هجمت قوة من الجيش مكونة من ثلاثة متحركات، قوامها 210 سيارة ذات دفع رباعي و شاحنات، و مدعومة بالمدرعات و المدفعية الثقيلة و الطائرات المقاتلة، ظهر اليوم السبت السادس من شهر نوفمبر 2010، على مواقع الحركة في شمال دارفور، حيث إشتبكت قواتنا مع القوة المعتدية عند حلة “أم فنية” التي تقع على بعد 25 كلم شمال مدينة كرنوي، و تمكنت قواتنا الباسلة من سحق القوة المهاجمة و هزمتها هزيمة نكراء بعد أن كبدتها خسائر كبيرة جداً في الأرواح و الممتلكات، و دمرت لها ست (6) شاحنات كبيرة محملة بالعتاد و الذخائر، و أسرت عدداً منهم من بينهم ضباط، و غنمت منهم الآتي:
1- 20 سيارة عليها مدافع دوشكا
2- 7 سيارات عليها راجمات B10
3- 3 سيارات عليها راجمات SPG9
4- سيارتين عليها راجمة رباعي
5- ست (6) شاحنات محمّلة بالذخائر و العتاد الحربي و المؤن
و الجدير بالذكر أن هدف القوة المعتدية هو الإستيلاء على مصادر المياه في شمال دارفور، و فرض سيطرتها على كامل المنطقة، و قد قامت بهجومها بعد قصف جويّ و مدفعي مكثّف استمر ثلاثة أيام بلياليها، نفقت جرّاءه الكثير من الماشية، و أدخل الرعب في نفوس الرعاة. إلا أن بسالة رجال العدل و المساواة و ثباتهم عند اللقاء، خيّب فأل القوة فباءت بالهزيمة و الخسران المبين.
و رغم أن الحركة قد حقّق هذا النصر الثالث الكبير خلال أقل من إثنين و سبعين ساعة، إلا أنها لا تغترّ بما حققت، و تدعو أبناء الشعب في القوات النظامية بأن ينحازوا إلى جانب المهمشين المظلومين، وهجر الطغاة القتلة الهاربين من العدالة الدولية.
المجد و الخلود لشهدائنا الأبرار، وعاجل الشفاء لجرحانا، والحرية لأسرانا، وثورة حتى النصر.
اللواء/ علي الوافي بشّار
الناطق الرسمي باسم قوات الحركة
نائب أمين الاعلام
6 نوفمبر 2010
الأراضي المحررة
Post: #2 Title: Re: بلاغ عسكري عاجل من حركة العدل والمساواة السودانية Author: أحمد ابن عوف Date: 11-07-2010, 01:03 PM Parent: #1
سلام يا ابو السيوف
ننتظر نفي الخبر او تأكيده بواسطة الجهة الاخرى
جايين بتين؟؟
تحياتي
Post: #3 Title: Re: بلاغ عسكري عاجل من حركة العدل والمساواة السودانية Author: saif massad ali Date: 11-07-2010, 01:12 PM
أحمد ابن عوف
سلام ياصديقي
Quote: ننتظر نفي الخبر او تأكيده بواسطة الجهة الاخرى
الجماعة ديل ليك يومين شايفهم حايمين بي جاي
تاني يجو المولد
Post: #4 Title: Re: بلاغ عسكري عاجل من حركة العدل والمساواة السودانية Author: أحمد ابن عوف Date: 11-07-2010, 01:39 PM Parent: #3
Quote: الجماعة ديل ليك يومين شايفهم حايمين بي جاي
يعني لا بيجاي لا بي هناك لوووووووووول
دي عوجة هههههههههه
Post: #5 Title: Re: بلاغ عسكري عاجل من حركة العدل والمساواة السودانية Author: saif massad ali Date: 11-07-2010, 01:45 PM Parent: #4
احمد ابن عوف
الناس دي عرفت حقائق كتيرة وفكت البيرك
Post: #6 Title: Re: بلاغ عسكري عاجل من حركة العدل والمساواة السودانية Author: على ميرغني Date: 11-07-2010, 01:55 PM Parent: #5
Quote: سيارات عليها راجمات B10
3- 3 سيارات عليها راجمات SPG9
4- سيارتين عليها راجمة رباعي
الاخ سيف سلامات كتار بس البيان دا لو اصدروا اللواء الوافي دا يبقى لا لواء ولا حتى سرية لانو مافي حاجة اسمها راجمة بي 10 ولا اس بي جي 9 ولا رباعي دي مدافع يا سيدنا .. شكلك كدا كترت من الشامبيون وكتبت البيان دا من راسك ساكت ـــــــــــــــ عموما المهم انو الكلام لو صاح فالقاتل والمقتول كلهم سودانيين كان ممكن يحلوا خلافاتهم بالقعاد في الوطة ... الله يهدي النفوس
Post: #7 Title: Re: بلاغ عسكري عاجل من حركة العدل والمساواة السودانية Author: أحمد ابن عوف Date: 11-07-2010, 02:27 PM Parent: #6
فليبقى عاليا
الناس في سجمي لو الحرب قامت تاني مع الجنوب، ولهف قلبي على الابنوس المغادر
ودرافور الحرب مدورة فيها تقول يا ليل، والناس تموت بالمجان
انسوا الجنوب يا جماعة وقبلوا على دارفور ومشاكلها، عشان تفتشوا مناديل وتبكوا على دولة دارفور ال ح تنفصل
Post: #8 Title: Re: بلاغ عسكري عاجل من حركة العدل والمساواة السودانية Author: الشفيع وراق عبد الرحمن Date: 11-07-2010, 03:58 PM Parent: #7
Quote: 3 سيارات عليها راجمات SPG9
يا ود مساعد الـSPG-9 ما راجمة ياخي وما بيحمل على السيارات ده مدفع قاذف
شرطت عينا انت واللواء بتاعك ده لامن تطبخوها ، اطبخوها كويييس وما تجيبوها نية
Post: #9 Title: Re: بلاغ عسكري عاجل من حركة العدل والمساواة السودانية Author: saif massad ali Date: 11-07-2010, 04:40 PM Parent: #8
يا اخوانا راجمات اي مدفع راجمة
Post: #10 Title: Re: بلاغ عسكري عاجل من حركة العدل والمساواة السودانية Author: saif massad ali Date: 11-07-2010, 04:44 PM Parent: #9
Post: #11 Title: Re: بلاغ عسكري عاجل من حركة العدل والمساواة السودانية Author: saif massad ali Date: 11-07-2010, 04:53 PM Parent: #8
