قبض سائقي ( فنطاس ) ولنش محملين بالخمور........ توجد صورة لـفنطاس الخمور.

Post: #1
Title: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 00:27 AM
Parent: #0

رصد: نجم الدين قناوي

تلعب شرطة ولاية النيل الابيض دوراً هاماً في تأمين دائرة الاختصاص وذلك بفضل الجهود المبذولة من والي الولاية ومعتمد ربك ومعتمد كوستي الدكتور ابو عبيدة العراقي حيث حققت الولاية خلال الفترة الماضية انجازات مقدرة بالقاء القبض علي العديد من مرتكبي الجرائم تحت

مواد القانون الجنائي وداخل مباني فرع مكافحة التهريب بالنيل الابيض ادارة مكافحة التهريب الجمارك تمكنت الفرعية برئاسة العقيد شرطة طارق عبد الحميد محمد، وعلي اثر المعلومات التي وردت للفرعية عن قدوم فنطاس مياه قادم من احدى الولايات المتاخمة في طريقه الي الخرطوم ليتم عمل كمين محكم بايقاف سائق الفنطاس الاجنبي الجنسية وعبر الفتحة الدائرية القصيرة في اعلي الفنطاس كانت الخمور المستوردة قابعة اسفل الفنطاس ليتم سحبها الي الخارج حيث بلغ عددها الف وثمانمائة زجاجة خمور مستوردة.. ليتم تدوين بلاغ في مواجهة السائق الاجنبي والتحفظ علي الخمور المستوردة معروضات في البلاغ وكذلك الفنطاس ويتابع المتحري الاجراءات لتكملة اوراق البلاغ لرفعه الي جهات الاختصاص معضداً بأدلة الاتهام.

وفي انجاز آخر وعلي اثر توفر معلومات لفرعية مكافحة التهريب وصلت معلومة بتهريب الخمور من ولاية مجاورة بواسطة لنش يتم نقلها بعد وصولها الشاطئ بعربة هايس .. لتتم عملية المطاردة داخل مياه النيل الابيض ليتم القبض علي اللنش محملاً بالخمور والعربة الهايس تمهيداً لتقديم المتهمين للمحاكمة وسوف ترصد (الدار) انجازات شرطة ولاية النيل الازرق تباعاً باذن الله.

http://www.aldar-sd.net/modules.php?name=News&file=article&sid=544

Post: #2
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 00:30 AM
Parent: #1

طمع وجشع عجيب, المريسة و الخمور أصبح تنقل بالفنطاسات!!
طالما النقل يتم بالفنطاس هذا يعني أن المتعاطين أعدادهم كبيرة.

Post: #3
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 00:54 AM
Parent: #2

ضبط شاحنة أخري.
البلد بقت كلها سكرجيّة.
المريسة تستورد وتصنع وتوزع بالشاحنات وبكميات كبيرة.

الخرطوم تمنع دخول شحنة خمور ب 5ملايين دولار.
احبطت الشرطة محاولة تهريب شحنة خمور قدرت بقيمة 5ملايين دولار امريكي مصنعة في "بريطانيا، فرنسا واسكتلندا"، وشنت حملة واسعة النطاق اسفرت عن توقيف 271متهماً.وقال مساعد المدير لشرطة العاصمة الفريق محمد نجيب الطيب ان الحملات ستستمر في هذا الاتجاه مستهدفة كل اوكار الجريمة.

Post: #4
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: مصعب عبدالله محمود
Date: 11-11-2010, 01:01 AM
Parent: #1

يا جماعة قلنا ليكم ده شربوووت العيد

Post: #5
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 01:28 AM
Parent: #4

يا مصعب ههههه إنت عاوز تشوف لي ناس الكحومة ديل مخارجات ولا شنو.
نفرض شربوت لكين بالفنطاس!! دي خرمجة....
الناس الظاهر بقت عاوزة تفصل فيوز طوالي.

Post: #6
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: willeim andrea
Date: 11-11-2010, 01:54 AM
Parent: #5

معناها حفلات راس السنه طرشقت .... السهره تلفزيون وتسالي ...... happy 2011

Post: #7
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Yasir Mansour Idris
Date: 11-11-2010, 02:15 AM
Parent: #6

كلو من مهاجمين البطيخ ديل جابو الهواء هسي لو ما قبضوهم بالسابته كان البشر دي روست بمزاج وبخت تجار البلح كصائب قوم

Post: #8
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: دينا خالد
Date: 11-11-2010, 05:11 AM
Parent: #7

طيب يا محمد احمد بشير
دا الفنطاس فى الصورة ,, او ايا كان اسمه ..

وين الخموووووور ...؟؟؟؟؟ ليصح انه
فنطاس الخمور ؟ مش امكن شايل بنزين ؟

ـــــــــــــــــــ
شغل محامين وكدا ..

Post: #9
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Salah Abdulla
Date: 11-11-2010, 05:34 AM
Parent: #8

يا هو ده القدروا عليه؟

-----
صفّقوا ليهم!

Post: #10
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: jini
Date: 11-11-2010, 07:06 AM
Parent: #9

تانكر كحول اى ما يعادل 80000 قارورة خمر عدا ونقدا!
السودانيين مشهورين بالانصاص!
يعنى كوتة ل 160000 نسمة!
سبعة تنكر لمسيرة مليونية من السكارى الحيارى فى البلد الرسالى!

والسكر زغاريد السفاد!
جنى

Post: #11
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Deng
Date: 11-11-2010, 07:36 AM
Parent: #10

Quote: الف وثمانمائة زجاجة خمور مستوردة

يا ربي ياتو نوع من الخمور؟

انيشا، أوزو ولا ميز

Post: #12
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: النذير حجازي
Date: 11-11-2010, 07:47 AM
Parent: #11

بالمناسبة دي ما عملية قبض
دي عملية مصادرة، وستؤول كل
هذه الكميات الهائلة من الخمور
إلى الكيزان، فالمعروف الكيزان
أكثر سكرجية، والواحد فيهم
بكون في عربيتو تنكين واحد للبنزين
والتاني لتهريب الخمرة من أديس أبابا
للخرطوم.

تحياتي للجميع

Post: #13
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: مدثر صديق
Date: 11-11-2010, 09:07 AM
Parent: #12

Quote: وقال مساعد المدير لشرطة العاصمة الفريق محمد نجيب الطيب ان الحملات ستستمر في هذا الاتجاه مستهدفة كل اوكار الجريمة.

الفريق محمد نجيب ده مش مدير البوليس الاسبق ....؟؟؟

Post: #14
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: طارق ميرغني
Date: 11-11-2010, 09:32 AM
Parent: #13

طالما النقل يتم بالفنطاس هذا يعني أن المتعاطين أعدادهم كبيرة.

شي بديهي ...!!!

_________________________

طبعا ده الفالحين فيهو زي ما قال صلاح

هسع لو اسلحه مهربه ما كان عرفوها ...

Post: #15
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: طارق ميرغني
Date: 11-11-2010, 09:34 AM
Parent: #14

هو احسن ذاتو المسكوها

يعني الناس كانت حتهضم شنو

اذا كان ضحيه مافي ....!!!

Post: #28
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:15 PM
Parent: #15

Quote: هو احسن ذاتو المسكوها

يعني الناس كانت حتهضم شنو

اذا كان ضحيه مافي ....!!!

الناس جارّا هواء وماكلة خرا مع ناس الحكومة ديل.
العيش زاتووو بقي غالي, زمان كان 7 بي ألف
أسع بقي 4 عيشات بس بي ألف.
يعني كويس الصادروها زي ما قولتَ.

في كِلا الأحوال, المريسة باعوها للجماعة
ودي حركات منهم ساكت,

طارق ميرغني.... يااخ أسمح لي أقول ليك
إنو مداخلاتك البتكون في ستة سبعة كلمات دي
عا########ي شديد.

Post: #27
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:07 PM
Parent: #13

Quote: الفريق محمد نجيب ده مش مدير البوليس الاسبق ....؟؟؟

يا هوووووو زاتو يا مدثر صديق!
بس الخبر الفوق داااااك جديد ,
أما الخبر الفي المداخلة التانية مقتبس من النت

تم قبض سائق الفنطاس أول أمس.
وفي ولاية النيل الأبيض...
وكان في "لنش" برضو مُحمل بالخمور
بس ما ظهر في الصورة....

Post: #25
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 05:56 PM
Parent: #11

Quote: يا ربي ياتو نوع من الخمور؟
انيشا، أوزو ولا ميز

هههههههههههههههههههههههههههه

يا دينق علمي علمك , انا بعرف حاجة وحدة بس

إنو الجماعة الفي الصورة ديلاك عساكر سكرجيّة
وتابعين لجماعة الضلال
وباعو الفنطاس دة وعملوا القسمة الضيزى.

وبعدين ناس الإنقاذ ديل زي البوم البيحب الخراب
هما عارفيين بيوت المريسة وين وخالينها ساكت.

كلها كم يوم كده وحتسمع فلان من الضلالييين سكر ووقع من البلكونة مات.

Post: #16
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: محمد عبدالرحمن محمد
Date: 11-11-2010, 09:48 AM
Parent: #10

Quote: والسكر زغاريد السفاد!

والله [طرطشتك] دي أخير منها اللتي!!

-
[المطرطش]

Post: #17
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Salah Abdulla
Date: 11-11-2010, 10:04 AM
Parent: #16

Quote: والسكر زغاريد السفاد!

جنّي ،،
بالله ما تغيّر الأمثال السودانية الشائعة!!

Post: #18
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: محمد عبدالرحمن محمد
Date: 11-11-2010, 11:42 AM
Parent: #17

Quote: Quote: والسكر زغاريد السفاد!

جنّي ،،
بالله ما تغيّر الأمثال السودانية الشائعة!!

صلاح والله انت كبير [المطرطشين]!!!

Post: #19
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Mustafa Mahmoud
Date: 11-11-2010, 12:17 PM
Parent: #18

Post: #32
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:38 PM
Parent: #19

الصديق/ د. مصطفي محمود
رايك شنو بالله هههههههههههههههههههه
شوفت الفوضي دي كيف؟
فنطاسات... ولنشات
الحكومة عارفة إنو في طرمبات وبيوت للسِنة وبتخمنا بي جنس الأخبار دي.

يعني الفنطاس دا من جوّة كدة بيكون مصدي وعينو طالعة ومنتهي

غايتو حكومة مرض, هما عارفيين إنو في ناس
مسيحيين وغيروا , بدل ما يسهلوها معاهم في قزاز وكده
الفنطاس زاتوووو نهبوهو وسيدو و "السواق" سفوا التراب....

Post: #31
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:31 PM
Parent: #18

المثل دة شنو يا صلاح عبد الله
ومحمد عبد الرحمن؟

انا ما سكعت المثل دا قبل كدة؟

يمكن الجني قاصد
السكر زغاريد السعادة

Post: #30
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:26 PM
Parent: #16

Quote:
والله [طرطشتك] دي أخير منها اللتي!!
-
[المطرطش]

محمد عبدالحمان
طرطشة وبس !
الحكاية فيها تناكر مليانه فُل
خليك من المطرطش

أخد الكلام دة مني..
في واحد من أولاد كسلا قال لي إنو
في حامية عسكرية هناك و الجنود
و العساكر السودانيين كل
يوم ناطيين لي أريتريا
لتعاطي الخمرة
طبعا هناك من الطرمبة طوالي
وبدون فنطاس.

يعني دي حركات من ناس
الشرطة ديل, وعاملين فيها
جماعة الشريف الرضي.

الحكومة دي لو نافعه
المفروض تحشر المجنديين ديل
جوّة الفطاسات ولي مدة
شهرين
علشان يبطلو حركات, شوفنا دي.

Post: #24
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 05:51 PM
Parent: #10

Quote: تانكر كحول اى ما يعادل 80000 قارورة خمر عدا ونقدا!
السودانيين مشهورين بالانصاص!
يعنى كوتة ل 160000 نسمة!
سبعة تنكر لمسيرة مليونية من السكارى الحيارى فى البلد الرسالى!
والسكر زغاريد السفاد!
جنى

يا جني سلام....
اهلك ان بقو كِلَاب هوي معاهم

البلد كلها بقت سكرجية بي الإحصائية بتاعتك دي
هههههههههههههه

نهوي ونمشي مع الجماعة ولاّ شنو؟

Post: #35
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Al-Shaygi
Date: 11-13-2010, 09:30 AM
Parent: #10

Quote:
والسكر زغاريد السفاد!
جنى

طلق؟؟

كان أخير الجن من الطلقان....
الله يستر

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Post: #22
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 05:41 PM
Parent: #8

Quote: طيب يا احمد بشير
دا الفنطاس فى الصورة ,, او ايا كان اسمه ..

وين الخموووووور ...؟؟؟؟؟ ليصح انه
فنطاس الخمور ؟ مش امكن شايل بنزين ؟

ايوة يا دينا....
الفي الصورة دا الفنطاس, وتعريفة هو مستودع كبير لحفظ الماء, وفي عهد ناس
الحكومة ديل شوفنا العجب , أصبح الفنطاس لتخزين المريسة و السِنة.

السِنة دي أظنك بتعرفيها.

أما الخمور إتوزعت و الجماعة قسمو القروش,
البنزين في الطرمة يا دينا.....
اما الفنطاسات لنقل المريسة.....ههههههههههههه

علي فكرة بيت المريسة برضو إسمو "الطرمبة"
يعني لو سمعتي في واحد قال انا ماشي الطرمبة بدون عربية , فأكيد دة بيكون من جماعة الفنطاس.

Post: #21
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 05:35 PM
Parent: #7

Quote: كلو من مهاجمين البطيخ ديل جابو الهواء هسي لو ما قبضوهم بالسابته كان البشر دي روست بمزاج وبخت تجار البلح كصائب قوم

ياسر منصور...
الجاب الهواء لسيد الفنطاس دا هو الزول اللأبس قميص أبيض
وواقف مع العسكر..... سيد الفنطاس راح فيها.
و المريسة باعوها زمان,
كمية كبيرة زي دي ما بدفقوها في الواطة كده ساكت.

Post: #20
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 05:32 PM
Parent: #6

Quote: معناها حفلات راس السنه طرشقت .... السهره تلفزيون وتسالي ...... happy 2011

طالما الخميرة و الفتريتة موجودة يا "ويلم اندريا"
فمعناتها مافي مشكلة ومافي زول بيروس بي تسالي.

الناس حترجع للبلدي, و الجركانات دفنوها للتخمير من يوم ما قبضو الفنطاس دة.

دي حركات من ناس الحكومة, الناس
ديل زماااااان باعو الفنطاس دا, وقسموا قروشوا.

Post: #23
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 05:45 PM
Parent: #20

Quote: يا هو ده القدروا عليه؟

-----
صفّقوا ليهم!

يا صلاح عبد الله..... بالعكس.ههههههههههههه
البيصفِق مرتوا ..................!

دي عساكر النظام العام الوهمانيين
عاين ليهم فرحانيين كيف في الصورة ههههههههههههه

Post: #26
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:03 PM
Parent: #23

Quote: بالمناسبة دي ما عملية قبض
دي عملية مصادرة، وستؤول كل
هذه الكميات الهائلة من الخمور
إلى الكيزان، فالمعروف الكيزان
أكثر سكرجية، والواحد فيهم
بكون في عربيتو تنكين واحد للبنزين
والتاني لتهريب الخمرة من أديس أبابا
للخرطوم.

النزير حجازي..... ختفت الكلام من خشمي....
وبعدين البلد فيها مسيحييين و مسموح ليهو بتناول الخمور
انا ما عارف حركات شوفوني دي لي شنو.. الضحية بتاع الفنطاس.

وبعدين !!
الناس ديل أصلهم قبضوا فنطاس ولا سفينة تجارية؟!!
يعني لازم يحكوها لامن تجيب الدم, وبتع الفنطاس جرا الهواء.

Post: #29
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: الامين موسى البشاري
Date: 11-11-2010, 06:16 PM
Parent: #26

ديشــااااااااااااك
ديل دايرين يســـكروا ولا يعوموا

..
..

__
احمد ازيك

Post: #33
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-11-2010, 06:48 PM
Parent: #29

و الله يا اللمين
الحكاية بقت صعبة خلاااااص
الشامبيون دااااك انا أظن بيكون
مخلوط بالحاجات الفي الفناطيس دي

انا غايتو أول مرّة أسمع إنو المريسة
بقت تتنقل بالفطناس و التنكر.

خلي بالك ديل بيكونو عامليين مصنع ضخم جدا
للتعليب داخل البلد.
و الشحنة دي بتكون خربت علي
ناس كتاااااار.

المحيرني المريسة دي كان حيوزوعها من الفنطاس دة
كييييييف؟
و الله قصة عجيبة.. ههههههههه

-------
انا بخير والحمد لله.
و إنشاء امور زواجك تتسهل وتكون زبطتت.

Post: #34
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: طارق ميرغني
Date: 11-13-2010, 09:17 AM
Parent: #33

طارق ميرغني.... يااخ أسمح لي أقول ليك
إنو مداخلاتك البتكون في ستة سبعة كلمات دي
عا########ي شديد

اخي احمد

كل سنه وانت طيب

بالله فك لي مربعات او طلاسم بكري الفوق دي

عشان نفهم الحاصل شنو قبل العيد ده...!!!

Post: #36
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: محمد عبد الماجد الصايم
Date: 11-13-2010, 09:34 AM
Parent: #34

عـاجـباهو يا طارق ياخ!!!

Post: #37
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Abdlaziz Eisa
Date: 11-13-2010, 10:04 AM
Parent: #36

وبعدين ناس الإنقاذ ديل زي البوم البيحب الخراب
هما عارفيين بيوت المريسة وين وخالينها ساكت.

الأخ/ أحمد بشير

سلام

ياخي دي حاجة بسيطة وبتدخل في الجوانب الوطنية.. مثل تشجيع المنتج الوطني...
بعدين ده موسم صاح.. ضحية وبرد..

تحياتي

Post: #38
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Deng
Date: 11-13-2010, 03:58 PM
Parent: #37

يا جماعة هووي.

أنا غايتوا بعد الانفصال، أحتمال كبير أفتح لي مصنع خمور في حدود الجنوب مع الشمال وأصدر للخرطوم راس.
أصلوا عندنا أخوان كتار في الشمال العرقي هراهم هري. شي بنج حمير وشي حجار بطارية. أحسن نصدر لهم حاجة نضيفة وبأسعار معقولة كمان.
أها ما بلقى لي شريك في دولة الشمال؟

Post: #39
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: Kostawi
Date: 11-13-2010, 04:18 PM
Parent: #38

Quote: أها ما بلقى لي شريك في دولة الشمال؟

أرشح الأخ صلاح قوش و الأخ علاء الدين

ديل ما عندهم قشة مرة يا دينق

Post: #40
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: jini
Date: 11-13-2010, 06:09 PM
Parent: #39

Quote: طلق؟؟

كان أخير الجن من الطلقان....
الله يستر

الشايقي

يعنى بعد يسكروا دايرهم يقيموا الليل!
تهجد مثلا!
جنى

Post: #41
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 03:48 AM
Parent: #40

برجع ليكم واحد واحد.

Post: #42
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 01:28 PM
Parent: #41

Quote: بالله فك لي مربعات او طلاسم بكري الفوق دي
عشان نفهم الحاصل شنو قبل العيد ده...!!!

أضحية مبارك.
وعيدك سعيد يا أستاذ طارق ميرغني.
الشفر الظهرت في شكل مربعات كالأتي:
"عاجبَانِي".

وتسلم.

Post: #43
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 01:32 PM
Parent: #42

Quote: عـاجـباهو يا طارق ياخ!!!

إنت نقشتها كيف يا مسلط.
معاك مفتاح شفرة ولا شنو
ههههههههههههههههههههه

Post: #44
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 01:37 PM
Parent: #43

Quote: ياخي دي حاجة بسيطة وبتدخل في الجوانب الوطنية.. مثل تشجيع المنتج الوطني...
بعدين ده موسم صاح.. ضحية وبرد..

سلامات يا عبد العزيز.
تشجيع شنو يااااخي
الناس ديل دايريين يخربوا مزاج الناس البيتعاطو الحاجات دي.
قبل فترة شايفهم منعو الشيشة, مع إنها أقل ضرر من الصعوط.

ديل بيعملوا في حاجات ما مفهومة.
عينهم لي بيوت السِنة, وهجموا علي صاحب الفنطاس المسكين.

Post: #45
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 01:42 PM
Parent: #44

Quote: أنا غايتوا بعد الانفصال، أحتمال كبير أفتح لي مصنع خمور في حدود الجنوب مع الشمال وأصدر للخرطوم راس.
أصلوا عندنا أخوان كتار في الشمال العرقي هراهم هري. شي بنج حمير وشي حجار بطارية. أحسن نصدر لهم حاجة نضيفة وبأسعار معقولة كمان.
أها ما بلقى لي شريك في دولة الشمال؟

ههههههههههههههههههههههههه
و الله ده مشروع جهنمي و يوميا حتكسب شواويل من الدهب
أنا حجي أشتغل معاك, و حكون سواق للفنطاسات بتاعت الشركة.

بس يا دينق إنت كده كشفت المشروع الجهنمي ده لبني كيزان,
وكان أحسن نخليها كتامي و بالماسنجرات وكده, عشان الدبايب ديل ما يعرفوا.

Post: #46
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 01:49 PM
Parent: #45

Quote: أرشح الأخ صلاح قوش و الأخ علاء الدين
ديل ما عندهم قشة مرة يا دينق

يا كوستاوي كدي عاين للزول ده ,

أنا شويّة كده ويـمكن أخلف إنو الزول ده من جماعة السِنة

اما علاء الدين ده فبتاع البلدي.....
أتذكر مرة جو فلقونا بالشربوت بتاع الرحلة بتاعتهم ديك.

Post: #47
Title: Re: قبض سائقي ( فنطاس ) ولنش محملين بالخمور........ توجد صورة لـفنطاس الخمور.
Author: احمد محمد بشير
Date: 11-14-2010, 01:54 PM
Parent: #46

Quote: يعنى بعد يسكروا دايرهم يقيموا الليل!
تهجد مثلا!
جنى

ههههههههههههههههههههههه
يا جني هو كان لحقوا يشربوا كوز من الفنطاس ده باقيلك بيعرفو القلبو وين؟
الخمرة وارد الفطناس, دي بتخليك رابطة معاك لي مدة سبعة يوم في عالم تاني.
دي فنطاس عديييييييل يا عمك.