|
Re: نار حمراء .. (Re: وليد محمد المبارك)
|
الصفوة في المريخ وفي جمهوره العظيم
سيظل المريخ هو اول فريق سوداني يحرز كاسا خارجية .. بل ثلاثة كاسات خارجية وسيظل المريخ اول فريق سودان يحرز كاسا اقليمية( سيكافا) وسيظل المريخ اول فريق سودان يحرز كاسا افريقية( ماندلا ) وسيظل المريخ اول فريق سوداني يحرز كاسا عربية ( دبي )
جبتوها ولا ما جبتوها نحن الاوائل والفاتحين
| |
|
|
|
|
|
|
Re: نار حمراء .. (Re: محمد يوسف الزين)
|
Quote: الصفوة في المريخ وفي جمهوره العظيم
سيظل المريخ هو اول فريق سوداني يحرز كاسا خارجية .. بل ثلاثة كاسات خارجية وسيظل المريخ اول فريق سودان يحرز كاسا اقليمية( سيكافا) وسيظل المريخ اول فريق سودان يحرز كاسا افريقية( ماندلا ) وسيظل المريخ اول فريق سوداني يحرز كاسا عربية ( دبي )
جبتوها ولا ما جبتوها نحن الاوائل والفاتحين |
ياوليد صباح الخير مابيحيبوا كاس لولعب بين منتخب المعز وهيثم مصطفي خلي مع الصفاقصي والا الفريق المغربي
| |
|
|
|
|
|
|
Re: نار حمراء .. (Re: حاتم كاهن)
|
يا كاهن والله مشتاقين
الكاس ده غايتو شكله محمدكم
عشان كده قلنا نوريكم انو الطوبة الال=ولى في الصف ده حقتنا
اخبارك ياخ
| |
|
|
|
|
|
|
Re: نار حمراء .. (Re: وليد محمد المبارك)
|
Quote: هسع قبل سنتين ما لعبت فيه راس مع الصفاقصي ده زاتو |
وجـرّاك باربعة هارت لمن وقعت من التربيزة يا حبيب
___________ أجل البوست دا شوية يا شفت واسمع كلام اخوك ، احتمال ما تحتاج ليهو
| |
|
|
|
|
|
|
Re: نار حمراء .. (Re: محمد عبد الماجد الصايم)
|
Quote: وسيظل المريخ اول فريق سوداني يحرز كاسا عربية ( دبي ) |
ياشفت والله شينه فى حقك إنت زول بتاع كورة كاس دبى شنو كمان البتتفاصح بيهو والله مافى ناس فى الدنيا دى بحسبوا مباراة إعتزال لاعب على إنها بطولة إلا السودانيين
| |
|
|
|
|
|
|
Re: نار حمراء .. (Re: الوليد الرشيد وراق)
|
Quote: ياشفت والله شينه فى حقك إنت زول بتاع كورة كاس دبى شنو كمان البتتفاصح بيهو والله مافى ناس فى الدنيا دى بحسبوا مباراة إعتزال لاعب على إنها بطولة إلا السودانيين |
انتو ما لعبتو فيه بعدنا والهلي المصري طبق ليكم فيه الحنة حقت 2:0
| |
|
|
|
|
|
|
Re: نار حمراء .. (Re: وليد محمد المبارك)
|
ولي سلامات يا حبيب بعد ما قلنا المريخاب ديل عقلو، وبدوا يشوفوا الحال المايل بتاع فريقهم (حاليا) تاني قمتو جبتو سيرة البحر هسه في زول غالتكم شلتو كاس العالم زاتو ياخي ما ياهو ده السودان من الدول الأسست الإتحاد الإفريقي وشلنا كاس إفريقيا سنة سبعين وطقطقنا ليك البرازيل زمن بيلية زاتو العبره هسه نحن وييين والعالم الجات بعدينا كسحت وين شوف وين غانا ووين ساحل العاج ووين البقيه
غايتو أقعدو في شلنا ... وأول فريق يلبس أحمر زاتو وتعالو لينا نزعمطططكم زعمطة السنين
| |
|
|
|
|
|
|
Re: نار حمراء .. (Re: وليد محمد المبارك)
|
وليد إزيك ... انت بتجقلب مالك من هسع!! ياخي لو شلنا الكاس ذاتو ده ما معناه الكورة عندنا متطورة ممكن يجي ضربة حظ ساكت أو فورة أندروس ... يا وليد خت الكورة واطة نحن في السودان محتاجين شغل كتير ... كدي خلينا نرجع للمحلي المباراة الجاية بنسوي ليكم الشطة رأيك شنو .. انت جيب التلج ونحن بنجيب الشطة وحاول تتمرن على قولة أح إشش أح وكتر من التلج
أمير
| |
|
|
|
|
|
|
Re: نار حمراء .. (Re: محمد عبد الماجد الصايم)
|
و الله يا وصيفاب عينكم قوية.
Quote: قلنا ما نجي يدنا فاضية ...... |
الكورة دي بالذات ما كان تجيبوها لانو غلبناكم فيها في أستادكم و عملنا فيكم متوالية الممتاز الخامسة.
وقد حضرتم لهذه المباراة بعد فضيحة الصفاقسي الرباعية في ملعبكم ، لم تأخذنا بكم الرأفة بالرغم من ان التعادل كان يكفي الهلال.
النتيجة النهائية لهذه المباراة 3/2 لصالح الهلال سيد البلد.
| |
|
|
|
|
|
|
Re: نار حمراء .. (Re: إدريس محمد إبراهيم)
|
Quote: ابصم بالعشره في مسألة الطوب دي ليس لكم منافس |
Quote: عبد اللطيف احمد
احتل الهلال المركز الثاني على المستوى العربي، والثالث على قارة افريقيا والـ(103) على مستوى العالم، بعد أن جمع في رصيده (118) نقطة!!. جاء ذلك من خلال تصنيف الاتحاد الدولي لتاريخ وإحصاء كرة القدم التابع للاتحاد الدولي (فيفا)، بينما حل فريق الوصيف في المركز (135) عالمياً!!. *على الرغم من أن تصنيف الفريقين فاق المائة إلا أننا سنضحك تحت شعار أن أبو مية وتلاتة بضحك على أبو مية خمسة وتلتين، حيث يمكننا القول إن الهلال أفضل من المريخ بـ32 نادياً، (نادي ينطح نادي) والفرق بين الهلال والمركز الأول (100) نادي (فقط)- حلوة فقط دي- (إن شاء الله يوم (فقطكم ما يجي) عكس المريخ الذي يفصله عن المركز الأول مائة واربعة وثلاثون نادياً (غير نادي العمال، ونادي المحامين، والنادي القبطي).. ناس الاحصاء ديل لو دخلوا ليكم الأندية دي كان المريخ جا في المركز الـ1035!!. *أكتر حاجتين عاجبني في احتلال المريخ للمركز الـ(135) أول حاجة إنو رقم التصنيف دا رقم مميز، يعني ناس الاتحاد ديل بكونوا اختاروا ليهم الرقم دا وفق حاجات كويسة، لانو لو القصة نتائج فالمريخ مفروض يحتل المرتبة ال3500، انتو عارفين بكون الـ(كاف) ادخل في الموضوع، وكلم ناس الاتحاد الدولي للتاريخ والاحصاء بي إنهم ينظروا للوصيف بعين الشفقة، ويضعوا في اعتبارهم إنو مهما حصل فالمريخ موضوع على رأس المجموعة الأولى في بطولة الأندية الافريقية الأبطال، فقاموا ناس التاريخ ديل اختاروا ليكم الرقم المميز دا، عشان يليق بـ(طيش المجموعات)، والنصيحة الرقم دا أنا حسدتكم عليه، يعني لو سبقتوه بي صفر تسعة على كم تلاتة كدا ممكن تدخلوا بيه موسوعة غينس للطياشة القياسية.. وعادي تختوه تلفون في اليافطة بتاعة الـ(رد كاسل)!!. الحاجة التانية العجبتني في احتلال فريق الوصيف للمركز الـ(135) دا إنو اتصنف من (العشرة الأواخر)، ودي فرصة حقو تستثمروها في (قيام ليل).. خاصة إنو عندكم مقومات القيام دا، يعني إنتو النادي الوحيد في السودان العندو اضاءة حديثة مطابقة لمواصفات الفيفا، أهو تقولوا عملتو بيها حاجة!!. *لن استبعد أن يخرج علينا الإعلام السالب كما يحلو لمجلس المريخ مناداته طاعناً في نتائج الاحصاء هذه، ويحدث أنصاره بـ(مزيد) من التخدير والأسى عن أن الاتحاد الدولي لتاريخ واحصاء كرة القدم اغفل تفوق المريخ في هذا الموسم على عدة أندية منها (نادي التنس)، و(نادي الزوارق)، و(نادي الضباط)، و(نادي العامل البحراوي)، و(نادي النفط)، والتفوق يتمثل في احراز فريق الوصيف لكأس اللعب النظيف لبطولة شرق ووسط افريقيا!!. *احتلال الوصيف للمركز الـ(135) كان بالأفضلية على عدة أندية نافسته على هذا المركز منها نادي توسكر، ونادي فريق شيخ محمد الصومالي، ونادي عمال النظافة، وتفوق المريخ عليهم بلقب الوصافة الذي احرزه في النسخة (35) من بطولة شرق ووسط افريقيا!!
|
كلو محصل بعضو
| |
|
|
|
|
|
|
Re: نار حمراء .. (Re: وليد محمد المبارك)
|
وليد يا شفت
كا عام و أنتم بخير
Quote: يعني ما بعد فضيحة مازمبي الخماسية في ملعبكم ؟! |
لا لا و إنت الصادق
دي قبل فضيحة الرجاء بتاعة ذي القعدة و قبل الوحدات السباعية كمان
| |
|
|
|
|
|
|
Re: نار حمراء .. (Re: عمار يس النور)
|
ازيك يا سيناتور
النار الحمراء المن زمن اجدادنا القدماء...وفرك الحطب
ياخ امشي شوف تصنيف الاتحاد الدولي بين ناركم الحمراء دي والموج الازرق...(الموج الازرق يقدل مع فرق انجليزية في التصنيف...وانتو شغالين لينا في كرري تحدث عن رجال...ومصنفينكم مع قادسية وين كدي ما بعرف... يعني الاتحاد الدولي كان فتح دواليبكم وشاف كأساتكم البانية فيها العنكبوت...حا يرفعكم في التصنيف؟؟؟
حسنوا من حال فريقكم لتنصلح الكرة السودانية فقوم يفرحوا لهزيمة الموردة...ولا يحزنوا لهزيمة فريقهم من الأمل عطبرة...بانتظار ان ينهزم الهلال لفش غبينتهم... لا يمكن ان يكونوا نار حمراء...فالنار الحمراء كذلك تلد الرماد
قوموا لفوا
| |
|
|
|
|
|
|
Re: نار حمراء .. (Re: nazar hussien)
|
يا نزار
ياخ عليك الله انت قايل تصنيف الاتحاد الدول ده صبة
امشي شوفوا قبل سته شهور ولا 8 شهور ما عارف شوف تصنيفنا وين وانتو وين
موش رقم (103)
| |
|
|
|
|
|
|
Re: نار حمراء .. (Re: عمار يس النور)
|
Quote: دي قبل فضيحة الرجاء بتاعة ذي القعدة و قبل الوحدات السباعية كمان |
ايواااا
اياام كورة السوريين بتاعين كلو جدعة بي قون ديك ناس كبتن ماجد الوكت الانسجبتو زي النسوان وابيتو تمشو تلعبوا هناك
| |
|
|
|
|
|
|
Re: نار حمراء .. (Re: ابراهيم محمد الحسن)
|
اجمل ما في جمجرتك دي يا شفت قناعتك بانو الهلال قريب للكاس السنة دي يا زول النشيلو بعد داك انتو ان شا الله تجو الأوائل في أي شي ما مشكلة بعدين مش المريخ اتاسس قبل الهلال بكم وعشرين سنة وتيب
| |
|
|
|
|
|
|
Re: نار حمراء .. (Re: ابراهيم محمد الحسن)
|
سلامات يا ولول
علي راي خالد عز الدين اذا سالت المريخابي ايهما افضل في قلب دفاع مساوي ام سامي عبد الله
يقول ليك نحن جبنا كاس مانديلا
بمناسبة كاس مانديلا يا وليد اين موقع الفرق التي فاز عليها المريخ في ذلك الزمان
البنزرت قورماهيا باترونج بندل يونايتد اعتقد انها في ذمة التاريخ
لعب الهلال حتي الان في كاس الاتحاد الافريقي تلاتة عشرة مباراة ولم يصل للنهائي
ولعب المريخ فقط ثمانية مباريات
اذن لا مقارنة بين الكاسين
ابراهيم محمد الحسن
المريخ اذا لعب مع الوحدات تسبع واذا لعب مع الاهلي القاهري تخمس واذا لعب مع الصفاقسي تربع
يعني احمد وحاج احمد كلو واحد
| |
|
|
|
|
|
|
Re: نار حمراء .. (Re: khaleel)
|
يا سيناتور
أما زلت في ضلالكـ القديم ؟؟
تا لله لأن لم تتوبن لنسلطن عليكم البرنس هيثم مصطفي و جنوده و لتعودن بعد ذلك نادمين !
| |
|
|
|
|
|
|
Re: نار حمراء .. (Re: khaleel)
|
Quote: يا زول لو شالو كاس عرقي نحن برضو اول من شال |
كضبن كاطب يا ولي اول كا عرقي شالوهوا رشاشات ديل في سنة 83 في اول يوم لتنفيذ قوانين سبتمبر بتاعة نميري ديك وقبضوا منهم في اول يوم نجمين كبار جدن جدن جدن (لعيبة نص ناااار وعندهم اغنية عن ثنايتهم والاتنين من مدني)
ياعمك نحنا مذاكرين تمام وحافظيييين قايلنا صفوة عشان شنو!؟
| |
|
|
|
|
|
|
|