Post: #1
Title: بالنسبة لي سمك عوضية ..
Author: عمر الفاروق
Date: 11-02-2010, 03:45 PM
قبل اي شي لازم اوضح نقطة ح تتحسب ضدي إني بديت اكل سمك من قبل تلاتة شهور ونيف ولا أملك خبرة تميز البلطي من الصير غير أني وجدت الإختراع الإسمو سمك مشوي ده مبالغة وللاسف في السودان ماف ..
فلاش باك :
عوضية عوضية زحمة طن ويوم الجمعة شارع الموردة جمب حديقة الجندول المرور واقف وانا قايلها حملة فعرفت انو ده عوضية للسمك ..
في صباح يوم السبت اتحركت من العباسية خور ابو عنجة في طريقي لي عوضية عشان أجرب الاختراع الاسمو سمك ده ..
لكن قررت وبما إني من مواليد المنطقة دي فلازم أبدا تجريب السمك من عم شعيب فغشيتو في الأول وأخدت سمك شعيب ..
واصلت ومشيت شلت سمك عوضية ..
يااااااه فرق السما من الارض ..سمك شعيب سمك جد جد ..
سمك عوضية عبارة عن زيت ..
طعم الزيت بيجيك قبل طعم السمك ..
سمك شعيب سمك سمك ..
هذا والله أعلم ..
|
Post: #2
Title: Re: بالنسبة لي سمك عوضية ..
Author: omer osman
Date: 11-02-2010, 03:58 PM
Parent: #1
Quote: وجدت الإختراع الإسمو سمك مشوي ده مبالغة وللاسف في السودان ماف ..
|
كمان لو جربتو في مطعم اليمن السعيد في ابوظبي ... بتنقل اقامتك هناك ...
Quote: سمك عوضية عبارة عن زيت ..
|
انا برضو ما عجبني .......
|
Post: #3
Title: Re: بالنسبة لي سمك عوضية ..
Author: omer osman
Date: 11-02-2010, 04:00 PM
Parent: #1
Quote: وجدت الإختراع الإسمو سمك مشوي ده مبالغة وللاسف في السودان ماف ..
|
كمان لو جربتو في مطعم اليمن السعيد في ابوظبي ... بتنقل اقامتك هناك ...
Quote: سمك عوضية عبارة عن زيت ..
|
انا برضو ما عجبني .......
|
Post: #4
Title: Re: بالنسبة لي سمك عوضية ..
Author: معروف حمدين
Date: 11-02-2010, 04:09 PM
Parent: #3
| Quote: كمان لو جربتو في مطعم اليمن السعيد في ابوظبي ... بتنقل اقامتك هناك ... |
جنابو كورتك فكت ,, نسيت أبوطافش ولا شنو ؟؟
ياعمر الفاروق كلامك صاح سمك عوضية ينطبق عليه مقولة
( من أكل السمك وشرب عليه الماء كمن أحيا السمك وقتل نفسه )
سلام للجميع
|
Post: #5
Title: Re: بالنسبة لي سمك عوضية ..
Author: حيدر بشير
Date: 11-02-2010, 04:48 PM
Parent: #4
سلام يا عمر
حقيقة دعايته وصلتنا فى أقاصى الدنيا و قلنا بس فى الاجازة أول حاجة الواحد يعملها
هو تناول سمك عوضية
و وجدته يقع فى الطريق الذى كنت اسلكه الى المؤتمر قلت بس ناس الموردة ديل ياهم ناس السمك زاتم و فى بالى ما كنا نجده فى سابق الزمن من عمنا السوكى
و يا ريت لو ما مشيت و اكتفيت بالدعاية عنه
سمك أى كلام لا ادرى من نوعية السمك ام من عمله
|
Post: #6
Title: Re: بالنسبة لي سمك عوضية ..
Author: ودالعباسية
Date: 11-02-2010, 04:56 PM
Parent: #5
شعيب لا يعلى عليه ،،،
كيف الخور بالله ،،
|
Post: #7
Title: Re: بالنسبة لي سمك عوضية ..
Author: أيمن دياب
Date: 11-02-2010, 05:02 PM
Parent: #6
شعيب وبس..
|
Post: #9
Title: Re: بالنسبة لي سمك عوضية ..
Author: ناذر محمد الخليفة
Date: 11-02-2010, 05:09 PM
Parent: #7
غايتو يا عمر صراحة شعيب خطر جدا بالمقارنة مع عوضية
أول مرة أكل عندو لمن جانا دكتور مجدي ومعتصم محمد إبراهيم .. عظمونا الشباب ناس العوض المسلمي ووهبة ونيستا هناك ..
يا خي ما شاء الله عليهو سمك زي البسبوسة ...
لكن برضو سمك عوضية لذيذ بس ما نقارنو مع شعيب ..
|
Post: #8
Title: Re: بالنسبة لي سمك عوضية ..
Author: محمد إبراهيم علي
Date: 11-02-2010, 05:04 PM
Parent: #4
| Quote: وجدت الإختراع الإسمو سمك مشوي ده مبالغة |
كدة انت صاحبي لووووول
احسن حاجة السمك المشوي صحي وخفيف على البطن وبالذات لما تكتر ليهو البصل (الاحمر) مع قرون شطة خضراء 380 فولت
بتشتري من وين يا فاروغ انا غايتو جربت عمو حمزة وبالذات الهامور المشوي ؟
ــــــ
اما فيما يخص سمك عوضية انا ما جربتو لكن بثق في ذوقك يا شناف
نسمع راي ود الموردة الاصلي الله يفك حبسو قريب
|
Post: #10
Title: Re: بالنسبة لي سمك عوضية ..
Author: منال
Date: 11-02-2010, 05:13 PM
Parent: #8
.| Quote: كمان لو جربتو في مطعم اليمن السعيد في ابوظبي ... بتنقل اقامتك هناك ... |
وحديث المدينة فى شارع حمدان ,,,,
ناس البوست سلامات
|
Post: #11
Title: Re: بالنسبة لي سمك عوضية ..
Author: عمران حسن صالح
Date: 11-02-2010, 05:18 PM
Parent: #8
وراحت عليكـ يا عوضية
ويا شعيب كبِر جرابكـ الخير جاييييييييكـ
ما سودانيز دي ؟؟
ياها الغتست حجركـ يا عوضية
|
Post: #12
Title: Re: بالنسبة لي سمك عوضية ..
Author: عبدالعزيز حسين عبدالرحيم
Date: 11-02-2010, 05:30 PM
Parent: #11
صاحب البوست عمر الفاروق تحية طيبة
صدقت بالنسبة لي كل ما أمشي السودان لازم زيارة لشقيقتي في ابوكدوك وفطور سمك من شعيب يوم الجمعة وحقيقة سمك شعيب سمك بالجد جد
جنابو عمر عثمان
Quote: كمان لو جربتو في مطعم اليمن السعيد في ابوظبي ... بتنقل اقامتك هناك ...
|
يا حليك أنت قديم خلاص مطعم اليمن السعيد خلاص بقى في السمسم لكن الله عوضنا بي حاجه أسمها لؤاؤة الشام وحاجة تمام والهامور المشوي تاكل ما تدي الجنبك ربنا يجيبك عندنا ونعزمك هامور
|
Post: #13
Title: Re: بالنسبة لي سمك عوضية ..
Author: Ali Sirelkhatim
Date: 11-02-2010, 05:35 PM
Parent: #12
حليل سمك محاسن
|
Post: #14
Title: Re: بالنسبة لي سمك عوضية ..
Author: omer osman
Date: 11-02-2010, 05:46 PM
Parent: #12
| Quote: ربنا يجيبك عندنا ونعزمك هامور |
يسمع منك ربنا ........
|
Post: #15
Title: Re: بالنسبة لي سمك عوضية ..
Author: سفيان بشير نابرى
Date: 11-02-2010, 05:50 PM
Parent: #4
| Quote: سمك شعيب سمك جد جد |
الله ينصر دين ابو اهلك
وينصر دين ابو اهل شُعيب
ياخ الجودة ليست صدفة*
وشعيب ده الجودة ذاااااته .
ـــــــــــــــــــــــــــــــــــ
* من زمان عاجبني اعلان لولي ده .
|
Post: #16
Title: Re: بالنسبة لي سمك عوضية ..
Author: احمد الأمين على إدريس
Date: 11-02-2010, 07:15 PM
Parent: #15
لكن ياعمر الفاروق مبالغة
ذوق لامن ذوق ...صحى هلالابى !! لا غرابة
ياخ انت نقشت الفرق من اول اكلة :)
فعلاً شعيب لا منافس له والمقارنة معدومة مع عوضية
|
Post: #17
Title: Re: بالنسبة لي سمك عوضية ..
Author: خدر
Date: 11-03-2010, 00:00 AM
Parent: #16
Quote: يااااااه فرق السما من الارض ..سمك شعيب سمك جد جد ..
سمك عوضية عبارة عن زيت ..
طعم الزيت بيجيك قبل طعم السمك ..
سمك شعيب سمك سمك .. |
بقينا نتفق كتير .. الله يستر غايتو 
لكن عارف ليه شعيب احسن من عوضية ؟
لانو شعيب بغير الزيت كل يوم لكن عوضية بتغيرو كل اسبوع
فأمشي الي حيث النكهة طواااالي
|
Post: #18
Title: Re: بالنسبة لي سمك عوضية ..
Author: مرتضى احمد عبد القادر
Date: 11-03-2010, 00:28 AM
Parent: #17
وبالنسبه لـ :-
مراد في اب رووف
وحسبو بالمنطقه امدرمان
وهاشم في ميدان الربيع
والتاج في سوق العرضه
ود الشيخ في سوق بانت شرق
؟؟؟؟؟؟؟؟؟؟؟؟؟؟؟؟
|
Post: #19
Title: Re: الفاروووغ يواصل حملات استهدافه للمشاهير !!
Author: دينا خالد
Date: 11-03-2010, 05:18 AM
Parent: #18
ياخ دى شطتها ذاتها كعبة !!
انا غايتو شفت سمكها لقيتو كعب ..
قلت اللمة دى ما ساى
بتكون ال سمحة عوضية ذاتها ..
لوووووووووووب .
القال ليك سمك مشوى فى السودان مافى
دا كضب عليك .. بس بكون ماقادر يجيبك الخرطوم
او انت احوص لانو السمك الاكلتو فى دنيا دبنقا
فى الخرطوم دا مشووووووى لما بهناك ...
ولا تعال شوف قدورة قبالة نادى الضباط
الفرع من قدورة المصرى بتاع المهندسين
تقول لى العباسية ؟؟؟؟
اكل ام درمان دا يوم بكتل لى زول !
ــــــــــــــــــ
البوست دا طبعا تبع سلسلة بوستات
(عمر الفاروق يواصل حملاته لاستهداف
المشاهير ) .. اخخخخخخ
فى تمهيد لنشر اعماله الفنية التى قام
بتسجيلها فى السودان ... اقووووول ؟
شايفاك برضو نكرت سولتير حطب !! ما ينفعك .
|
Post: #20
Title: Re: الفاروووغ يواصل حملات استهدافه للمشاهير !!
Author: Mohammed Elhaj
Date: 11-03-2010, 05:44 AM
Parent: #19
بوش عمر بوش كيف؟
|
Post: #21
Title: Re: الفاروووغ يواصل حملات استهدافه للمشاهير !!
Author: عمر الفاروق
Date: 11-03-2010, 07:13 AM
Parent: #20
جنابو عمر:
طالما بدينا نتفق طيب ياخ ما تشوف لينا معاك قصة تشجيع الهلال دي ؟
عمر حمدين :
أو مقولة تاجر التمور إذا أسمكتم فأتمرو ,,..:)
حيدرا :
سمك السكي حكاااية لا يعرفها إلا سكان الموردة والعباسية وبانت وحي الضباط وأبوكدوك ..
|
Post: #22
Title: Re: الفاروووغ يواصل حملات استهدافه للمشاهير !!
Author: أيمن دياب
Date: 11-03-2010, 07:29 AM
Parent: #21
كنت بتمنى من عم شعيب يطوٍّر المحل شوية.. ويهتم بالنظافة.. لأنو دخل المحل المالي ما شاء الله كبير..
طريقة الشراء كل واحد يشيل صينية مدورة ويفرش عليها بي فوق ورق الجرايد
ويقيف قدام الصاج ينتظر السمك الطازج..
الراجل الببيع زول كريم شوية.. ومجامل في البيع بدرجة عجيبة..
كل ما تقول ليهو زيد السمك يزيدك.. وأصلو ما بقيف لو ما رضيت بالكمية..
فيها شنو ياعم شعيب لو جبت صحون بتاعت قصدير بتحفظ الحرارة للطلبات السفري؟؟
المغسلة بتاعتو عبارة عن نص برميل مفتوح والموية كابة في الشارع..
مع إنو الخور على بعد أربعة أمتار من المحل..
الشطة عاملنها في برميل بتاع بوهية..ولو اشترى جرد نيكل من سوق أمدرمان يكون أفضل..
زباين عم شعيب ما شاء الله من كل أنحاء الولاية.. مرة أنا جيتو من شمبات يوم الجمعة عشان أشتري السمك..
قدامك فرصة تاريخية ياشعيبو.. عشان تعمل محل ظريف ونظيف وأنيق ما دام الزبائن كاسرة فيك كده..
|
Post: #23
Title: Re: الفاروووغ يواصل حملات استهدافه للمشاهير !!
Author: معاذ الهادي
Date: 11-03-2010, 07:42 AM
Parent: #22
تحية طيبة للسماكين اعلاه
بمناسبة السمك وما السمك
بامانة كده عوضية ماجربتها ولا شعيب
لكن مشيت لقدورة الورا نادي الضباط
ونصيحة اخوية لوجه الله تعالى
ندمان لغاية هسع على مشيتي ليهو
اسم بس
المشوي بتاعو كلام فاضي
واسعارو غالية جدا جدا
|
Post: #24
Title: Re: الفاروووغ يواصل حملات استهدافه للمشاهير !!
Author: عمر الفاروق
Date: 11-03-2010, 10:51 AM
Parent: #23
وجهة نظر وتفسير واجتهاد خاص مني قبل مواصلة الردود..:
انا بفتكر إنو السودان ده وتحديدا في قصة الأكل والشراب دي مسيطرين عليهو خمسة أو ستة حناكيش بيكونوا من سكان الرياض والعمارات والحتت الهاي لايف ديك ..بيقومو يطلعوا ليك الإشاعة ووهمة كده بتاعت الليلة ماشين نشرب شاي عند علوية ياخ دي بتعمل شاي مووباااالغة ..طبعا نحن ناس قريعتي راحت ديل بنكون اضهبنا معاهم يوم وبكرة تووشك نفك ليك الخبر في الثورة ..استلم ليك منهم الوهمة واقول لي اولاد حلتنا الليلة انا عازمك شاي موبااالغة وتراااح اوديهم ليك لي علوية ..
بكرة الحناكيش ديل زاااتهم يتلبسو ويتشنننطو ويقولوا ليك ياخ في حتة اسمها راكوبة الباشا بيعملوا فيها فول ده احححسن محل فول في السودان ..وهاااك يا الباشا ...
في حتة تانية تسويقية اعتقد إنو عندها علاقة بي الشهرة الا وهي وهمة الإسم ..
سمك عوضية ..
كوارع سكينة ..
يعني اسة لو عوضية دي كانت عاملة محل السمك حقها مطعم السعادة والله ما اظن في زول كان جاب خبرو ..
حتى لو سمتو مطعم صافيناز (عشان ما الناس تفتكرني بتكلم عن اسامي البنات) برضو ما كان مشى ..
في اسماء في السودان بتساعد في الشهرة ..
اقول قولي هذا وأقم الصلاة ..
|
Post: #25
Title: Re: الفاروووغ يواصل حملات استهدافه للمشاهير !!
Author: Munir
Date: 11-03-2010, 10:58 AM
Parent: #23
غايتو سودانيزاون لاين دي عجيبة ..
بتاعين السمك جاتهم دعاية/شناف من حيث لا يحتسبون ..
|
Post: #26
Title: Re: الفاروووغ يواصل حملات استهدافه للمشاهير !!
Author: عمر الفاروق
Date: 11-03-2010, 11:09 AM
Parent: #25
| Quote: شايفاك برضو نكرت سولتير حطب !! ما ينفعك . |
من ناحية ما نفعني فما نفعني ..
والتحية لشمهروش الشغال بي الفارغة فلاحتو بس في سمك عوضية وجداد التاية ..
|
Post: #27
Title: Re: الفاروووغ يواصل حملات استهدافه للمشاهير !!
Author: عبد الله كسلا
Date: 11-03-2010, 11:48 AM
Parent: #26
عمر الفاروق ... كيفك ياحبيب ...
والله سمك عوضية ده أنا أول مرة أجربو ... صراحة عجبني ..
إمكن متقريف ساي لسمك الموردة .. وإمكن الرِّفقة الجميلة .. زادت من الإحساس بالمتعة ..
كدي شوف السمك الفي الصورة دي هسي ...
وشوف وهبة ده بينفخ فيهو كيف عشان يبردو لأنه من الصاج للصينية ..
عموماً يا حبيب .. لولا إختلاف الآراء ... لبارت السِّلع ... مش؟
|
Post: #28
Title: Re: الفاروووغ يواصل حملات استهدافه للمشاهير !!
Author: ناذر محمد الخليفة
Date: 11-03-2010, 01:45 PM
Parent: #27
Quote: غايتو سودانيزاون لاين دي عجيبة ..
بتاعين السمك جاتهم دعاية/شناف من حيث لا يحتسبون .. |
ما قلت ليكم يوم سودانيز اون لاين دي يوم بتكتل ليها زول ..!!
|
Post: #29
Title: Re: الفاروووغ يواصل حملات استهدافه للمشاهير !!
Author: الجندرية
Date: 11-03-2010, 02:44 PM
Parent: #28
| Quote: ما قلت ليكم يوم سودانيز اون لاين دي يوم بتكتل ليها زول ..! |
يا ناذر ياخ ما تلخبطنا ، انت مش قلت دا القدر ؟ ولا القدر وسودانيز طلعوا بدخلوا بنفس الباصويرد ؟
ــــــــــ
سيد السمك ازيك
|
Post: #30
Title: Re: الفاروووغ يواصل حملات استهدافه للمشاهير !!
Author: khaleel
Date: 11-03-2010, 03:02 PM
Parent: #29
قد يكون سمك شعيب افضل
ولكن مكان عوضية اجمل وارتب
وذلك فضل الله يؤتيه من يشاء
|
Post: #31
Title: Re: الفاروووغ يواصل حملات استهدافه للمشاهير !!
Author: Munir
Date: 11-03-2010, 03:12 PM
Parent: #28
| Quote: ما قلت ليكم يوم سودانيز اون لاين دي يوم بتكتل ليها زول ..!! |
المخضرم ناذر .. إنت وكت عندك زمن بتعمل مداخلات ما تمشي تتم القصة للناس المشرورة بهناك ديل ياخ .. الاستراحة طوَّلت والجمهور روحه طلعت ..
مش قلت إنت بالطريقة دي بتطلع ليك روح زول؟
|
Post: #32
Title: Re: الفاروووغ يواصل حملات استهدافه للمشاهير !!
Author: دينا خالد
Date: 11-04-2010, 09:54 PM
Parent: #31
طيب عوضية عذاب كيف ؟
ــــــــــــــــ
القال سمك قدورة كعب دا بس
حرقتو القروش ذى ما اشار ..
|
Post: #33
Title: Re: الفاروووغ يواصل حملات استهدافه للمشاهير !!
Author: Hatim Elmaki
Date: 11-05-2010, 01:10 AM
Parent: #32
ياناس هوي انا جاي السودان زيارة واكل سمك نمشي وين عوضية ولا شعيب ولا قدورة حيرتونا يعني ناكل ونسمع كلام منو
ولا لاشتريه من جبل اوليا واعملو في البيت
|
Post: #34
Title: Re: الفاروووغ يواصل حملات استهدافه للمشاهير !!
Author: البشير دفع الله
Date: 11-05-2010, 11:34 AM
Parent: #33
حيرتونا يا ناس سودانيز اون لاين
تمشوا جبل أولياء رحلات زرافات ووحدانا تضربوا السمك
وتجوا بي جاي تشكروا في سمك عوضية وشعيب !!!
غايتو اعلام المورده عامل شغل كارب
|
Post: #35
Title: Re: الفاروووغ يواصل حملات استهدافه للمشاهير !!
Author: ود الباوقة
Date: 11-05-2010, 11:43 AM
Parent: #34
Quote: احسن حاجة السمك المشوي صحي وخفيف على البطن وبالذات لما تكتر ليهو البصل (الاحمر) مع قرون شطة خضراء 380 فولت
بتشتري من وين يا فاروغ انا غايتو جربت عمو حمزة وبالذات الهامور المشوي ؟ |
ابو حميد
عمو حمزة سمك ولا اروع
بالذات لو اكلت منو ( كنعد) مشوي
تقعد عليهو الدهر كلو
عمو حمزة وبس ..
وشعيب هناك
والسمك المسقوف في بغداد شارع ابو نواس
دا احلى سمك في الدنيا كلها ...
|
|
