انتبهوا.. الحكومة بقت فطيسة والكيزان حايتخارجوا ودايرين زول داقس يشيل الشيلة ...

بعد ان مصوا دم البلد وخلوها جثة هامدة وتحولت الجثة الي فطيسة
وبعد ان لوثوا الكثيرين من ابناء البلد معاهم الجماعة بيفتشوا لي
مخرج ولي زول من حزب داقس يشارك ويشيل الشيلة معاهم ويكبوا
الزوغة منو ... ياربي ده منو ده ؟؟؟

خليهم يشوفوا ليهم مغفل من الجيش يقلبا

وليد وينك يا راجل مشتاقين كتير

تعرف يا وليد،،


الهادى الضلالى (احد ظرفاء امدرمان) يحكى انه لاقى نافع على نافع فى بيت بكى هذا الاسبوع فى امدرمان.
بعد ان صافحه قال ليهو (ياخى بقيتوا للشعب ده فى رقبتوا دى، فكونا ياخى خلاص كفاكم ادوها لغيركم)
طبعا الذين يعرفوا الهادى فقعوها ضحك، لكن نافع زعل وشو حمر الناس، وصار يرد عليهو..
يعنى نديها للصادق!!رد نافع
الغبى مافاهم انو نوع الهادى ده بيعبروا عن وجدان الشعب..هو لا حزب امه ولا غيره..
الصادق شنو اى زول تانى احسن منكم....كان رده

Quote: ويشيل الشيلة معاهم ويكبوا الزوغة منو ... ياربي ده منو ده ؟؟؟

طمنا عليك

هل اصابتك لوثة ...........

Quote: خليهم يشوفوا ليهم مغفل من الجيش يقلبا

ما اعتقد في واحد بيغلط الغلطة الشنيعة دي ويتورط ليهو في بلد لو بعتها في التنشليح
ما بتجيب ليك حق الترحيل .... ومافي زول حايتورط معاهم تاني ......تحياتي اخونا ادريس

يا وليد الشريف
اسمعها مني كلمة
وبعدين قول ود وراق قال

البشير ح يحكم (بإذن الله) لحدي سنة 2021
وبعده ستة حكام كوووولهم مؤتمر وطني

التحية لك ولكل الشرفاء

و العار لعملاء مافيا الجبهة




تا الله ما خبروا الجهاد وإنما ** لبسوا الجهاد أساورا وحجولا
جاءوا ب "شدو" كي يدافع عنهمو * وب "سبدرات" كي يدق طبولا
عجبي لكل مثقف متهالك * يسعى إلى حضن الطغاة عجولا
يقتات من عرق الضمير ويرتمي * فوق الموائد جائعا وأكولا
أو يرتدي ثوب الخيانة خائفا * أو خائنا متخاذلا وذليلا
قد أسرفوا في كذبهم وضلالهم * حسبوا الشهور كلها "أبريلا"
جعلوا من الإعلام إفكا صارخا * يستهدف التزييف والتبجيلا
فالقطن في التلفاز بات مفرهدا * لكنه في الحقل كان ذبولا
والقمح يبدو سامقا متألقا * والفول مال يداعب القندولا
ظلوا يمنوننا بأبرك موسم * وأتى الحصاد فلم نجد محصولا
ومداخن للنفط طال زفيرها * ولكنها لا تنتج البترولا
وبدت مصايفنا كأشباح الدجى * وغدت بفضل المفسدين طلولا
ومصارف التطفيف أضحت موردا * للملتحين وجنة ونخيلا
لم يشهد السودان مثل فسادهم * ابدآ ولا رأت البلاد مثيلا
اتخذوا الترابي شيخهم وإمامهم * وكأنه فاق المشائخ طولا
خلعوا عليه عباءة فضفاضة * ليعيد مجد المسلمين ضئيلا

Quote: اسمعها مني كلمة وبعدين قول ود وراق قال البشير ح يحكم (بإذن الله) لحدي سنة 2021 وبعده ستة حكام كوووولهم مؤتمر وطني

يظهر انك بتتعامل مع وداعية يا مسطولة يا فاكه منها .

Quote: وداعية يا مسطولة يا فاكه منها .

والله الوداعيه لو قالت الكلام ده للبشير ذاتو ما يصدقها...

Quote: الصادق شنو اى زول تانى احسن منكم....كان رده

تحياتي اخ احمد امين
يا خ ديل قرقوش احسن منهم الصادق ود الحلال

Quote: طمنا عليك هل اصابتك لوثة ...........

الحمد لله انا بخير طالما كنت بعيد عن جلادي الشعب وسارقي قوته
انا بخير طالما وقفت مع السواد الاعظم من ابناء وطني بالحق
انا بخير طالما ان موقفي سيحترمني فيه التاريخ

Quote: يا وليد الشريف اسمعها مني كلمة وبعدين قول ود وراق قال البشير ح يحكم (بإذن الله) لحدي سنة 2021 وبعده ستة حكام كوووولهم مؤتمر وطني

مالو الكلام مجان قول زي ماداير بس ما كفاكم ما اضيعتموه من مساحات
عزيزة من ارض الوطن في زيادة لسة ما كملتوا اضاعتها

تحياتي يا وليد ..

البشير في أول ايام إنقلابه على السلطلة الشرعية

قال : لقينا البلد جنازة بحر" الكلام ده قبل 21 سنة

يا ربي هسي تكون بقت شنو ؟؟؟؟

Quote: التحية لك ولكل الشرفاء و العار لعملاء مافيا الجبهة

التحية عزيزنا مصطفى محمود ستنتصر ارادة السواد الاعظم ان شاء الله

Quote: يظهر انك بتتعامل مع وداعية يا مسطولة يا فاكه منها .

ما اعتقد انو بيتعامل مع وداعية مسطولة لانها كانت ظبطت ليهو المعلومة كويس
اكيد هي وداعية فاكه منها ....لانها فكت منهم خلاص

Quote: تحياتي يا وليد .. البشير في أول ايام إنقلابه على السلطلة الشرعية قال : لقينا البلد جنازة بحر" الكلام ده قبل 21 سنة يا ربي هسي تكون بقت شنو ؟؟؟؟

سلام د. احمد
البشير بنضم بدون عقل لامن البلد بقت جنازة بحرة واتماصت يعني
حتى جنازة يدفنوها مافي ....