فليذهب الجنوب غير مأسوف عليه

انا استغرب من القومه والقعده من الدنيا كلها والانزعاج من انفصال جنوب السودان وارى ان كل ذلك لا مبرر له لاننا لم نجد من الجنوب الا ما تجده من نافخ الكير . وحتى لو افضى الاستفتاء الى الوحدة ستظل العكننة والشك والحقد تكبل جنبات الوطن وتعيقه من التقدم . لذلك فالافضل ان يؤسس ابناء الجنوب دولتهم كيفما يشاؤون وسيجدوا منا الدعاء الصادق لدولتهم بالنماء والازدهار وسنصون حقوق الجار مثل حامل المسك .

ولنضع الخطط من الان لتصبح دولة السودان في الشمال نموذجا للرخاء والتقدم والمساواة شمالا وشرقا وغربا

ان كان لا بد من انفصال الجنوب فليكون انفصالا مرغوبا من أكثرية أبناء الجنوب وبقناعاتهم هم ليسوا مدفوعين دفعا بالترهيب أو الترغيب , يكون الانفصال عبر استفتاء حر ونزيه , وقبل هذا وذاك يجب معالجة وحلحلة كل القضايا العالقة المتعلقة باجراء الاستفتاء بدأ من ترسيم الحدود مرورا بحل قضية أبيي وحتى أوضاع الجنوبيين بالشمال والشماليين بالجنوب .

وللأسف الشديد وقعت الحكومة على اجراء الاستفتاء في موعده بغض النظر عن اكمال هذه الترتيبات أم لم تكتمل مما قد يفجر الصراع مستقبلا بفتح هذه الملفات التي كان من المفترض أن الطرفين قد تجاوزاها , ووقتها لن نستغرب اندلاع الحرب , ونكون قد رجعنا للمربع الأول .

القضية برأيي ليست قضية انفصال الجنوب , ولكن القضية هي قضية تجدد الحرب نتيجة لعدم الاتفاق على حلول للقضايا المتعلقة بهذا الاستفتاء المؤدي للانفصال .

مع التحية والتقدير أخي قمر الأنبياء

الاخ البشير

شكرا على المرور والرد

نحن نتحدث عن الانفصال عبر بوابة الاستفتاء وليس الانفصال القهري لان القهر لن يولد الا القهر

تحياتي

الاخ قمر الانبياء
تحياتي
يا زول انا انفصالي زيك، ولكنني فقط اقول فليذهب الجنوب مأسوف عليه
نجي لكلامك

Quote: انا استغرب من القومه والقعده من الدنيا كلها

نعم، لانفصال الجنوب تبعات لو لم نقل كوارث داخلية واقليمية ودوليه
الناس نفسها ما قايم ساكت

Quote: والانزعاج من انفصال جنوب السودان

ما اسمه انفصال جنوب السودان، التسمية الصحيحة انفصال السودان

Quote: وارى ان كل ذلك لا مبرر له لاننا لم نجد من الجنوب الا ما تجده من نافخ الكير

دي فيها اهانة لانسان الجنوب ان نصفه بنافخ الكير، هذا من جانب
ومن جانب آخر الحقيقة بتقول الشمال هو من سير الجيوش الى الجنوب طوال
الخمسين سنة الفاتت، ولا اعتقد انهم كانوا يحملون معهم غير الاسلحة الفتاكة
فمن هو نافخ الكير يا ترى

Quote: . وحتى لو افضى الاستفتاء الى الوحدة ستظل العكننة والشك والحقد تكبل جنبات الوطن وتعيقه من التقدم

هذا يعتمد على من يحكم السودان، فاذا كان هو نفسه الاتجاه الاسلامي، فكلامك ممكن يكون صحيح

Quote: . لذلك فالافضل ان يؤسس ابناء الجنوب دولتهم كيفما يشاؤون وسيجدوا منا الدعاء الصادق لدولتهم بالنماء والازدهار

دا شعور طيب

Quote: وسنصون حقوق الجار مثل حامل المسك .

هنا انسان الشمال بقدرة قادر بقى حامل المسك

Quote: ولنضع الخطط

احنا منو؟؟؟

Quote: من الان لتصبح دولة السودان في الشمال نموذجا للرخاء والتقدم

يا زول الكيزان الجد جد قالوا لو استمر المؤتمر الوطني في حكم الشمال، فسنفضل
البقاء في دولة الجنوب الجديدة

Quote: شمالا وشرقا وغربا

ولكأنك بتفترض ان الشمال بعد الانفصال لن يكون له جنوبا جديد!! وسيحمل معه
نفس خميرة العكننه، كل الحزام الجنوبي متذمر من الشمال، جنوب كردفان، النيل الازرق
جنوب دارفور

بئس الكتابة وبئس التعبير


وخليك قاعد في اصدار خير الدعاء

الجنوب ما منتظر منك خير او شر دعاء

لنوع تعابيرك اهل الجنوب حملوا السلاح بشجاعة ورجولة مع حركة نساء في انتزاع الحقوق

Quote: الملف الشخصي ل قمر الانبياء عبد الحي اللقب: قمر الانبياء عبد الحي : . عدد البوستات: 39 تاريخ التسجيل: 29-04-2010 محل الاقامة: السعودية - جدة : عنوان مكتبتى بسودانيزاونلاين دوت كم : FaceBook Page: Skype Name: اكلات مفضلة: الاسم الحقيقى: قمر الأنبياء عبد الحي علي التلفون: 00966558508804 الجامعة/المعهد: الحالة الاجتماعية: Married العنوان الدائم: الفنان المفضل: زاد الشجون اللون السياسى: ابيض النوع: Male الهوايات المفضلة: القراءة الوظيفة: عبد فقير لله تاريخ الميلاد: 1968 درست المرحلة الابتدائية فى ......و سنة....: شندي درست المرحلة الثانوية فى ......و سنة....: حوش بانقا درست المرحلة المتوسطة فى ......و سنة....: قندتو شاعرك المفضل: صلاح احمد ابراهيم عدد الاطفال: معلومات اضافية: مكان العمل: السعودية جدة مكان الميلاد فى السودان: شندي

شندى وحوش بانقا!
يعنى حتكون وحدوى
الغريبة انه شاعرك المفضل صلاح احمد ابراهيم!
من نعمة الله على صلاح احمد ابراهم انه لم يعش ليرى بلده الذى تعذب وتشرد من اجله يتمزق امامه ويرى اهل الخيرة الطيبين يتفرجون عليه وبعضهم سعيد بتشظيه!
جنى

السيد Jini

انتو مش اهل الجنوب ديل هسي هم ما قادرين يصبروا او حتى يوافقوا على تاجيل الاستفتاء حتى لو يوم واحد تفتكر لشنو عشان خاطر عيونك وعيون الوحدويين .

وبعدين الناس ماله دمها محروق ما اهل الجنوب ديل هم العاوزين الانفصال ونحن قلنا قشة ما تعتر ليهم

Quote: ومن جانب آخر الحقيقة بتقول الشمال هو من سير الجيوش الى الجنوب طوال الخمسين سنة الفاتت، ولا اعتقد انهم كانوا يحملون معهم غير الاسلحة الفتاكة فمن هو نافخ الكير يا ترى

الأخ احمد بن عوف

تحياتي

لم يتحرك جيش الحكومة الا لقمع حركات التمرد , والصحيح أن الجنوبيون هم وعلى مدى التاريخ الطويل

هم من يبدأون اطلاق النار , وهم من يعملون قتلا في ابناء الشمال , والشواهد كثيرة , وآخرها

الاثنين الأسود بالخرطوم والذي أعقب وفاة جون قرنغ .

وحركات التمرد هي من أعاقت أي خطوات للتنمية بالجنوب , وعلى الرغم من ذلك بعض مدن الجنوب أفضل

بكثير من رصيفاتها ببعض ولايات الشمال كالولاية الشمالية مثلا .

Quote: فليذهب الجنوب غير مأسوف عليه انا استغرب من القومه والقعده من الدنيا كلها والانزعاج من انفصال جنوب السودان وارى ان كل ذلك لا مبرر له لاننا لم نجد من الجنوب الا ما تجده من نافخ الكير . وحتى لو افضى الاستفتاء الى الوحدة ستظل العكننة والشك والحقد تكبل جنبات الوطن وتعيقه من التقدم . لذلك فالافضل ان يؤسس ابناء الجنوب دولتهم كيفما يشاؤون وسيجدوا منا الدعاء الصادق لدولتهم بالنماء والازدهار وسنصون حقوق الجار مثل حامل المسك . ولنضع الخطط من الان لتصبح دولة السودان في الشمال نموذجا للرخاء والتقدم والمساواة شمالا وشرقا وغربا

للأسف يا صديقي هذه كتابة أحزنتني جداً والله، ويا ليتك تعرف الجنوبيين كمواطنين مساويين لنا في الحقوق والواجبات، وتعرف أن الجنوب هو في الحقيقة يكاد يكون أجمل جزء في وطننا الحبيب.

حقو تعمل ليك زيارة سريعة كده لجوبا قبل الإنفصال وتتأنسن وتستأنس مع أخوانا الجنوبيين،
وتلحق تعدل بوستيك ده قبل ما يمشي الخور.

Quote: محاكمة الشاعر للسلطان الجائر فيهم قوة فيهم نخوة فيهم راس وفى مجلس رفاقا عزاز بساط وظراف مازى زولكم الزهجى الظلوم الظق خادم الباشا دقاق المساكين دق تيلات جدو فى التركية فيه مرق لا بحس بالكرامة ولا بهمو الحق يشتم فى البشر أموات على أحياء ويشتم كل مغضوب منو فى الوزراء وحتى الماتو أذكروا كيف اليهم أساء وعاد يبكيهم التمساح وأى وفاء غلطانين وصدقنا الوعود الخانا لامن شفنا ازداد بى ورانا تخانا عندو أمور تحت أسأل بهاء وس خ انا مافى معاها مادامت أمل فى رخانا ثروات بحرنا الأحمر تنازل فيها زى مويتنا ما عبود تبرمك بيها عجبن لى حراميها وصبح حاميها يقهرنا ويقول للغير أهجموا عليها أسرع يا سليم (سليم مستشاره الاقتصادى واحد لبنانى محتال ابن ك ل ب) أسرع يا سليم ساعد أخوك عدنان وهات الشيك وهيك ملعون أبو السودان خبراتنا العزيزة الطاشة فى البلدان طفشا بى عمايل ما بتسر انسان يابايع الوطن للغير أريت لو بعتو بالتمن النقول يمكن يطابق نحتو كل صاحب جنيهين أجنبى وطمعتو بالهوبلى خم وقال أريتكم جعتو ماكان العشم قط يا الأبوك مسكين تتكى الشعب تدنا عليه بالسكين باكر تفنى لكن تبقى فينا سنين آثار فعلتك شوف البسامحك مين برطعت وعتيت شعب البلاد شحات بددت الأمل والمال نصيبنا فتات وليك انت النياشين ترقش الدهبات سبحتو من حبال المشنقة المرفوعة جلابيتو من كفن الشهيد مقطوعة صحة عضلو من مرض الأهالى وجوعا الفاتورة من لبن الرضيع مدفوعا الرحمة بتكورك فى بلاد الغربة والرحمة بتكورك والعمايل كعبة فاكر رحمة الله يا أب مشانق لعبة ولا الرب رهو منك بتدخلو رهبة سبحان مكرو اسمو المنتقم لعبادو واسمو شديد عقاب ويل للذين تمادو يمهل حبلو داك سلبة وطويلن مادو ما بهمل وقط ظلم النفوس ما واردو يا سفاح عشان تهنأ وتعيش فرعون يا داسى الجثث يا الفى الفجر ملعون يا سارق الفقير مانع على الماعون يا عارض عرض فوق البلد طاعون قولة أضربوهم (قالها للجامعة هنا لو تتذكروا) قولة أضربوهم كيف يرجعا فوك وين تلقى العدالة ودا العهدنا سلوك أحكام ظل بلا بينة وحكم متروك لا للمادة لكن لى مزاج صعلوك متهمك يشر دمو وأمام القاضى يضربو فيه بكفيهم وفخامتك راضى كيف يتهنا جفنك ساعة بالاغماضى من يوم يندهوك ويواجهوك بالماضى ما تتحوى بى آيات عزل معزولة ما تغشك سبح متسولات بى قولا ما فيش اليقيك وكتين تجيك فى تولا نوح نوحن كثير وأطرأ القيامة وهولا أعزل لى دجل آية وتفادى الأخرى قالت آخر الظلم الجحيم فى الأخرى يا العاجباك أمارتك تنقز فخرا ربك كيدو أكبر يوم يزنقك تخرا خلى الدين بعيد ما تجروا توب فى دنيتك ما قال ليك جوعو عبى فى صينيتك ما قال ليك أسرف وسف وعلّى بنيتك وعربد وعير وعاند وخلى انسانيتك خلى الدين بعيد ماتزيد جرايمك سيئة راعى وبسألوك كيفن ظلمت رعية يا الحمل الأمانة ظلوم جهول مادية بتجيب الخبر عند البيقرا النية إنت المُلهِم الملهَم دوام تتوطح ما بين مهبط الحكمة وتقوم تتفولح وين إلهامك؟ البلد التراهو ملولح غشك ثعلبان حاجتو إنقضت واترورح فى ضهرك طلع وطلعت إنت فى ضهرو شيلنى وأشيلك السايس بغاير مُهرو ينفخك إنت ناصر وإنت تيتو ونهرو باكر تمشى فى غيرك يمارس عهرو وين إلهامك؟ الفكر القفلت دروبو ولا شقاوة الشعب النفضت جيوبو ولا سقوط قيم فى جيل مفرهد دوبو حسب الشايفو قدامو بيتم تدريبو وين إلهامك؟ إلا إن كان كذب وأونطة أمل الشعب فيك راح زى قتيلة الشنطة مشدوه بى مواقفك نطة عكست نطة زى قرد الطلح يوم يسألوك رطنت صدق القالو منصور نصرة ضد آمالنا ضد أولادنا ضد أحفادنا ضد عمالنا ضد الشعب كلو القالو مالك ومالنا حلال بلة من القيد يكون حلالنا صدق السمّا قائد للخراب والفرقة للخلق الرزيل لى بيع عرض للسرقة لى سف التراب للمحقة يوت للحُرقة زى إبليس يقود الساقطين للحَرقة زى السامرى ما برضو قائد ملهم شال عجل الدهب قال موسى خائن مجرم وزى قائد الضلال مذموم صحائح مسلم قائد ماشى وين؟؟ دربك ملولو ومظلم رئيس لى عصابة حاكم بالعضل بالبنية بالدبابة تبت إيدو يحكم بى شريعة غابة بالجمهورى صائل فى تعابة غلابة الأخ الرئيس كل يوم يفاجىء شعبو بى شيتن يمحن للبعيد والجمبو مرماه الوحيد كيفن يوهط صلبو فى كرسى الحكم والباقى شن يعملبو تمثيلية فينا رئاسة بعد رئاسة قايل الشعب بى قمبورو ولا دباسة ماناقصلو غير يعمل عمل بوكاسا سبورة بعضل متأبط الحداثة ربنا وابتلانا عشان نخش الجنة نزل لينا دجال ايدو ماكنة مكنا جانا فى شكل منقذ مرفعين ضللنا بى فروة حمل لمن أمِنا أكلنا انظر نابو بى دم الشباب كيف دامى وانظر جسمو بى تنميتو كيف متنامى وانظر مخلبو الفوق المساكين رامى واسمع عوتو جيعان ولا جنن رامي صلاح احمد ابراهيم مخاطبا النميرى لو مد الله فى ايام الراحل ما الذى كان سيقول! جنى

عليك الله فرق البشير من النميرى شنو!
غايتوا ما عندك حل يا تكفر بالبشير يا صلاح احمد ابراهيم!
الاتنين مابتلموا!
جنى

قلت لي بي علامة الصلاة كمان !!




يا لك من ضلالي منافق.

قال الرووب ومالاقي المصدر

فلتذهب انت للجحيم
بوست فاجر فى العنصريه


ليتك ذهبت للجنوب قبل حملات نظامكم
العسكريه لترى الدينكا والنوير والشلك
والزاندى والجور والباريا وباقى القبائل

لترى التسامح والصدق والكرم وحب الاخر


انت ونظامك العنصرى المجرم للجحيم

نقول
ليذهب الجنوب اذا رأى أهله ذلك
تأسفنا أم لم نتاسف ،ذلك لن يحل القضية

السؤال:
كيف يذهب الجنوب دون اراقة الدماء؟

الأمير سعود الفيصل امس قال:
اذا لم يأتي الاستفتاء بالسلام فما الفائدة منه


اذا نقول:
فليذهب الاستفتاء غير مأسوف عليه اذا لم يأت بالسلام
لن يقوم استفتاء بدون حسم ما يلي:
أبيي
الحدود
الديون
المواطنة
ثم
دارفور

صحاب البوست اجمل تحية ...

ياخي الجنوب ذاهب برغبة اكيدة من اهله ....

علي بركة الله وقشة ما تعتر ليهم

Quote: صحاب البوست اجمل تحية ... ياخي الجنوب ذاهب برغبة اكيدة من اهله .... علي بركة الله وقشة ما تعتر ليهم

تولوس او بروتس ما تفرقش كله محصل بعضه!
جنى

Quote: تولوس او بروتس

جني او شيطان رجيم ما فارقة .... فليذهب الجنوب غير ماسوف عليه وازيد عليك اي زوول يشيك كوموا كمان... يلا بلا لمة

بل فلتذهب الشمولية الانقاذية الفاسدة والمستبدة الى مزبلة التاريخ غير ماسوف عليها تشيعها اللعنات وليبقى الوطن واحدا موحدا

فليبقى الوطن ولتذهب عصابة الانقاذ

الوحدة و الإنفصال في يد الجنوبيين هم اللي طالبو بيها في الإتفاقية

و الآن هم اللي حا إحددوا وحدة أو إنفصال ما عارف الجدل في شنو تاني؟

اهو واحد من ممثلى التيار العنصرى القبلى يعبر عن رغباته الدفينه من خارج الوطن...
حتجى راجع لن تلقى وطن اصلا طالما ابتلى الوطن بامثالك بعقليتك

Quote: جني او شيطان رجيم ما فارقة

حلوة
انشاءالله تقدر على اهل الشرق تقنعهم ما ينفصلوا!
جنى

اي جماعة حرة في ان تنام علي الجنب المريح لها هذا بنفس المنطق والحق الذي اتاح لاهل الجنوب ان يناموا ملئ جفونهم ... انت ابقي عشرة علي اهل الغرب وخليهم يقرروا مصيرهم

Quote: اي جماعة حرة في ان تنام علي الجنب المريح لها هذا بنفس المنطق والحق الذي اتاح لاهل الجنوب ان يناموا ملئ جفونهم ... انت ابقي عشرة علي اهل الغرب وخليهم يقرروا مصيرهم

اليتيم ما بوصوا على البكا!
الخلا ولا الرفيق الفسل!
والكيزان هم افسل اهل الارض قاطبة!
جنى

Quote: اليتيم ما بوصوا على البكا! الخلا ولا الرفيق الفسل! والكيزان هم افسل اهل الارض قاطبة! جنى

جانبك الصواب لانك عممت ....ليس كل الكيزان رجس من عمل عمك الشيطان... فانا اعرف بعضهم تماما واعرف الاخرون اللذين تقصدهم جيدا لاني تزوقت سجونهم وضقت الويل من عزابهم حتي فررت بجلدي وهربت من وطني منهم ...
(صدقني ما تتخيل لما يكون الكوز عنصري ويكون حاقد علي الشمالي او الجلابي بيسوي فيهو شنو)

Quote: جانبك الصواب لانك عممت ....ليس كل الكيزان رجس من عمل عمك الشيطان... فانا اعرف بعضهم تماما واعرف الاخرون اللذين تقصدهم جيدا لاني تزوقت سجونهم وضقت الويل من عزابهم حتي فررت بجلدي وهربت من وطني منهم ... (صدقني ما تتخيل لما يكون الكوز عنصري ويكون حاقد علي الشمالي او الجلابي بيسوي فيهو شنو)

شعبى ووطنى فسطاطين ام خلاسيين!
جنى

انا لما خرجت من السودان كانت الانقاذ جسم واحد.....

...وابدا لم انخدع فيك واعرف ضيق افقك من زمان رغم انك تختفي خلف الجمل القصيرة والعبارات المبهمة ... واي راي مخالف لك فهو كوز!!! هل هذا كل ما تفلح فيه؟ ... اانفي تهمة الكوزنة وارباء بها عن نفسي ... والحمد لله يدي نظيفة من دماء واموال الشعب السوداني واتحداك ان تثبت عكس ذلك ... كل مافي الامر اني كرهت كل ما يتعاطي الشان العام باسم الوطن والوطنية ... وافضل حل في نظري انو اي زووول يشيل كومو وفضوها سيرة .....ويلا بلا لمة...

Quote: انا لما خرجت من السودان كانت الانقاذ جسم واحد..... ...وابدا لم انخدع فيك واعرف ضيق افقك من زمان رغم انك تختفي خلف الجمل القصيرة والعبارات المبهمة ... واي راي مخالف لك فهو كوز!!! هل هذا كل ما تفلح فيه؟ ... اانفي تهمة الكوزنة وارباء بها عن نفسي ... والحمد لله يدي نظيفة من دماء واموال الشعب السوداني واتحداك ان تثبت عكس ذلك ... كل مافي الامر اني كرهت كل ما يتعاطي الشان العام باسم الوطن والوطنية ... وافضل حل في نظري انو اي زووول يشيل كومو وفضوها سيرة .....ويلا بلا لمة...

انا لم اتهمك بانك كوز اطلاقا ولا اعرف انك كوز ولم اتداخل معك فيما اذكر ولم اتهمك باموال ودماء الشعب فانت لا تحتاج لتحدى واستغرابى من مداخلتك تؤكد عدم معرفتى بك فانا علقت قائلا تولوس او بروتس ما فارقة اقصد مقولة يوليوس فيصر مستغربا حتى انت يا بروتس !

Quote: وابدا لم انخدع فيك واعرف ضيق افقك من زمان رغم انك تختفي خلف الجمل القصيرة والعبارات المبهمة ... واي راي مخالف لك فهو كوز

اتفق معك فى ضيق افقى واختلف معك تماما باتهامى لمخالفى بانهم كيزان لانى لا انجو من هجوم كل الوان الطيف ولا اتجو حتى من تهمة مؤتمر وطنى وكوز مستتر!
يا شيخ حقك على والله انا فى البورد دا ما عندى هم الا السودان بلدى وانت ود بلدى شجعتنى على التواصل معاك وبعدين رجعت شتمتنى كدى راجع مداخلاتى ما بتلقى فيها اى شئ شخصى بعدين يا اخى ضيق الافق زى السكران فى ذمة الواعى يعنى مفروض تاخدنى على قدر عقلى!
مرة اخرى لم اسئ اليك ومن طبعى لا اشخصن الحوار!
يديك العافية
جنى

Quote: انا استغرب من القومه والقعده من الدنيا كلها والانزعاج من انفصال جنوب السودان وارى ان كل ذلك لا مبرر له لاننا لم نجد من الجنوب الا ما تجده من نافخ الكير

قرقرقرقرقرقرقر!

عارف، حبرتجية الجلابة في المنبر ده بي استهبالم قللو من مخزون فيران معامل بشاشا، ولهذا وباسم معامل بشاشا نحييك حقيقة، كعينة مثالية. سنعود وكاي "معملجي" محترف ونتناول هدية السما، هذا!

stay tuned!0

حريف والله يا جني ... ماهو وجه الشبة بين جبل التاكا وبروتس وماعلاقة كسلا بيوليوس قيصر ؟...
طبعا انا لم اسبك او اشتمك وانت سميت نفسك جني ومن المعروف ان الجن من الشيطان فلا تبتئس لوصفي لك بالشيطان فانت اخترت ذلك لنفسك ....... وطالما انك لم تقصد اتهامي باني كوز لماذا كنت تزج بالعبارات التي توحي فيها بذلك وترمي بهاخارج سياق الحوارالدائر ...المهم لك العتبي ان اغلظت عليك في القول... ولكن والله الحالة التي نحن بصددها تفلت الاعصاب منا ...

علي اي حال حوارنا هذا كحوار الطرشان لايسمن ولايغني من جوع لنرجع الي صلب الموضوع ....


ليذهب الجنوب غير ماسوف عليه

قمر الانبياء

يمكنك التنازل عن حقك
فى العيش فى هذا الوطن
وتهاجر
لا ان تفتى فى حق اجيال
هذه جريمة ارتكبها
بعض اشخاص لايتعدون اصابع اليدين
فى الحركة الشعبية والمؤتمر الوطنى
على السواء

Quote: حريف والله يا جني ... ماهو وجه الشبة بين جبل التاكا وبروتس وماعلاقة كسلا بيوليوس قيصر ؟... طبعا انا لم اسبك او اشتمك وانت سميت نفسك جني ومن المعروف ان الجن من الشيطان فلا تبتئس لوصفي لك بالشيطان فانت اخترت ذلك لنفسك ....... وطالما انك لم تقصد اتهامي باني كوز لماذا كنت تزج بالعبارات التي توحي فيها بذلك وترمي بهاخارج سياق الحوارالدائر ...المهم لك العتبي ان اغلظت عليك في القول... ولكن والله الحالة التي نحن بصددها تفلت الاعصاب منا ... علي اي حال حوارنا هذا كحوار الطرشان لايسمن ولايغني من جوع لنرجع الي صلب الموضوع .... ليذهب الجنوب غير ماسوف عليه

يا صديقى انظر الى الريتم فى بروتس وتولوس!
بروتس طعن يوليوس صديقه
وانت ابن السودان تطعنه بخنجر الانفصال ولم اكن اتوقع منك ذلك!
انا لم اقل لك سببتنى بل قلت لك حلوة لانك انتصرت لنفسك يمكن انا حريف تشجيع لعبة حلوة هنا فقط وانا لم ابتئس لاننى اخترت لقب جنى من باب العفرتة
الكيزان هم الذين يشجعون الانفصال وبفتحون له البوستات ويفردونه ويدعون الاخرون لتقبله وانا بوظان الاعصاب دا فتحت ليهو بوست ادخله اقراهو يمكن تلقى لى العذر!
يا جماعة صحى انا حالتى متأخرة ويلزمنى شرينك!!!!!!!!!!
جدنى

بحق يا جني انا اعتزر لاني شخصنت الموضوع اكثر مما ينبقي لك العتبي ..وكل عام وانت بخير

Quote: بحق يا جني انا اعتزر لاني شخصنت الموضوع اكثر مما ينبقي لك العتبي ..وكل عام وانت بخير

ولك محبتى وتقديرى
جنى

فليذهب الجنوب غير مأسوف عليه...


_________

تحياتي؛؛

Quote: لاننا لم نجد من الجنوب الا ما تجده من نافخ الكير

أتقتلون الناس في بلدانهم يا قمر الأنبياء ثم تتاففون من روائح الجثث ؟!!


---------

Quote: شندى وحوش بانقا! يعنى حتكون وحدوى

هسي يا حيدر بكلامك ده ، فرقك شنو من سيد البوست ؟!!

انت اللى فاجر في الرد للاسف.

اين العنصرية . ثانيا عن اي نظام تتحدث انت .

هذا النظام هو من اعطى لاهل الجنوب ما يتمنون وهو الانفصال لتكوين دولتهم التي يحلمون بها يا ايها الوحدوي

يخاطبني السفيه بكل قبح فاكره انا اكون له مجيبا

الاخ العوض ود الطيب

انا حزنت لان كتايتي احزنتك

من اين اتيت بانني لا اعرف الجنوبيين - وحق المواطنة والمساواة - وهذا شي لم اتطرق انا له لا ما بعيد ولا من قريب

انا اعرف الجنوب اكثر مما تعرف وتسمع ولن اقول لك كيف حدث ذلك ؟

اما عن زيارة جوبا / عندما زرت جوبا - لا اعلم اين كنت انت حينها والا كنت اعلمتك 0

المشي والرمي في الخور ينم عن عقلية اقصاء .

تحياتي

الاخ احمد

الشكر على المرور والاضافة القيمة

1- ما هي التبعات والكوارث ( حدد )
2- انا اقصد انفصال جنوب السودان عن شماله اظن ان هذه تسمى انفصال جنوب السودان
3- ما ذكرته انا ليس فيه اهانة لانسان الجنوب ويمكن ان تسميه اتهام والشمال سير الجيوش دفاعاً عن وحدة البلد واخيرا اتى من لديهم قناعة بان ذلك لا جدوى منه والافضل العيش او الافتراق بالحسنى
4- قبل من تسميه الحكم الاسلامي الوطن لم يسلم من عكننة الجنوب .
5- ليس من يحكم الشمال هو المؤتمر الوطني حتى وان كان فمؤخرا الناخب السودان في كل ربوع السودان حتى في الجنوب اعطى المؤتمر الوطني القدح المعلي من الاصوات . من يا ترى اعطى الحركة الشعبية حق ان تحكم وتتحدث باسم الجنوب .

لك التحية والود

Quote: فليذهب الجنوب غير مأسوف عليه

سلام يا قمر الانبياء
1-لك ان تتخيل ام جنوبية واب شمالي
او العكس تماما... وذهب النصف الاخر جنوبا وبقي النصف التاني شمالا...
هل هذه الجزئية الصغيرة الواقعة في اقل حلقة انسانية ايضا تقع تحت مظلة غير ماسوف عليه
2-الشريط الحدودي الفاصل ما بين الشمال والجنوب شريط ضاج بالتداخل القبلي والاثني ما بين قبائل الشمال واخري جنوبية وحدثت مصاهرات وتعايش انساني عميق وتجذر فهل ما يحصل في هذا الشريط من تفكيك دولي يقع تحت غير ماسوف عليه...
3-احياء عديدة وشخوص واسر في كل مدن السودان الشمالي تعايشت وساهمت في النسيج السوداني بعمق وشكلت الوجدان السوداني في مجمل حراكها الثقافي والاجتماعي والسياسي وحتي الاقتصادي ... فهل هذا الامر يقع في باب غير ماسوف عليه ام لا..
4-شماليين بالكوم والردوم عاشو لسنين طويلة في مدن الجنوب وانصهروا وصادقو وتزاوجو في تلك المدن وبعضهم يجيد اللغات واللهجات الجنوبية ويتحدثها بطريقة تكاد تتفوق علي اهلها الحقيقين فهل في ذلك (امر غير موسف)..
كل الداير اقولو يا قمر الانبياء بان (الاوطان عندما تنشطر..,تتنفصل مثل انفصال الجنوب الذي هو امامنا الان فان في هذا الامر قمة الاسف والحسرة كونه يولد الحزن والمعضلات الانسانية والاسف يا قمر الانبياء هو وليد هواجس النفس وتعبير حقيقي لما يحدثه الفعل من شرخ في الوجدان الانساني الذي يفارق شيئا يحبه او يرتبط به ارتباط (عضوي... الفة ..تعايش..)
ولاشنو..؟؟

الفوق دي يا قمر الانبياء اسوفات وجدانية وانسانية قد تكون انت او غير من عابري هذه المساحة غير معني بها
ولكن وبمجرد ان تهابش هذه الجزئية سوداني شمالي او جنوبي وبتاسف تحت مظلتها سيصبح هذا امر الانفصال هذا تاسف عليه سوداني ومن السودانيين ويجب ان يضع اسفه في الاعتبار....
وح اخش معاك في اسوفات جديدة
1- السودان استقل عام 1956 وخمسون عاما ونيف ودولة سودانية مليون ميل مريع دولة متنوعة في كل اشيائهاوغنية بمواردهاو بانسانها السوداني فشلت النخب الحاكمة في تشيد وطن يجمع في مظلته الكبري كل هذا العدد من التنوعات واختار الجميع الحرب والدمار والموت
واهلكت موارد البلاد مات الملايين......
الا يعني هذا اسفا وحسرة علي ضياع سنين عديدة في الحرب والفشل وجر عجلة السودان طواعية الي تمزق وشتات ودمار كان يمكن بالتصالح مع الاخر واحترام الانسان فيه ان يساهم بان يكون لنا وطنا...!!

وسنتابع معاك (كمية الاسوفات اسف اسف)
وتحياتي

Quote: وبعدين الناس ماله دمها محروق ما اهل الجنوب ديل هم العاوزين الانفصال ونحن قلنا قشة ما تعتر ليهم

وقبل ما نمشي يا قمر الانبياء في موجة الاسوفات التي وعدتك بها
من الضروري مهابشة كلام الفووق ده ولو قليلا..
منو القال اهل الجنوب هم وحدهم من يريد الانفصال..
1- نيفاشا التي وقع عليها الموتمر الوطني الوطني تنص فيما تنص علي الانفصال ...اذن الموتمر الوطني ماعندو مشكلة مع الانفصال واطر الي ذلك حتي صار هذا الحق منصوص عليه في وثيقة دولية وموقع عليها الموتمر الوطني..
2- العنصريين السودانين امثال الطيب مصطفي ايضا في خطابها الموثق اعلاميا ومعروف للغاشي والداني هم ايضا يريدون الانفصال
3- انت ايضا تريد الانفصال وبوستك هذا في مجمل خطابه دعوة للانفصال التي تري بانه يمكن ان يتم بدم بارد ودون حسرة او اسف وقشة ماتعتر اليه,,
نعم هنالك اوصوات عالية في الجنوب تنادي بالانفصال ولكن هذا لايعني بانهم فقط من ينادي بالانفصال فالشمال ضاج وعاج من الذين ينادون يهتفون بفصل الجنوب وكانهم يتخليون بان فردوس السودان ونعيمه في انفصال الجنوب... متناسين بان لو انفصل الجنوب فغدا سينفصل الغرب والشرق لانو القضية الاساسية التي فصلت الجنوب لو انفصل هي باقية ولا تزال مستوطنة في عقل النخبة الحاكمة والموتمر الوطني تحديدا...!!

Quote: ولنضع الخطط من الان لتصبح دولة السودان في الشمال نموذجا للرخاء والتقدم والمساواة شمالا وشرقا وغربا

ياريت يا قمر الانبياء ملامح من الخطط دي وخطوط عريضة منها عشان نتنور نحن كشعب سوداني فضل..!!


ومعليش علي سونامي المداخلات ده ولعلها فرصة جيدة لكي ترد عليها ان اردت كجملة

ياجماعة نتطول بالنا شوية ونتسامى فى الحوار ، موضوع الاستفتاء ومايترتب عليه أمر يشغل بال كل سودانى، أعتقد أنه لايوجد سودانى واحد مخلص لوطنه يرضى بالانفصال، مستحيل ، هناك دعاة للانفصال فى الجنوب والشمال، ومن حق كل سودانى أبداء رأيه والدفاع عنه، لكن أظن والله أعلم، ان الغالبية من أخواننا وأخواتنا فى الجنوب لم يصرحوا بوجهات نظرهمحتى الآن ، نأمل ان يستمر السودان موحدا بالرغم من كل هذه العواصف ، والكلمةالفصل لدى أهلنا الجنوبيين فى الشمال والجنوب، وكل ماأتمنى أن يمر الاستفتاء بسلام، عاش السودان حرا موحدا قويا شامخا، والعار لدعاة الانفصال وتجار الحروب .