Post: #2 Title: Re: يا خلف الله ما عذبتنا Author: ود الخليفه Date: 11-09-2010, 03:25 PM Parent: #1
Post: #3 Title: Re: يا خلف الله ما عذبتنا Author: ود الخليفه Date: 11-10-2010, 06:37 AM Parent: #2
يا الأحييت سنن البرامكه وعاجبني طول ايده سامكه يا يابا قول النعيم درّاج المتابكة ******** النعيم يا فحل القبائل كريم لمام الهمايل شيتا براك ما أظنو خايل ايدو أم ِرويق والقِبلي شايل ******** النعيم يا قاصدين لبا خشمو انطبع لي مرحبا هو عزيمتو ما بردخا والبتسبل للضيف بضبحا ********* النعيم قادل وحدو ما تكترو وتتقعدو هو رب القدرة ساعدو ختو لو الصحة ما فنتدو ******** غنيت لدابي الرجيمة ما بحوى على البهيمة هولك الشكرات قديمة ما بشيل المال الفي القسيمة ******** أنا غنيت للولد الاسمو النعيم ود حمد وكت العيش ِبقى بالقبض ديوان النعيم ولا بنسد (انت الكبرى الركز البلد ) ******** غنت ليك أم رشوم هو مو لها وطق خُشوم وكت العيش بقى معدوم فوق ضهرو الولية تنوم ******* النعيم الشكر ليهو ُقلتو بسبل بتوب سترتو زي القمر في ُبهرتو باجور شخرت ماسورتو ******** يا الشرفت القضا ويا الحاكيت من مكوار بدا خدامتو القعدا هيِ بتدرِش قالت قضى ******* انا غنيت جبت وصفو مكتوب الشرف على كتفو ناطو ليه ما لحقو حرفُو ديل القبيل ماكلنو حرفو
Post: #4 Title: Re: يا خلف الله ما عذبتنا Author: معاوية المدير Date: 11-10-2010, 08:56 AM Parent: #3
رحم الله خلف الله حمد. الزول ده كان زولاً موووووو ساهل يا ود الخليفة.
إنت كيفنك؟ نعلّك طيّب؟...
Post: #5 Title: Re: يا خلف الله ما عذبتنا Author: ود الخليفه Date: 11-10-2010, 02:12 PM Parent: #4
الاخ معاويه
تحياتي وسلامي
الحمد لله تمام التمام مافي اي عوجه
الا رحم الله خلف الله
Post: #6 Title: Re: يا خلف الله ما عذبتنا Author: ود الخليفه Date: 11-10-2010, 02:29 PM Parent: #5
اهدت السيدة المنينة طاقية للجاغريو واخرى لعبدالقادر مضوي (وعبد القادر مضوي هو ابن عمة الجاغريو وذكره في كثير من اشعاره تارة باسم عبده ومرة اب عبده كما في اغنية بنت النيل يا اب عبدة وين احبابك) وكانا في طريقهما إلى حضور احدى المناسبات في بحري وكانا قادمان من امدرمان وفي طريقهما إلى مكان المناسبة سقطت طاقية الشاعر في النيل ولم يستطع ادراكها فتألم غاية الالم وحزن لذلك وسال عواطفه شعراً وقال :
ذكرى المطر شاعت يوم الأربعاء أريت أرواحنا ضاعت حليلة المسبوكة ذاعت ياطاقيتي أبكيك بدمعي المباعد ويبكوك أصدقاي روحتك ليها راعت تبكيك جتتي البالية وراك ضاعت في لجج البحار للروح راضيه باعت حليلة المسبوكة ذاعت يبكي معاي عبده هو العارف حقيقتك ومن خوف الحوادث ما اتفاول شقيقتك البيروتي يبهت ما بتبهت عقيقتك فرقك حار علي ّ بالسنين دقيقتك حليلة المسبوكة ذاعت لي فقدك ثكلت كالفقدت جنينه والأيام غزتني بالحربة السنينه نوح يالتهامي وثكلي يالكنينه ضاع تاج راسي قولوا فلتحيا المنينه حليله المسبوكة ذاعت تغريد الطيور زاد علي وجمتي وخانتني الأيام ظهرت بهجمتي إتأسف حزين لغيبه نجمتي وآه ياروحي بالأحزان إترجمتي حليله المسبوكه ذاعت الخلاني اندب حزنان واصطفيه وقت الشوق اشوف حبي خيالهُ فيها نورها يبق يدلك مهما اختفيها الآجال مقدره والأيام تفيها حليله المسبوكة ذاعت راسي الليك وافي يبكيك صوته حير صوت السواقي أول عَينَه إنت والغيرك بواقي وسبعه سنين يمين حرمت الطواقي حليله المسبوكة ذاعت لونك ما اصطناعي خيال منوها فيك هو الخلاني ناعي كيف منك قناعي خيطك من جواهر حكمك الصناعي حليلة المسبوكة ذاعت
