حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان

اخيرا
قرر زميلنا في البورد مع وقف التفيذ واالمشهور بالمتصفح كما اطلق عليه زميلنا طارق جبريل ، والهلالابي الكبير
حاتم ابراهيم
مغادرة المغرب نهائيا بعد غربة تجاوت عقد من الزمن
والعودة للاستقرار بالخرطوم
اليوم يستقل حاتم { المصرية } عائدا الى ارض الوطن
ونزف البشرى لبورداب المنبر من الهلالاب في السودان
بعودة رقم صعب من بين مشجعي فريق الهلال

الزميل / حاتم ابراهيم

التحايا ليك يا حاتم... أمانة يا أبا أنس ما فقدتو فنان.

التحية والشوق للاخ حاتم الهلالايي الشهير والمتصفح الاشهر
مع الامنيات باقامة سعيدة في البلد ووسط الاهل والاحباب

بورداب المغرب لم يفقدوا
فقط ضلعهم الخامس
بل اخا عزيزا اثرى اجواء الجالية السودانية بالمغرب منذ حضوره للرباط خريجا من الحامعات السورية في اواخر التسعينات
وكان حاضرا في جميع فعاليات ابناء السودان
وانحفنا بمواهبه الفنية في الموسيقى والتصوير
وكان لايذكر اسم فريق الهلال والا وذكر معه حاتم المتحمس بلا حدود
وداعا حاتم ,,,,, وداعا حاتم
سنفتقدك في الرباط
وهنيئا للخرطوم بحضورك الجميل

كان حاتم شمعة مضيئة في وسط الجالية السودانية بالمغرب

Quote: التحايا ليك يا حاتم... أمانة يا أبا أنس ما فقدتو فنان.

صدقت اخي محمد الأمين موسى
فقد فقدنا فنانا كبيرا واتسانا لايمكن تعويضه
بصراحة وانت ادرى بشعاب مكة
تحن شوية بورداب يادوب تامين خمسة في المغرب فقدناك انت في زمن ما وكذلك زميلنا محجوب البيلى
وجاليتنا كذلك صغيرة العدد
وسفر حاتم احزننا كثيرا وشعرنا باليتم
ياحلينا

حاتم إبراهيم صديقي العزيز

كنت بصدد إصدار بوستي السنوي:

إفريقيا كلها مبهورة بأداء الهلال..من أعلي نقطة في المغرب حيث حاتم إبراهيم وحتي أدني نقطة في جنوب إفريقيا


نعم حاتم فنان فنان...وكم أسمعني عبر الماسنجر من إبداعاته

مبرووك وهنيئا لبورداب وهلالاب الخرطوم

حاتم الهلالي الغيور
نفتقده كثيراً هنا
تشرفنا بلقائة في دبي
نتمنى له طيب الاقامة في الوطن

Quote: التحية والشوق للاخ حاتم الهلالايي الشهير والمتصفح الاشهر مع الامنيات باقامة سعيدة في البلد ووسط الاهل والاحباب

عبدالكريم الآمين احمد
امنياتنا معك باقامة سعيدة لحاتم
وسط اهله واحبابه وعشاق الهلال وبورداب الخرطوم

ياسر عبدالقادر

Quote: حاتم إبراهيم صديقي العزيز كنت بصدد إصدار بوستي السنوي: إفريقيا كلها مبهورة بأداء الهلال..من أعلي نقطة في المغرب حيث حاتم إبراهيم وحتي أدني نقطة في جنوب إفريقيا نعم حاتم فنان فنان...وكم أسمعني عبر الماسنجر من إبداعاته مبرووك وهنيئا لبورداب وهلالاب الخرطوم

نعم اخي / ياسر
حاتم كان في قمة هرم الجالية بالمغرب
وفنان موهوب نرجو ان يجد في السودان الأجواء المناسبة للتعبير جيدا بابدعاته المتنوعة

فجعني حاتم بالخبر صباح اليوم، ولم أرد عليه لا مهاتفة ولا مكاتبة.
كنت أمنّي النفس بلقائه في جيّتي للرباط. تلك الجيّة التي ظللت أؤجلها عاماً وراء عام.
هل سيزعل الآخرون إن قلت إنني فقدت شطراً كبيراً من رغبتي في المجيء؟
ثمة ألحان ♫ سنعزفها معاً، وعدسات ◙ سنشتريها معاً، وونسات ☼ لا تنتهي ... لن نكملها معاً.
رغم أن حاتماً بات أقرب لي جغرافياً، فإنني أحس بفراقه كما تحسونه.
مع كل فرد يغادركم أشعر أنني أفقد جزءاً عزيزاً عليّ من المغرب الذي أحبّ.
أدمنت لقاء حاتم على النت، منذ أن يدخل مكتبه بالسفارة القطرية في الرباط صباحاً، إلى حين خروجه.
.....
حاتم يا حبيب
أهنئك ـ وأغبطك ـ بالعودة إلى دفء الوطن.
ولكني حزين ...

والله يا ابو انس من الصباح قاعد ما عارف اسوي شنو
حاتم رقم صعب في المغرب
حاتم انسان جواهو نقي بي صورة غير عادية
هلالابي متعب لي شخصيا
تناكفنا كثيرا
ضحكنا كثيرا
كنت اجد متعة لا تضاهى في الحديث اليه
يا الله ياخي
والله المغرب دة بقى ما بيتقعد كله كله
يعني هسي الواحد لو داير يدندن كدة ويشتغل شغل ليل يسوي شنو
غايتو الله في
اتمنى له حياة موفقة بارض الوطن
والله يا بورداب الخرطوم جاكم زول فنااااااااااااااااان
لعاااااااااااب في الكورة
غنااااااااااي وبعزف عود زي الجمكسين

يا ابو انس هووووي
انا بعد دة حا اشوف لي بورداب تانين اتلمى عليهم
هو الفضل منو
موش ياهو صلاح الاحمر ابو مخروقة واجعاهو ديمة دة

وجعني سفرك يا حاتم لكن ما بنقدر نقول شي

يا الله ياخي حاتم ابراهيم يمشي من المغرب
والله دي وجعة عدييييل كدة

شكرا يا عمر على هذا البوست
دعواتنا لحاتم بأن يصل اهله سالما معافى ...وتمنياتنا له بأقامة طيبة بين أهله واحبابه
ونعترف باننا سوف نفتقده كثيرا في جميع المجالات الفنية والرياضية والاجتماعية... الخ

Quote: يا ابو انس هووووي انا بعد دة حا اشوف لي بورداب تانين اتلمى عليهم هو الفضل منو موش ياهو صلاح الاحمر ابو مخروقة واجعاهو ديمة دة

سلام يا طارق يا متمرد
شكلك خلاص مضوا ليك الاجازة ومجهز حالك للعيد في السودان

صديقي الغالي واخي العزيز حاتم

يخونني التعبير ان اصف معزتك عندي ومكانتك الساميه في خاطري
الايام تسري والزمن يجري وادعو لك الله في سري وفي جهري بالتوفيق
والتفوق امام تيار هذه الحياة .

مع الف ... الف ... الف سلامه يا صديقي العزيز .
إلى الملتقي في عزه ...

شكرا أبا انس .

لا تحزن يا بوردابي المغرب قال الشاعر الوزاني: من شرب الحريرة حتما سيعود إليها.

بالتوفيق يا حاتم
أمنياتي الطيبة لك أينما حللت,,

سلام يا حلوين

Quote: حاتم الهلالي الغيور نفتقده كثيراً هنا تشرفنا بلقائة في دبي نتمنى له طيب الاقامة في الوطن

غيور ساكت ياقرضابي
دا حقوا يسلموه منصب في ادارة الهلال بمجرد وصوله الخرطوم

Quote: فجعني حاتم بالخبر صباح اليوم، ولم أرد عليه لا مهاتفة ولا مكاتبة. كنت أمنّي النفس بلقائه في جيّتي للرباط. تلك الجيّة التي ظللت أؤجلها عاماً وراء عام. هل سيزعل الآخرون إن قلت إنني فقدت شطراً كبيراً من رغبتي في المجيء؟ ثمة ألحان ♫ سنعزفها معاً، وعدسات ◙ سنشتريها معاً، وونسات ☼ لا تنتهي ... لن نكملها معاً. رغم أن حاتماً بات أقرب لي جغرافياً، فإنني أحس بفراقه كما تحسونه. مع كل فرد يغادركم أشعر أنني أفقد جزءاً عزيزاً عليّ من المغرب الذي أحبّ. أدمنت لقاء حاتم على النت، منذ أن يدخل مكتبه بالسفارة القطرية في الرباط صباحاً، إلى حين خروجه. ..... حاتم يا حبيب أهنئك ـ وأغبطك ـ بالعودة إلى دفء الوطن. ولكني حزين ...

اوجعتنا يالبيلي
نعم مع كل فرد يغادر المغرب نفقد جزءا عزيزا منا
مازلنا نحلم ان يعود الطائر المهاجر { البيلي } الى عشه القديم

Quote: والله يا ابو انس من الصباح قاعد ما عارف اسوي شنو حاتم رقم صعب في المغرب حاتم انسان جواهو نقي بي صورة غير عادية هلالابي متعب لي شخصيا تناكفنا كثيرا ضحكنا كثيرا كنت اجد متعة لا تضاهى في الحديث اليه يا الله ياخي والله المغرب دة بقى ما بيتقعد كله كله يعني هسي الواحد لو داير يدندن كدة ويشتغل شغل ليل يسوي شنو غايتو الله في اتمنى له حياة موفقة بارض الوطن والله يا بورداب الخرطوم جاكم زول فنااااااااااااااااان لعاااااااااااب في الكورة غنااااااااااي وبعزف عود زي الجمكسين يا ابو انس هووووي انا بعد دة حا اشوف لي بورداب تانين اتلمى عليهم هو الفضل منو موش ياهو صلاح الاحمر ابو مخروقة واجعاهو ديمة دة وجعني سفرك يا حاتم لكن ما بنقدر نقول شي

صدقت اخي طارق
بورداب الخرطوم جاهم زول فنان يابختهم
لكن تعال حاتشوف ليك بورداب تانيين كيف ؟
انت قايل القصة سهلى كدي
اي بورداب تمشي ليهم يدفعوا لينا قيمة عقد رونالدو مع ريال مدريد
وكمان في شرط جزائي اذا سجلت مع اي بورداب أخرين من ورانا ,,, تيك كير

Quote: شكرا يا عمر على هذا البوست دعواتنا لحاتم بأن يصل اهله سالما معافى ...وتمنياتنا له بأقامة طيبة بين أهله واحبابه ونعترف باننا سوف نفتقده كثيرا في جميع المجالات الفنية والرياضية والاجتماعية... الخ Quote: يا ابو انس هووووي انا بعد دة حا اشوف لي بورداب تانين اتلمى عليهم هو الفضل منو موش ياهو صلاح الاحمر ابو مخروقة واجعاهو ديمة دة سلام يا طارق يا متمرد شكلك خلاص مضوا ليك الاجازة ومجهز حالك للعيد في السودان [/QUOTEنعم امير سنتفتقد حاتم كثير ا كمان شوف طارق جبريل بيقول شنو قول ليهو كان داير تسيبنا جرب وانت سيبنا بكرة اتصل بابوعشرين والغي ليهو الإجازة

---

Post: #20 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: ابوعسل السيد احمد Date: 11-09-2010, 10:47 PM عودا حميدا صديقنا حاتم.. .. أينما حللت حل الابداع.. و أكيد ستكون نجم السعد للهلال أمام الصفاقسي باستاد الهلال، و بإذن الله في المباراة النهائية أيضا.. نأمل أن يتوج الهلال بالكأس الغالية و أن تكون مناسبة نراك فيها تعاود الكتابة هنا.. محبتي لك أخ عمر عبد السلام.. و تحياتي للأخ طارق جبريل المريخي العديل..

---

Post: #21 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: ابوعسل السيد احمد Date: 11-09-2010, 10:51 PM عودا حميدا صديقنا حاتم.. .. أينما حللت حل الابداع.. و أكيد ستكون نجم السعد للهلال أمام الصفاقسي باستاد الهلال، و بإذن الله في المباراة النهائية أيضا.. نأمل أن يتوج الهلال بالكأس الغالية و أن تكون مناسبة نراك فيها تعاود الكتابة هنا.. محبتي لك أخ عمر عبد السلام.. و تحياتي للأخ طارق جبريل المريخي العديل..

---

Post: #22 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: omer abdelsalam Date: 11-10-2010, 06:50 PM Parent: #21 Quote: صديقي الغالي واخي العزيز حاتم يخونني التعبير ان اصف معزتك عندي ومكانتك الساميه في خاطري الايام تسري والزمن يجري وادعو لك الله في سري وفي جهري بالتوفيق والتفوق امام تيار هذه الحياة . مع الف ... الف ... الف سلامه يا صديقي العزيز . إلى الملتقي في عزه ... نتمنى معك اخي / تاجي كل التوفيق والتجاح لحاتم في مقامه وسط اهله واحبابه Quote: لا تحزن يا بوردابي المغرب قال الشاعر الوزاني: من شرب الحريرة حتما سيعود إليها. غايتو ياود الأمين ان شاءالله امنيتك وقول الوزاني يصيب ويرجع لينا حاتم وبقية العقد الفريد الذين رحلوا بعيدا عنا

---

Post: #23 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: omer abdelsalam Date: 11-10-2010, 07:08 PM Parent: #22 Quote: بالتوفيق يا حاتم أمنياتي الطيبة لك أينما حللت,, سلام يا حلوين شايف كيف يامعاذ حاتم الرجل الجمبل فارقنا اعتقد انك ستظل تذكره ايضا خاصة كلما تذكرت تلك الليلة البهيجة في سلا Quote: عودا حميدا صديقنا حاتم.. .. أينما حللت حل الابداع.. و أكيد ستكون نجم السعد للهلال أمام الصفاقسي باستاد الهلال، و بإذن الله في المباراة النهائية أيضا.. نأمل أن يتوج الهلال بالكأس الغالية و أن تكون مناسبة نراك فيها تعاود الكتابة هنا.. محبتي لك أخ عمر عبد السلام.. و تحياتي للأخ طارق جبريل المريخي العديل.. صديقنا ابوعسل سيداحمد الهلالاب في المغرب فقدوا قلب الأسد { حاتم } ومالت الكفة لجماعة طارق من المريخاب ان شاءالله يكون حاتم فال خير للهلال في لقائه ضد الصفاقسى اكيد حاتم سيكون قلب المعمعة باستاد الهلال

---

Post: #24 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: فيصل محمد خليل Date: 11-10-2010, 07:21 PM Parent: #23 قريبي حاتم اقامة طيبة بين اهلك وهارد لك لصحابي في الاراض المغربية

---

Post: #25 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: omer abdelsalam Date: 11-11-2010, 07:45 PM Parent: #24 Quote: قريبي حاتم اقامة طيبة بين اهلك وهارد لك لصحابي في الاراض المغربية صديقنا / فيصل حاتم قريبك دا ان شاءالله سيكون مكسب كبير لبورداب الخرطوم ,, يستاهلوا , مبروك عليهم

---

Post: #26 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: قاسم المهداوى Date: 11-12-2010, 05:49 AM Parent: #25 سلاام صاحب البوست غايتو يا ناس المغرب ما عندكم حظ حاتم زول جميل ( البوردابى الحردان ) بالامس مر علينا ويا بخت اى بورداب ينضم ليهم حاتم ومبروك للهلالاب ( الرشاشات ) قاسم المهداوى

---

Post: #27 Title: Re: حاتم ابراهيم : الهلالابي الكبير والبوردابي المتصفح يغادر المغرب للاستقرار بالسودان Author: omer abdelsalam Date: 11-12-2010, 07:20 PM Parent: #26 Quote: سلاام صاحب البوست غايتو يا ناس المغرب ما عندكم حظ حاتم زول جميل ( البوردابى الحردان ) بالامس مر علينا ويا بخت اى بورداب ينضم ليهم حاتم ومبروك للهلالاب ( الرشاشات ) قاسم المهداوى بالفعل اخونا قاسم حاتم مكسب كبير لبورداب الخرطوم وخاصة الهلالاب منهم نتمى له مقاما طيبا بينهم