Post: #1
Title: خـريطة السودان الجغرافية الجديدة راح تشبه شكل الصـَبرَة الـميتة
Author: منصوري
Date: 11-01-2010, 09:46 PM
دقوها بنية فوق راسا من جهة حلايب شالوا منها جزو وذهبت حلايب وشلاتين وأبو رماد بقت زي الزول الضاربنو بنية فوق راسو.. وقلموها من تحت من الجنوب شالوا الجزو الحلزوني داك الجميل بقت ملطوشة زي الزول اللابس ليهو عراقي دمورية مقطع ومشرمل
وطعنوها ناس دارفور في كلوتا بالجنب الغربي بقت زى الزول اللاطشو مكيف في خشمو ملوي.. وكمان ناس الشرق لو لقوا غرضن عايزين يلطشوها من الشرق راح تبقى زى الزول الشقو واحد ميت
المهم تقلص الأمر وصار زي الصبرة الميتة.. الصبرة لما تكون ميتة بتكون ميتة وفاتحه خشما.. وكرعينا معنقلات لافوق وميتة على ضهرا..
..............
واحدة من جرايد الإمارات قبل اسبوعين قالت في كلمة العدد( الذي يجري في السودان لايخرج منه إلا بمعجزة)
غاتيو ربنا يلطف على وحدتنا يديمها.. وخريطتنا يسلمها من التمزق..
حلاة فيها خريطة السودان كانت.. اسمح خريطة في الوطن العربي وأسمح خريطة في العالم.. عشقناها منذ الصغر لما يرسموها لينا على السبورة بفروع نيلها وأنهرها والروافد والمصبات..شكلها شكل القلب.. الله يديم قلب السودان نابضاً ويكضب الشينة
|
Post: #2
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: jini
Date: 11-01-2010, 09:49 PM
Parent: #1
ما كتب فقد كتب
جنى
|
Post: #3
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: منصوري
Date: 11-01-2010, 09:57 PM
Parent: #2
أخونا جني.. صاح المسطر مسطر. لكن إن شاء الله ربنا يكتب لنا الخير وديمومة الوحدة
|
Post: #4
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: jini
Date: 11-01-2010, 10:01 PM
Parent: #3
| Quote: أخونا جني.. صاح المسطر مسطر. لكن إن شاء الله ربنا يكتب لنا الخير وديمومة الوحدة |
اوباما جدد العقوبات اليوم لمدة عام اخر!
تشجيع للجنوب على الانفصال طبعا!
جنى
|
Post: #5
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: منصوري
Date: 11-02-2010, 07:53 AM
Parent: #4
لمان تشوف خريطة السودان مع مجموعة خريطة الوطن العربي. جاية متدلية كدة وجميلة وروعة زي شكل العنقود.. ( عنقود العنب طبعاً) شكلو كدة وجاهتها راح تبوظ وتتقطع وتبقى زي صورة الصبرة الميتة التي ذكرناها..
إفتكر كل ناس السودان بيعرفوا الصبرة
الصبرة هي أنثى الثعلب العجوز . فصيلة كبيرة من فصائل الثعالب
...........
ناس النيل الأزرق برضو إفتكر عندهم فقرة كدة تخصهم في إتفاقية نيفاشا
ولو لاقين غرضهم كمان عايزين يبعجوها ةأي يبعجوا الخريطة بي هناك..
وكمان ناس جبال النوبة برضو عندهم فقرة في إتفاقية نيفاشا.. برضو لو لاقين غرضهم عايزين يشرطوها بي هناك اي الخريطة..
غايتو ربنا يتولى أمر الوحدة العايزنها. الله يتولاها هو براهو..
ويخلي لينا خريطتنا ووحدتنا وقلب العالم النابض السودان
|
Post: #6
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: منصوري
Date: 11-02-2010, 09:16 AM
Parent: #5
هل ممكن نقول أن إتفاقية نيفاشا كان بها خطأ
بدل حق الإنفصال ..كان ممكن نقول( الكونفدرالية داخل إطار السودان الموحد)
والله الجماعة ما كان بيرضو!
|
Post: #7
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: حماد الطاهر عبدالله
Date: 11-02-2010, 11:11 AM
Parent: #6
منصوري
| Quote: الصبرة هي أنثى الثعلب العجوز . فصيلة كبيرة من فصائل الثعالب |
حدد المكان أو الإقليم ليكون تعريفكم للصبرة صحيحا، فالصبرة بإقليم آخر بالسودان غير ذلك !!!
ولتقريب المعنى لكم فهي مما يأكل ( التيراب) وخاصة تيراب الفول السوداني خلال يوم أو يومين من بذاره.
|
Post: #8
Title: Re: خـريطة السودان الجغرافية الجديدة راح تشبه شكل الصـَبرَة الـميتة
Author: منصوري
Date: 11-02-2010, 11:59 AM
Parent: #7
أيوه يا الطاهر نفسها هي البتاكل التيراب.. والجداد وغيرو
|
|