Quote: أبوك آود مساعد سماك سيف مسلول وعلمك العلم شان تبقى صادق القول لكين للأسف خاب ظنو فيك آزول جهزتا الاشاعات جمعتا فيها فلول
كفاك ولا نزيدك
زيدو ياخي؛ وزيد الخليل
أو أقول ليك اردم عديل
ود عوج الدرب عدّي عدّي يا خليل؟ عدّي للخرطوم عديل؟ ياخي بالغت عديل وينه داك عوج الدرب صار يقول امشوا عديل ما بعوجو الدرب القبيل وينه عوجك داك زمان لما كان تعوج طريق بي كرم لي كل رفيق صرت تنده لي درب عدوان عديل يا حليلك ويا حليل شن قلب لونك عديل شان (سليطتك) داير تقتّل كم قتيل؟ من ولاد بلدك ومن غير دليل ما كفاك السوّا خليل هناك في زمناً قبيل غير كراهيتك لناسك وبشاراتك في ليل يا حليل والله عشمك وااااا حليل راح مع شليل غيّب دخيل وجفلن خيل ناس خليل هرْدُوروبْ وقع شليل وقع كمان معاه خليل وبدل عوج الدرب رجعت للدرب العديل غنّيت كمان بالعديل فات الدرب وفاتوا ناسو ما لقوا زول دليل يعوج دربهم يا حليل ويا حليل يا سيف حليل
Post: #11 Title: Re: عدي عدي ياخليل عدي للخرطوم عديل Author: أمير فتحي Date: 11-07-2010, 10:14 AM Parent: #10
شنو يا ود عوج الدرب الزول كان شكّرو بعرض عرض واللا بفش لي غلّه ويجيب ليه مرض ما قت صوفي صوفية ديل ما قالوا بيشيلوا المرض مالك مبشتن للأرض فارض علينا كل شي فرض إنه المسائل تتفرض كسر رقبة يا زول زي قرض اتواضع آزول خليك أرض شان تنجا في يوم العرض
Post: #14 Title: Re: عدي عدي ياخليل عدي للخرطوم عديل Author: محمد عبد الماجد الصايم Date: 11-07-2010, 11:05 AM Parent: #13
أمير جهجه باكات عوج الدرب وأبو شيمة جهجه باكات أمير زاتو!!
Post: #15 Title: Re: عدي عدي ياخليل عدي للخرطوم عديل Author: أمير فتحي Date: 11-07-2010, 11:25 AM Parent: #14
ود الصايم طالما تاوقتا بي هنا حرم تاخد لك رباعيه ...هاك
حباب الباسم البفرح تملي قلوبنا إت يازول جميل تب وفي مقام محبوبنا تقعد تنعدل تشرب عصيرنا وروبنا تتفرج علي الختا اللغم في دروبنا
Post: #16 Title: Re: عدي عدي ياخليل عدي للخرطوم عديل Author: محمد عبد الماجد الصايم Date: 11-07-2010, 11:30 AM Parent: #15
كسير تلج لامن حلوقي ذاتا دار تنحلج لملمنا كل قطن الحلج نسجنا طول من هنا لي بلد التلج بعيد هناك قطباً جنوبي أو داك شمالي فوق الجبال هملايا والأطلس تلج نجيبو داك كل التلج ونكسرو وندشدشه يمكن علي يوم تنفرج ويحن علي دا الكسرنا ليه كل التلج -- يا الغالي أهلك كلهم غاليين علي شايلين بهج غيرم بجيبوا لي زهج مافيهم كل زول إلاّ رامي للخمج بوبار شديد ما بنفرج ما لي الفجج ديل شفعم بس يلعبوا في سكج بكج خلينا من عوج الدرب، وذاته داك درب العوج قالك أخونا الراي برضو ما فيه العوج بس كيفن تمحّص وكيف ترج قبال ما يجيك زول الخمج ويلخبت الكيمان لجج وكتير هرج ومعاه مرج لا تبتهج غير تلقى صج وتعيّن ألفة يكتبه داك المهرج واللي في قلبه اللجج وداك متلقي الحجج وداك قاعد في مكة ساي ما يمشي حج -- ودالصايم ياخي مالك؟ داير أستغلك جحا أولى ياخي جننتوه ياود الصايم لي ودادك حارم أخوك لو عسلاً لا تلحسو كله هو إنت مالك حايم ياخي وحد الدائم وقوم اتسحّر هوي يا نايم
وصل بيك الأمر تشبهنا نحن عوين حكاّماتنا هوي والله أرجل من كتير حايمين ما سايبين بلد إلاّ فيها منذلّين حكاّماتنا ديل يملن ويفيضن عين وينك منهن هوي إنت يا مسكين والضعين أهي ما بدخلنو ناس ضايعين أيمن يا وليدي اسمع عمك بقول في شين دا فارق خلاص أهله الزمان زينين عشش في مخيخو الوهم كيلين يا حليل الرجال الكانوا بملو العين
Quote: وصل بيك الأمر تشبهنا نحن عوين حكاّماتنا هوي والله أرجل من كتير حايمين ما سايبين بلد إلاّ فيها منذلّين حكاّماتنا ديل يملن ويفيضن عين وينك منهن هوي إنت يا مسكين والضعين أهي ما بدخلنو ناس ضايعين أيمن يا وليدي اسمع عمك بقول في شين دا فارق خلاص أهله الزمان زينين عشش في مخيخو الوهم كيلين يا حليل الرجال الكانوا بملو العين
حكامات عوين ديل مالن الممحوق مش زيك تحكّم تشجع الخرابات وشن سوّا خليل في ناسو الجّهامات الماتوا في أمدرمان كايسين للحرابات وشن سوا لي ديلك وليدات في السجن رجاءاتم بقن خايبات بدل ما يصطلح ويفكّهم يمكن يجن عليه نايبات هو مرطب هناك في الفنادق القامات وهم مساكين في السجن عيونم معمّشات هو راكب لهمبر وهم مالاقين برينسات -- والله على ما تقول شهيد! حرام عليك يا أخي
Quote: الحبيب امير اعدلوا لي عوج الدرب دا دريبو شايفو اتعوج
والله لوماعارفك من عندنا كنت قلت الزول دا طلع من البطانة
تسلم وخليك جاهز لي كضب عوج الدرب
اوربي ياعظمة تحية شبتوتاوية
عصام دقداق: هلا يا عصام ماجيتنا بالدقداق صورتك ترعبه وتودّيه واغ الواق الفارق أحبابو من دون أيّ عناق مسكين يا العوج وين مويتك الرقراق في نصّ الظّلط دفّقتها يا عاق
--
عليك أمان الله الأولاد ديل
طلعوا من أولادي يا سلام والله فعلاً يا عصام ذاتي كنت قايله من البطانة ما شاء الله عليه حبيبنا أمير
تعالوا لي جاي آخدكم بالحضن ياخي اردموا الزول دا اللي بيسئ ويكضّب؛ الصباح قال ما قال بجي مالو ما جا --
هلا ّ هلاّ ود عوج الدرب حقّك رايح بالله ما تخجل من ناس لسانُم أعوج يعوجو ليك درب يا الجاب لسانك فالج جوك النوبة يا زول شوف لك طريقة اتخارج --
والله على ما تقول شهيد! تاني حرام عليك يا أخي
Post: #36 Title: Re: عدي عدي ياخليل عدي للخرطوم عديل Author: جمال محمود Date: 11-08-2010, 06:59 PM Parent: #15
أمير فتحي والله انت خطيييييييييييييير لكن خليت الزول هرب من البوست عديل كده
يا باشمهندس إزيّك هو أمير ذاته فات خلاّنا ما يهمّك يا هندسة الشيخ بتاعي دا أنا متعوّد من زمان أحرس ليه بوستاته بس هو ما مقدّر الخدمة دي وبينبّزني - خارج الخط يا باشمندس اتلومت معاي جيتك شحدتك مكتبة إلكترونية زمان ما اشتغلت بي أوع أكون غلطت معاك في حاجة واللاّ كدا؟
Post: #38 Title: Re: عدي عدي ياخليل عدي للخرطوم عديل Author: أمير فتحي Date: 11-09-2010, 09:20 AM Parent: #37
حباب ناسي ورباعتي الطابهم معسولي ماني البشرد البترك جماعتي وعولي ولاني بمثل بعد الموت بجيف مكتولي أنا ود الرجال شالوها عرض وطولي
Post: #39 Title: Re: عدي عدي ياخليل عدي للخرطوم عديل Author: أمير فتحي Date: 11-09-2010, 09:29 AM Parent: #38
حباب أبوشيمه دخرينا وضليل الغيمه عافت نفسو عادات كل حاجه ذميمه حاشاهو التمجلس في بغي ونميمه نظامة الشعر نفسو التملي هميمه
Post: #40 Title: Re: عدي عدي ياخليل عدي للخرطوم عديل Author: م. سيد احمد قدورة Date: 11-09-2010, 09:38 AM Parent: #39
الأخ ابو السيوف لا أظن مشطلة دارفور ستحل بتغيير النظام وهل تظنون انتم انكم تحت خط الفقر وحدكم ماذا عن الشمال الذى يعانى الفقر والجهل وعدم التنميه وحتى الآن الناس يعيشون فى الظلام فى بعض المناطق ويجلبون مياه الشرب من الآبار بطرق بدائيه جدا ونحن فى القرن العشرين
Post: #41 Title: Re: عدي عدي ياخليل عدي للخرطوم عديل Author: أمير فتحي Date: 11-09-2010, 09:42 AM Parent: #39
نحن بلدنا حرم ماتضوق عوجاتنا ولا بنشيل سلاح في وجهو شان حاجاتنا بالعلم وفهم نحنا بنحقق ذاتنا وندمان اللئيم اللتمرد فاتنا
Post: #42 Title: Re: عدي عدي ياخليل عدي للخرطوم عديل Author: أمير فتحي Date: 11-09-2010, 10:11 AM Parent: #41
نخب دارفور تكرفتو للمناصب دارو وضاع فيها المواطن بي زراعتو وكارو ساعة المغنم بيجوك يقدلو ويتبارو وكل فيهم رئيس دمر رباعتو ودارو
Post: #43 Title: Re: عدي عدي ياخليل عدي للخرطوم عديل Author: أمير فتحي Date: 11-09-2010, 10:32 AM Parent: #42
نخب دارفور يمين هاذي الحرب ملعونه وأمارة النفس كان إتبعتو ظنونا لوصول الهدف حاشاها مو المضمونه وإن درتو الدليل أسألو أخاكم بونا