الناس العاوزه تضحي ومستكترها ال700 في الخروف....اليكم الحل!!

ببساطة كده الدين يسر .


الخروف اسعاره بين 450 الى 750 جنيه
ده الموجود في السوق حاليا

يعني باختصار كده اعلى من مرتب نص الناس الحايمة في البلد

الحل في البقر او التور

التور الواحد ممكن يشتركوا فيهو سبعة اشخاص

اسعار التيران من 750 لغاية 1500 جنيه

يعني الشيرينق للفرد من 150 جنيه لغاية 215 جنيه ده اذا كانو سبعة
ممكن يكونوا ستة او خمسة او اربعة

تور ب1000 لاربعة اشخاص بطلع ليك 250 جنيه

وهكذا





احاديث بخصوص موضوع الاشتراك في البقر

يجوز الاشتراك في الأضحية إذا كانت من الإبل أو البقر ، أما الشاة فلا يجوز الاشتراك فيها .

ويجوز أن يشترك سبعة أشخاص في واحدة من البقر أو الإبل .

وقد ثبت اشتراك الصحابة رضي الله عنه في الهدي ، السبعة في بعير أو بقرة في الحج والعمرة .

روى مسلم (1318) عَنْ جَابِرِ بْنِ عَبْدِ اللَّهِ رضي الله عنهما قَالَ : نَحَرْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ عَامَ الْحُدَيْبِيَةِ الْبَدَنَةَ عَنْ سَبْعَةٍ ، وَالْبَقَرَةَ عَنْ سَبْعَةٍ .

وفي رواية : عَنْ جَابِرِ بْنِ عَبْدِ اللَّهِ قَالَ : حَجَجْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فَنَحَرْنَا الْبَعِيرَ عَنْ سَبْعَةٍ ، وَالْبَقَرَةَ عَنْ سَبْعَةٍ .

وروى أبو داود (2808) عَنْ جَابِرِ بْنِ عَبْدِ اللَّهِ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ : ( الْبَقَرَةُ عَنْ سَبْعَةٍ ، وَالْجَزُورُ - أي : البعير - عَنْ سَبْعَةٍ ) . صححه الألباني في صحيح أبي داود

أخ معاذ
مشر على المادة العلمية النافعة
دا الكلام ولا بلاش
عايزين حلول لمشاكل الناس بواقعية وبساطة
ليه البوبار والدخول في ديون عشان تضحة اذا ما كان عندك تكاليف شراء خروف الضحية؟
هو تكليف للمستطاع ولا عشان ترضية الجيرا ن والاطفال ؟

Quote: ليه البوبار والدخول في ديون عشان تضحة اذا ما كان عندك تكاليف شراء خروف الضحية؟ هو تكليف للمستطاع ولا عشان ترضية الجيرا ن والاطفال ؟ ¿

كلامك سليم مية المية
مشكلتنا كلها في البوبار

وانا شايف الزول يدخل معاهو جيرانوا او اخوانوا في اشتراك الاضحية

يا دوك

مافي خرفان بالتقسيط؟؟

Quote: مافي خرفان بالتقسيط؟؟¿¿

الكلام مافي الاقساط

الكلام في الدفعة الاولى





اسمع اشوف ليك ناس تساهيل؟






عمك ود التكينة ده خف عليهو شوية
الزول ده جاب الخبر من جريدة رسمية ...المشكلة في الصحافة ياعمك

ضروري تزكرونا بهم الخروف ده

فكره برضو يا دوك

Quote: فكره برضو يا دوك

تسلمي يابتنا




جمعيتكم الخيرية عاملة شنو مع العيد

Quote: ضروري تزكرونا بهم الخروف ده]

وين حا تهرب منو وين...

Quote: الحل في البقر او التور

الاخ معاز (i canot write z the key is not working)
لك التحية


والجماعة حينتظروك بكرة الثور 2-3 مليون ده موسم ...!

Quote: الاخ معاز (i canot write z the key is not working) لك التحية

تسلمي
ماكان في داعي للتعب ده
في النهاية بتنطقوها كلكم بالزاي

Quote: والجماعة حينتظروك بكرة الثور 2-3 مليون ده موسم ...! ...!

والله دي ماعملت حسابها

ربنا يهون بس

*

*

*

بكرة يوم التيران