Post: #1
Title: تسعة ايام اجازة وبرضوا نحن ماكسلانين!!!
Author: هاشم نوريت
Date: 11-12-2010, 01:42 PM
معقولة اجازة العيد تسعة يوم طيب الاجازة السنوية كم يوم؟
|
Post: #2
Title: Re: تسعة ايام اجازة وبرضوا نحن ماكسلانين!!!
Author: نوسة
Date: 11-12-2010, 03:07 PM
Parent: #1
سلامات يا هاشم
أنا غايتو ما عارفة السودان، بس ناس البحرين برضهم إجازة من الليلة، موش ياهن برضو التسعة أيام؟؟؟؟
عشان هم زاتم تاني ما يرمو علينا تهمة الكسل و هم أسيادو و الله... " قصدي الخليجيين"
|
Post: #3
Title: Re: تسعة ايام اجازة وبرضوا نحن ماكسلانين!!!
Author: Tabaldina
Date: 11-12-2010, 03:19 PM
Parent: #2
..
.
| Quote: تسعة ايام اجازة وبرضوا نحن ماكسلانين!!! |
لكن كنت اود ان استوضح علاقة الاجازة بالكسل شنو ؟؟
بالرغم الوصف باننا شعب كسول وهذه حقيقة .. لها مسبباتها وتبريراتها ليس المقام مقام ذكرها
ولكن ليس دفاعا عن كسلانا ولكن توضيحا يا نوريت
اجازة عيد الاضحى محددة من مجلس الوزراء ورئاسه الجمهورية وقانون العمل
باربع ايام فقط ..
فى العام المنصرم اجازة الجهات التشريعية والتنفيذية ان يوم السبت عطلة رسمية مع زيادة
اوقات العمل فى بقية ايام الاسبوع ..
الجمعة اجازة متفق عليها دينا ودستورا وشرعا منذ الازل فى العالم الاسلامى والعربي
اها يا صاحب
يصادف العيد يوم الثلاثاء والوقفة الاثنين وهى اجازة ..
ليكون الحساب من الاثنين الى الخميس ( 4 ) ايام
يليهم الجمعة والسبت ( يومان)
وبالعودة ليوم امس من المفترض ان يكون هناك دوام يوم الاحد ..
ولكن معظم الشركات الخاصة والاستثمارية قررت ان تعطى هذا اليوم الذى وقع فى الوسط اجازة
لاجل ارضاء موظفيها .. وهذا ما أرتاته الدولة لاحقا ..
اها استمر الددوام حتى الخميس
لتبدا الاجازة من اليوم الى السبت القادم .. والاحد فى النص هدية
دى دايرة ليها كسل كمان ..
------------
عالم حاااقدة علينا .. فى سخانتنا وخروفنا ابو 600 جننية دا
|
Post: #4
Title: Re: تسعة ايام اجازة وبرضوا نحن ماكسلانين!!!
Author: حيدر بشير
Date: 11-13-2010, 02:21 AM
Parent: #3
أدروب
سلام مربع
يا خوى الحسادة شنو تسعة يوم زاتها شوية عليهم
يعنى الواحد لامن يصل محل اهله و يعيد معاهم تكون التسعة يوم دى انتهت
اما اذا كان طول الاجازة يعنى الكسل يبقى ناس الخليج ديل اكسل ناس فى الدنيا
و حتى عندكم هنا يا ادروب ما كل يومين عندهم اجازة و الغريبة يحددوها بى الاتنين او الجمعة عشان يقولوا لونج ويك و الاجازات على قفى من يشيل
|
Post: #7
Title: Re: تسعة ايام اجازة وبرضوا نحن ماكسلانين!!!
Author: هاشم نوريت
Date: 11-13-2010, 04:57 PM
Parent: #4
حيدر بشير
دبايوا
Quote: خوى الحسادة شنو تسعة يوم زاتها شوية عليهم
يعنى الواحد لامن يصل محل اهله و يعيد معاهم تكون التسعة يوم دى انتهت
اما اذا كان طول الاجازة يعنى الكسل يبقى ناس الخليج ديل اكسل ناس فى الدنيا
|
المشكلة فى تسعةايام غير كافية رغم الطفرة فى الطرق واحسب ان اعطى هذا الموظف اسبوعين ايضا سيطلب المزيد ولا اعتقد ان ناس الخليج اكثر منا كسلا وخدمتهم المدنية بافضل منا بكثير والحكاية ما تكون انحياز وبس
Quote: و حتى عندكم هنا يا ادروب ما كل يومين عندهم اجازة و الغريبة يحددوها بى الاتنين او الجمعة عشان يقولوا لونج ويك و الاجازات على قفى من يشيل
|
معقولة يا حيدر هل حصل يوم عندك معاملة وما تمت وهل تحتاج فى غالب المعاملات ان تذهب الى مكتب حكومى ام تقوم بها وانت فى منزلك ياحيدر اخوى الحكاية فى السودان مش فى التسعة ايام بل الموظف ياخد قبلها يوم وبعدها ايام والمواطن المسكين معلق وصدقنى هذه الايام يتضرر منها عمال اليوميات الاصلا حالتهم تحنن تخيل تسعةايام ومايزيد ليس له دخل اين يذهب؟
الكسل دا كيفنهو؟
|
Post: #8
Title: Re: تسعة ايام اجازة وبرضوا نحن ماكسلانين!!!
Author: هاشم نوريت
Date: 11-13-2010, 04:59 PM
Parent: #4
مكرر
|
Post: #6
Title: Re: تسعة ايام اجازة وبرضوا نحن ماكسلانين!!!
Author: هاشم نوريت
Date: 11-13-2010, 04:50 PM
Parent: #3
تبلدينا
دبايوا
Quote: لكن كنت اود ان استوضح علاقة الاجازة بالكسل شنو ؟؟
|
ناس تاخد اجازة تسعة ايام مع يوم قبل ويومين بعد لتصبح الاجازة الحقيقية 12 يوم وبرضو نسال عن علاقة الكسل بالاجازة ويا تبلدينا الكسلان غير الاجازة داير شنو؟
Quote: اجازة عيد الاضحى محددة من مجلس الوزراء ورئاسه الجمهورية وقانون العمل
باربع ايام فقط |
المشكلة خربانة من الكبار وهم زاتهم دايرينا يرطبوا وبعدين ياتبلدينا اذا سلمنا ان الاجازة مناسبة هل هنالك عمل منتظم فى الدواوين الحكومية بعد هذه الاجازة؟ هل استطيع ان اقضى معاملاتى بعد هذه الاجازة كمواطن؟ وهل تضمن لى وصول الموظفين يوم الاحد القادم؟ يا تبلدينا الخدمة المدنية لن ينصلح حالها الا بالحزم وليس بالاجازات ياتبلدينا دايرين معاملات المواطنين لا تتاخر وان نمحوا من قاموسنا الموظف الفلانى ماجا والعلانى عندو وفاة وفلانة ماجات من اجازة العيد انت تعال بعد يومين ولا اقول لك عشان ماتتعب تعال لينا الاسبوع الجاى وربنا يسهل! معقولة دى
اخى الكسل ما فايتنا مافايتنا
|
Post: #5
Title: Re: تسعة ايام اجازة وبرضوا نحن ماكسلانين!!!
Author: هاشم نوريت
Date: 11-13-2010, 04:41 PM
Parent: #2
نوسة
دبايتو
| Quote: عشان هم زاتم تاني ما يرمو علينا تهمة الكسل و هم أسيادو و الله... " قصدي الخليجيين |
يانوسة كان نحن وصلنا مرحلة البحرينيين زمان عديناالا نحن لسة بدرى علينا وحكاية الكسل دى جعلنة ساى بناباها الا لكن ما فايتانا
انا التسعة ايام دى حارقانى وياريت بعدها يكون فى شغل الحكاية فلان ماجا من اجازة العيد وعلان جابوا ليه خبر والمواطن المسكين معاملاته تكون حبيسة درج الموظف
فى واحد قال لى يوم الخميس مشى لمكتب حكومى واخبروه بان الموظف المسؤول لتنفيذ المعاملة قام اجازة العيد عشان داير يعيد مع الاهل عشان كدا سافر
باقى ليك زى دا يجى متين؟
الله هونينى
|
|