Post: #1
Title: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Tragie Mustafa
Date: 11-05-2010, 01:36 PM
1)ناصر Naser
2)فارس موسى
وآخرين ساواصل التذكر...واكتب عنهم....
فارس موسى غادرنا تماما شغلته الحياة عنا
وبلادنا اكثر ما تحتاج له فهو ينتمي لقبائل التماس
من اروع كتاب هذا المنبر لما يشمر عن ساعد الجد.
ناصر
يا الله....يا نارص ....لا اقول الا اني احب كتاباتك......
وبتشحتف روحي عديل كده.....لما القى لك مادخله قصيره!!
ناصر عليك الله كف عن البخل.....واكتب...وافترع لينا بوستاتك الخاصه
عارف ليه.....برغم عظمة مدخلاتك....وعلمك الغزير ونفسك الطويل
في النقاش.....وتهذيبك الواضح...ومقدراتك العاليه على تحمل العجب العجاب
الا انه لن يكون لك مكتبة خاصه بهذه الطريقه...بينما انت تستحتق اكثر من مكتبه...
رجاء افترع بوستاتك.....وخلينا ننهل من علمك!!
يا اخي انت زول مبالغه....وكأنك بمبضع الجراح الخبير
تهبش كل مواضع الوجع السوداني....بلغة جميله بسيطه غير صفويه
رصينه.....وشعبيه .....وراقيه بنفس الوقت....احسك نسمة جميله
بهذا الموقع....فلا تحرمنا منها بهذا الهجير.
|
Post: #3
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: الشفيع وراق عبد الرحمن
Date: 11-05-2010, 01:57 PM
Parent: #2
دخلت وقلت امكن القى اسمي يا تراجي
فارس ده ما بعرفو ، وامكن ما حضرتو
نصر
أثني
|
Post: #4
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: عوض محمد احمد
Date: 11-05-2010, 02:50 PM
Parent: #3
ام حازم
سلام
شهور عديدة و المنبر لم يعد ذلك المكان الجاد الذى يطرح القضايا الجادة
انظرى الى اكثر البوستات مقرؤية. تجديها بوستات الضحك و الونسة و الشية
بوستات تنقل اخر مايكتبه منصور خالد و عبد الله على ابراهيم و كمال الجزولى, تشكو البوار و الوحدة و الرسوب الى قاع المنبر فى دقائق بعد انزالها
لهذا ليس غريبا ان يختفى امثال ناصر و فارس و كمال عباس و اخرون
|
Post: #5
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: حذيفه ابراهيم الكباشي
Date: 11-05-2010, 03:00 PM
Parent: #4
شهادتك في اي شيء في هذه الحياة امر مشكوك فيه
مش طعن في اي زول
لكن الطعن في مصداقيتك انتي
اخير ليك تبطلي العبط والبرطعة و تقومي بمراجعات مع نفسك
لكن لا بأس ان تمتعينا بين الفينه والاخرى ببعض (الهٌراء) حتى نستمتع ونضحك على هذا العبط
..
|
Post: #6
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Tragie Mustafa
Date: 11-05-2010, 06:41 PM
Parent: #4
الفاضل عوض
سلامات
ومشكور على المرور
Quote: سلام
شهور عديدة و المنبر لم يعد ذلك المكان الجاد الذى يطرح القضايا الجادة
انظرى الى اكثر البوستات مقرؤية. تجديها بوستات الضحك و الونسة و الشية
بوستات تنقل اخر مايكتبه منصور خالد و عبد الله على ابراهيم و كمال الجزولى, تشكو البوار و الوحدة و الرسوب الى قاع المنبر فى دقائق بعد انزالها
لهذا ليس غريبا ان يختفى امثال ناصر و فارس و كمال عباس و اخرون |
الحال العام يغني عن السؤال
واحباط البعض هنا هو امتداد لاحباطاتهم في البلد نفسها.
لذا اعذر بعضهم عن الغياب فقدراتنا على التحمل تختلف.
لكن مع ادعوهم للحضور الجاد...فلا خيار لنا غير لصمود.
|
Post: #7
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Tragie Mustafa
Date: 11-06-2010, 03:26 AM
Parent: #6
الشفيع ابو دبابه
كيفنك؟؟؟
Quote: دخلت وقلت امكن القى اسمي يا تراجي
فارس ده ما بعرفو ، وامكن ما حضرتو
نصر
أثني |
يا اخوي انت ناس لبسنا الكاكي شحيح(ههههههه)
يا اخي انت منتشر زي الحاجه الكعبه وعامل لينا وجع وش.
فارس موسى يا سلام عليه هو ضابط شرطه معاش وبقاري نفتقده بحق ايام العكه الفي ابيي
دي ونحتاج ان نقرأ لمثله.
يا سلام يا الشفيع امانه ما راجل كتاب.....الا ملعونه ابو المعايش البتحرمنا
من الزيه...عارف فارس ده مفروض يكون صحفي...يكتب لينا ونقرأ بس وومتسعدين
ندفع كمان عشان نقرأ للزيه!!
شكرا لاتفاقك معي حول الفاضل ناصر...راجل علامه بحق.ونوع السهل الممتنع!
|
Post: #8
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Tragie Mustafa
Date: 11-08-2010, 02:29 AM
Parent: #7
يا بريمه الحقنا بمدخلات لفارس موسى يا اخي ينوبك ثواب.
|
Post: #9
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Nasr
Date: 11-09-2010, 04:05 AM
Parent: #8
أولا أحسن الله عزاءك يا تراجي
وثانيا شكر الكثير علي مداخلتك فقد رفعت معنوياتي وكبرت راسي
مرات كثيرة بأشوف أن المفتوح من البوستات كافي وما علينا إلا المساهمة في الحوار الدائر
لكن فكرة المكتبة مهمة
وكتابة مواضيع جادة ومقروءة دايرة قراية وبحث كثير
وبعدنا عن السودان حرمنا من معلومات أولية ضرورية
المهم
سنحاول أن شاء الله
|
Post: #10
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: AMNA MUKHTAR
Date: 11-09-2010, 09:37 PM
Parent: #9
ه Quote: وثانيا شكر الكثير علي مداخلتك فقد رفعت معنوياتي وكبرت راسي
مرات كثيرة بأشوف أن المفتوح من البوستات كافي وما علينا إلا المساهمة في الحوار الدائر
لكن فكرة المكتبة مهمة
وكتابة مواضيع جادة ومقروءة دايرة قراية وبحث كثير
وبعدنا عن السودان حرمنا من معلومات أولية ضرورية
المهم
سنحاول أن شاء الله |
منتهى التواضع ..من زول قامة .
|
Post: #11
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: فارس موسى
Date: 11-14-2010, 01:38 AM
Parent: #10
اختنا العزيزه جدن تراجى بت مصطفى
اولا تعازى الحاره جدا فى فقيدتنا كلنا ربنا يتولاها برحمته و يجعل الجنه مثواها
وويقدركم على الصبر والدعاء لها .
متلوم معاك كتير جدا لكن عارف قلبك كبير ودايما بتغفرى لى .
شكرن تانى على حسن الظن ، إن شالله ما تقرى دكين عشان تغيرى رأيك فينى انا وناصر .
أمنه بت مختار قريبتى وبت ابوى مرحب كتير وإفتقدناك .
دى مفخره تلمينى مع قامة استاذى ناصر متابعو برقراقات الزحمه الفاجغنى فجغ .
اكرر تعازى وارقدوا عافيه .
فارس موسى .
|
Post: #12
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: أحمد ابن عوف
Date: 11-14-2010, 05:01 AM
Parent: #11
سلام يا تراجي
نعم، الاخ ناصر سعدت بالمداخلة معه كم مره وفعلا يجبرك على تتبع خطه
وسنتابع الاخ فارس موسى ايضا
لكن الظاهرة النادرة في المنبر ان احد اعضائها يشكر ويرفع من قيمة كتابات
اعضاء آخرين، ودي ما بسويها الا زول بقلب زي قلب تراجي
|
Post: #13
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Tragie Mustafa
Date: 11-21-2010, 04:55 AM
Parent: #12
الفاضل ابن عوف
عيدك مبارك....
يا حبيب ديل ناس جميلين بس الزمن الممحوق حارمنا من ابداعهم.
امثالهم مفروض ياكل من الكتابه عيش....لكن للاسف نجدهم هواة
وكتاب انترنت محل المجاني...ونجد صحافتنا تطفح بالمبتزلين!!
Quote: سلام يا تراجي
نعم، الاخ ناصر سعدت بالمداخلة معه كم مره وفعلا يجبرك على تتبع خطه
وسنتابع الاخ فارس موسى ايضا
لكن الظاهرة النادرة في المنبر ان احد اعضائها يشكر ويرفع من قيمة كتابات
اعضاء آخرين، ودي ما بسويها الا زول بقلب زي قلب تراجي |
لا يا حبيب ما نظلم ساي
احيانا بيسوهوا الا عارف ليه
احيانا لا تخلوا من غرض
اما ضرب فلان بعلان
او التوود لجكس كارب يكون كاسر فيك ضلعه ومقطعها في حنانك وساكت!!
وافلام آخرى!!!(ههههههه)!!
عليك الله يا ابو حميد لو خاصية الحبث عنك شغاله فتش لينا لينكات لمداخلات لفارس موسى
ده مع بريمه من قبل...وحياتك مدخلات مدرسه بس!!
|
Post: #14
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: haroon diyab
Date: 11-21-2010, 05:03 AM
Parent: #13
وصادق التعازي مرة اخري
في فقيدة الجميع الاستاذة تغريد
رحمها الله رحمة واسعة
واسكنها فسيح جناته
مع الصديقين والشهداء
وان يلهمنا واياكم الصبر الجميل
وانا لله وانا اليه راجعون
|
Post: #15
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Abdlaziz Eisa
Date: 11-21-2010, 05:25 AM
Parent: #14
العزيزة/ تراجي
كل عام وانتم بخير
نتمنى أن يعود المنبر حلوا جذابا..
ونتمنى أن تعود جميع الأقلام التي ابتعدت عنا..
تحياتي
|
Post: #16
Title: Re: هؤلاء...احب مداخلاتهم الشحيحه....وقيمه....(كفوا عن البخل رجاء)!!
Author: Tragie Mustafa
Date: 11-21-2010, 08:17 AM
Parent: #14
شكرا اخي الفاضل هارون دياب
Quote:
وصادق التعازي مرة اخري
في فقيدة الجميع الاستاذة تغريد
رحمها الله رحمة واسعة
واسكنها فسيح جناته
مع الصديقين والشهداء
وان يلهمنا واياكم الصبر الجميل
وانا لله وانا اليه راجعون |
نستمد الصمود منها
علمتنا الا نخلط لحظات ضعفنا البشيري بما نذرنا انفسنا له,
شكرا لك وربنا يصبرنا ويقوينا على مصيبتنا.
|
|
