بلبل طابت سهرة جديرة بالمشاهدة

Post: #1
Title: بلبل طابت سهرة جديرة بالمشاهدة
Author: عمر الفاروق
Date: 11-10-2010, 07:35 AM
Parent: #0

بما إنو انا براااي قررت ليي بت أم روحي دي إنو حسي الفني عااالي عليه أتوقع أن تكون السهرة المقدمة في قناة النيل الأزرق عن الفنان الراحل أحمد الطيب واحدة من أجمل السهرات الغنائية التوثيقية في الفترة الأخيرة ..
الجمال الغنائي يكمن في سماع أغاني جديدة على الأذان السودانية بعد ما أهلكتنا كل القنوات السودانية بالدوران حول فيك مجموعة أغاني لي مجموعة محددة من الفنانين حتى بدا لنا أن حصيلة مكتبة الغناء السودانية فقيرة ..
الجمال الغنائي برضو حا يجي لأنو أولاد احمد الطيب ديل صوتهم جميل جداً وتطريبهم عالي ..
الروعة والجمال الغنائي سببه التالت البروفات الواضحة من خلال الفرقة الموسيقية والكوورس والإجتهاد في إخراج شغل جميل جداً بدون كلفتة ..
قمة الروعة والإحساس العالي جاني وانا بشاهد واحد من ( الكورس) في المقطع البيقول دوور وشوور ( عمل اللفة ) ..وقلت عمل اللفة لأنو بتاع الكورس ده عمل ليهو لفة مع الايقاع حاجة جميييلة جدا جدا وبتوري إنو الزول ده إحساسه عاالي جداً وكمان المصور بتاع قناة النيل الأزرق اللي عمل كابشر لي اللقطة ..
سهرة اتوقع إنها تكون جميلة وياريت ما تفوتني بي سبب واحد من الشربوتات المنومة وادعوكم لي مشاهدتها معاي ..

تخريمة :
غايتو لو في طريقة يشيلو حتة كان بيقول لي ما تقول لي يا ابوي قول لي يا صديقي دي يكونوا اتوفقو شديد ..

Post: #2
Title: Re: بلبل طابت سهرة جديرة بالمشاهدة
Author: أسامة عبد الجليل
Date: 11-10-2010, 08:47 AM
Parent: #1

Quote: غايتو لو في طريقة يشيلو حتة كان بيقول لي ما تقول لي يا ابوي قول لي يا صديقي دي يكونوا اتوفقو شديد ..

أثني..
شكرا يا عمر.

Post: #3
Title: Re: بلبل طابت سهرة جديرة بالمشاهدة
Author: اساسي
Date: 11-10-2010, 08:51 AM
Parent: #2

يعني الحضرتها ديك كانت دعاية السهرة ما السهرة زاتها!!
حالتي جيت زول غلات

Post: #4
Title: Re: بلبل طابت سهرة جديرة بالمشاهدة
Author: Showgi Omer
Date: 11-10-2010, 11:53 AM
Parent: #3

يا عمر ممكن جوة العيزومة العازمنا ليها دي أعزمك على غنية حنيني العشتو في طابت؟ سمحة زي غنية ست الريد بقت بياعة و التصحيف مقصود. انت مسعول من الخير، التصحيف دا ياهو زي دا؟

تحياتي و عيدك مبارك

Post: #5
Title: Re: بلبل طابت سهرة جديرة بالمشاهدة
Author: عمر الفاروق
Date: 11-10-2010, 03:55 PM
Parent: #4

أسامة يا عبدو :
شكراً للتثنية وثلاث ورباع ..:)

Post: #6
Title: Re: بلبل طابت سهرة جديرة بالمشاهدة
Author: عمر الفاروق
Date: 11-10-2010, 03:58 PM
Parent: #5

أساسي يا حبوب:
Quote: يعني الحضرتها ديك كانت دعاية السهرة ما السهرة زاتها!!

والله انا زييك في الأول قلت ده البرنامج لي درجة مشيت ظبطت كباية الشاي وقلت أجي أتمها بمزاج ..
والعجب سهرة أولاد الحاج يوسف ديك ..غايتو سبب وااحد يحضرني ليها ماف لأنو شوفتها كلللها ..

Post: #7
Title: Re: بلبل طابت سهرة جديرة بالمشاهدة
Author: عمر الفاروق
Date: 11-10-2010, 04:00 PM
Parent: #6

شوقي يا ابو عمير:
Quote: حنيني العشتو في طابت؟

دي بت عم حبيبي العربي من طابت ؟
ويا حبيبي يللا الشمس غاابت ..
حبابك يا زول ..

Post: #8
Title: Re: بلبل طابت سهرة جديرة بالمشاهدة
Author: khaleel
Date: 11-10-2010, 04:20 PM
Parent: #7

http://www.sudanvoice.net/v2/nnnnnnnnn11.wav

جرب الاغنية دي يا عمر بصوت عمك احمد الطيب

تم الترويج لها في الحلقة

كل سنة وانت طيب

Post: #9
Title: Re: بلبل طابت سهرة جديرة بالمشاهدة
Author: أسامة عبد الجليل
Date: 11-10-2010, 05:00 PM
Parent: #8

Quote: دي بت عم حبيبي العربي من طابت ؟
ويا حبيبي يللا الشمس غاابت ..

الحقيقة يا عمر (العربي من طابت ) هي إبنة غير شرعية ل (حنيني العشتو في طابت)

كدي أسمعهم وأدينا رأيك.

http://alzol.net/song/samera%20donia/SmaeraDonia%20(4).mp3

تحياتي لضيوفك الكرام.