صور سيارتي بعد الحادث .. وتصر شركة التأمين انه يمكن اصلاحها .. رايكم شنو ؟

اولا اتقدم بجزيل الشكر والتقدير لكل من زارني او اتصل بي عقب الحادث ( العنيف ) الذي تعرضت له نهاية رمضان الماضي ..

وبعد ان من الله علي بالشفاء ذهبت ابحث عن سيارتي ووجدت ان شركة التامين قد سحبتها الى ورشتها وفوجئت ببشاعة المنظر وحمدت الله على النجاة من ذلك الحادث الكبير ..

المؤلم في الامر ان شركة التامين رفضت ( تلجين ) السيارة المؤمن عليها تامينا شاملا وتصر انها يمكن اصلاحها ولا زالت المفاوضات جارية بعد اكثر من شهرين اضطررت خلالها لتاجير سيارات ثم شراء سيارة تفاديا لجرجرة شركة التامين التي لازالت تحيل اوراق سيارتي من مهندس الى لجنة الى شركة ..

ارجو من الاخوة الزملاء بالمنبر والقانونيين على وجه الخصوص مدنا بالمشورة اللازمة في مثل هذه الحالات ..؟

يا حليل زمن النقل الميكانيكي في السودان.

معتصم ألف حمدالله على سلامتكم وكل عام بل كل يوم أنتم بألف خير

الصور يا عمك

ومبدئياً كده الموضوع ده لازم تديهو محامي كارب

شكرا فدياس ..

المحامي الكاارب ما عمل حاجة ..

شكرا اخي الطيب ..لك تحياتي

معتصم
دبايوا
حمدا لله على السلامة والمال يروح ولكن سلامتك اهم من السيارة
انا لست قانونى او من اهل الاختصاص ولكن هنالك قاعدة عامة تقول "العقد شريعة المتعاقدين"
وعليه المرجعية بينك وبين شركة التامين هو العقد المبرم بينكم هذا ابتداء
واعتقد ان شركة التامين لها الحق فى تقدير الضرر الذى لحق بالسيارة وتقييمه والاختيار بين اصلاحها او بدفع قيمتها وفقا لحالتها قبل الحادث وهذا يعتمد على الموديل وكم من الاميال قطعت وسعرها فى السوق وايضا تقارن الشركة بين التكلفتين الاصلاح او دفع القيمة التى تقدرها الشركة وعندها تختار الشركة باخف الضررين وان رجعت الى العقد ستجد هذه الاشياء مضمنة فيه ولكن ان كان لك بند يقول بانك تحصل على سيارة بديلة لحين اصلاح تلك السيارة او دفع قيمتها لك هنا انت لن تشعر بفقدانك لسيارتك لحين استبدالها او اصلاحها فكل هذه الاشياء تعتمد على العقد المبرم بينكما
انت فى الحالتين لن تخسر مهما كان منظر السيارة الان لانك ستستلمها كانها جديدة ولكن قد تخسر عند بيها لان سجلها سيحوى انها تعرضت لحادث فهذا حتما سيخفض من سعرها
لبابى

حمدا للله على سلامتك
و الجاتك فى عربيتك سامحتك

لك التحايا يا طارق ..

سلام معتصم .....

غايتو انا الحاجة البعرفه انو اى سيارة تكون تكلفة اصلاحها = 50% من قيمتها وقت الحادث تعبر ملجنة .....

وفي الامارات اذا شاسي السيارة اتفتل تلجن طوالي بغض النظر عن تكلفة الاصلاح ..........

معتصم سلامات



انا اري ان تهديها لاحد فقراء البورداب (زيي كدا) وبما انو اسعار الدهب مرتفعة تقوم تشنري واحدة براند نيو ويادار مادخلك شر




لو وافقت علي الاختراح خليها لي في الكرين واديني الو

يا عمر صديق ..
الواحد لما يهدي يهدي حاجة سمحة .. ومقامكم عندنا اكبر من همر ..

معتصم سلامات



انا اري ان تهديها لاحد فقراء البورداب (زيي كدا)

وبما انو اسعار الدهب مرتفعة تقوم تشتري واحدة براند نيو ويادار مادخلك شر

لو وافقت علي الاختراح خليها لي في الكرين واديني الو

و الله دى سلامة ياخ

عليك الله يا محمد مختار الله ما كتب لينا عمر جديد ؟

شكرا يا دينق وفعلا حليل النقل الميكانيكي

لاحولة ولا قوة الا بالله العلى العظيم ..

حمدالله على سلامتكم يا اخوي ..

اقول ليك حاجة .... انسى السيارة دي نهائي .. وما تمشي عليها ..

حتى لو صلحوها ليك وادوك ليها لنج .. غايتو ده رائي ..

اولا حمدالله على السلامة
وبعدين سيارة زي دي وبهذا الشكل فان ثمن تصليحها اغلى بكثير من شراء سيارة جديدة واذا اصرت شركة التأمين على اصلاحها فأنت الكسبان
والشركة هي الخسرانة.. لأن الشركة لازم ترجع ليك العربية وكأنها جديدة.. وطول بالك شوية فأكيد أن الشركة سوف تتراجع وتقول نشتري ليك سيارة جديدة
وانا نصيحتي ليك انت من هسع ابدأ قول ليهم انا عاوز عربيتي دي ذاتها تصلحوها لي وما عاوز عربية تانية لأن ذكراها عزيزة علي!! وهم طبعا عارفين ان تصليح
مثل هذا الدمار الذي لحق بالعربة لا يمكن تصليحها إلا بثمن غالي... وفي النهاية انت الكسبان ما دام الصحة كويسة .. والله يديك العافية

شكرا يا كمندان ..

لك الود

لا حول ولا قوة إلا بالله ...


حمدلا على سلامتك وسلامة الحاج يا معتصم ...

حبيبنا هاشم ..

لك التقدير على النصائح الغالية ..

هناك اختلاف في قوانين التامين بين السودان وخارجه ..

شكرا لك اختي اميرة ..

يمين بالله ما سمعت بالحادث ده يا معتصم
ياخ كفارة وحمدالله على السلامة وبركة الجات في العربية
متين الكلام ده حصل ؟؟؟؟؟؟؟؟؟؟؟؟؟؟؟؟
_____________________

تلفونك راح مني بالمناسبة

اووو السيناريست الخطير ناذر ..

شكرا يا استاذ ..

ما تجي نعمل من الحادث فيلم اكشن .. غايتو انا بعد الحادث ده بقيت ما بلاوز نهائي .. يعني عااادي ممكن اعيدو ليك بالبطئ ..





منتظرين في صف الجريو .. ابقى مارق ياخ

السنير عمر جبريل ... موش يا عمك تميت السنة ؟

شكرا جزيلا ..


00249912209259 - 00249111055596

الأخ معتصم

أولاً حمداً لله على السلامـة

ثانياً تعتمد طريقة تغطية شركة التأمين للأضرار الناتجة عن الحادث على نص وثيقة التأمين, ولا بد من تكييف النص قانونياً على الأضرار الثابتة للمركبة ودرجتها وإمكانية الاصلاح أو تعذره,

ويفيد في تصنيف الضرر رأي الخبراء في ذلك وماإذا كان من الممكن إعادة المركبةإلى سابق أدائها وقت صدور وثيقة التأمين

لك التحية


أحمد الشايقي

الشايقي شكلك عندك خبرة او تجربة ..

غايتو اهو جارين وراهم ..

ربك قدر لطف يا معتصم
لكن ناس التأمين ببالغوا و بشذوا
يفلحوا لاخد الفلوس بدون مقابل!!!

الحكاية ما حكاية اختلاف قوانين
مسألة ذمم و ضماير و مفاهيم
الجشع بقى هو القاعدة حتى عند
الدولة و ناس التأمينات بينسوا
انه القروش البلموها دي مفروض
يستفيد منها دافعيعوها عند الحاجة

هنا يا معتصم تأمين شامل بيدفع ليك
حتى لو انت الغلطان يدفع لخصمك
وزي عربيتك موش تتلجن بس بل يتم
التخلص منها حال اكتمال اجراءات الشرطة
و على طول التأمين يأجر ليك عربية
لحد ما تنتهي معاملتك

لا حول ولا قوة الا بالله
الحمد لله على السلامة وبركة الما جاتك عوجة



الجاتك فى مالك سامحتك

يا زول حمدا على السلامة وربنا قدر ولطف..

لك ودي وتقديري اخي ناصر

نستا يا عمكـ
حمد الله على السلامة و الجاتكـ في العربية سامحتكـ ..
العربية دي ما بتنفع تاني تتصلح و تلجينها لا يحتاج لغلاط
الناس ديل عايزين ياكلوك ساكت كده

سلامات يا خالد ..

ما بيقدرو .. لحمنا مر والله ..

لا حوله
الله كتب ليك عمر جديد
الف الف الف سلامه عليك
فداك العربات كلها وشركات التامين زاتو

حمداً لله على السلامة

شركة التأمين مخولة بتقييم الضرر وطرح الخيارات عليك
ويمكن ان تعوضك سيارة بديلة بقيمة الضرر أو أنت لك الحق
في طلب إصلاح سيارتك.

ايمو حبيبنا

لك التحايا والتقدير


خيارات شنو يا باشا ..

نحنا في السودان .

لك تحياتي اختي مشاعر

الحمد لله على السلامة يامعتصم.

شكرا دكتور بلة

حبيبنا معتصم
سيارتك write OFF
إصرار شركة التأمين على إمكانية التصليح يدل على أن عمال
الشركة من العالم (السفلى) وليس من عالمنا!!!!
توكل على الله ثم وكل محامى شاطر
وانصرف لما هو أهم

أسأل الله لكم السلامة دائماً وأبدا

حبيبنا حسن مكاوي

لك الود والتقدير

Quote: عليك الله يا محمد مختار الله ما كتب لينا عمر جديد ؟

و هو اللطيف الخبير

سلامة كبيرة يا معتصم والله
يا زول مش قالوا بصلحّوها كدي باري الكضّاب لغاية خشم الباب شوف ح يسوّا شنو؟
بس اتعوّض الله في زمنك

الجاتك فى مالك سامحتاك سلامة كبييييييييييييييرة

عايزة ليها توووووووووووووووووور سمين بعد الضحية يعنى عليك خروف وتور


تخريمة

انت محلك اسمو شنو انا زبونة دايمة عند ناس مدر وطوالى هناك
لكن الدهب الوصل 140 دا طرفى منوووووووووووو

بس نمر نسلم عليكم

مليون سلامة والله ربنا لطف كتييييير.

الف سلامة يا معتصم

وربكــ لطف
....

الحمد لله ربنا قدر ولطف والله سلامة كبيرة يا معتصم والمال بيتعوض

الحاجة الشايفها الفي الصورة دي لو رجعتها للشركة الصنعتها ما أظن تقدر تتعرف عليها.

شركات التأمين أكبر مستهبل في أرض المليون مستهبل...

شايف د.مامون حميدة في برنامج صحة وعافية بيشكي من انو شركات التأمين بتتهرب من علاج مصابين الحوادث بحجج إستهبالية

سلامات يامعتصم وعودا حميد

دى شركة تامين ولا تخصيص

براهو الاير باك ده رجيعو بكلف الشئ الفلانى

حمدلله على سلامة الروح

واضح من الصورة تلجن وابوها زااتو يلجن
ادني اسم الشركة بالتلفون

ألف سلامة يا معتصم وربنا فعلا كفاك شرها,,

يا معتصم عشان عربيةة عاملة حادث يحصل
ليها تلجين مطلوب واحد إتنين تلاتة عربيتك
دى أكيد حصلوا ليها كلهم وأولهم الشاسيه
ومن ضمنهم القائم,,

التأمين فى السودان عبارة عن إستهبال
فى معظم الأحوال وشركات التأمين تعرفك
عندما تأتى لتِؤمن عندها وعند الشدائد
بعملوا رايحين ويدوك البيش على أصوله,,

العربية تتلجن والتأمين يدفع,,

الف سلامة يا رجل,,

لا حول الله يا معتصم ..

ياخي ده حادث كبير .. الف حمدا لله على سلامتك والوالد ...

وشركة التامين ده شركة بتاعة لف ودوران زز ده ما اظن شركة التايوتا

ذاته تصلحها ... هددهم بأنك ستخرب سمعتهم بتصعيد الأمر في الصحف

وما في زول حيامن عندهم تاني ...


عالم تخاف ما تختشي

الف سلامة وكفارة يا معتصم
والحادث فعلا كان كبير والحمد الله جات سليمة وربنا لطف
وتحياتي الحارة
والجاتك في مالك سامحتك ياخي

الأخ معتصم .. تحياتي ..وألف حمدا لله علي سلامتك .. ربنا يعوضك كل خير ..
شركات التأمين تحاول في كثير من الأحيان ..اصلاح السيارة وغالبا بغية تقليل الخسائر المادية لديها .. ولكن ..قد ينتج عن ذلك تضخم في المصروفات ..اي يأتي بغير ما تشتهيه الشركة .. عشان كده ..أحسن للشركة لو كان عندها (معاين) صاحب خبرة .. يفتى بالتعويض عن الحادث بدلا من اصلاح السيارة ..
مودتي لك بلا حدود..

الاخ : معتصم


الف حمــــدلله على سلامتك


وربنا لطف عليك شكل العربية يوحي

بكبــــر الحادث

والجاتك في مالك سامحت

وماتخلي حقك وحتى فترة الشهرين
وايجار العربات المفروض تضمنهم

ضمن التكلفة وذي ما قال ليك اخونا
الفوق قول ليهم
صلحوا لي عربتي عـــديل كده

وما بستلمها بعد التصليح الا
بواسطة مهندس

والله العربية دي لورجعوها اليبان ما تتصلح

ناس التامين ديل مستهبيل ولا شنو
شوف ليك محامي شاااااااطر
واتصل علي مهندس شركة التامين اعرفه من التقرير
الكتبه شنو
مره اخرى الف سلامة ليك

الف سلامه يارجل فعلا قدر ولطيف حادث كبير

احقيقة راى فنى العربية من الخلف بحالة ممتازة يمكن ان تسوقا حركة وراء لكن من قدام ما شغالة او اقسم العربية نص شيل الفاسد
خلى الباقى :

------
يعنى شركة التامين عايز تصلح العربية دى كيف ؟؟

الف سلامة يا معتصم

وربنا يكفيك شر العوارض..

ألف حمد لله على سلامتك يا معتصم ..

واضح من الصور إنه الحادث كان كبير وخطير ..

حمد لله على سلامتك وسلامة الوالد يا أخوي ..

شركة التأمين بتستهبل .. وما عايزة توفي بإلتزاماتها القانونية ..

عشان كده الموضوع عايز محامي لايووووق ... وحقك ما تخليو تبْ ..

خلي بالك من نفسك يا معتصم ..

السواقة في الخرطوم إنتحار عديل كده .. فوضى مبالغ فيها ..

وعدم تقيد بقواعد المرور .. والعالم كلها زهجانة .. ومستعجلة ...

وزي ما قالوا ليك الجماعة الفوق .. الجاتك في مالك سامحتك ..

تسلم من كل شر يا حبيب ..

معتصم حمدالله على السلامة اولا وثانيا زي دي نحن فى الشركة عندنا على الاسكراب طوالى ونعوض صاحب السياراة بالقيمة كاملا ولوزرتنا فى دبى نوريك نمازج من السيارات المكنسلة عندنا فى الحوش

معتصم !! الف سلامة والببقى على العربية
كلو هين ..

يعنى انت لو كنت جبت صورة العربية قبل الحادث
لكفيتنا شر القتال .. ولعرف الجميع هنا انو ناس التامين
ليهم حق لافرق بين شكل العربة قبل الحادث وبعد ..
ما عارفه انتو بتسوقوا الصفيح دا كيف ؟ يااااى .

ويا الشايقى هنا وثيقة التامين دى وااااحدة تبصم بس
ذى عقود الاذعان ..
غالبا بحيلوك لشركة العربية وهى البتقييم
لكن لما تسوق عربية ما عندها شركة ذاتو الله غالب !







ــــــــــــــ
معتصم حقو تدخل فى اتفاق
الذهب مقابل سيارة جديدة لنج
سيببك من التلتيق دا وتعال اوديك ناس شركتى
وخش فى حادث ذى دا اخو ود امو وابو
لو اتطفقت ساى جيب الصور هنا

الأخ/ معتصم

تحياتي

حمدا لله على سلامتكم والوالد.

فعلا الحادث كبير.

وإنت كنت سايق سرعة كم؟ والعربية دي كأنها فكت فرامل، وضربت بذات السرعة!

أعوذ بالله. السودان دا هسي فيه شوارع الواحد يمشي فيها بسرعة عالية؟؟؟ والناس

والبهايم، البتتحاوم دي؟؟؟ ربك ستر. والجاتك في مالك سامحتك.

موضوع تعويض التأمين يعتمد على وثيقة التأمين، صلاحيتها، تغطيتها، عمر العربية،

عمر الوثيقة، الإهلاك المتوقع، القيمة الدفترية قبل الحادث..... الخ... فالمسالة

هي تجارية بحتة، طبعا هنالك عوامل أخري تؤثر مثلا، موجوداتكم الأخري الخاضعة للتأمين

وبالتالي رغبة شركة التأمين في إستمرارية التعامل معكم... لذا فالتعويض أو الإتلاف لا

يعتمد على شكل أو تكلفة الحادث فحسب، إنما كمية من الخيارات لإتخاذ القرار.... ثم علاقة

الأطراف الأخرى (إن وجدت)، بما فيها الحق العام.... الموضوع بإختصار لو شركة التأمين هذه

تريد أن تكسبك مستقبلا، فبإمكانها تبسيط الإجراءات وإرضاءك كعميل متعاون، وأما إن إختارت

المكسب الوقتي وقررت أن تخسرك، فستدخل في دوامة ما انزل الله بها من سلطان، ولن يحلك إلا

محامي شاطر ( خبيث ) يعني من النوع البهرش والبدفع والبهدد والبعمل الموبقات السبعين

عشان يكسب..... الله يعينك على شركة التأمين وعلى هيك محامي.

مليون حمدالله على السلامة
الجاتك في مالك سامحتك

ربنا يحفظك لولدياتك يارب

الاخ معتصــم
تحياتى

الف حمد لله على السلامة!!
والله حالة عربيتك دى ذكرتنى قصة خفيفة الظل حدثت فى بحرى.

لورى ضرب ليه واحد فرتك راسو تماما. المهم المنظر بشع جدا
والناس متلمين فى مكان الحادث. شرطى المرور جاء بى موتر
كبير ولما وصل ادى ليك صوت ورررر.....وررررررر وراح موقف الموتر
وقعد جنب الراجل المتوفى ورفع يده كانه يتحسس النبض. اتخيل
والراس مدشدش. واحد من الواقفين قال ليهو: اها يا العسكرى قول
فيه نبض بتجيب ليهو راس من وين.

عربيتك دى قول ليهم صـلحوها نشوف بجيبوا ليها راس من وين!!!

تحياتى

سلام عليكم والف حمدالله علي السلامه والحمدلله انها جات في السياره ودي سلامه
كبيره تستوجب الشكر والحمد لله اللطيف الخبير

عشان كده لما انا بعمل تامين في شركات تامين عندك فيها معارف واصدقاء
حتي امورك تسهل تاكد انك لو كنت بتعرف المهندس كان طاعها ليك total loss
ومع ذلك بقول ليك انو الضرر الذي اصاب بودي العربيه علاجه ساهل جدا رفرفين
ومسطره وزينه وفوانيس اماميه وجنب وربما الطبلون واحتمال كمبرسور المكيف ولديتر
للمكيف وللماكينه ليس من السهل تضرر الماكينه احتمالات شيالات الماكينه
في حدود 10 الي 12 مليون تنفضها ليك نفضه تمام حاول انك تصل معاهم للمبلغ دا

والله يعينك

الاخ معتصم الحمد لله علي سلامتك ودي أهم حاجه
بعدين السيارة دي بلغة أخواننا السعوديين مشلحه رسمي وتباع قطع
ولو زرت التشليح في الرياض سوف تجد أحسن منها بكتير وقد خرجت من الخدمة
عموما أنا فكرتي عن قوانين السودان تعبابه جدا
لكن السؤال هل تأمينك شامل
بعدين اذا أصرت شركة التأمين مفروض هم يقومو بالتصليح ويسلموك سيارتك بحالة ( كما كانت )
وفي هذه الاثناء يؤجرون لك سيارة بديله
وكما قال الاخوان حاول تستعين بمحامي

Quote: يا حليل زمن النقل الميكانيكي في السودان.

هذا الكلام من الاخ دينق لا علاقة له بالموضوع
لكن المعارضه خشم بيوت

كفارة وسلامتك وألف عزيز كرامتك ،، ولو ما أخاف عازلي الرزيل أصلك هناك ولي عياك أزيل ،،، الأخ معتصم حمد لله على السلامه والجاتك في مالك سامحتك وربنا يجعلها أجر وعافية ،، وفعلاً السيارة محطمة تماماً بس ربنا يعوضك ،،،


تقبل تحياتي : ياسر العيلفون

** ابو نون..
** صباحك خير..
## حمداً لله على سلامتك وسلامة الوالد..
## العربيه على حسب الصوره التى أوردتها ,, لو دخلت المصنع الصنعا يمكن أن ترجع ولكن بتكلفة تصنيع عربه جديده..
** حلك ياخوى:-
## يعتمد الامر على تقرير الشرطه والذى بموجبه يُحدد بأن السياره غير صالحه للسير ويوضح فيهو بضرورة شطبها ... إذا كان الامر كذلك فيجب عليك :-
## تجيب ليك تلاته تقارير من قراشات كبيره لتقييم وضع العربيه والشئ المتأكد منو حيكنسلو العربيه بنلءاً على تقرير الشرطه ومعاينتهم الفعليه لها ,, ومن ثم توجه إنذار قانونى عن طريق مُعلن من محكمة الخرطوم الجزئيه وليس عن طريق مكتب مُحاماه وتديهم مُهله اسبوعين لسداد قيمة العربيه على قيمة التأمين فى وثيقة التأمين (وسوف تُخصم شركة التأمين 20% من قيمة التأمين "إستهلاك") ..

## فى حالة عدم الإستجابه تقييم دعوى مدنيه للمُطالبه بقيمة التأمين وتستخدم تقرير الشرطه + التقارير التى أرفقت صور منها مع الإنذار + الإنذار كمستندات فى دعواك بالإضافه الى الصور ,, مع المُطالبه بتعويض عن الضرر بحرمانك من إستعمال سيارتك نتيجةً للمُمطاله وإستئجارك لسياره طوال هذه الفتره ..
(ودام الود بيننا)
(ابو محمد فؤاد)


** كسره:- آسف لعدم مُقابلتك عند حضورك الاسبوع الماضى لدبى لوجودى خارجها..

اخي معتصم

الف حمد الله علي السلامه

بره السودان اقل من هذه بكثير بتعتبر total loss


احمد ربك يا زول الجات في الحديد

ياخ سلامتك وسلامة الوالد ..

على اسواء الفروض لو ماصلحوها ليك وما ادوك عربية بديل زاتو ..

ياخ انت كسبان والله ..

سلامة عافيتك يا حبيب .. والمال بيمشى ويجى ..

وربنا يعوضك فى مالك ..

المهم العافية يا نيستا ..

حمدا لله على السلامة

قدر ولطف

لكم جميعا خالص تقديري اخوتي واخواتي على مشاعركم الطيبة .. ولم تنقطع الاتصالات عن هواتفي منذ الامس من داخل وخارج السودان .. بعضها للسلام والاطمئنان وبعضها للنصح وتقديم المساعدة .

وبحمد الله فقد استطاعت ( حكومة سودانيز اونلاين ) حل المشكلة تماما بفضل احد الزملاء هنا واصبحت الخيارات في يدي .

اود ان انصح جميع الاخوة والاخوات بالاهتمام بربط حزام الامان الذي بدونه لا تفتح الوسائد الهوائية التي انقذتني من موت محقق .


نسيت ان اذكر في بداية البوست انني لم اكن مخطئا في الحادث وانما الطرف الاخر الذي دخل الشارع خطأ وهو امر مثبت في تقرير الشرطة وبذلك تستطيع شركة التامين استرداد كل ما تدفعه لي من شركة الطرف الاخر الذي وصفته الشرطة في تقريرها بالمتهم .

واذكر اخوتي واخواتي بانه لا شطارة في القيادة وانما هي اقدار مسطرة لانني اقود السيارات منذ اكثر من20 عاما وتجولت في جميع طرقات السودان ولكن في ذلك الحادث لم تنفعني خبرتي ولامهارتي لان ما حدث لا يمكن ان يتوقعه احد وكلنا نمشي على كف القدر.

لكم تقديري جميعا ..

لا حول ولا قوة الا بالله

اقسم بالله العظيم ما سمعنا بالحادث دا يا حبيب
اتكتب ليك عمر جديد مافي شك ، العربية ملجنة نهائي

Quote: واذكر اخوتي واخواتي بانه لا شطارة في القيادة وانما هي اقدار مسطرة لانني اقود السيارات منذ اكثر من20 عاما وتجولت في جميع طرقات السودان ولكن في ذلك الحادث لم تنفعني خبرتي ولامهارتي لان ما حدث لا يمكن ان يتوقعه احد وكلنا نمشي على كف القدر.

حمدلله على السلامة يا عمكـ

Quote: وبحمد الله فقد استطاعت ( حكومة سودانيز اونلاين ) حل المشكلة تماما بفضل احد الزملاء هنا واصبحت الخيارات في يدي

حكومة مركزية ولا انتقالية ولا كيف يانيستا؟
اوعا يكون كيزان بس؟

والله العظيم حكومة يا طبنجة ..

عن تجارب ..


أعجز عن شكرك

معتصم شكله حلي الكتبتو ليك فوق ده ما نفع معاك ..

لكن بكرر ليك .. اجدع الحديده دي وشوف غيرها .. الله يكفيك شرها ..

عزيزى معتصم
اولا حمد لله على سلامتك وسلامة الوالد وربنا يجعل لكم فى كل خطوة سلامة
والجاتك فى مالك سامحتك

Quote: وبحمد الله فقد استطاعت ( حكومة سودانيز اونلاين ) حل المشكلة تماما بفضل احد الزملاء هنا واصبحت الخيارات في يدي .

وتانيا الحمد لله ان الموضوع اتعالج تماما كما ذكرت ولكن اسمح لى ابداء راى للفائدة العامة من واقع تجربتى بالعمل كمسئول
اصلاح حوادث شركات التامين بشركة عبد اللطيف جميل (وكيل تويوتا ولكزس بالسعودية) وذلك من عام 1999 الى عام 2002
1- اولا شركات التامين هى التى تقرر جدوى اصلاح السيارة من عدمه وليس امكانية اصلاحها حيث ان هذا من اختصاص الجهات الفنية
2- توجد شروط داخل بوليصة التامين يتم من خلالها تحديد النسبة المئوية من القيمة السوقية للسيارة لتصبح ما يدفعه صاحب
السيارة كقيمة التأمين Insurance premium
ومن هذه الشروط مثلا اين يتم اصلاح السيارة فى حالة ان تعرضت لحادث وياتى الاصلاح بالوكالة اولا وله سعر عالى ثم يليه الورش
المحلية الفئة الممتازة ثم الاقل منها وكل له سعره كما ان موديل السيارة له دور فى تحديد مكان الاصلاح
(من الصور يتضح انه سيارتك موديلها قبل 2005 على ما اظن)
3- لدى شركتنا كان الاهلاك للسيارة يقرر ان تجاوز الاصلاح 60% من القيمة السوقية للسيارة
4- تقدير الخسائر لدينا كان يتم وفق الخطوات القياسية للاصلاح باستخدام احدث اجهزة القياس وخبرات كوادر تدربت تدريب عالى
وغالبا يتم اعتماد تغيير القطع المتضررة وليس اصلاحها باستخدام قطع غيار اصلية ليست مقلدة او سبق استخدامها (التشليح) وبناء
على هذا التقييم الدقيق الذى يهتم باجراءات السلامة فى المقام الاول يتم تحديد قيمة الاصلاح ومقارنتها بالقيمة السوقية للسيارة

من واقع الصور لسيارتك يا معتصم ارى انها قابلة للاصلاح والعودة مرة اخرى لحالتها الطبيعية بنسبة 85 - 90 % حيث ان المقدمة
فقط المتضررة وباقى البودى سليم وخصوصا السقف وكابينة الركاب وايضا الهيكل لم يتضرر كثيرا secondary Impactولكن السؤال هل
ستكون قيمة الاصلاح مجدية للشركة او الافضل تعويض صاحبها المبلغ المؤمن عليه؟ وما هو اتفاقكم معهم بخصوص فئة الاصلاح لانه من الممكن
لهم ان ياخذوها لورشة محلية ليس لديها اجهزة قياس للهيكل ويستخدموا قطع سكند هاند وبوهية اى كلام اذا لم يكن هناك اتفاق بينك وبينهم
فى تحديد مكان الاصلاح

Quote: اود ان انصح جميع الاخوة والاخوات بالاهتمام بربط حزام الامان الذي بدونه لا تفتح الوسائد الهوائية التي انقذتني من موت محقق .

خيرا فعلت بالتزامك ربط الحزام حيث يعتبر الحزام صمام الامان الرئيسى فى السيارة والوسائد الهوائية تاتى فى المقام الثانى SRS (Supplemental Restraint System) airbags اى شى ثانوى او ملحق ولكن فتح الوسائد لا يتطلب ان يكون الحزام مربوطا (هذا لدينا فى تويوتا
ولكزس ولا اعرف عن باقى السيارات الاخرى)

ومرة اخرى حمد لله على سلامتك وسلامة جميع الاخوة الاعضاء

الاخ / معتصم الف حمدالله على السلامة
والجاتك فى مالك سمحتك

ونعتزر على عدم شوفتك فى دبى وذلك لظروف الشغل والقادم اجمل ان شاءالله

مودتى ..

حمدالله على السلامة يا معتصم و الجاتك في مالك سامحتك
..
هسي دي يصلحوا ليها شنو؟!!

الحمد لله على السلامة أخي معتصم ..

حادث كبير .. ولطف من الله أكبر ..


عاوزين يصلحوها كيف يعني؟؟ بمطارق الحلبة ..

يحتاجوا يغيروا فيها كل شيء ..


الحمد لله على السلامة يا رجل يا طيب ..

الف حمدا لله علي سلامتك والوالد يا معتصم

معتصم


الف حمدا علي السلامه


خرمجه


تعالي لي اسياد البلد

براكم مكجوجين السنيين العشره الاخيره دي

قال عوارض قال

ده من عامود مزمل اوز يطلع الاسباب من اسي ويفتش الاعزار

لكن دلاقينكم ادينها سكر ساييييييييييي

Quote: تعالي لي اسياد البلد براكم مكجوجين السنيين العشره الاخيره دي قال عوارض قال

سلام يا معتز ...

ما تستعجلوا على رزقكم

.... سلام

دي سلامة كبيرة, العربية إتبهدلت بهدلة شديد
و الحمد لله إنتو طلعتو سالميين,

ناس التأمين ديل ما تخليهم, أجري وراهم يومي و اصلو ما تزهج.
ابقي ليهم في حلقهم زي ما بيقولوا.