Post: #9 Title: Re: ما لقيتلو مثيل...نشاز عودك يا دكتور.. Author: طارق ميرغني Date: 11-05-2010, 09:31 PM Parent: #8
Quote: لماذا لم يتجرأ أحدهم ويلفت نظر الدكتور لمراجعة دوزنة العود؟؟
اخي محمود
اذا كانت الدكتوراة التي يحملها في الجغرافيا او الادب الانجليزي
لتجرأوا عليه
لكن يا اخي رجل يحمل دكتوراه في الموسيقي من المفترض اذنه تكون حساسه لابعد حد
لكن ان يفرق عود بسبب وزنه تجعلني اشك في هذه الدكتوراه
ولا عذر ابدا ان العود فارق ولو يلغي الحلقة
Post: #10 Title: Re: ما لقيتلو مثيل...نشاز عودك يا دكتور.. Author: Mahmoud Mustafa Mahmoud Date: 11-05-2010, 10:03 PM Parent: #9
Quote: اذا كانت الدكتوراة التي يحملها في الجغرافيا او الادب الانجليزي
لتجرأوا عليه
لكن يا اخي رجل يحمل دكتوراه في الموسيقي من المفترض اذنه تكون حساسه لابعد حد
لكن ان يفرق عود بسبب وزنه تجعلني اشك في هذه الدكتوراه
ولا عذر ابدا ان العود فارق ولو يلغي الحلقة
واحد من الأسماء التي كانت في خاطري وأنا أكتب هذا البوست..هو اسم طارق ميرغني..
والسبب ببساطة هو إنه طارق ميرغني كان قد افترع بوستاً جميلاً بموضوع أغنية البان جديد لعثمان الشفيع
من أداء نفس الشاب الذي وجد نفسه متورطاً في أداء أغنية للشفيع بمصاحبة (عود) الدكتور الماحي..
إن شاء الله تكون تابعتها يا طارق أخوي..عشان تعرف إني ما تهجمت على الدكتور ساكت كدا..
ولو كلامي طلع صاح..أرجو أن لا تهدي هذه الأغنية لصديقك أبو شنب صلاح عبد الله..
عشان ما يتهمك هو الآخر بالطرش الرعاش وشلل الإنهار ومتلازمة أم ضبيبينة..
لك صادق المودة والاحترام..ودمت أخاً كريماً..
Post: #11 Title: Re: ما لقيتلو مثيل...نشاز عودك يا دكتور.. Author: Mahmoud Mustafa Mahmoud Date: 11-06-2010, 09:14 PM Parent: #10
يا جماعة..ما في زول عنده تسجيل للحلقة دي؟؟
ما لقيييييييييت تسجيل..يا النفيييييييييييييييسة خصالك..
Post: #12 Title: Re: ما لقيتلو مثيل...نشاز عودك يا دكتور.. Author: Mahmoud Mustafa Mahmoud Date: 11-08-2010, 07:58 AM Parent: #11
ممكن جداً..
يكون الدكتور شاف البوست دا..
ممكن جداً يكون ما شافو..برضو جايز...
لكن ممكن الزميل حمزة أو الأستاذ الزميل أنس العاقب يكونوا شافوا البوست..
ويا ريت كمان يكونوا شافوا الحلقة موضوع البوست..
عشان يوصلوا رسالتنا للدكتور..
الرسالة بسيطة ومباشرة: أوزن العود ..
فيها حاجة دي؟؟
Post: #13 Title: Re: ما لقيتلو مثيل...نشاز عودك يا دكتور.. Author: طارق ميرغني Date: 11-08-2010, 09:03 AM Parent: #12
اخي مصطفي انا ما تابعت الحلقه كووولها
لكن وبالصدفه لميت في اغنية عازه وصالك واظنها كانت اخر اغنيه في الحلقة
وسجلتها بالكامل
لمن امشي البيت بعدين ان شاء الله احاول انزلها ليك
حتي اداء ازهري دياب لهذه الاغنيه ومع سعادة الدكتور لم يكن جميلا
كما شهدناه في التسجيل الذي اهديته لصديقي صلاح
Post: #14 Title: Re: ما لقيتلو مثيل...نشاز عودك يا دكتور.. Author: Mahmoud Mustafa Mahmoud Date: 11-08-2010, 11:48 AM Parent: #13
Quote: لمن امشي البيت بعدين ان شاء الله احاول انزلها ليك
حتي اداء ازهري دياب لهذه الاغنيه ومع سعادة الدكتور لم يكن جميلا
كما شهدناه في التسجيل الذي اهديته لصديقي صلاح
الجميل طارق ميرغني..
ياخي بالله عليك تلحقنا بالتسجيل دا.. عشان أنا أكلت في خاطري والله...
ومن ناحية تانية .. أكيد بيكون فيهو تقويم لمسيرة الموسيقى والموسيقيين في السودان
وفيه خدمة برضو تصب لصالح الذوق العام من أجل إحساس موسيقى معافى ..
وبالمرة الناس تعرف إنه ما في كبير على الانتقاد ...
منتظرينك والله..ودمت
Post: #15 Title: Re: ما لقيتلو مثيل...نشاز عودك يا دكتور.. Author: salah ismail Date: 11-08-2010, 04:52 PM Parent: #14
يا جماعة الدكتوراه دي مجرد درجة اكاديميه اي زول شاطر في القراية والكتابة بقدر عليها,,,
العزف حرفة..... ولا اعتقد ان كل عازف فنان او مبدع اجمل حاجة في هذا المنبر الناس الزيكم...ديل...والله بتعلم منكم.. في كل مداخلة.. رغم اني .. ماعازف..لكن وجدت في التعامل مع الالات الموسيقيه صداقة عميقة..واصيلة..خاصة العود..مرات بغلبني اوزنو...واحس بانو عندي صديق عيان.. او متوعك..لدرجة انو صوتو بقي غريب علي...نتفارق لمدة كم يوم...واحاول..علاج الاوتار...ووزنها...وترجع اللحظة الجميلة...