تواشيح النهر الخالد .... خليل ولؤي وطارق جبريل عليكم الله شوفوا فيصل دا بيسوي في شنو(توجد روعة)

يافتاتي .. ليل الفرح والقادم اجمل

ده النخجي ذاااااااااااااتو يا ود جبريل
يا جماعة عليكم الله نزلوا لي الغناء ده يا لؤي وخليل

Quote: يافتاتي .. ليل الفرح والقادم اجمل ده النخجي ذاااااااااااااتو يا ود جبريل يا جماعة عليكم الله نزلوا لي الغناء ده يا لؤي وخليل

أخـي أميـر
سلامات

تـحاياي

يا ود الجمري نسيبك غناي
يمين تتنخج في غناهو الف مرة

لقد جازيت غدرا عن وفائي

وبعت مودتي ظلما ببخسي

ولو ان الزمان اطاع حكمي

فديتك من مكارهه بنفسي



كر يا يمة كر

مائة مساء علي العيون الكويسة

فنان
فنان

شكرا ياامير الناس ياحبوب

وشكرا حبيبنا لؤي الفنان

وشكرا الخجاج بن جبريل

وشكرا استاذ عثمان موسي ..ياخي فيصل ده اكتر من فنان

كما تعلم ياجاري العزيز كانت لنا ذكريات في ذاك الزمن الجميل ...

بالله زيدونا واتحفونا بهذا الصوت الشجي ...خلونا نرجع ونعيد الزكريات ..

تسلموا يالحبايب

أمير...تحية..

يا لرقة إبن زيدون و تذلله و شكواه من هجر ولاده بنت المستكفي

أيوحشني الزمان وانت انسي
ويظلم لي النهار وانت شمسي
واغرس في محبتك الاماني
فأجنى الموت من ثمرات غرسي
لقد جازيت غدرا عن وفائــي
وبعت مودة ظلما ببخـــس
ولو ان الزمان اطـاع حكمـي
فد يتك من مكارهه بنفســــي

و لو أن إبن زيدون لم يقل غير هذه الابيات لكفته.....

أما الطيب العباسي فقد إستسلم لقاتلته و كتم جراحه و هم بالرحيل عن بلد حجر قلب حوائه صلد...
أما الطيب عبدالله (و فيصل) فقد أبحر بين ضفاف الشعر الراقي و سافر بنا بين قرطبه و القاهرة و الخرطوم

ما للهوي بلد.... ما للهوي بلد
و قد حكي صلاح أحمد إبراهيم لمريا و هو علي قمة الاولمب و قد عاني من سواده أيضا
يا مريّه ................................
أنا من إفريقيا صحرائها الكبرى وخطِّ الإستواءْ
شحنتْني بالحراراتِ الشُموسْ
وشوتني كالقرابينِ على نارِ المجُوسْ
لفحتني فأنا منها كعودِ الأبنوسْ
و أنا منْجمُ كبْريت سريعِ الإشتعالْ
يتلظَّى كلًّما اشتمّ على بُعدٍ (تعالى)

فيصل فنان فنان بالجد .......

قبل سنة تقريباً كتبت هذا البوست : وحياة المحبة ... أنت مكانك شاغر في (برنامج أغاني وأغاني)

كان عندو شريط قبل كم سنة فيهو أغاني عجيبة جد خصوصاً اغنية (عيونك كانوا في عيوني) موووووبالغة ياريت لو زول عندوا ينزله لينا هنا

الحبيب عمر جنابو تحياتي ونهارك سعيد يا راقي
رجعت للارشيف وشفت بوست وحياة المحبة
وفي الفترة انا كنت بعيد شوية من المنبر لظروف عائلية
لكن فعلا فيصل فنان متميز جدا ومتفرد .... ويستحق الكثير
وانا ايضاً اقترحته مرة للفنان عاصم البنا بخصوص برنامج اغاني واغاني
في بوست فتحه الاخير هنا ... لكن اعتقد ان هناك امور تدار في ورش عمل والاختيار يتم حسب حاجة البرناج
وان كنت اعتقد ان فيصل يسد اي حوجة ايا كانت .

يا ود الجمري
ياخي نسيبك ((الشايقي)) دة غناي لمن غلت ياخي
he made my day
والله كيفني في حناني

اتفق مع جنابو في انه مفترض يكون في اغاني واغاني



تعرف ونحن في الثانوي
كتلنا لينا عرس في نادي الضباط
بالله فيصل دة لمن غنا ((مسامحك يا حبيبي)) والجكس دة كبسوا ليك
يمين اتمنيت اكون ماسك ليه المايك

Quote: بالله فيصل دة لمن غنا ((مسامحك يا حبيبي)) والجكس دة كبسوا ليك

ياخ أنت مكوناتك شنو؟؟
لحم ودم ولا وتر ونغم؟؟؟
من الثانوي (أب تلاته) لأنك ما بتكون أكبر من لطفى المكاجرني،،،
كده خليني أساهم في الشي ده بـ:




الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

محمد شمس الدين سلمت يا راقي
ياخي غلافنا الاسمر ده يحوي بداخله
جمال ما بعده جمال ويكتنز فنونا وابداعات راقية


تحياتي واحتراماتي لك يا فنان

Quote: ياخي فيصل ده اكتر من فنان كما تعلم ياجاري العزيز كانت لنا ذكريات في ذاك الزمن الجميل ... بالله زيدونا واتحفونا بهذا الصوت الشجي ...خلونا نرجع ونعيد الزكريات .. تسلموا يالحبايب

عماد عويس يا راقي مشتاقين والله
الغربة زي ما حرمتنا من ابداعات فيصل برضو حرمتنا منك ومن ابداعاتك وانت وفيصل وجهان لعملة واحدة
يا حليل زمن (الندامة) يا عمدة ياخي وجلساتنا الامتدادية الجميلة ....

Quote: فنان فنان

عثمان موسى شكرا على المرور والتثنية

Quote: كر يا يمة كر مائة مساء علي العيون الكويسة

خلي يا حلو مليون مساء عليك يا واقي
بالله عليكم استمعوا لهذا الرائع وانصفوه
كلمتكم مسموعة لانها من حصاف

Quote: يا ود الجمري نسيبك غناي يمين تتنخج في غناهو الف مرة

يا ود جبرين والله غيصل ينخج فينا من التمانينات
لكن حظه سيء جدا وامكن هو ذاتو على فكرة متسبب في سوء حظه ده لانه كسلان شوية
ودقيق زيادة عن اللزوم في اختياراتو
وكمان حساسيته المفرطة تخليهو منزوي شوية يعني يتجنب كثيرا السعي الى وسائل الاعلام (مقروؤ مسموع مرئي)


تسلم يا حبيب وعليك الله برضو لو شاهدت حلقة تواشيح النهر الخالد دي بعد شوية حاول مع لؤي وخليل وكل احبابنا في تنزيل الاغاني

يا سلام عليك يا لؤي للاستجابة رغم اني فتحت البوست ناقص
لانو الحلقة كانت تبث (اعادة ) في نفس اللحظة وكنت عايز اطلب منكم مشاهدة قناة الشروق
ونقل الاغاني ال
ى البوست
لكنكم دائماً حلوين وطاعمين وتخلوا البتمريرة الخطأ صااااح وتدخلوها قون


شكرا كتير لؤي وياريت لو لقيت طريقة تشاهد الفناة بعد شوية اعتقد حا يعيدوها تاني ونزل لي الاغاني هنا



فيصل فنان مظلووووم جداونتمنى ان ينصف في قادم ابداعاته

ابو عثمان جمعتك سعيدة إن شاء الله
فيصل مطرب من طراز فريد ويعتبر من
جيل العملاقة .

ولـــــــــــكــــــــن

الظروف لم تساعد فيصل وفيصل
إستكان ولم يواكب الركب ووقف
في مكانه وحرمنا من متعه الالحان
يا ريت يا أميرة لو ترجع فيصل
من جديد وتكون كسبت فينا أجر الإستماع

هشوووووووووووووووووووووووووومي
ياخي والله مشتاق ليك شديد ....
يا جماعة نحنا مالنا سحرونا وللا شنو!!!!

Quote: فيصل مطرب من طراز فريد ويعتبر من جيل العملاقة .

فيصل فعلا امتداد لجيل العمالقة مبدع برتبة لواء لكنه الحظ .

Quote: الظروف لم تساعد فيصل وفيصل إستكان ولم يواكب الركب ووقف في مكانه وحرمنا من متعه الالحان يا ريت يا أميرة لو ترجع فيصل

فعلا فيصل ركن للحاصل في الساحة ولم يعمل من اجل اظهار الابداع الحقيقي في وجه ما يحدث في الساحة
وان شاء الله يحس بالمسؤولية الملقاة على عاتقه هو وغيره من الفنانين اصحاب الابداع الحقيقي.

Quote: يا ريت يا أميرة

اجي يا هاشم..هههههها

Quote: يا ريت يا أميرة


اجي يا هاشم..هههههها



ههههههههههههه بالله انا قلت كده
سجمي خالص

صاحب البوست وضيوفه أصحاب الذوق الرفيع , فيصل الصحافة كما تحلو التسمية عندما ظهر
فى الثمانينات أحدث ضجة كبيرة , وكنت من المراهنين على صوته الشجى وقدراته المهولة
بالتربع على عرش الغناء فى وطننا , أظن الغربة من اكثر الاشياء التى اضرت بفيصل وعاقت
تقدمه , فيصل من الفنانين الذين يتميزون بقدرات كبيرة واعتقد انه قادر على اللحاق بجيله
وحجز مكانه بين أرقى وافضل فنانى السودان , فيصل يحتاج للاعلام والتشجيع من اصدقائه , اتمنى
ان يتم ذلك , لك حبنا وتقديرنا يا فيصل الصحافة تقدم يا رجل وخذ مكانك الذى تستحقه .

صباح معطر بالجمال

ياسلام ياجمري ياحبيب

فيصل عبد اللطيف استمع

اليه وهو يغني ولي المساء

وانكر جمال عشرتنا ديك.....

تضعه في مصاف العمالقة

هي الغربة التي حرمتنا منه

صوت عذب .....وتطريب عالي

له المودة والتقدير

ولك ياصفوتنا الشكر الجزيل

وانت تزين هذا الصباح بهذه الرائعة ...

ومن الصفوة لايأتي الا الجمال

كن بالف خير

ياربيع الدنيا ...

يأمير ابوالنسب دا حومنا حوامة فى بداية التسعينات اسال عارف محى الدين

شكل وجدان كل جيلنا ونفض الغبار عن كثير من اغانى العمالغة عثمان حسين و ثنائى العاصمة و ابوداؤد وكابلى وطبعا الطيب عبدالله

ياربيع الدنيا ...

يأمير ابوالنسب دا حومنا حوامة فى بداية التسعينات اسال عارف محى الدين

شكل وجدان كل جيلنا ونفض الغبار عن كثير من اغانى العمالغة عثمان حسين و ثنائى العاصمة و ابوداؤد وكابلى وطبعا الطيب عبدالله

Quote: عرف ونحن في الثانوي كتلنا لينا عرس في نادي الضباط بالله فيصل دة لمن غنا ((مسامحك يا حبيبي)) والجكس دة كبسوا ليك يمين اتمنيت اكون ماسك ليه المايك

انتي يا شقي الحال مكتول فيهن من زمن الثانوي شكيتك !!!!

فيصل خطييييير ياخي لكن !!!!

ود التوم يا حبيب مشتاقين والله

ياربيع الدنيا ...

Quote: يأمير ابوالنسب دا حومنا حوامة فى بداية التسعينات اسال عارف محى الدين شكل وجدان كل جيلنا ونفض الغبار عن كثير من اغانى العمالغة عثمان حسين و ثنائى العاصمة و ابوداؤد وكابلى وطبعا الطيب عبدالله

يا زول والله نحن سكيناه سك كمان ... اسال عامر تيتاوي

الحبيب هلرون
تحية جمال

Quote: اليه وهو يغني ولي المساء وانكر جمال عشرتنا ديك..... تضعه في مصاف العمالقة هي الغربة التي حرمتنا منه صوت عذب .....وتطريب عالي

ناكر الجميل من الاغنيات الكبيرة فعلا وهي اغنية خاصة للاستاذ فيصل
وهي فعلا من مصاف اغنيات العمالقة

سلمت يا صفوة الصفوة

اخونا فيصل عثمان
تحياتي

Quote: وكنت من المراهنين على صوته الشجى وقدراته المهولة بالتربع على عرش الغناء فى وطننا

نعم فيصل يمتلك كل المقومات التي تخوله باعتلاء عرش الغناء
بس الغربة والحظ والكسل عوامل ادت لشح انتاجه ولكن لا زالت الفرصة امامه ليعتلي تلك المكانة
وان شاء الله نعمل على ان يكثف فيصل من العطاء .

ياسلام عليك ياأمير الأمير

ياالله ياخي أنا بزكر الجلسة حقت اخونا الشاعر المرهف بدر الدين البطاح وتجلي فيها الفنان الراقي ذو البعد الثلاثي أمير الغناء فيصل عبداللطيف (الصحافة) ياالله لو يملأ فيصل المساحة الشاغرة في الألحان وزورقها يكون أعاد لنا فضاءات من الطرب الجميل شكرا لك وللفنان لؤي شمت وعماد شمت ايضا من مبدعينا ذو الأصوات الجميل جدا والغربة اخذتهم بعيدا عن ساحات هم من اجمل من دوزنوا النوته وشدو الوتر الجميل.

،،،،أبوقصي،،،،

ياسلااااااااااااااااااااااااااااااااااااااااام ياخ
امير ياخ قومت نفسنا بقينا بس موسى مدنى جارين فى الحاضر ونفتش الماضى
وفى الاضابير جمال الجميل حد الامعان الرائع فيصل
قناعتى الخاصة انو فيصل فنان متفرد فى كل شى الصوت والاختيار والتطريب
حتى لما غنى غناهو الخاص قبل اكثر من 25 سنة كان رائع ومبدع
تنكر جمال عشرتنا ديك
تمشى وتفوتنا وماعليك
انتا البتدى الناس امل
واشراقة من ضحكة عينيك
ولمن زول يغنى لعثمان حسين والطيب عبد الله والكاشف
وصلاح مصطفى وصلاح محمد عيسى والحقيبة يبقى دون شك
فنان من طراز فريد
وفعلا ياامير
فيصل فنان مظلووووم جداونتمنى ان ينصف في قادم ابداعاته
وقد تمنيت وجوده فى برنامج اغانى ليس لاننا فقط نحبه ولكن
لانه فنان وبيشكل اضافة حقيقية

ولسه ولسه
ياخ اسمع فيصل بغنى من نظرتى الاولى
موووت احمر ياامير
وقد سبق لى ان فتحت بوست لناكر الجميل
قبل سنوات فى هذا المنبر
فيصل حياتنا ياامير لانو فناااااااااااااااان
فناااااااااااااااان
ياريت الايام تنصفوا وهو نفسوا كمان يحاول
يشكل حضور

ياامير ومجدي يااخي فيصل ده انا اتعلمت منه الكثير ولو كنت سمعت كلامة من البداية

لمن كانت البروفات في مركز شباب بوهين وكانت الفرقة الجميلة والمحترفه والتي كانت تصاحب الراحل

المقيم الفنان الكبير ابراهيم عوض طلب مني الاخ فيصل اكثر من مرة في بداياتي ان اعمل بروفات مع هذه

الفرقة ولكني كنت انا الكسول وبرضو المدرسة كانت عائق بالنسبة لي

فيصل فنان مكتمل تجد فيه كل مايحرك وجدانك بصوته الجميل وتطريبه العالي وادائه الرائع

فيصل رجل خلوق وخجول جدا دي واحده من الاسباب التي جعلته بعيدا عن اضواء الاعلام وكذلك كما ذكرت حبيبنا مجدي

الغربة وسنينها وخاصة السعودية فهي مقبرة الفنان .كما ذكرت له العام الماضي فقال لي نعم هي مقبرة

ولكني رجعت نهائ فلن اعود ..فقلت له قرار سليم ولكن متأخر حبتين علي كل حال لابد من الظهور مرة اخري

في الاجهزة حتي يعرف الجمهور بانك عدت والعوده احمد..

ياسلام امير كانت لنا ايام في قلبي ذكراها

لازلت اطراها ...في ارضنا الطيبة ..عليك الله قولي الايام دي بترجع تاني؟؟؟

تسلموا ياحبايب وبالله كتروا لينا من الغناء

أمير الجمري ، وبقية الشباب الحلوين

سلام

أنا ما ح أقول فيصل مظلوم ، لأنو ما في زول ظلمو!!
هو من ظلم نفسه ..
فيصل أتيحت له فرص لم تتح لغيره من الفنانين ، لكنو ما استغلاها واغتنمها
فيصل أيام ( مسكين أنا ) كان أشهر فنان في السودان
فيصل ازال الغبار عن فنانين نسوهم الناس ، وأصبحوا لا يسمعوا لهم
عثمان حسين ، ثنائي العاصمة ، صلاح مصطفى ، الطيب عبدالله ، عبدالمنعم حسيب وغيرهم كُثر..
أصبح الواحد من الفنانين ديل يضرب في اليوم عدادين وتلاتة بسبب فيصل
والناس المتابعين فيصل من التمنينات بيعرفو الكلام ده كويس جداً
فيصل عندو إذن من رب الغنا السوداني عثمان حسين يغني غناهو كلو
ودي براها ممكن تكفي فيصل ألف سنة قادمة

ما لاقاني زول زاهد زي فيصل ده ، وما زال
فيصل ما زال شاب ، ويمكنه أن يضع نفسه في المكان الذي يليق به ويستحقه
عشان كده بالله يا أمير ألكز لينا الزول ده بالله..



------------
ما في فنان بيمسك مايك في حفلات العائلة غير الخالدي ( رحمه الله ) وفيصل وعمار السنوسي وعامر الجوهري ..
وكلهم فرد أولاد خرطوم ، صواقع نجوم..

الحبيب ابو قصي
سلامات واشواق

Quote: ياالله ياخي أنا بزكر الجلسة حقت اخونا الشاعر المرهف بدر الدين البطاح وتجلي فيها الفنان الراقي ذو البعد الثلاثي أمير الغناء فيصل عبداللطيف (الصحافة)

طبعا نحن هنا في الرياض استمتعنا بي فيصل كتير وهمنا معاهو في جلسات ابداع للآخر لكن بالجد فيصل
فنان ابداعه مفروض يعم بالجد والله ...

Quote: ياالله لو يملأ فيصل المساحة الشاغرة في الألحان وزورقها يكون أعاد لنا فضاءات من الطرب الجميل شكرا لك وللفنان لؤي شمت

والله لو سخا بملاها براااااااااااااااحة لانو قدها وقدود .. وياريت يا مجدي تكابس كده تشوف لي باقي الحلقة دي وين
يعني بعد يا فتاتي اربعة اغاني للطيب عبد الله ولا اروع .


سلمت يا غالي

الشفيف الوجيه أمير الجمري أولاً اشكرك كتير على هذا البوست الذي يفوح طرباً وفناً ،، فالأخ الفنان فيصل الصحافة فنان بمعنى الكلمه ومتميز في صوته وادائه ،،،،،، وأذكر أننا كنا في المرحلة الثانوية نسمع له الأبيض ضميرك ونهدي أشرطته للجنس اللطيف لأنها فعلاً كانت الفترة الذهبية لفيصل الصحافة فكم بكينا معه وكم فرحنا معه من شدة الطرب والشجن ،، ولكن اعيب على الأستاذ فيصل أنه كسول والطامه الكبرى هي الغربة التي أخذت من فيصل كل شي جميل وحلو ولا أعرف لماذا هاجر فيصل في تلك الفترة وقد كان المستقبل أمامه وقد ملك كل مقومات الفنان المكتمل في ذاك الزمان ومثله أيضا الأساتذه / جلال الصحافة وعمار السنوسي وآخرين لا تسعفني الذاكرة بهم الآن / المهم في الموضوع ان فيصل دوماً لا يحب الظهور وهذا الشي أضر به كثيراً وفي بعض الأحيان مجتمع الفن مجتمع لا تنفع فيه المسكنة والتعامل بالمثاليات وفيصل رجل كما عرفته عن بعد وليس عن قرب رجل يتعامل بإخلاق طيبة ومثاليات نساها الناس قديماً ،، ولابد لفيصل ان يقتحم حتى يصل لمكانه الشاغر والذي سيملؤه حتماً لانه فنان مشبع الإبداع ،، وأتمنى أن يتحرك فيصل في هذا الإتجاه على ارغم من أنني أعرف خفايا وأسرار المجتمع الفني في السودان ولكن نتمنى أن يجد فيصل مكانته وأن يرجع فيصل بتاع زمان الذي ملأت شهرته الأفاق ونحن نثق في ذلك ،، فقط عليه قليل من الإلتزام والسعي والتضحيات ،، وإن شاء الله سنرى فيصل كما رأيناه وسمعناه زمان ..
وتقبل ودي وتقديري ،،


تحياتي : ياسر العيلفون


تخريمه : يا أمير وأنا أقول الوجاهة دي جبتها من وين ،، أتاريك قريب فيصل الصحافة ،، لوووووول .

Quote: قناعتى الخاصة انو فيصل فنان متفرد فى كل شى الصوت والاختيار والتطريب حتى لما غنى غناهو الخاص قبل اكثر من 25 سنة كان رائع ومبدع

عارفك يا عامر وعارف قناعاتك من التمانينات .. انت من لفت نظرنا لهذا الرائع وانت طول عمرك دليلنا للجمال يا عموري ياخي .

Quote: تنكر جمال عشرتنا ديك تمشى وتفوتنا وماعليك انتا البتدى الناس امل واشراقة من ضحكة عينيك

ناكر الجميل من الاغاني الكبيرة حقيقة وفيصل يؤديها باحساس عالي جدا لانو عارف انها حقتو طبعا وما بكون عامل حسابات كتيييرة زي لمن يغني لاحد
كبار الفنانين (طبعا حساسيتو مفرطة) .

Quote: ولمن زول يغنى لعثمان حسين والطيب عبد الله والكاشف وصلاح مصطفى وصلاح محمد عيسى والحقيبة يبقى دون شك فنان من طراز فريد

والتاج مصطفى ، وبامتياز شديد

Quote: وفعلا ياامير فيصل فنان مظلووووم جداونتمنى ان ينصف في قادم ابداعاته وقد تمنيت وجوده فى برنامج اغانى ليس لاننا فقط نحبه ولكن لانه فنان وبيشكل اضافة حقيقية

والله نتمنى يا عامر ان ينصف المستمعون بابداعاته ... واغاني واغاني دا يبدو ان هناك اشياء كثيرة خلف الكواليس لا نعلمها!!!

Quote: أنا ما ح أقول فيصل مظلوم ، لأنو ما في زول ظلمو!! هو من ظلم نفسه ..

دا كلام سليم يا ابوصلاح بس انت ادرى الناس بحساسية فيصل وطبعه

Quote: فيصل أتيحت له فرص لم تتح لغيره من الفنانين ، لكنو ما استغلاها واغتنمها فيصل أيام ( مسكين أنا ) كان أشهر فنان في السودان

المشكلة يا صلاح انه فيصل فععععلاً (مسكيييين) .

Quote: فيصل ازال الغبار عن فنانين نسوهم الناس ، وأصبحوا لا يسمعوا لهم عثمان حسين ، ثنائي العاصمة ، صلاح مصطفى ، الطيب عبدالله ، عبدالمنعم حسيب وغيرهم كُثر..

المشكلة في الفترة بعضهم قابل الشيء دا بجحود وعنف شديد وشنّ على فيصل حرب شعواااء .

Quote: ما لاقاني زول زاهد زي فيصل ده ، وما زال

ياااااااااااااااااا دا زهد عجيييييب لكن وثمنه غاااالي بيدفعه هو وغيره .

Quote: فيصل ما زال شاب ، ويمكنه أن يضع نفسه في المكان الذي يليق به ويستحقه عشان كده بالله يا أمير ألكز لينا الزول ده بالله..

نتمنى يا صلاح والله وان شاء الله نعمل على ابراز ابداعات هذا الرائع فناً وخلقاً واخلاقاً.

تحياتي لي عماد عليك الله

يا زول هوووووي
انا قيام يوم السبت ان شاء الله
رسل القروش بتاعة الموضوع داك
ما تخليني اجي ناطي لسك فس كرشك

Quote: يا زول هوووووي انا قيام يوم السبت ان شاء الله رسل القروش بتاعة الموضوع داك ما تخليني اجي ناطي لسك فس كرشك

هههههههههههههههههههههههها ... كرشك بالتقولها كدي كررررررر

اول ما توصل اديني تلفون بقول ليك تستلمها من وين ..
على فكرة صديق حمدتو سافر الليلة ما تنسى تمشي عليهو .

صباح الخير يا أميـــر .....

فيصل رجل فنان بحق وموهبة نادره يتميز بصوت طروب وأداء متميز ... لم يلق حقه من الإعلام ولم يتبوأ المكانة التي يســـــتحقها لا أدري لماذا ؟ .. هل هو سوء الحظ أم بعض التكاسل من فيصل أم أنها الشللية والكيل بمكاييل متعددة في أجهزة الأعلام أم يا ترى تكالبت عليه كل تلك الظروف ...

ياخي يكفيه فخراً ما قام به في حفل تكريم القامة عثمان حسين .. حتى أعاد الفنان الفذ عثمان حسين إلى الغناء مرة أخرى من كثرة الطرب في أحد الفقرات ... وقد اعترف له الفنان عثمان حسين بل سمح له صراحة في كلمته أمام الكل بأن يغني كل أغانيه ....

يا أمير حتى الآن أعتقد إن أمام فيصل الفرصة لو تعاون مع شعراء وملحنين متميزين يمكنه أن يشغل مقعده الخالي بين الأقطاب من مبدعي بلادي ... تحياتي القلبية الخالصة له عبرك يا أمير ... ويا ريت لو تكرمت وأرسلت لي هاتفه في الخاص .. حيث كنت قد أخذته منه ولكني فقدته من زمن ....

ولكم جميعاً خالص تحياتي وتقديري ؛؛؛

الفنان الراقي ياسر العيلفون تحياتي وكل سنة وانت بالف خير

Quote: فالأخ الفنان فيصل الصحافة فنان بمعنى الكلمه ومتميز في صوته وادائه

وشهد شاهد من اهلها ... انت زول فنان واكيد المامك بامور الفن والامكانيات الصوتية وخلافه اكتر مننا

Quote: ولكن اعيب على الأستاذ فيصل أنه كسول والطامه الكبرى هي الغربة التي أخذت من فيصل كل شي جميل وحلو ولا أعرف لماذا هاجر فيصل في تلك الفترة وقد كان المستقبل أمامه وقد ملك كل مقومات الفنان المكتمل في ذاك الزمان

الكسل الكسل الكسل والحساسية المفرطة ديل اكبر معوقات فيصل .. الغربة فعلا اخذت منه الكثير ... والسؤال الطرحتو يا ياسر فعلا يدور برؤوس الكثيرين : لماذا اغترب !!!

Quote: وفي بعض الأحيان مجتمع الفن مجتمع لا تنفع فيه المسكنة والتعامل بالمثاليات وفيصل رجل كما عرفته عن بعد وليس عن قرب رجل يتعامل بإخلاق طيبة ومثاليات نساها الناس قديماً

انت هبشت الجرح تماماً.

Quote: تخريمه : يا أمير وأنا أقول الوجاهة دي جبتها من وين ،، أتاريك قريب فيصل الصحافة

هههههههههههها انا نسيبو ما قريبو ... ( يعني هدّ فيني) لووووووووووووول

ادريس سلامات وكل سنة وانت طيب

Quote: فيصل رجل فنان بحق وموهبة نادره يتميز بصوت طروب وأداء متميز ... لم يلق حقه من الإعلام ولم يتبوأ المكانة التي يســـــتحقها لا أدري لماذا ؟ .. هل هو سوء الحظ أم بعض التكاسل من فيصل أم أنها الشللية والكيل بمكاييل متعددة في أجهزة الأعلام أم يا ترى تكالبت عليه كل تلك الظروف ...

ارى شبه اتفاق على كسل فيصل وسوء حظه .. وطبعا يا ادريس سوء الحظ ما بيده ولا بيدنا لكن مسألة الكسل دي لا زم نشوف ليها حل .

Quote: يا أمير حتى الآن أعتقد إن أمام فيصل الفرصة لو تعاون مع شعراء وملحنين متميزين يمكنه أن يشغل مقعده الخالي بين الأقطاب من مبدعي بلادي ... تحياتي القلبية الخالصة له عبرك يا أمير ... ويا ريت لو تكرمت وأرسلت لي هاتفه في الخاص .. حيث كنت قد أخذته منه ولكني فقدته من زمن ....

ان شاء الله سنعمل على ذلك ونشتغل معاهو باللكزة وبالدفرة وبكل ما نملك ..

تسلم يا ادريس وتلفونات فيصل عندك في الخاص.