5X5 أعجبتنى.

أحضر لى أخ كريم ورقات أربع تحمل درر وأحببت أن أنثرها لكم هنا...

خمس يرفعن خمس:

1-التواضع يرفع العلماء.

2-المال يرفع اللئام.

3-الحياء يرفع الخلق.

4-الصمت يرفع الزلل.

5-الهزل يرفع الكلفة.

وهناك المزيد..

خمس يعرفن بخمس :

1-الشجرة تعرف من ثمارها.

2-المرأة عند إفتقار زوجها.

3-الصديق عند الشدة.

4-المؤمن عند ألأبتلاء.

5-الكريم عند الحاجة.

يتبع.....

خمس يطمسن خمس :

1-الزور يطمس الحق.

2-المال يطمس العيوب.

3-التقوى تطمس هوى القلب.

4-المن يطمس الصدقة.

5-الحاجة تطمس المبادىء.

يتبع....

Quote: -المال يطمس العيوب.

أبو السباع
إزيكـ يا صديق
ذكرتني نكتة بمناسبة الكوت الفوق ده
المشكلة أنا ما بقدر أحكيها
والمشكلة التانية حساس بكري بيعمل ليها هاشات لامن تآمن
والله العيب ما يستروا شي
حتى المستفيد منو ، بس يتخارج ويسل لسانو

خمس يؤدين إلى خمس :

1-العين إلى الزنا.

2-الطمع إلى الندم.

3-القناعة إلى الرضا.

4-كثرة السفر إلى المعرفة.

5-الجدل إلى الخصام.

هناك المزيد بأذن الله...

خمس يكبرن بخمس:

1-النار بالهشيم.

2-الشك بسوء الظن.

3-الجفاء بعدم ألأحسان.

4-الخصام بعدم الصفح.

5-القطيعة بعدم السؤال.

ونواصل....

خمس قربهن سعادة:

1-ألأبن البار.

2-الزوجة الصالحة.

3-الصديق الوفى.

4-الجار المؤمن.

5-العالم الفقيه.

معاكم.....

خلينا نضيف معاك كمان
رؤية اسماعيل عباس تبعث الطمأنينة في النفس












سلامات يا سمح يا زين, و مشتاقيييييييييين

أخى الجميل عمران...

Quote: إزيكـ يا صديق ذكرتني نكتة بمناسبة الكوت الفوق ده المشكلة أنا ما بقدر أحكيها والمشكلة التانية حساس بكري بيعمل ليها هاشات لامن تآمن والله العيب ما يستروا شي حتى المستفيد منو ، بس يتخارج ويسل لسانو

يسعدنى تواصلك وتسعدنى محادثاتك أكثر...شكرآ على النكتة فعلآ مطابقة للواقع ....تقديرى...

حسبو عكاشة إبن أخى الهميم.......ليك وحشة والله....

Quote: سلامات يا سمح يا زين, و مشتاقيييييييييين

إنت السمح وزين ..بعدك الفريق أصبح خلا....تقديرى...

خمس يطبن بخمس:

1-الصحة برغد العيش.

2-السفر بحسن الصحبة.

3-الجمال بحسن الخلق.

4-النوم براحة البال.

5-الليل بذكر الله.

معاكم مواصل:

خمس يأتين بخمس:

1-ألأستغفار يأتى بالرزق.

2-غض البصر يأتى بالفراسة.

3-الحياء يأتى بالخير.

4-لين الكلام يأتى بالمسألة.

5-الغضب يأتى بالندم.

ومازال هناك متبقى درر.

خمس يصرفن خمس:

1-لين الكلام يصرف الغضب.

1-ألأستعاذة بالله تصرف الشيطان.

3-التأنى يصرف الندامة.

3-إمساك اللسان يصرف الخطأ.

5-الدعاء يصرف شر القدر.

مواصلين بأذن الله.

خمس ورقات أعجبتنى.....الحمدالله...

1-زر السجن مرة فى العمر لتعرف فضل الله عليك فى الحرية.

2-زر المحكمة مرة فى العام لتعرف فضل الله عليك فى حسن الخلق.

3-زر المستشفى مرة فى الشهر لتعرف فضل الله عليك فى الصحة والعافية.

4-زر الحديقة مرة فى ألأسبوع لتعرف فضل الله عليك فى جمال الطبيعة.

5-زر المكتبة مرة فى اليوم لتعرف فضل الله عليك فى العقل.

6-زر ربك كل آن لتعرف فضله عليك فى نعم الحياة......


الورقة الثانية:

أن الخطأ كل الخطأ أن تنظم الحياة من حولك وتترك الفوضى فى قلبك.

الورقة الثالثة::

1-رجل يجرى وراء المال والمال تاركه.

2-رجل يخاف الرزق والله رازقه.

3-رجل يبنى القصور والقبر مسكنه.

الورقة الرابعة:

1-نحتاج إلى أصدقائنا القدامى لكى نتقدم فى العمر.


2-نحتاج لأصدقاء جدد كى نجدد شبابنا.

3-الكسل هو ألأستراحة قبل ألأحساس بالتعب.

4.كن صبورآ مع الجميع ولكن قبل كل شىء كن صبورآ مع نفسك.

الورقة الخامسة:

فإذا ظفرت بزلة فافتح لها......باب التسامح أجدر.

ومن المحال بأن ترى أحدآ حوى....كل الكمال وذا هو المتعذر.

مع خالص التقدير لكم جميعآ..........................وشكرآ لمن أهدانى وهدانى لهذا الحديث الطيب..

قال حكيم::

راحة الجسم فى قلة الطعام..وراحة النفس فى قلة ألآثام..وراحة القلب فى قلة ألأهتمام..وراحة اللسان فى قلة الكلام...

كن عالى الهمة..

وما المرء إلا حيث يجعل نفسه................فكن طالبآ فى الناس أعلى المراتب.

ده الكلام ولا بلاش .....كلام سمح بالحيل يا شيخ اسماعيل

الله يديك العافية لنشره لفائدة الجميع....

قال إبن إدريس...

أرى بدر السماء يلوح حينآ.......فيبدو ثم يلتحف السحابا.

وذلك انه لما تبدى.......وأبصر وجهك إستحيا فغابا.

Quote: الله يديك العافية لنشره لفائدة الجميع....

يديك الف عافية اخى ناصر النعمان ....لك التحية ولآسرتك الكريمة.

Quote: خمس يأتين بخمس: 1-ألأستغفار يأتى بالرزق. 2-غض البصر يأتى بالفراسة. 3-الحياء يأتى بالخير. 4-لين الكلام يأتى بالمسألة. 5-الغضب يأتى بالندم. ومازال هناك متبقى درر.

بجيك راجع عندى تعقيب

الدر دارك يا أبو احمد..

Quote: بجيك راجع عندى تعقيب

يروى ان رجلآ شتم المهلب بن أبى صفرة فلم يجبه فقيل له: لم حلمت عنه؟قال المهلب:لا أعرف مساوئه وكرهت أن أبهته بما ليس فيه...


ما أجمل النزاهة حتى فى الخصومة..

كل التحايا والتقدير الخال العزيز اسماعيل عباس

شكرا لهذه الدرر

Quote: شكرا لهذه الدرر

تسلم ود اختى الجميل البشير على المرور الجميل وألأطراء..تقديرى.

Quote: 4.كن صبورآ مع الجميع ولكن قبل كل شىء كن صبورآ مع نفسك.

الذى يصبر على النفس وبالذات فى للاشياء الضاره التسرع الى الاساءه الى الاخر ضبط النفس فى
كل شى هو انتصار وصبر
التعبير وقت الفرح بدون مبالغه فى كل شى

قال يحيى بن معاذ:

عجبت من ثلاث: رجل يرائى بعمله مخلوقآ مثله ويترك ان يعمله لله.

ورجل يبخل بماله وربه يستقرضه منه فلا يقرضه منه شيئآ..


ورجل يرغب فى صحبة المخلوقين ومودتهم والله يدعوه إلى صحبته ومودته.

تقديرى..

كثيرا ما سمعت خالي عبد الله رحمه الله يردد:
خمسة في وخمسة ما في:
1. الـ بدينوا في والـ بحلوا ما في
2. النصيحة في والـ بمرقها مافي
3. والنسوان في والـ بعرسوا ما في
4. .....
5. .....
معليش يا ود عباس الذاكرة أصابها الوهن
كل عام وأنتم بخير

ابو السباع

كتر خيرك اولا الطلعت لينا اسحاق بلة من استكانتو


ثانيا دي انا ما راكبة لي في راسي (-المال يرفع اللئام.)

ثالثا ودي لاسحاق ود اللمين - في عمنا دائما بكرر عبارة خوازيق الدنيا تلاتة وتلت - انا قلت ليهو شنو التلاتة وشنو التلت قال لي :

تحش بلاد ما ملك - يعني تكون بورة كم سنة وانت تجي تزرعها وهي بكر والسنة التانية يجي سيدها يطردك منها يلقاها كمدوب والكمدوب هي اكثر الاراضي انتاجا بعد السنة الاولي

والثانية - تعمل تجارة وتفك - يعني تفتح دكان وتبيع بالدين

والتالتة - نسيتها

اما التلت تتزوج امرأة وتحتها بنت - تربيها ولما يجي زواجها يعرسوها بدون شورتك

إسماعيل
بوستك دا دستور مجتمع ودولة ...بس للأسف الكلام دا بقى تراث ساي ...ناس السودان الزيك دا بسمو زول من الزمن الجميل ...زي حقيبة الفن عند المغنين ...واصل في الخمس ...ما يجي واحد شيعي ينضم في الخمس ..كل عام والجميع بخير

ألأخ/الرزين...إسحق بله ألأمين..

لك التحية..وأسعدتنى طلتك...شكرآ على ألأثراء ..

أخى الطيب الزول السمح وطيب...

Quote: ثانيا دي انا ما راكبة لي في راسي (-المال يرفع اللئام.)

الغريبة أنا وقعت لى طب..كدى باصرة يالحبيب بتجى ....شكرآ للأضافة...الجميلة وبالله زيدنا من عندك الله يزيدك من زوايد الخير..

أخى عبدالرحمن الحلاوى.........................ما احلاك وانت هنا..

شكرآ على ألأطراء وكل عام وأنتم بألف خير...

سماعين ,, الرجل الطيب
سلام ما ليه حد وامنيات طيبة لك والاسرة
وكل من حواه جمعكم العامر ,,

أخى.عبدالعزيز الفاضلابى الرجل الفاضل...أدام الله فضلك يا زول يا نبيل..وكل عام وانتم بخير.

Quote: سلام ما ليه حد وامنيات طيبة لك والاسرة وكل من حواه جمعكم العامر ,,

وسلامنا وأشواقنا ماليها قيف...لك ولمن معك أحلى ألأمنيات الطيبة.

فى فضل المال:

قال الجاحظ::ان تثمير المال آلة للمكارم.
وعون على الدين.وتالبف للأخوان,وأن من فقد المال قلة الرغبة إليه والرهبة منه.ومن لم يكن بموضع رغبة ولا رهبة إستهان الناس به,فأجهد جهدك كله فى أن تكون القلوب معلقة منك برغبة أو برهبة فى دين أو دنيا.

Quote: خلينا نضيف معاك كمان رؤية اسماعيل عباس تبعث الطمأنينة في النفس

سمعة كل عام وانتم بخير وجميع ضويفك

اخي المحترم سمعه

كل سنه وانت بالف خير

كلامك طيب وغالي كما عودتنا

لكن نكتة عمران وينا ؟؟؟؟؟

بعدين وليد عبد اللطيف قال ليك :

سمعة كل عام وانتم بخير وجميع ضويفك

دي قبل الشربوت ولا بعده

ألأخ/وليد كل عام وانتم بخير يارب...وطمنا عن الوالدة.......

لك وللأسرة خالص التحايا...

طارق ابو الفن ... سلامات وكل سنه وانت طيب

Quote: سمعة كل عام وانتم بخير وجميع ضويفك دي قبل الشربوت ولا بعده

هههههههه
تخيل قبل ما اشوف مداخلتك لاحظت للخطأ
لكن احكي بمناسبة الشربوت
في مره مشيت مستشفى بقشان بجدة وقبلت دكتور سوداني
قال لي : بتضرب
قلت : اضرب شنو
قال لي : تضرب يعني تشرب
قلت : اضرب شنو ياخ انا للان ماحافظ جدول الضرب
ههههههههههههه
سمعه حبيب الكل

Quote: ألأخ/وليد كل عام وانتم بخير يارب...وطمنا عن الوالدة....... لك وللأسرة خالص التحايا...

والده بخير والحمد لله
تسلم ياغالي

سمعة ...

صح لسانك ..

الحبيب.........طارق ميرغنى....لك التحية..

Quote: سمعة كل عام وانتم بخير وجميع ضويفك دي قبل الشربوت ولا بعده

دى من قبل ومن بعد...يا أخى ما شاء الله عليك دى كشفتها كيف شكلك إنت الضارب.......

تحياتى...

ألأخت/ العزيزة عواطف كل عام وانت بخير ومن معك....شكرآ للمرور وألأطراء..مودتى.

خذ من الدنيا ما اتاك,وتول عما تولى عنك,فإن لم تفعل فأجمل فى الطلب,وأعلم ان الدهر يومان:يوم لك ويوم عليك,فإذا كان لك فلا تبطر,وإذا كان عليك فاصبر.

الصبر صبران فأعلاهما أن تصبر على مالا ترجو فيه الغنم فى العافية,والحلم حلمان فأشرفهما حلمك عمن هو دونك.والصدق صدقان فأعظمهما صدقك فيما يضرك,والوفاء وفاءان وفاؤك لمن لاترجوه ولا تخافه.