وأخيراً وجدتها ،،،، وإعتذاري للجميع ،، مع ودي وتقديري ...

الاخوه الكرام بسودانيز أونلاين السلام عليكم جميعاً،، وذي ما قال الدكتور الموسيقار العملاق محمد عثمان وردي ، جيناكم يا حبايبنا بعد غربة وشوق ،، وأيضاً الأستاذ الفنان صلاح مصطفى قال ، بعد الغياب بعد الليالي المرة في حضن العذاب ،، فعلاً كانت أيام وليالي في حضن العذاب وهذا لأنني كنت قد فقدت الباس ويرد الخاصة بي وهذا الشي جعلني اغيب عن المنبر العام لعدة أيام تزيد عن الإسبوعين ونيف لذا أطلب العذر منكم في أنني لم أتمكن من متابعة الأحداث الجميلة والحزينة في هذا المنبر فلكم العذر حتى ترضوا فمن فاتني أن أبارك له مناسبة سعيده فألف مبروك له ومن فاتني ان أعذيه في فقد عزيز لديه أسال الله أن يرحمه ويرحمنا جميعاً ومن فاتني أن أعلق له على موضوع هام له مني كل إعتذار وله العتبى حتى يرضى وأطلب من الجميع العفو والعافية ،، والحمد لله والشكر له ومن بعده الباش مهندس بكري أبو بكر لقد وجدت الباس ويرد وإن شاء الله سنواصل ما إنقطع من بوستات ،، وسلامي للجميع بدون فرز ،،، ولكم مني كل الشوق والتقدير ..


أخوكم / ياسر العيلفون

الفنان الرائع ياسر

الحمد لله على رجوع الباسويرد لك

وابقى عليهو عشرة من الضياع

ادخل ودربك اخضر

حمدا لله على السلامة واشواقنا بحر

حمد الله علي السلامة

باسويرد يتصلوا ليهو تسعة صباحا دا أصلوا ما قابلني!!




حمد لله على السلامة ياخ!!

الأخ الفاضل ود الباوقة لك الشكر والتقدير ،، وكتر خير ،،


تحياتي : ياسر العيلفون

الأخ الفاضل الشيخ تجاني عبد الباقي
جزاك الله عني ألف خير ،،، وذي ما قال الفنان الذري ،، نشتاق ليك وإنت معانا يا ملاذ أفكارنا الهيمانه ،،،


ودي وتقديري ،،

ياس رالعيلفون

الأخ الشفيف هارون دياب الله يقبل حمدك ،، ولك ودي وتقديري ،،



تحياتي : ياسر العيلفون

العزيز جداً ود الصايم إن شاء الله يوم شكرك ما يجي ،،، لكن لقيتك على إتصال دائم بمركز القيادة ،، لكن يا خوي كشف الحال ده لزوموا شنو ،،، يا خوي ما تصحي إنت النايم لها شنو ؟؟ اصلك نايم بي خيره ،،،
تقبل ودي وتقديري ،، وبطل النوم لأنو بيجيب اللوم ،،، لووووول


تحياتي : ياسر العيلفون

حمداً لله على السلامة أخي ياسر..
هاتفتك أكثر من مرة في جوالك الموجود في البروفايل.. ودايماً مقفول..

Quote: هاتفتك أكثر من مرة في جوالك الموجود في البروفايل.. ودايماً مقفول..

داير بيهو شنو .. عالم جنها نحل ياخ!!

لك الشكر أخي أيمن وفعلاً جوالي كان مسروق والحمد لله طلعنا الشريحة بس باقي نشتري جوال ،، شيل الصبر شوية أنا بكلمك وموضوعك ما ناسيه لكن ما فيهو جديد يذكر ..


تحياتي : ياسر العيلفون

Quote: داير بيهو شنو .. عالم جنها نحل ياخ!!

عايز أقشر بيهو زي ما قاشر بيك انت..

الحبيب أيمن دياب ياخ نحن لاقنك وين ، نحن القاشرين بيك ياخ ،،،

يا جماعة كدي صلوا على الحبيب (ص)


تحياتي : ياسر العيلفون

يا جماعة ود الصايم ده لسه نايم ولا شنو ،، من ما أصبحت ما شفناهو حايم بي المنبر ده ،،



ياسر العيلفون

ومازال إعتذاري متجدد للجميع واكرر أسفى على التكرار ،،


ياسرالعيلفون