Post: #1
Title: الى حضن امي ...مرحبا بكل الاصدقاء ...بالوطن ...السودان ...
Author: نعمات حمود
Date: 11-10-2010, 11:14 AM
بعد غيبة طويلة ...وصولات
وجولات في بلاد الملح كما يقول الراحل عبد الرحمن منيف
اعود ..الى امي الغالية ...في اجازة
ربما
وربما
وربما
ثلاثة مشاريع ....مفتوحة
واتمنى ان التقي بالكثيرين من الاخوة على الهواء مباشرة
اخوتي بورداب الامارات
الاصدقاء والاحبة والاخوان ....
الذين اصدقوني ..واصدقتهم الاخوة والنبل
افوتكم بالف عافية وبين جنباتي خالص المحبة وجزيل شكري لما قد متموه لي دائما من مساعدات
وكنت نعمات حمود بكم لا بنفسي ...
ربما لا نلتقي وربما ...
ولكن مني المحبة
وارجو ان اكون عند حسن ظنكم بي ..والعفو والعافية
لكم مني
المحبة
والتجلة
وكثيف الاعزاز ...
ودمتم كما اتمناه لكم دائما
ملحوظة :
لدي اجازة (45 )يوما
وفي خاطري العديد من المشاريع بالسودان فان وفقت فذلك فضل من الله والا ....
نلتقي
|
Post: #2
Title: Re: الى حضن امي ...مرحبا بكل الاصدقاء ...بالوطن ...السودان ...
Author: عماد الشبلي
Date: 11-10-2010, 11:17 AM
Parent: #1
حمد الله علي سلامة الوصول
وسلام للولده
|
Post: #3
Title: Re: الى حضن امي ...مرحبا بكل الاصدقاء ...بالوطن ...السودان ...
Author: عفاف الصادق بابكر
Date: 11-10-2010, 11:20 AM
Parent: #1
يا ابت امي .. امشى اتكى فى حضن امك .. واحسن من كده مافى ..
ربنا يوصلك بالسلامة والـ 45 يوم تكون مليييانه بالافراح ..
تتلمي مع اهلك وصحباتك وحبيباتك وتشربى قهوة الضهرية وشاي المغربية ..
وتجينا راجعه ملييييانه حنان وفرح (( على شرط تجينا جوز ما فرده )) ..
ربنا يوصلك بالسلامة يا حبيبة .. والعفو والعافية ..
والى حين مكالمة بيننا ..
|
Post: #4
Title: Re: الى حضن امي ...مرحبا بكل الاصدقاء ...بالوطن ...السودان ...
Author: Mohammed Ibrahim Othman
Date: 11-10-2010, 11:44 AM
Parent: #3
الأخت الاستاذة نعمات حمود ..
كلام مؤلم ان تفقد أخت تسعى في العمل العام بنشاط مثلك ..
لكن ..
اعرف شعور انسان راجع لحضن بلده وأهله وفوق ذلك امه..
اتمنى..
ان تتوفقي في السودان بين الأهل وان تتوقف الغربة عندك لحدي هنا ..
وكذلك ان يتحقق لنا جميعاامنية الرجوع قريبا ..
الله من الذكريات في بلادنا بين اهلنا واحبابنا ،واه من الغربة والخوف من المستقبل وكل يوم نفقد عزيز كنا نأمل نعيش معاه..
وفقك الله أختي اينما حللتي ولتضعي خبراتك لبلدي ..
وهكذا الدنيا تجمع لتفرق وتفرق لتجمع ..
نسأل الله ان يجعل مصيرنا جميعا الجنة ..
ونشكرك أختي لتعاونك الكبير معنا في كل السنين المضت ..
|
Post: #5
Title: Re: الى حضن امي ...مرحبا بكل الاصدقاء ...بالوطن ...السودان ...
Author: عبد الله كسلا
Date: 11-10-2010, 12:28 PM
Parent: #4
الأخت نعمات حمود ...
بتمنى ليك إجازة سعيدة بين الأهل والأحباب في الوطن الحبيب ..
السودان جميل بناسو .. وخاصة إنك ماشة لحضن أمك بعد غيبة طويلة ..
وزي ما قالت ليك عفاف .. تعالي لينا راجعة .. لكن ما براكي ..
عليك بنسمة الصباح البدري في السودان يا نعمات .. إحرصي عليها ..
وقومي ليها من النوم .. قبل الشمس تطلع ... أملي رئتيك بالنسمة دي يا نعمات ..
وعبي لينا منها لو في طريقة ...
دي واحدة من الحاجات الما لقيتها في أي مكان .. غير السودان ..
وحتى لو موجودة .. ما زي الفي السودان ...
إستمتعي قدر ما تقدري .. وعيشي الحياة الحقيقية ...
|
Post: #6
Title: Re: الى حضن امي ...مرحبا بكل الاصدقاء ...بالوطن ...السودان ...
Author: نعمات حمود
Date: 12-20-2010, 01:14 PM
Parent: #1
000
|
Post: #7
Title: Re: الى حضن امي ...مرحبا بكل الاصدقاء ...بالوطن ...السودان ...
Author: نعمات حمود
Date: 12-20-2010, 01:39 PM
Parent: #6
الاخوا عفاف ..وحمودة وكسلا ...والمارين
كل الامنيات لكم بايام جميلة في العيد وبعدو ...مازلت مستمتعة جدا بالعديد وساحكي بعد عودتي ريبا عن التفاصيل
ايا هلكتني ولكن الحمدلله الان بخير
مشتاقين والواحد فاقدكم كتير ....
يا حمودة انا دوما بين قندهار وعوضية سمك واخريات .....بتذذكرك بالشية
تحياتي لعلي كبوش واميرة عقارب ....
محبتي
|
Post: #8
Title: Re: الى حضن امي ...مرحبا بكل الاصدقاء ...بالوطن ...السودان ...
Author: ياسر بيناوي
Date: 12-20-2010, 02:35 PM
Parent: #7
يا ناس الامارات هوي
نعمات يانا المسكناها معانا هنا
عدو غيرا
خالص الود
|
|