Post: #1 Title: من عمود أبو شيبة بكرة ... Author: محمد البشرى الخضر Date: 11-10-2010, 07:44 PM
*ابو شامة يخرج افضل لاعبيه خوفا من جمهور الهلال *اللاعب قصي كتم انفاس هيثم مصطفى و شل حركته و لعب معه بالعنف القانوني لكن هيثم اللاعب الكبير المحمي من الحكام وو الإتحاد و الجمهور و مدربي الفرق المنافسة لا يجب اللعب معه بعنف قانوني حتى *حكام سيحة يصرون على اهداء الدوري للهلال و يرهبون لاعبي الفرق المنافسة بالكروت الملونة التي تختفي عند استحقاق لاعبي الفريق الأرق لها *على مجلس المريخ التحرك مبكرا لحماية مكتسبات فريقه و المطالبة بحكام اجانب للقمة *مستوى التحكيم الذي اعتاد التحيز للهلال و حماية لاعبيه حتى من العنف القانوني لايمكن السكوت عليه و ينذر بكارثة إذ لا يمكن التنبؤ برد فعل الجماهير المريخية وهي ترى الحكم يذبح لاعبيها امام اعينها *هل سيتحمل الاتحاد مسؤولية اي احداث عنف ناتجة عن فقدان الصوة لأعصابها نتيجة ظلم الحكام * * * * نق نق نق نق بلا بلا بلا بلا مؤامرة مؤامرة مؤامرة
_ + ()
Post: #2 Title: Re: من عمود أبو شيبة بكرة ... Author: محمد البشرى الخضر Date: 11-10-2010, 07:51 PM Parent: #1
ابراهومة ... (شنو ما عارف كدا و الصفاقسي شنو ماا بعرف - وش ضاحك )
حسن سنادة ... (الصفافصي الرش الرش)
الفضل سبيل ... كوت لكلام حسن سنادة + شنو يا ابو علي ما راجينك في البوست بتاعك ورينا انت الشام ولا اليمن
_____________
دي ( ) عديل
Post: #3 Title: Re: من عمود أبو شيبة بكرة ... Author: keiga2000 Date: 11-10-2010, 08:02 PM Parent: #2
أخونا مبروك البنية مرة ثانية
وماتنسي يمكن أن يقولوا
[red]ضربات جزاء وهميـة توزع بالمجان للهلالابية
المريـخ غني بكاساتـه والهلال 80 سنة يبحث عن ذاتــه
غايتو ماعارف لو الصفاقصي شاف مباراة الحصاحيصا بلعبوا ليكم الصف الثاني
ابومصطفى
Post: #4 Title: Re: من عمود أبو شيبة بكرة ... Author: ALGARADABI Date: 11-10-2010, 08:27 PM Parent: #3
dيا أبو حتوت نسيت التعريج على موضوع التسجيلات الزول ده بتكلم عن التسجيلات من السنة الفاتت
Post: #5 Title: Re: من عمود أبو شيبة بكرة ... Author: فيصل محمد رشوان Date: 11-10-2010, 08:42 PM Parent: #4
محمد البشرى سلام
خليه ابوشيبه
عليك الله رايك بصراحة 1- إعتداء هيثم على قصي بدون كورة
2- ضربة الجزاء الأوضح من شمس الظهيرة عند إبعاد التاج للكرة بيده من أمام مهاجم حي العرب
Post: #6 Title: Re: من عمود أبو شيبة بكرة ... Author: طلحة عبدالله Date: 11-10-2010, 08:59 PM Parent: #5
Quote: بلا بلا بلا بلا
الكلام الأول والتاني كلو عرفناه الفوق دا شنو كمان ؟؟؟؟؟؟
Post: #7 Title: Re: من عمود أبو شيبة بكرة ... Author: Amira Elsheikh Date: 11-10-2010, 09:06 PM Parent: #6
بوست خالى موضوع ....ِ
Post: #8 Title: Re: من عمود أبو شيبة بكرة ... Author: عبدالعزيز الفاضلابى Date: 11-10-2010, 09:24 PM Parent: #7
ود البشرى البنية مباركة وعقبال دستة بنات الحاصل شنو ,, غايتو الفهمتو من بوستك ده انو هيثم عمل ليهو عملة وانت قلت البلا بلاقوه بالبليلة المسيخة ,, الورة فى السودان مرض.
Post: #9 Title: Re: من عمود أبو شيبة بكرة ... Author: طلحة عبدالله Date: 11-10-2010, 09:25 PM Parent: #7
Quote: بوست خالى موضوع
غايتو يا بت الشيخ جاملتيهو مجاملة شديدة خلاص ما باقي ليك إلا تتغزلي فيهو .
Post: #10 Title: Re: من عمود أبو شيبة بكرة ... Author: Ahmed Alrayah Date: 11-10-2010, 10:18 PM Parent: #9
لاعب الهلال الفتوة علاء الدين يوسف انقض بوحشية على لاعب حي العرب المسكين وكاد أن يهشم ضلوعه أمام الحكم الذي اكتفى بالابتسام!!!
واصل لاعبو الهلال إضاعة الوقت بالاحتفال بأهدافهم وبطريقة دخيلة على مجتمعنا المحافظ. على سادومبا أن يعلم أن الرقصات الإفريقية لا تلاءم ثقافانا العربية، وأعجب لمدثر كاريكا الذي يستجيب لسادومبا ويشاركه حركاته الغريبة.
على كروجر أن يعلم أن الانتصار في مباراة يؤخذ بحُمرة العين، ولذلك عليه أن يبعد اللاعبين المساكين مثل سعيد السعودي وعبد الحميد السعودي وفيصل العجب، ولو كنت محله لمنحت شارة الكابتنية للتونسي الشرس هيثم المرابط.
حكم المباراة المسكين لا يستطيع إشهار بطاقة ملونة للكابتن المفتري الذي يهابه الجميع. ونتمنى أن يستجلب الاتحاد العام حكام أجانب لمباراة القمة بشرط ألا يكونوا على شاكلة السعودي عبد الرحمن الزيد مشجع الهلال السعودي الذي ذبح المريخ عام 2000 وهو يرفض احتساب ضربة جزاء واضحة ارتكبها مجاهد مع المغربي الزنزون، واعترف بها مدرب الهلال فوزي المرضي بذكاء.
Post: #11 Title: Re: من عمود أبو شيبة بكرة ... Author: ALGARADABI Date: 11-10-2010, 10:31 PM Parent: #10
Quote: لاعب الهلال الفتوة علاء الدين يوسف انقض بوحشية على لاعب حي العرب المسكين وكاد أن يهشم ضلوعه أمام الحكم الذي اكتفى بالابتسام!!!
واصل لاعبو الهلال إضاعة الوقت بالاحتفال بأهدافهم وبطريقة دخيلة على مجتمعنا المحافظ. على سادومبا أن يعلم أن الرقصات الإفريقية لا تلاءم ثقافانا العربية، وأعجب لمدثر كاريكا الذي يستجيب لسادومبا ويشاركه حركاته الغريبة.
على كروجر أن يعلم أن الانتصار في مباراة يؤخذ بحُمرة العين، ولذلك عليه أن يبعد اللاعبين المساكين مثل سعيد السعودي وعبد الحميد السعودي وفيصل العجب، ولو كنت محله لمنحت شارة الكابتنية للتونسي الشرس هيثم المرابط.
حكم المباراة المسكين لا يستطيع إشهار بطاقة ملونة للكابتن المفتري الذي يهابه الجميع. ونتمنى أن يستجلب الاتحاد العام حكام أجانب لمباراة القمة بشرط ألا يكونوا على شاكلة السعودي عبد الرحمن الزيد مشجع الهلال السعودي الذي ذبح المريخ عام 2000 وهو يرفض احتساب ضربة جزاء واضحة ارتكبها مجاهد مع المغربي الزنزون، واعترف بها مدرب الهلال فوزي المرضي بذكاء
ود الريح والله مبالغة عمود كوبي بيست لأب شيبة
بس ناقص شلوت أسامة التعاون(في منطقة حساسة) + موقف جاكسون + أي حاجة يحشر فيها مدينة النيل
Post: #12 Title: Re: من عمود أبو شيبة بكرة ... Author: حيدر بشير Date: 11-11-2010, 05:08 AM Parent: #11
الاخ محمد البشرى
لك التحية
حقيقة ابوشيبة فى اعتقادى انه يدعو اللاعبين جهارآ بأن يكونوا عنيفين مع لاعبى الهلال حتى ولو كان فى ذلك ضررآ عليهم
Post: #13 Title: Re: من عمود أبو شيبة بكرة ... Author: هجو الأقرع Date: 11-11-2010, 05:32 AM Parent: #12
ابو حتحوت صباح الخير ، اوعى تكون البنيه مساهره بيك الايام دى ، معليش يا هندسة بصراحة رأيك شنو فى ضرب هيثم مصطفى للاعب بورسودان بالكوع ؟، و عندما تجاهل الحكم الامر ، اخد الاعب حقه بيده فى اللعبه البعدها .
Post: #15 Title: Re: من عمود أبو شيبة بكرة ... Author: محمد البشرى الخضر Date: 11-11-2010, 05:56 AM Parent: #13
صباحك خير يا هجو ما شفت اللقطة القلتها الشفتو هيثم راجع بعد لعب الكورة و اتصادم مع اللاعب و الاتنين وقعوا الإعادة وقفت قبل اللطة نفسها حتى الرشيد علق وطالب المخرج يجيبها لو عندك ليها فيديو نزلها
Post: #17 Title: Re: من عمود أبو شيبة بكرة ... Author: هجو الأقرع Date: 11-11-2010, 06:22 AM Parent: #15
Quote: لو عندك ليها فيديو نزلها
ود البشرى ينفع و الله كان معى شهود ، لكن صبر الشباب بتاعين المنتديات اكيد بنزلوها.
Post: #14 Title: Re: من عمود أبو شيبة بكرة ... Author: محمد البشرى الخضر Date: 11-11-2010, 05:53 AM Parent: #12
لله يبارك فيك ابو مصطفى
Quote: ضربات جزاء وهميـة توزع بالمجان للهلالابية
المريـخ غني بكاساتـه والهلال 80 سنة يبحث عن ذاتــه
في ضربات الجزاء دي معاك دونا عن باقي الكتاب الوصيفاب ابوشيبة احسن حاجة فيه ماعندو الحركة بتاعة التاريخ و البكاء على الأطلال
قردابي .. التسجيلات و باصات الوالي
هلا رشوان ... الانا شفتو هيثم راجع بعد لعب الكورة اصطدم بقصي و الاتنين وقعوا لو فيها اعتداء والحكم قريب كان مفروض ياخد آكشن اما ضربة الجزاء فما شفتها
تنظير ... البلابلابلابلا دي يعني خارم بارم زي خارم بارمك القادينا بيه
بت الشيخ شكرا على المرور
الله يبارك فيك يا فاضلابي الحاصل انو بالنسبة لابوشيبة وحسب نظرية المؤامرة كل الحكام و اداريين الاتحاد العام و مدربي الفرق المنافسة و الشفع البجيبو الكورة كلهم يا هلالاب عديل يا متحيزين للهلال و الهلال كل سنة برشكم و يشيل الدوري بسبب هدايا الحكام والمريخ مكتوب و معيون و اتنين جنيه تذكرة باصات الوالي غالية
ود الريح مبالغة يعني عادي ممكن ابوشيبة لو يوم مشغول يستعين بيك لكتابة عموده
اهلا حيدر بشير ابوشيبة مقتنع تماما انو اي شي وراه مؤامرة لصالح الهلال حتى تأجيل المباريات بسبب المشاركة الافريقية ح يجي يقول ليك حي العرب ضمن مقعده وغير منافس على المراكز المتقدمة عشان كدا لعب ببرود و استفاد الهلال
Post: #16 Title: Re: من عمود أبو شيبة بكرة ... Author: omer osman Date: 11-11-2010, 06:14 AM Parent: #14
في معادلة قصي وهيثم مصطفي ابحث عن علاءالدين يوسف !!!
والله ياودالبشري الكورة دي التقول حضرتها قبل كده ...
من ما شفت ليك قصي مراقب هيثم ودخل عليهو بعنف وشفت علاءالدين يوسف قبل تنفيذ الفاول
(بحرش في هيثم) رغم انو ما محتاج تحريش ...... عرفت الموضوع ده مابنتهي بخير ....
طبعا سحب ابوشامة لقصي في الظاهر قرار سليم لكن كون ابوشامة لاعب سابق في الهلال
بتلقي ظلال من الشك على القصة .....
المهم اذا ده الفريق الحتلعبوا بيهو قدام الصفاقسي وبالدفاع ده صدقني الضحك شرطكم ..
Post: #18 Title: Re: من عمود أبو شيبة بكرة ... Author: محمد البشرى الخضر Date: 11-11-2010, 06:46 AM Parent: #16
كدي يا جنابو شوف الصورة دي من قوون
لاعب فريقو ما مهمة بالنسبة ليه نتيجة المباراة خالص و يلعب بعنف زي دا مع هيثم المقبل على مباراة افريقية مهمة وكان ممكن يؤدي لإصابته يكون مالو في رأيك؟ قرار ابوشامة كمدرب ما بيطعن فيه كونو هلالابي ابدا كان ممكن يفقد لاعبو بالكرت الأحمر بدون مناسبة مادام انفعل بدون مبرر
اكيد دا ما التيم الح يلعب قدام الصفاقسي بدليل مشاركة التاج و جمعة و النعيم لكن نفس النشكيلة اضيف ليها محمد عبد الرحمن ونادر الطيب و صدام ممكن نطقطقكم بيها عادي
هجو يا عمك ... شهود شنو يا حاج كورة هي ولاّ قضية في محكمة خلاص المهم يكونوا شهود عدول موظفي دولة ومشهود لهم بالسمعة الطيبة
Post: #19 Title: Re: من عمود أبو شيبة بكرة ... Author: عبدالمجيد المقابل Date: 11-11-2010, 06:48 AM Parent: #16
Quote: المهم اذا ده الفريق الحتلعبوا بيهو قدام الصفاقسي وبالدفاع ده صدقني الضحك شرطكم ..
ود البشري سلام, شفتا كيف !!! ناس جنابو بتكلمو عن كورة الصفاقصي و عاملين غمرانين من مباراتنا معاهم !! ياخي مداخلتك دي يا جنابو أحبطت الوصيفاب , كان تقول ( المهم اذا ده الفريق الحتلعبوا بيهو قدام المريخ وبالدفاع ده صدقني الضحك شرطكم ) لكن إنتا زول عاقل وعارف قدر فريقك ( بارك الله في رجل عرف قدر فريقه) معليش يا ود البشري ردينا لجنابو قبل ردك ليهو =
Post: #20 Title: Re: من عمود أبو شيبة بكرة ... Author: Hassan Senada Date: 11-11-2010, 07:00 AM Parent: #19
Quote: المهم اذا ده الفريق الحتلعبوا بيهو قدام الصفاقسي وبالدفاع ده صدقني الضحك شرطكم ..
ياجنابو ممكن نسلفليهم حكم من مدنى مع الصفاقصى متعودة دايما ( نادى الحكام )
Post: #21 Title: Re: من عمود أبو شيبة بكرة ... Author: محمد البشرى الخضر Date: 11-11-2010, 08:17 AM Parent: #20
أوووو شيخ سنادة يا عمك شنو ياخ انا خاتي ليك مقص قدر دا فوق تجي ماشي فيه بنمرة خمسة
Quote: الفضل سبيل ... كوت لكلام حسن سنادة + شنو يا ابو علي ما راجينك في البوست بتاعك ورينا انت الشام ولا اليمن
ياخي الناس ديل أمش قوليهم نقلتو ونسيت الأيقونة واتفك
عبد المجيد مرحب بيك و البوست بوستك
Post: #22 Title: Re: من عمود أبو شيبة بكرة ... Author: Hassan Senada Date: 11-11-2010, 08:35 AM Parent: #21
Quote: ياخي الناس ديل أمش قوليهم نقلتو ونسيت الأيقونة واتفك
يالحبيب لو ردينا على اى واحد كدا فتحنا باب لى كل من هب ودب لاكن طنش ترتعش
Post: #23 Title: Re: من عمود أبو شيبة بكرة ... Author: فيصل محمد رشوان Date: 11-11-2010, 09:03 AM Parent: #22
Quote: صباحك خير يا هجو ما شفت اللقطة القلتها الشفتو هيثم راجع بعد لعب الكورة و اتصادم مع اللاعب و الاتنين وقعوا الإعادة وقفت قبل اللطة نفسها حتى الرشيد علق وطالب المخرج يجيبها لو عندك ليها فيديو نزلها
غايتو التحتها خط دي التوانسة أتهموا بيها حكم مباراتهم مع مازيمبي
..
Post: #24 Title: Re: من عمود أبو شيبة بكرة ... Author: محمد البشرى الخضر Date: 11-11-2010, 09:35 AM Parent: #23
مشكور فيصل على اللنكات نشوفها لما ارجع البيت
Quote: غايتو التحتها خط دي التوانسة أتهموا بيها حكم مباراتهم مع مازيمبي
هههههههههههههههه ومالك ماشي لي الترجي و مازمبي البعاااااد ديل مافي اقرب من كدا
Post: #26 Title: Re: من عمود أبو شيبة بكرة ... Author: haroon diyab Date: 11-11-2010, 09:56 AM Parent: #24
ياعمك
سلام
اجمل حاجة منتديات هلال مريخ دي
اقل شمار تلقاهو نازل بيس ضبانتو....!!!!
كدي شوف دي بالكوع ولا انا غلطان....؟
Post: #25 Title: Re: من عمود أبو شيبة بكرة ... Author: Ashraf el-Halabi Date: 11-11-2010, 09:53 AM Parent: #23
Quote: الإعادة وقفت قبل اللقطة نفسها حتى الرشيد علق وطالب المخرج يجيبها
وبين الشوطين الرشيد قال لـ(مخرجنا مبيوع) ليه ما عدت اللقطة مخرجنا قال ليو اللحظة ديك الكاميرا إنتقلت (للرفيق الأعلى يا ربي!) المهم يا ود البشرى: مبيوع بالغ وكوع سيدا بالغ وأبو شامة بالغ بالغ هيثم المراقبة اللصيقة طلعته من طوره يا بو حميد
Post: #27 Title: Re: من عمود أبو شيبة بكرة ... Author: عبدالعزيز الفاضلابى Date: 11-11-2010, 04:44 PM Parent: #25
Quote: كدي شوف دي بالكوع ولا انا غلطان....؟
ده مش كوع ياهارون ,,, ده بوووع عديل كده.
Post: #28 Title: Re: من عمود أبو شيبة بكرة ... Author: محمد البشرى الخضر Date: 11-11-2010, 06:33 PM Parent: #25
دياب يا عمك شنو تخذلني كدا وين الـ " وبرضو كااااااااااكـ " الشهيرة
يا حلبي ما قصة مراقبة لصيقة واضح انو قصي جاي متقصّد ضرب هيثم و اثارته الواحد ما داير يكون سيئ الظن لكن الوسط الرياضي بتاع كماين العرقي دا اتوقع منو اي شي ممكن جدا يكون محرش من وصيفابي على اساس هيثم عندو انذار اولريدي و يفقدوا الهلال في كورتهم
Post: #29 Title: Re: من عمود أبو شيبة بكرة ... Author: Ahmed Alrayah Date: 11-12-2010, 04:08 PM Parent: #28
سلامات يا ALGARADABI، وإن شاء الله منصورين يوم الأحد.
--------------------------------
يا ود البشرى
حصل يوم اتخيّلت أبو شيبة ده هلالابي؟
هاك اتخيّل...
حملات المريخاب الحاقدين على الصنديد علاء الدين يوسف لن تنفع مع هذا الولد النجيض. كرة القدم لعبة الرجال وعلى لاعبي الفرق الأخرى أن يخشوشنوا امتثالاً لأوامر الرسول الكريم.
كان واضحاً أن لاعب حي العرب الضخم قصي محرّش من جهة يهمّها أن يُطرد هيثم مصطفى ولا يشارك في مباراة القمة. قصي ظل يلاحق هيثم بطريقة سخيفة جعلت هيثم يحاول أن يبعده عنه بلُطف فسقط قصي ليوحي للحكم بأن هيثم اعتدى عليه لإكمال المخطط المكشوف، لكن الهلال محظوظ بوجود لاعبين (بِورّو الحكام العين الحمرة).
العلاقة بين لاعبي الهلال في أفضل حالاتها "ما شاء الله"، والدليل هو احتفالاتهم عند إحراز الأهداف بالرقصات الإفريقية الرائعة التي تؤكد أن السودانيين عرب ممزوجة بى دم الزنوج الحارة.
الهلال بحاجة لحارس مرمى مجنس وقلبي دفاع وظهيرين أيسر وأيمن وصانع ألعاب صغير السن ومهاجم ضخم الجثة مثل الثور النيجيري إينرامو.
في مباراة جزيرة الفيل، حاول المدافع إبعاد الكرة من أمام لاعب المريخ راجي الذي سقط بطريقة يحسده عليها عادل إمام، فما كان من الحكم المسكين إلا الاستجابة لزعيق جماهير المريخ خوفا من أن يفتكوا به ومنح المريخ ضربة جزاء مضحكة.
Post: #30 Title: Re: من عمود أبو شيبة بكرة ... Author: عمر الفاروق Date: 11-12-2010, 05:40 PM Parent: #29
غايتو يا ود البشرى أجمل حاجة عجبتني في أبو شيبة ده إنو إتكلم عن التسجيلات القادمة وحدد ما يحتاجه المريخ من لاعبين وعددهم بالضبط حداشر لاعب والأجمل إنو ما شطب ولااا زول للحداشر ديل كلهم حولهم لي فريق الشباب ..
تخريمة : يا ود الريح بالله بين الفقرات دي حاول أحشر ليك حاجة عن الحرامية وعن ناس الأقاليم الزاحمين العاصمة خصوصا واليامات دي العيد على الأبواب الزول ده جنننو الخرطوم الفاضية ايام العطلات العيدية
Post: #31 Title: Re: من عمود أبو شيبة بكرة ... Author: محمد البشرى الخضر Date: 11-20-2010, 06:47 PM Parent: #30
من عمود أبوشيبة بكرة :
- الفاتح النقر ملك تقفيل اللعب ز الذي يفرض رقابة لصيقة على مفاتيح لعب المريخ في لقاءاته يترك البرنس بدون رقابة حرا ليفعل ما يشاء - اشراك خمسة من لاعبي الخرطوم في الوسط ليوحي بتقفيل منطقة المناورة للمتابعين لكن بدون ادوار رقابة حقيقية على مفاتيح لعب الهلال - الفاتح النقر و غيره من المدربين ذوي الميول الزرقاء يلعبون دور الكومبارس للهلال و يؤدون ادوارهم ببراعة في تعطيل المريخ و تسهيل مهمة الهلال للفوز بالكاسات - هذا احد الادوار في المؤامرة العالمية السرية لفرض السيطرة الهلالية على الساحة -أما الحكم فكالعادة صافرة ذات اتجاه واحد في صالح الهلال - صرف تلاتة ضربات جزاء للخرطوم و عطل اتنين و ستين هجمة بفاولات و حالات تسلل من خياله و تغاضى عن سبعة وعشرين مخالفة ارتكبها مصارع الهلال علاء الدين
+ ()
