|
|
 الشرطة السودانية وادمان التسيب....سرد وقائع احتيال
|
مما فتحنا وشفنا الدنيا وتحديدا فى بداية السبعينات كنا نسمع عن مخالفات الشرطة
لكنها لم تكن تتعدى دفع شوية جنيهات لشطى لتفادى غرامة مخالفة مرور او ما شابه
ذلك.
الكل يعرف جيدا انه اذا تم القبض على شخص فى مخالفة ما او جناية وتم تسجيلها
فى دفاتر محاضر الشرطة فان الطريق واحد اما المحاكمة او الخروج بضمان مالى
لحين المحاكمة. بعد ذلك ياخذ القانون مجراه فاما براءه او غرامة مالية او السجن.
أستمر ذلك حتى جاء او جاءت الانقاذ التى لم نعرف حتى كتابة هذه السطور هل هى
ذكر ام انثى وجاءت بالجديد المثير كما فعلت فى كل الوان الحياة السودانية.
|
|
 
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
الموضوع المثير بدأ عند عودتي للسودان بعد سنين عجاف قضيتها مشردا فى بلاد الله
احضرت معي ما استطعت ان اعض عليه بالنواجز (وقدرته ادسو من الدفار) من الاموال
وكمغفل كبير وبمساعدة بعض الاقارب والاصدقاء واصدقاء الاصدقاء والمعارف بدات
البحث عن قطعة الارض والتى يمكن ان تصير بيتا بعد طول عمر ان شاء الله عشان
تلمنى فى خريف العمر اذا شاء الله أن أدركه.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
المهم وجدنا بعض السموم السارية (السماسرة) وكل واحد منهم عرض مالم تراه عين
وما لم يخطر على عقل بشر لكنهم كانوا يختفون الواحد تلو الاخر بسبب تمسكى الشديد
بمضوع اوراق الملكية والتوكيل فى حالة الموكل.
أخيرا جاء الرجل المطلوب (هادم اللذات ومفرتك الحفلات). او هكذا اعتقدت انا بانه المنقذ.
عرفنا منه انه من الشخصيات المهمة فى حزب المؤتمر الوطنى
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
عرفنا منه انه من الشخصيات المهمة فى حزب المؤتمر الوطنى.
الراجل غاية فى الاناقة تحدث عن انجازاته الكبيرة فى مشاريع الدفاع الشعبى والاعمال الخيرية فى الحى.
سالنا عنه فى الحى الذى يسكنه وقالوا لينا الراجل لا يشق له غبارفى الاعمال الخيرية.
أطمأنينا له وزادنا اطمئنانا وثغة ان الراجل كان جارا قديما لبعض الاهل الذين زادوا ثغتنا فيه.
خرجنا مع الراجل فى زيارات مكوكية لكل احياء العاصمة الجديدة اذ يملك الرجل مئات القطع السكنية
كما انه وكيل للبيع عن شخصيات عامة وكبار جنرالات الجيش كما زعم.
كلما عجبتنا قطعة كان يخرج التلفون بتاعو ويتحدث مع المالك بخصوص السعر ومرات يدينى
التلفون عشان اتكلم مع صاحب الارض زيادة للثغة والطمأنينة.
تم الاتفاق مع الرجل على قطعة معقولة فى حى مناسب بسعر معقول.
الاتفاق ان اقوم بدفع ما معى من مال وهو اقل من السعر المطلوب واكمل الباقى بالاقساط.
انا رفضت موضوع التقسيط وتم الاتفاق على ان اكمل المبلغ عند حضورى الى السودان فى
العام المقبل فى اجازة الصيف.
سلمنا المبلغ للراجل امام محامى وكتبنا عقودات واقرارات بذلك وانتهى الفصل الاول من القصة.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
عند حضورى الى السودهن فى الصيف الماضى احضرت باقى المبلغ والذى حصلت علية بالصيام عن كل مبهجات الحياة وبهرجها.
اليوم الثانى لوصولى اتصلت على الراجل الذى ابدى استغرابهالشديد لحضورى المبكر قال هو كان متوقعنى فى اغسطس
وانا جيت فى يوليو (ما كلو صيف المشكلة شنو؟) لكن ما مشكلة طالما انا جاهز هو جاهز بس اتصل عليه بعد يومين عشان يكون
جهز الاوراق.
نسيت اقول اننا كنا بنقابل الراجل ده فى دار المؤتمر الوطنى وكمان هو هناك معروف جدا (كيف الراجل ما مؤتمر وطنى).
بعد يومين اتصلت حسب الموعد ليخبرنى الرجل بانه فى زيارة تفقدية مع وفد المؤتمر الوطنى عشان يتفقدوا سد مروى
وكده!! ومافى مشكلة كلها يومين ويرجعوا.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
بعد يومين اتصلت عليه رد وقال هو لسع فى مروى لكن هسع بكبوا فى الوقود للعربات والكهربة قاطعة (دى قاطعة فى مروى زاتها)
لكن مافى مشكلة هم مشغلين الجنريتر عشان يكبوا الجاز ولزيادة التاكيد سمعنى صوت الجنريتر عديل دق دق دق دق دق كدة.
بعد يوم اتصلت عسى انو الراجل يكون وصل الخرطوم. المرة دى رد على صوت ثانى انا سألت وين (س)
الصوت رد: ياخ الراجل ده جوه الوحدة بس خلى تلفونو ده هنا عشان يشحن.
انا قلت: خلاص قول ليه فوزى اتصل عليك.
بعد ساعتين اتصلت تانى الصوت رد المرة دى بى حدة شديدة (كيف ما مؤتمر وطنى): ياخ ما قلنا ليك الراجل ده جوه الوحدة.
انا قلت ليهو: ياخى هو مهندس!! البدخلو الوحدة شنو. بعدين انت ترد على تلفونو ليه؟
المتحث قفل الخط بصورة مقتضبة.
هنا تأكد لى ان الرجل محتال ولايملك اى ارض
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
توجهت الى القسم الجنوبى لفتح بلاغ. طبعا اوراق المحامى والعقودات كانت معاى.
فى القسم دلونى على مكتب وكيل النيابة واخبرونى بانه المسؤول عن فتح البلاغ.
صراحة والله العظيم دى اول مرة افتح فيها بلاغ فى حياتى.
وكيل النيابة وجهنى الى مركز الشرطة للتحرى.
دخلت على الضابط المسؤول وسلمته خطاب وكيل النيابة.
الضابط ضحك وسألنى: اخر مره اتكلمتة مع المتهم متين؟
انا قلت: قبل ساعة تغريبا.الضابط سالنى قائلا: قال ليك هو هسع وين؟
انا قلته قال هو هسع فى سد مروى.
الضابط ضحك ضحكة عالية مستلقيا على كرسيه الذى ابسط ما تقول عنه انه متهالك.
وقال لى ياخ زولك ده فى سجن امدرمان ده ليه مدة.
لا حول ولا قوة الا بالله يعنى الراجل باع لينا الترام.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
المهم عرفت من بعض رجال الشرطة انو محجوز بأربع وعشرين تهمة احتيال.
اكملت التحرى وبعد يومين استلمت خطاب استلام منالشرطة اذ وجهت اليه تهمة احتيال.
هذا الخطاب حسب ما علمت هو شبيه بامر القبض بس بيصدر فى حال المعتقلين
لتتم مواصلة اعتقالهم بعد البت فى الاتهامات السابقة التى اعتقلوا بسببها.
عرفت أن الراجل الان محتجز بقسم شرطة المنطقة الصناعية الخرطوم وعلى تسليم خطاب
الاستلام للقسم المذكور حتى تتم مواصلة احتجازه فى حالة خلو طرفه من الاتهامات السابقة.
اخذت الخطاب وذهبت الى البيت على امل تسليمه فى اليوم التالى.
صراحة كنت سعيد بشرطة السودان فى سرعة الاجراء والممارسة العملية.
وبديت احلم (اغنية المرحوم مصطفى سيد احمد) بى سودان معافى الشرطى
فيه صديق المواطن ورفيق العدالة وبى كده نكون انتهينا من الفصل الثانى
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
بعد لحظات من وصولى البيت اتصل الراجل على وهو غاضب جدا.
الزول ده بتصل كيف من السجن وليه خلو معاه تلفون اصلا.
مش زمان (اللهم اجعلو خير) المسجون ده بمسكو منو حاجاتو امانات (وتيب!)
المحير فى الامر انو حكى لى كل مادار بينى وبين افراد وضباط الشرطة
عندما ذهبت لفتح البلاغ. عرف من وين الله اعلم!! يا ربى يكون عندو سفلى!!.
لامنى على استعجالى وفتح البلاغ وطلب منى الحضور اليه فى قسم شرطة المنطقة
الصناعية للتفاوض فى الامر وعشان يوضح لى الامور وكده.
ذهبت الى قسم الشرطة فى الموعد المحدد. عند باب الدخول سألنى الشرطى الواقف
على الباب بانى عايز مين. انا قلت ليه (س).
تخيل الشرطى طوالى قال لى اتفضل (الراجل يبدو انه علم على راسه نار).
دخلت واتجهت الى الحراسة وهى غرفة صغيرة حُشر فيها الناس حشرا.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
صراحة فرحت نكاية فيه لكن فرحتى لم تدم طويلا اذ نادانى شخص باسمى
وعند التفاتى لقيت ليك الزول المابغبانى.
الراجل زاتو بى شحمو ولحمو وكمان سوا ليهو جضيمات تقول
بعلفوه بى مشك (ده ما تصفى منه المريسة) ويستعمل احيانا لتسمين الحملان.
كان اخر شياكة تقول جاى من حفلة مو مسجون. سلمت علية وسلم على بحرارة من اكل قروشى.
اخذنى الى صالة يفتح فيها غرفة وثلاثة مكاتب احدها مكتب الضابط المناوب.
احضر كنبة جلسنا عليها انا و مرافقى وأحضر هو كرسيا من احد المكاتب وجلس عليه.
بعد الترحيب الحار وحمد الله على سلامتنا اشار الى احدى الغرف قائلا انه معتقل فيها .
قمنا معاه دخلنا الغرفة وهى عبارة عن غرفة فندقية بها جميع احتياجتو (بس ما فيها ثلاجة).
قال انو معتقل بسبب خلاف سياسى بينه وبين المؤتمر الوطنى لفقوا ليهو عدة مخالفات اعتقل على اثرها.
طماننى بانه سيخرج بعد يومين وان شاء الله سيسلمنى الارض الخاصة بى.
بعد عدة اسئلة تاكدت ان الراجل يراوغ فقط لكسب الزمن وليس لديه ما يسلمه.
قمت بتسليم خطاب الاستلام للشرطى المسؤول وذهبت لا احمل حتى خفى حنين.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
اخذتنى الافكار ثانية ولكن هذه المرة فى اتجاه اخر. معقول يا أخوانا السودان بقى كده!
معقول قراءة الاستاذ على المك رحمه الله لحال السودان قد صدقت. اليس هو القائل (تقدير ربى
عظيم، ففى بلدى تموت السلاحف فى ليالٍ سبع والبعوض يحيا دهورا)
تاكد لى ان الرجل مسجون سجن صورى اذ اعطانى عدة مواعيد للنقاش بعيدا عن السجن
وكان يحضر فى الزمان والمكان المحددين دون اى تاخير مما يعنى انه يستطيع الخروج فى أى وقت شاء.
ذهبت مرة الى السجن ووجدته يطبخ حلة فى فناء السجن واخر ياونسات مع العساكر.
ذهبت عدة مرات لم اجده داخل السجن عرفت بعدها انه كان فى مشاوير خاصة.
يعنى باختصار شديد الراجل داخل مارق ماكل شارب واشياءٍ اخر
اذ انه يذهب الى بيته متى اراد ويعود فى اى وقت شاء.
اخر ما سمعته فى الايام القليلة الماضية انة كان عامل زواج ابهه لابنته واخر ابتهاج
يعنى لا فى سجن ولا فى شى.
أها عليكم الله ىا جماعة ده شنو؟ ويقولو فيهو شنو؟ ويشكو لى منو؟
الشكيه لى اب ايدا قوية!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
| Quote: يعينك الله في مصيبتك |
الاخ عماد شمت
لك تحياتى
لك اجمل الشكر على المرور والاضافة الكبيرة.
Quote: انا ازيد بعد غياب الدولة ..
موت الضمير والحياء وذهاب الاخلاق....فنحن ذهبنا خلاص ومااظن
نقدر نرجع تاني ... |
والله يا عماد دى مصيبة اذ ان اى فساد يمكن اصلاحه الا فساد العقيدة والاخلاق.
لك الله يا وطن.
| Quote: تاني فوض امرك لله ...لكن اياك والتنازل لاي سبب من الاسباب !!!! |
شكرا على المؤازرة والنصيحة.
اعدك باللا يموت حقى ما حييت.
كل الود.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Fawzi Babiker)
|
اخي فوزي
نساءل الله أن يعوضكم ويرد حقوقكم ..
حكومة اللا وطني طيلة الكم وعشرين سنة أعدمت و افسدت كل الإدارات الحكومية فساد وخراب مقنن وبعناية تامة وتحت إشراف وتنفيذ شيوخ اللا وطني .. زولك ده يتمتع بهذه الحصانة والحماية تحت إشراف النيابة والقضاء .. يعني لو قدمت شكوى للنيابة او القاضي ستكون شكواك ضدك ولن تفلت من العقاب ولو تنازلت عن بلاغك ضد هذا المجرم ... فساد الشرطة والنائب العام والقضائية يافوزي خطوط حمراء يذكره المراجع العام عن خجل ويسكت عنه الوزراء والنواب وكأن شيء لم يكن .. كان الله في عون المواطن ..
تحياتي
الشفيع
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Alshafea Ibrahim)
|
Quote: نساءل الله أن يعوضكم ويرد حقوقكم ..
حكومة اللا وطني طيلة الكم وعشرين سنة أعدمت و افسدت كل الإدارات الحكومية فساد وخراب مقنن وبعناية تامة وتحت إشراف وتنفيذ شيوخ اللا وطني .. زولك ده يتمتع بهذه الحصانة والحماية تحت إشراف النيابة والقضاء .. يعني لو قدمت شكوى للنيابة او القاضي ستكون شكواك ضدك ولن تفلت من العقاب ولو تنازلت عن بلاغك ضد هذا المجرم ... فساد الشرطة والنائب العام والقضائية يافوزي خطوط حمراء يذكره المراجع العام عن خجل ويسكت عنه الوزراء والنواب وكأن شيء لم يكن .. كان الله في عون المواطن ..
تحياتي |
اخى الشفيع
تحياتى
لك الشكر على مرورك الكريم.
والله العظيم الحزن يقتلنى على وطن صار مواطنه بلا قيمة.
| Quote: زولك ده يتمتع بهذه الحصانة والحماية تحت إشراف النيابة والقضاء .. يعني لو قدمت شكوى للنيابة او القاضي ستكون شكواك ضدك ولن تفلت من العقاب ولو تنازلت عن بلاغك ضد هذا المجرم |
دى كدا تكون مصيبة!!!. يعنى هنا يضيع الحق حتى وان كان وراءه مطالب.
(قديما قيل: ما ضاع حق وراه مطالب).
لك ودى.
| |
|
|
|
|
|
|
|
|
|
Re: الشرطة السودانية وادمان التسيب....سرد وقائع احتيال (Re: Alshafea Ibrahim)
|
Quote: وزولك ده ممكن يكون مشى الحج عادي أو ماليزيا ... شوفوا بمارس حياته واحتياله من داخل اقسام البوليس .
كان الله في عونكم |
الاخ الشفيع
لك التحية والود
لا حول ولا قوة الا بالله.
ما قلته صحيح والله يالشفيع الراجل ده مره ادانى مواعيد فى احدى مناطق
الخرطوم عشان نسوى الموضوع. اتخيل الراجل (المسجون!!!!!!) جانى فى نفس
المواعيد المحددة وهو يركب عربة فارهة يقودها شخص اخبرونى بانه لواء شرطة.
المهم الراجل عرض على ارض زراعية مساحتها 12 فدان وقال ثمنها100 الف حنيه.
وطبعا لايمكن ان الدغ من نفس الجحر مرتين. اخذت الاوراق بتاعة الارض لاجد
انها ارض غير صالحة للزراعة ومقتطعة من مشروع الجزيرة بسبب الملوحة
وثمنها لا يتعدى ال 3000 جنيه.
دا كمان احتيال ثانى ومن داخل السجن.
الله المستعان.
لك تحياتى.
| |
|
|
|
|
|
|
| |
جعفر محي الدين
باسط المكي
ashraf mukhtar
عماد شمت
فيس بوك
تويتر
انستقرام
يوتيوب
بنتيريست