Post: #1
Title: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:05 AM
Parent: #0
ناس الجرايد بكتبو وزير دولة سابق في المالية
لكن هو منو هو؟
ما ممكن يكون دا تفكير زول - كان - مسؤل كلو كلو!
|
Post: #2
Title: Re: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:08 AM
Parent: #1
والغريبة مكتوب قبليهو الخبير الاقتصادي
وشابكنا الميزانية والموازنة
هسي دا كلام تقولو؟
|
Post: #3
Title: Re: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:14 AM
Parent: #2
اقرو الكلام دا
| Quote: أن اهمية تنمية الخدمات ترفع من ميزان المدفوعات وتأتي بعملة اجنبية تمكننا من الاستيراد ، خاصة وأن البلاد بها قوى بشرية فائضة يمكن تصديرها ، وأكد دكتور عزالدين أمس أن البلاد بامكانها زيادة تحويلات المغتربين والتي تبلغ الآن 2,5 مليار دولار أي ما يعادل حصيلة الشمال من البترول في الجنوب وذلك عبر برنامج تضعه الدولة وبروتكولات لتقدير العمالة ومنهجيتها لتصدير الفائض من القوى البشرية بطريقة ممنهجة. |
بالله المسؤلين قاعدين يفكرو كدا؟
دايرين يصدرونا عشان نجيب ليهم قروش!
|
Post: #4
Title: Re: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:19 AM
Parent: #3
الصادرات الزراعية والصمغ العربي والجلود والثروة الحيوانية والبترول (بعد 9 يناير) الخ
قالو دا كلللو ما بغطي ،
احسن حاجة نصدر الناس لأنهم اكتر منتج بجيب عملة صعبة 
ياهدي بالله البدائل الاقتصادية البقولو عنها؟
يا اخوانا انا زول وهم وما بعرف والحاجة دي عادية ، ولا الكلام دا غريب شوية؟!
أها حيصدرونا بياتو ميناء؟ والمواصفات شنو؟
|
Post: #5
Title: Re: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:24 AM
Parent: #4
الاقتباس من "الأحداث" المجيدة
|
Post: #6
Title: Re: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:30 AM
Parent: #5
قوقلت الاسم ولقيت الزول دا اتاريهو منجعص في أي تعقيب على ميزانية
لقيت كلام تقريباً من موازنة السنة الفاتت
بالله الحكومة طرحت شهامة نظام دين من الناس (والله انا طلعت قاعد ساكت)
| Quote: أما وزير المالية الأسبق الدكتور عز الدين ابراهيم يقول إن العجز في الموازنة هو الفرق بين السالب بين الايرادات والمصروفات وأبان أن المصروفات الحكومية نوعان منها ما هو جاري والثاني صرف على مشاريع التنمية وأن ايرادات الخزينة العامة في الوقت الحاضر بترولية وغير بترولية (الضرائب + أرباح الشركات والمشاريع + التحويلات من الخارج) وشدد على أن دخل الدولة محدود واشار إلى أن الموازنة العامة بها عجز مرحل من سبعينيات القرن الماضي كان يمول أو يسد من البنك المركزي آنذاك عن طريق طباعة الأوراق النقدية وفي التسعينيات وبعد تدفق البترول السوداني ظهرت وابتدعت أساليب جديدة تمثلت في فتح منافذ الاستدانة من الجمهور عن طريق الاكتتاب في الشهادات الحكومية (شهامة - صرح ) لتكون مصدرا للتمويل وأوضح أن الاستدانة من النظام المصرفي تقود إلى زيادة الأسعار والميل إلى الاستيراد وتدهور سرع الصرف وأوضح عز الدين أن ثمة تحول كبير حدث في مفهوم التضخم وأسبابه حيث كان يلقى باللائمة فيه سابقا على التجار ولطالما كانت تعالى الأصوات لكبح جماح الأسعار بتحديد سقف لها والآن اصبحت له علاقة بالموازنة ومصادر تمويلها ( حقيقية من الجمهور) غير أنه يرى أن إشكال محدودية التمويل من الجمهور يعتبر من أكبر مهددات الاعتماد على الاستدانة من الجمهور بجانب أن يكون دوما على حساب تمويل القطاع الخاص مما يعني أن الحكومة عندما تلجأ إليه تكون قد زاحمت القطاع الخاص على مصادر تمويله. |
الصحـــافة
|
Post: #7
Title: Re: دا منو هو عز الدين ابراهيم دا؟
Author: محمد يوسف الزين
Date: 11-07-2010, 11:43 AM
..
|
Post: #8
Title: Re: دا منو هو عز الدين ابراهيم دا؟
Author: Fadl Karrar
Date: 11-07-2010, 01:02 PM
Parent: #7
قليل من الإحترام
يزيد منك ولا ينقص
ويمكن أن تفهم بعدها
|
|