فشل الاستفتاء

ليست بامنية جميلة


لكنها قد تكون حقيقة واقعية ومرتقبة


نتمني لاهلنا في الجنوب ان يبنوا وطنهم لكن اليس هناك من الموشرات التي تدل علي ان الاستفتاء تحيطه كثير من عوامل الفشل

قد يعنينا ما تقوم به الحكومة من اعمال تقصد بها التشويش لبناء وطن للجنوبيين في ظل المناكفات السياسة مع الحركة الشعبية ....


فشل الاستفتاء هو مزيد من الفشل للدولة السودانية

زي كل مرة بنقول نحن وصلنا ابعد المراحل سوء لكن يبدو ان الاستفتاء سيقود الي ما هو ابعد في السوء


نجح الاستفتاء وهنا بالتاكيد احتمال كده يكون اقل او

فشل وهو في راي الكثيرين الاحتمال الاكبر بعني لينا مزيد من التدهور في بلدنا

غايتو ربك يستر

بعضنا يتمني الا ينفصل الجنوب

البعض الاخر يتمني تكوين دولة في الجنوب تضمن للجنوبيين حياة مستقرة

واخرون خلف الاندفاع بتعجيل الاستفتاء ولا يهمنا ما يحدث بعده من انفصال

وبكل بساطة لا يتذكرون بان استقرار الدول المحيطة هو اساس استقرار السودان او دولة شمال السودان مع حدود 6 دول منها ثلاثة علي شفاة حرب مع السودان واخري تدعم اي حركة مسلحة حسب مزاج الريس بتاعها


وشمالا بدولة لا تعرف سوي المصالح الذاتية ----- البحتة


فزراعة الفتنة في وسط الجنوبيين والنظر اليها بتشفي لا يفيدنا

كدا نعاين ليها بنظرة انانية لو عايزين شمال مستقر لازم نضمن نحن كعنصريين او انفصاليين او غيروا جنوب مستقر

حتي لا نري

دفارات وشعارات الكشة الالزامية في ابسط تحليل للعودة مرة اخري

الموسسة العسكرية لم تنجح في حسم صراع داخل السودان سابقا

ولن تنجح في حرب مع دولة وليدة في الجنوب في اي حرب تخوضها


....................................


في ظروف ومحيط عالمي لا يرحم


ووضع سياسي داخلي هش في وجود وضعف موسسات سياسية خاملة ولا تستيطع التعاطي مع المتغيرات السياسية في ظل ضعفها الحالي