Post: #1 Title: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-08-2010, 03:50 PM
بعدما نبقى برانا ... ناس شمال بس ...!! واغلبنا مسلمين وناس كتاب ايه البيمنع اننا نعلن للعالم بقيام دولة الاسلام السودان لانه امكن من خلال هذا الاعلان يرجع للاسلام صورتو المرجوة الضائعة من قرون امكن في ناس جهلة يقولوا ما انحن الان دولة اسلام اقول ليهم ... غايتو ... النميري برغم قلة خبرته في المنظومات الاسلامية المعاصرة قدر يعلن الشريعة برغم الترابي كان معاه لكن ما استشاره واعلانه للشريعة ده الخلاه يعيش باقي عمره معزز وكمان يموت معزز برغم الهرج العمله
المهم نحن اليوم بصدد ان تستجيب السلطة بهذا الان وكل من يرى بصحة هذا النداء ... ان ينضم لهذه اللجنة فورا ويسرع بتسجيل اسمه هنا ورأيه كمان الماعاجبو اننا نعلن دولتنا الاسلامية (يشوف ليه دولة صهيونية يهودية او نصرانية اومجوسية يبشربيها) لان بعد الانفصال لو حدث (شحصيا شايفو بعيدلاسباب خاصة) لابد انيتغير الدستور ومؤكد ديرين دستور اسلامي صرخ
يا حليل الجهاد المقدس وحليل ايامه يا حكامنا حسو بينا ولو مرة ..
Post: #2 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-08-2010, 03:56 PM Parent: #1
كل الاراء سيؤخذ بها .... وان كانت سالبة نحن نمر اليوم بمرحلة عصيبة لابد من التركيز حتى لا نكون مثل ديك المسلمية ... دعوا العالم يطحن طحينه ودعونا نطحن طحيننا مؤكد الغلبة ستكون لنا لاننا سنكون اقوى دولة في الشرق الاوسط وافريقيا والان من يريد التسجيل بهذه اللجنة
Post: #3 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-08-2010, 03:59 PM Parent: #2
غايتو انا تبرع اكون رئيس اللجنة دي اها مين يزود ....
Post: #4 Title: Re: لجنة اعلان دولة الاسلام بشمال السودان بعد الانفصال ..!!؟ Author: jini Date: 11-08-2010, 04:44 PM Parent: #3
Quote: لان بعد الانفصال لو حدث (شحصيا شايفو بعيدلاسباب خاصة)
انت بى جدك ولا داير تفرح اخوك ساكت! ما تستعجل على رزقك جاياك حكومة أهل القبلة المهدى المرغنى الترابى وبالعكس! جنى
Post: #5 Title: Re: لجنة اعلان دولة الاسلام بشمال السودان بعد الانفصال ..!!؟ Author: عثمان نواي Date: 11-08-2010, 04:51 PM Parent: #4
Quote: ناس شمال بس ...!! واغلبنا مسلمين وناس كتاب
كتاب واحد ولا في ناس كتب سماوية تانية؟؟؟
Post: #6 Title: Re: لجنة اعلان دولة الاسلام بشمال السودان بعد الانفصال ..!!؟ Author: د.محمد بابكر Date: 11-08-2010, 05:40 PM Parent: #5
Quote: حكومة أهل القبلة
اهل القبله ديل كمان شنو يا جنى؟ ده فن جديد ولا شنو؟؟
Post: #7 Title: Re: لجنة اعلان دولة الاسلام بشمال السودان بعد الانفصال ..!!؟ Author: عثمان نواي Date: 11-08-2010, 05:46 PM Parent: #6
Quote: اهل القبله ديل كمان شنو يا جنى؟ ده فن جديد ولا شنو؟؟
ما اظن قبلتنا واحده مع الناس ديل
Post: #8 Title: Re: لجنة اعلان دولة الاسلام بشمال السودان بعد الانفصال ..!!؟ Author: الفاتح سليمان Date: 11-08-2010, 07:11 PM Parent: #7
الله اكبر ولا نامت اعين الجبناء
بالله اضربوهم من يد من حديد بالذات الشيوعيين ديل والمعاردين ومناتلين البوردات
وبالله ما تنسو تكتروا العبايات لدولة الاسلام
وتخصيص الابواب في العربات واحد للرجال والاخر للنساء
بالله فضل الظهر اوعاكم تنسوه
اهم حاجة منع كل انواع مظاهر الدول الغربية والعلمانية والمشركة وحاربوا سفارات الدول التي بكل تاكيد تكيد لنا
البنوك البنوك البنوك الاسلامية
اهم شي
نحن نبحث عن دولة اسلامية وفيها الجهاد طول السنة ما موسم وكدا
Post: #9 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-09-2010, 01:53 PM Parent: #8
Quote: ما تستعجل على رزقك جاياك حكومة أهل القبلة المهدى المرغنى الترابى وبالعكس!
يا جني يبقى ما عملنا حاجة لان الناس الذكرتهم ديل ما منهم رجا هسي املنا كله وان كان ضعيف غي ناس اليسار ناس اليمين ديل ناس قروش وطمع ونرجسية وحب ذات وسلطة ناس اليسار ديل ناس زينا ناس طماطم وسلطة ما حا تفرق معاهم كتير على الاقل حا يعملوا عمل المنافقين ما قدرو يعملو والعبرة بالنميري الضكر ومؤكد بحبة ذكاء يمكن ان يكتسحوا الجولة بالضربة القاضية اتمنى انو اليسار يحسبها صاح مع ضيق الوقت وكثير منهم فهمهم للاسلام يصيب كبد الحقيقة وهم راقين مثل رقي الاسلام بس في الاول يبعدو الالحاديين ديل من الشغلة دي والله يكسبوا شعب ....... وشعب كبير عجيب واعي فاهم
Post: #10 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-09-2010, 02:04 PM Parent: #9
Quote: كتاب واحد ولا في ناس كتب سماوية تانية؟؟؟
اخي عثمان نواي الدين عند الله الاسلام من زمن سيدنا ادم وكل الديانات منذ بدأ الخليقة للان لا تخرج من مفهوم واحد وهو التسليم لله واتباع اوامره ونواهيه الرسالة الخاتمة هي دين سيدنا محمد عليه السلام وهي صاحبة كتاب القران الكريم باقي الكتب امرنا بان نؤمن بها وتصديقها وطالما اصحاب هذه الكتب يدينون بالاسلام فنطلق عليهم اهل كتاب اي مسلمون
الغلط وين ..... ما فاهم
Post: #11 Title: Re: لجنة اعلان دولة الاسلام بشمال السودان بعد الانفصال ..!!؟ Author: عثمان نواي Date: 11-09-2010, 02:21 PM Parent: #10
Quote: الغلط وين ..... ما فاهم
لاخ توفيق عيسي مكي الغلط انا عندي ...في جبال النوبه ناس بيعتقدوا في الكجور .....اوضح ليك بلغتكم انتو كريم المعتقدات... ديل يدفعوا جزيه في دولتك دي ولا كيف؟؟ ....عشان ما فاهم شرحته ليك عثمان نواي
Post: #20 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-10-2010, 09:23 AM Parent: #11
Quote: ...في جبال النوبه ناس بيعتقدوا في الكجور .....اوضح ليك بلغتكم انتو كريم المعتقدات... ديل يدفعوا جزيه في دولتك دي ولا كيف؟؟ ....عشان ما فاهم شرحته ليك
اخي عثمان نواي ما في غلط ولا حاجة هسي نحن ما قاعدين ندفع زي الجزية (ضرائب السجم دي) اكيد في دولة الاسلام حا نكون زي الفي عهد سيدنا عمر بن عبد العزيز ما حا نلقى زول نديه قروش (يعني اكتفاء فل الفل) وانا بقول اشتراكية ويسار لعب يعني بالنسبة لناس جبال النوبة الكلام ما وقته بس كدي نعلن الاول وحا نريحهم للااااااخر
Post: #12 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-09-2010, 02:22 PM Parent: #10
اخي الفاتح سليمان ياخي خجلت ليك ....!! ده فهمك للاسلام ما غريبة كثيرون تعرفوا على دينهم من حصة الدين الدين رقي ما كهنوت وجمال ما قبح ومتعة وملزات لا متناهية لو فهمته صاح حصة الدين هي الفهمتنا زمان فهمك ده وللان تستمر وتستمر انا ما عارف الناس بتنسى ايام هارون الرشيد والرفاهية الكان عايشها اوليس تلك الايام كانت زروة الاسلام وفتوحاته وانتشاره وليه نتمسك بالدنيا وهي لو ندري حقيقة مثل مرورنا بها كمرورنا بصالة ترانزيت سألت جدي الهرم الكبير جدا قبل وفاته عن الدنيا فقال كأني عشت بها ثواني لأن في الاصل بزمن العالم الربانية فعلا ثواني اديك حاجة بسيطة وفكر فيها كتير وكتير من غير هزل او لا مبالاة اول شرعة شرعها المولى تعالى لسيدنا ادم عليه السلام هي التمتع بنعيم الجنة خلقنا لنتمتع ادرس فقه الاستمتاع وتعال ناقش
Post: #13 Title: Re: لجنة اعلان دولة الاسلام بشمال السودان بعد الانفصال ..!!؟ Author: الفاتح سليمان Date: 11-09-2010, 02:46 PM Parent: #12
سلامات يا توفيق
انا معترض علي انك تكون رئيس اللجنة ولا ما في فرصة زي دي في الدولة الاسلامية ناس انا اعترض
Post: #14 Title: Re: لجنة اعلان دولة الاسلام بشمال السودان بعد الانفصال ..!!؟ Author: Nasr Date: 11-09-2010, 03:09 PM Parent: #13
بعد ما قريت كلامك سألت سؤال مستفهم لا مستنكر
Quote: بعدما نبقى برانا ... ناس شمال بس ...!! واغلبنا مسلمين وناس كتاب ايه البيمنع اننا نعلن للعالم بقيام دولة الاسلام السودان
الحاجة المدورة في السودان منذ يونيو ألف تسعمائة وتسعة وثمانين ما دولة إسلام؟؟؟؟؟؟؟؟؟؟؟؟؟؟؟؟؟
Post: #15 Title: Re: لجنة اعلان دولة الاسلام بشمال السودان بعد الانفصال ..!!؟ Author: Rawia Date: 11-09-2010, 05:13 PM Parent: #14
Quote: (يشوف ليه دولة صهيونية يهودية او نصرانية اومجوسية يبشربيها) لان بعد الانفصال لو حدث (شحصيا شايفو بعيدلاسباب خاصة) لابد انيتغير الدستور ومؤكد ديرين دستور اسلامي صرخ
يا حليل الجهاد المقدس وحليل ايامه يا حكامنا حسو بينا ولو مرة ..
ياحليل الجهاد المقدس والله
أنا عاوزة دولة مدنية علمانية مافيها دستور إسلامي ولا صهيوني ولا نصراني ولا مجوسي
___________ مشتاقين والله ياتوفيق ومعاي سلام هنا ليك من وليد ...عرفتو ؟؟
Post: #16 Title: Re: لجنة اعلان دولة الاسلام بشمال السودان بعد الانفصال ..!!؟ Author: jini Date: 11-09-2010, 05:22 PM Parent: #15
Quote: أنا عاوزة دولة مدنية علمانية مافيها دستور إسلامي ولا صهيوني ولا نصراني ولا مجوسي
ماخلاص فنيتو راحت عليهم هم تاني عندهم وش بعد ماقسمونا وشكنتونا وشلعونا وخلو الكوم مننا تلاتة ليمونات
ياجني خليني أحلم دي تداعيات ندوة دكتور النعيم ياخ الثقافة دي مكلفة خلاس
Post: #18 Title: Re: لجنة اعلان دولة الاسلام بشمال السودان بعد الانفصال ..!!؟ Author: jini Date: 11-09-2010, 06:56 PM Parent: #17
Quote: ياجني خليني أحلم دي تداعيات ندوة دكتور النعيم ياخ الثقافة دي مكلفة خلاس
وستدعمهم امريكا لسنوات قادمة حتى يتم تجزئة السودان لدويلات صغيرة! جنى
Post: #19 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-10-2010, 09:15 AM Parent: #18
Quote: انا معترض علي انك تكون رئيس اللجنة ولا ما في فرصة زي دي في الدولة الاسلامية ناس انا اعترض
عزيزي الفاتح سليمان ... اعتراض مقبول ومرفوض مقبول من ناحية انو اللجنة حرة ومافيها اي كبت واي انسان له الحق في كل شيئ ومن هذا الحق انا اخترت نفسي رئيس وده سبب مرفوض احترامي
Post: #21 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-10-2010, 01:26 PM Parent: #19
Quote: الحاجة المدورة في السودان منذ يونيو ألف تسعمائة وتسعة وثمانين ما دولة إسلام؟؟؟؟؟؟؟؟؟؟؟؟؟؟؟؟؟
عزيزي ناصر ... كدي عندي نسخ من برنامج في ساحات الفداء (سيديهات) ممكن افرجك عليها عشان تعرف اجابة لسؤالك لكن اطمئنك انو ده ما كل الاسلام اليوم البنقصده (بعض الزيادات بتكمل الناقص) نحن دايرين اعلان عن قيام دولة الاسلام التي لا تنتخب رئيسها بل تبايعه بيعة بشروط البيعة المتفق عليهاشرعاوهي ممكنة وساهلة والان مافي غير ريسنا مؤهل ليها من غير حساسيات وحقد سلطة من جهلة ودايرين دولة اسلام يكون همها في الاول والاخر هو نشر الاسلام وبس وده موضوع شرحة طويل جدا ياخ انت ما تنضم لينا ونديك دروس عصر تقوية اسلامية حتى تسهم بنشاط في عمل اللجنة ونذداد بيك قوة وفهم وما تبقى زي الناس الخوافين واللامباليين السودان الان محتاج لحاجة زي دي لو امعنت النظر البعيد وحبة ذكاء
Post: #22 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-10-2010, 01:47 PM Parent: #21
Quote: ياحليل الجهاد المقدس والله
أنا عاوزة دولة مدنية علمانية مافيها دستور إسلامي ولا صهيوني ولا نصراني ولا مجوسي
سلامات يا راوية وسلام خاص لوليد برضو والشوق جبال ...
شيلي المجوسي ده برة لان الباقين كلهم اسلام الدين عند الله هو الاسلام ودي ما نقطة خلاف طبعا عموما ... العلمانية في الاصل جاءت لحماية الدين ارجعي لاصل العلمانية يعني انتي زولة اصولية للحد البعيد ودي حاجة تفرح احسن من ناس قالوا انهم مسلمين لكن في الاصل ملاحدة وبرضو للحد البعيد اوع تقولي انا علمانية وملحدة لاني بعرفك زولة ما ساهلة ابدا ومسلمة للحد البعيد ولا انا غلطان ...
Post: #23 Title: Re: لجنة اعلان دولة الاسلام بشمال السودان بعد الانفصال ..!!؟ Author: توفيق عيسى مكي Date: 11-10-2010, 01:59 PM Parent: #22
كدي يا ناس سيبوا الكلام الكتير وخلوا اللجنة تشوف شغلها اها في الاول تعالوا نعمل حصر للاعضاء
مين حا يسجل في الاول
الجبناء والحريم يمشو بعيد ... ده ما مكانهم طبعا ملحوظة : في حريم اضكر من كل الضكور (ديل طبعا حبابهم الف)