و وواصل طوالي ,,,النفطي ,,,
الخص بأن مشكلة الرشيد هي عدم التطور و عدم وجود منافس محلي و المجاملة لدي اصحاب القرار سوي في قوون او التلفزيون القومي

(أرى انفجار سكاني في وسط الملعب)
دي يا ود الفاروق كانت واحدة من تقليعات الرشيد بدوي عبيد وهو يعلق في مباريات كأس العالم.. وأظنه علّق على مباراة واحدة أو إثنين بالكثير..
ولكن..
يظل الرشيد جزء من وجداننا خاصة عندما يعلق على مباريات هلال/مريخ/الفريق القومي خارج السودان.. ويا ما حفظنا له عبارات عن ظهر قلب.

..
..
ود الفاروق بكره كيف..

الأستاذة الراقية صاحبة الصوت والحضور الأنيق إحسان بت عبد المتعال:
شكراً للحضور الجميل والكلام الحلو ..
صدقيني انا كمان بحب الرشيد ده جداً وهو زول خفيف الظل والروح ومحترم بمعنى الكلمة ..بس الرشيد بدوي عبيد للأسف الشديد سحرنا بصوته وطريقة الاداء في غياب المعلومة ..
الإثارة مطلوبة لكن ما لي درجة التلفيق اثناء الإذاعة ..صدقيني الكورة دي بتكتل ليها زول وأولهم انا الجمبك ده..
صدقيني يا إحسان ما بسمع الراديو بقيت عشان ناس الرشيد ديل بيوقفو قلبي.. انا الكورة في التلفزيون وشااايفا قلبي قاعد يقيف فما بالك بي الخلعة حقت هووو والقووون هو والقووون .. الله يرحمك يا ود ملاح !!
لو اكتفى الرشيد بدوي عبيد بالإذاعة صدقيني ما كان إتكشف ولأننا حبيناهو في الرادي كان يواصل ..لكن الرشيد دخل التفزيون وهو لا يملك مقوماته ..يعلق وفي ذهنيته الراديو .. الرشيد صوتو حلو ..طريقتو حلوة ..معلوماتو مغلوطة ..
دمتي يا زولة يا جميلة ..

ود الجمري الأمير:
والله زهللت ليك جنس زهللة ..
ياخ الصفاقسي ده إن شاء الله بنحسمو ليك من الشوط الأول ونديك فرصة من الشوط التاني لحدي يوم النهائي تسك إجراءات الهجرة .. اللوتري ما بتلحقو لكن شايف في جريدة الوسيلة في مكتب بتاع الهجرة لي كندا ..

عثمان يا جلال:

Quote: كسرة: الرشيد لديه عبارة يرددها كثيراً بأن الزمن المصاف لا يضاف إليه وهي غير صحيحة واليوم حكم مباراة اشار ب 4 دقائق وعندها سقط حارس المرمى فحولها ل5 دقائق بإشارة للحكم الرابع..

وعندو مشكلة تانية مع الزمن المضاف ..ساعة التلفزيون بتكون ما واقفة وبيكون لسة الدقيقة 40 هو يقول ليك حسب ساعتي انا الزمن إنتهى !!!

يسري:

Quote: كشاهو عطلو

ضحكتاااااا ياخ ...
غايتو قرب يقول طار فيهو جوز ..

عبد العزيز :
هو انا كان بفكر في بكرة ده كان فتحت البوست ده ؟؟
غايتو يا الرشيد معليش جات فيك الرجفة :)

يا طارق:
غايتو المريخ ده عندو لقطات بيعرفا برااهو .. يجيب المزيع يبقيهو مدرب ..يطلع المدرب المقصورة ..ينزل رئيس النادي لي كنبة الاحتياطي والجهاز الفني ..يودي مساعد المدرب يقعد مع الجماهير في المساطب الشعبية ..

الأخ شعبان :

Quote: عندما كان الرشيد يعلق علي مباراة للمنتخب السويدي وربما كانت هي المرة الأولي التي يتعامل فيها الرشيد مع التلفزيون والكمبويتر وحجم المعلومات الموجودة فيه عن أي لاعب ولذا تجد المعلقيين الأجانب لايصفون تناقل الكرة بين اللاعبيين فالمشاهد يري كل شئ أمامه بل يفندون لك تاريخ اللاعب الذي يمسك بالكرة عن عمره والأندية التي لعب لها والاهداف التي أحرزها وفي أمريكا يذكرون حتي التمريرات الحاسمة التي أهداها لزملائه ..المهم ولما كانت تلك المعلومات موجودة بذات الكم أمامه قال بأن حارس المنتخب السويدي عمره الأن اربعة وخمسون عاما بل ظل يردد الحارس العجوز ..ولم أصدق بأن لاعبا وصل الي سن الرابعة والخمسون بوسعه أن يكون حارسا لمنتخب بلاده وبعد فوات الأوان أستدرك الرشيد قائلا عفوا بان الاربعة والخمسون المذكوره هي عدد المباريات التي لعبها حتي الأن ولم يكن الحارس وقتها قد تجاوز عمره الثلاثون عاما وبعدها لم تتح الفرصة للأستاذ الرشيدبالتعليق علي أي مباراة ومن وقتها يبدو بأن (العرب) لم ينتدبوه علي الأطلاق

لو لم تخني الذاكرة المباراة كانت للمنتخب البلجيكي والحارس كان الحارس البلجيكي (كان لابس ليموني بي ازرق مخطط اظنو )
..
واحدة من نوادر الرشيد بدوي عبيد في كاس العالم ده لما نقل مباراة هولندا ...يقول ليك الكورة مع كومان ..يسكوووت ويلببببد كدااا فجأة يقول ليك تاني ..كووومااان .. وتاني الكورة تلف وتلف وتمشي للخصم وتجي لي الهولنديين وهو عامل رااايح لحدي ما تجي لي كومان يقول ليك كووومااان

تذكر يا عمر: (جون ده خطر جون ده غطوه. جون ده خطر جون ده غطوه وجووون يحرز الهدف)!!!

في كورة الخرطوم قال لعبة حلوة على الطاير من مهند الطاير..

.

تعليق الرشيد على المباريات عبر قناة (قوون) خصم من رصيده الكثير؟؟؟؟


الافضل للرشيد بدوي عبيد ان يعتزل ويعمل على تدريب الشباب.




.

ايضا الرشيد

قال اللاعب احرز سيوبر هاتريك

مع ان اللاعب احرز ثلاثة اهداف فقط

رغم الهزيمة المرة ..
لكن الرشيد أمس أبدع وقال حاجة ما اتقالت قبل كده
لما بكري المدينة لعب الكورة بي رأسو في مرمى المريخ..
اتخيلو الرشيد قال شنو..
قال بالنص:
(يبدو إنو بكري لعب الكورة بالمقدمة الخلفية للرأس.. أو عنقرتو كما نقول في العامية)..
مقدمة خلفية دي من خلقونا ما سمعنا بيها إلا عند الرشيد..