الجزلي عمر بالله عليكم احترموا المتبقى من عقول مرتكبي جريمة مشاهدة اخباركم

بكل الاناقة يجلس الجزلي بربطة العنق البيضاء التي تعكس جودة صبغة سواد الشعر التي تخفى سنين من الخبرة فيفتح بصوته المعدين لنشرة الاخبار ملف مهم بعنوان استفتاء مواطن او نخبه من خلاله يرفق دليل الاثبات العجيب استطلاع من ارض الجنوب لبعض اشخاص علي خلفيات منفرده ينادون بالوحدة وفي نهاية الاستطلاع تظهر النتيجه بصوت جازم (ان لا صوت ولا واحد نشاز التقيناه ينادي بالانفصال)

بكاء واسوء سناريو في التاريخ و حقنه وبترول و اما فوق ارض ابيي او تحتها واسرائيل وحق العوده و متحدث باسم المسلحه وجيش الحركه والتماس وامم متحده وقال سلفا ولم يقل مشار وسفراء الامبرياليه وتاجيل الاستفتاء والانتباهه ومسيرات الاستقلال ونشيد العلم


كل هذا ولا واحد نشاز صادته كاميرا التلفزيون الشمالي اي الزمان والمكان والعينه في ارض الجنوب ينادي بالانفصال

محمد علي شقدي ....

تستاهل البيحصل ليك .....

في زول عاقل يتابع برنامج يقدمه المدعو عمر الجزلي؟

تلفزيون حكومي نعم قومي اكيد لا فقد ظل يخاطب مواطني الشمال والجنوب وكل اركان الوطن بسزاجه الهتيفه فهو يثبت نصاعة الوان حرباء الانقاذ حيثما ولت وجهها فيرغم غالب ضيوفه خصوصا في نشرات الاخبار عن السير في اتجاه تاكيد صحة موقف النظام بشكل يدعو للشفقه

Quote: محمد علي شقدي .... تستاهل البيحصل ليك ..... في زول عاقل يتابع برنامج يقدمه المدعو عمر الجزلي؟

الغالي ابو الريش سلامات يا حبيب اهم شئ دعواتك ان شاء الله تبقى لينا بـ توبه نصوحه نندم فيها كثيرا علي ما فات ونقلع عن متابعه من لا يحترم عقولنا

ود أهلى .... كيفنك ؟

Quote: بسزاجه الهتيفه

إنت البوديك تتفرج أو تحضر زى ده شنو ؟
ما تحضر كورة الجزيره يااخ .... مالو ؟
أو إن شاءالله إعلان شامبيون بتاع جمال فرفور داك ... زى الشربوهو ليهو و جا عمل الإعلان ،
ياخ كلمة سذاجه زاتها تتوارى خجلا من البيحصل ده .

الفنان الجميل مصدق مصطفى حسين تحياتي و شكرا لهذا التشريف و مشاركتى هم العلاج من هذه العاده السيئه
تلفزونا المسمى قومي يا مصدق لا زال في غيه القديم رغم قناعة اهله بانهم كانو ولا يزالو جزء كبير من الازمه فهم بذلك غير قادرين على حث الكثير من الثقافات الطرفيه علي وحده في وطن من خلال شاشه لا يجدون فيها رسمهم الا كلوحة ديكور

------------------
حي الله حينا جزيرة الفيل ودعوات العافيه تسري عبر كل زقاق ينتهي الي احضان اهلنا الغبش وفضاء يسع المهاجرين القدامي امثالك يا مصدق والجدد

العزيز شقادة
سلامات
ضحكتني يابلديات وطوالي كنت عايز أقول ليك تستاهل لكن لقيت محمد أبو الريش صرفها ليك
أها تبينت براءتك فاتبع الوصفة التالية عند مشاهدتك للبتاعة دي :
1- اسمع بأذنيك وليس بعقلك وإلا سيطير كما الدخان
2- لا تجلس قبالة التلفزيون بل اجلس إلى جنبه وضع مراية عاكسة وشاهد من خلالها
( لأن الجزلي وجماعتو بعكسو الصورة وستعيد المراية تصحيحها )
3- ضع خصائص العرض على (أسود وأبيض ) ليستقيم معنى ( تلفزيون قومي )
فلا وجود للألوان لا سياسية ولا عرقية ولا ثقافية ولا يحزنون
4- ابتكر وسائل حمايتك الخاصة
5- أخوك طه إبراهيم

العزيز جدا طه ابراهيم

ياخي دي وصفة استشاري دقيق التخصص في المشاهده وو صفك جميل للصورة المقلوبة والمقولبة

تسلم وشكرا يا صديقي

العزيز شقدي .. سلام

Quote: اسامة خليفه بعدالتحيه كمية من اشواق

والله اشواق كثيره .. كيفك والاسره ؟

كنت بصدد ان اكتب هنا قبل ان انقل مداخلتك من بوست الترحيب المصري ..


عموما عليك بمشاهدة قنوات النيل ولا دريم وكان زجهت شديد شوف المجروس بعد الاخبار وكلها في النهايه مسلسات مصريه كان في الجزيره ولا التلفزيون ..

دمت بخير اخي العزيز ..

الهتيفه ينتشرون بلا وعي في كل مكان

اسامة خليفه يا صاحبي مسلسلات متواصله دون كلل اخوك عندو مرضة اشوف مرات وجة نظر النظام عبر شاشته القوميه
لكن الظاهر الجماعة ما واقفين على الهتاف القصه جايبه ليها استخفاف وتزييف خايب للحقائق

تحياتي يا اسامة للعيال وكل الاهل والاحباب

شقدى سلام

الجزلى كائن مسخرة؟بلا كرامة

تحياتى يا صاحب انت و الولاد

الرفيق معاوية الصائم سلامات يا حبيب

من خلال كل الاسماء في حياة برنامجه التوثيقي كان يجب ان يعرف ان التاريخ كائن له اكبر ذاكرة اكبر من ان تقاس والحاضر المعاش في هذا العالم المتصل لا يقبل العبث بالوقائع

تحياتي كذلك للاهل والاحباب