نستا معانا .. ومرحب مرحب بكل من جانا ...

الأخوات والإخوة الإحبة بورداب الإمارات ...

الأخ الحبيب .. وأخو الأخوان .. والبوردابي المطبوع بحب الخير للجميع ...

معتصم محمد صالح "نستا" في الإمارات ...

وهذه أول زيارة له بعد تعرضه للحادث المروري المؤسف ...

ونظراً لضيق الوقت لأنه سيغادرنا بعد ظهر الغد ...

فقد طلبنا منه إستقطاع جزءٍ من وقته لنقوم بالإحتفاء به ...

وقد وافق مشكوراً .. ليم اللقاء به مساء اليوم بمطعم دانيال بدبي ..

الدعوة لكل من تسعفه ظروفه ويتمكن من الحضور من بورداب الإمارات ...

والعذر موجود مسبقاً لكل من لا يتمكن من الحضور ...

وأعذرونا لتأخر البوست ... فقد تمَّ الأمر في عجالة ..

UP

معكم يا عبدالله حضور إن شاء الله ...معتصم زول ما ساهل والله أبداً

تسلم يا حلاوي يا رائع ...

والله معتصم راجل جدع .. شهم.. كريم .. فارس .. وأخو أخوان بالجد ..

ما بيقصِّر مع أيِّ بوردابي ... ومحب لعمل الخير لأبعد الحدود ...

قدر ما نعمل ما حنوفيهو حقو أبداً ...

إن شاء الله ربنا يديم المعروف بين الناس يا حلاوي ...

بالله كلم نصر الدين ... وبقية الشباب الحلوين المعاك هناك ...

تسلم يا حبيب ..

حاضريين يا أستاذ عبدالله

الحبيب شيخنا كسلا والمحترم معتصم ليكم أطيب تحية

أعذروني لعدم ملاقاتكم لظروف العمل وبعدين دبي زحمة وإنشاء الله نلتقيه في أقرب فرصة تتاح لينا ولو جانا مرحب بيه ونتشرف ونتمني أن تلتقوا في ساعات طيبة وحلوة

Quote: ونظراً لضيق الوقت لأنه سيغادرنا بعد ظهر الغد ...

تحياتنا عبدالله كسلا
نستا بقى سواق طيارة ولا شنو.. ما شاء الله تبارك الله..

زعلانه يا معتصم عشان ما لاقيتك ... لكن سعدته بمكالمتك وسماع صوتك ..

إن شاءالله الجايات احلى .. وربنا يديك الصحة والعافية ويوفقك فى كل خطوه ..





شكرا عبدالله كسلا الرجل الهميم صاحب الواجب ..

شكراً ليك أختنا الهميمة عفاف الصادق على الكلمات الرقيقة في حقي ..

وهو حقيقة سأل عنِك تحديداً .. وكان متمني يشوفِك ...

وفي الواقع هي كانت دعوة سريعة للإلتقاء بمعتصم تم الترتيب ليها في زمن قصير جداً مع محاولة للتوفيق بين مشاويرو .. وظروف سفرو .. وظروف الناس .. خاصة وإنها تمت في بداية الأسبوع ..

لكن الحمد لله .. وبالرغم من قِلة عدد البورداب الشاركوا في اللقاء إلاَّ إنها كانت جلسة ظريفة جداً .. وتعرَّف هو على مجموعة من البورداب يقابلهم لأول مرة ..

ووعدنا بلقاءات جاية يتم الترتيب ليها بشكل أفضل ...

وأنا بعتذر للجميع لتأخري في إنزال البوست ... لكن كان لازم يتم بعد تأكيد كل الترتيبات ...

عموماً الشكر لكل من حضر اللقاء ...

ولمن لم تسعفه الظروف .. نقول الجايات أكتر بإذن الله ...

معتصم .. والأخ نبيل ضيف شرف اللقاء وزميل المهنة مع معتصم في عالم الذهب ..

الشاب الوجيه هيثم عبد العزيز .. ونصر الدين البشير ..

معتصم ... ومحمد إبراهيم عثمان (حمودة) ... مريخاب .. وصفوة الصفوة ...

روعة المكان والزمان رغم متلازمة قصر الوقت وضيق السانحة لكنك يا عبدالله حعلت كل ذلك ممكناً ...
عثمان الحسن أبو روف
الريح أحمد
نبيل المسيد
والأحبة / نصر وحمودة وهيثم دائما لهم قصب السبق والحضور الفاعل .

اجمل الحلوين عهودك وين

انت ناسي الناس نحنا ماناسين

نيستا ياحبيب اشواق كيمان ...كيمان



شكرا ود كسلا الوريفة

الشاربه من الطيبة ديمه

الحبيب هارون دياب ...

بالله شفت روعة الصفوة ده يا هارون .. يا خي معتصم ده من النوع البيقولو عليهو ..

تختو في الجرح يطيب .. أنا شخصياً بعتبرو فارس من فرسان الزمن ده ..

وبتعامل معاهو على هذا الأساس ...

راجل مالي هدومو .. شهم .. كريم .. أخو أخوان للطيش ..

شكراً ليك يا هارون على المرور وتحية الصفوة معتصم ...

نصرالدين .. والحلاوي ..

نعم أخي الحلاوي ... كان اللقاء جميلاً ...

وروعة الحضور أضفت على اللقاء بهاءاً وجمال ..

الشكر لكم جميعاً على التلبية السريعة بالرغم من ضيق الوقت ..

والحرص على اللقاء بالأخ الحبيب معتصم ..

يعنى ماقادرين تستنو لبكره يا ,,,,,,نيستا


تسلم عبدالله وملمومين فى الخير دايما ....

الحلاوي .. وضيف شرف اللقاء زعيم المترجمين القانونيين في دبي .. عثمان الحسن أبو روف ..

عبد الله كسلا .. هيثم عبد العزيز ..

شكراً يا منال على المرور والتحية ...

بس ما عرفت منو .. ينتظر شنو ... ؟

تسلمي ...

مرحبتين يا أيمن ...

والله ما شاء الله عليو ... بيسافر في الشهر مرتين أو تلاتة مرات ...

ربنا يديهو الصحة والعافية .. يا رب ...

تشكر على المرو والتحية يا أيمن ...

ولا يهمك يا عبد العزيز ...

الجايات أكتر إن شاء الله ...

تسلم يا حبيب ...

ضيف شرف اللقاء الأخ الريح أحمد .. وحمودة .. ومعتصم ...

نصر الدين البشير ...

حمودة

هيثم عبد العزيز

عثمان الحسن أبو روف

لقطات شاملة للمجموعة التي حضرت اللقاء ...

شكراً ليك كتير أخونا وحبيبنا الفارس معتصم محمد صالح ..

على إستقطاعك لتلك اللحظات من وقتك وتخصيصها للقاء بنا..

فقد سعدنا بوجودنا معك .. ووجودك بيننا أيما سعادة ..

ونتمنى أن تتكرر اللقاءات بك لفتراتٍ قادمة تكون أطول ..

ويتم اللقاء فيها مع عدد أكبر من البورداب ..

شكراً ليك مرة أخرى ...

ونسأل الله لك السَّلامة في حَلِّكْ وتّرْحَاِلك ...

يا لروعتكم ..

شكرا بورداب الامارات ..

شكرا شيخ العرب ( عبد الله كسلا )

شكرا آدم موسى لتكبدك مشاق الحضور من ابوظبي ..

شكرا عبد الرحمن

شكرا ( الصفوة ) حمودة

شكرا هيثم عبد العزيز

شكرا استاذنا ابو روف

شكرا الريح ( الخطير)

شكرا نصر الدين

شكرا عبد العزيز

شكرا استاذة عفاف

شكرا ود البشرى

وبعد كل هذه التشكرات التي لا توفيكم جزء من حقكم واستقبالكم الدافئ لنا امنياتي بلقاء يجمعنا في الوطن الحبيب ..


هارون يا صفوة .. والله العهود ما نسيناها .. بس الظروووف وانت كلك نظر ,,,

Quote: شكرا ( الصفوة ) حمودة

شكرا ليك أنت ياصفوة معتصم محمد صالح فرغم ضيق وقتك قابلتنا ..
حقيقي سعدنا بتلك الليلة معك ومع من حضر من بورداب الامارات..
التحية للعمدة عبدالله كسلا ..

معتصم ازيك ياخ
مشتاقين والله ، ومقصرين معاك اقسم بالله

Quote: بعد تعرضه للحادث المروري المؤسف

ما سمعنا بيهو ، متين دا كان؟
لا حول ولا قوة الا بالله. شكلي مقصر معاك شديد

لاقيت عمك ود البشرى؟ وعمك ود مسمار جا السودان ولا كيف؟
واحسن الله عزاكم في عطبراوي ياخخ.

معتصم رفيق الكوارع العتيد..سلامات ياراجل يا طيب





صورة تاريخية..عمنا ابوالقاسم قور واخونا معتصم محمد صالح في احدى الجلسات المباركات - حجة سكينة

يا ود الزين الراجل الزين .. انت وين

والله يا محمد فجعت بوفاة عطبراوي للدرجة التي لم استطع معها العودة الى هناك مرة اخرى ولم استطع تقديم العزاء فيه حتى اللحظة .. دخلت في حالة لا اعرف كيف اصفها لك .. اكاد لا اصدق ولكن كلنا لها ..

لك تحياتي وتقديري ...

انتظر منك اتصال 0912209259 - 0111055596

شكراً على التلفون يا حبيب
ان شاءالله اقدك قدة حتى ترضى عنا

انا لله وانا اليه راجعون..
كلمتني واحدة من الاخوات قريبات دي ، الموت حق.. ياخ عمك دا كان راجل ماساهل ، اقسم بالله انا كان عندو معزة خاصة عندنا ، الله يرحمو ويغفر ليهو وانا لله وانا اليه راجعون

سلام يا صاحب

مرحب بيك يا محمد يوسف الزين ياخ ....

وبركة اللميت في صاحبك وفي تلفونو ...

والبركة فيكم الاتنين ...