اذا عرف السبب بطل العجب ( و الفيك إتعرفت يا قناة الجزيرة )

Quote: أبدى التونسي هشام الخالصي مدير إدارة البرامج الرياضية بقنوات "الجزيرة الرياضية" أن الترجي التونسي أهان العرب عندما سحقه مازيمبي بخمسة أهداف نظيفة في ذهاب نهائي دوري أبطال أفريقيا لكرة القدم. وقال الخالصي والذي كان يدير الاستديو التحليلي للمباراة على القناة القطرية: إن الترجي لا يمثل نفسه ولا يمثل تونس فقط بل كان يمثل الكرة العربية، ويتوجب علي مديره الفني ولاعبيه ومسئوليه أن يعتذروا عن هذه "الفضيحة" التي تلقوها وأهانوا بها الكرة العربية. وأشار الخالصي إلى أن الترجي في كل مشاركاته العربية والأفريقية لم يسبق له أن خسر بهذه النتيجة، وكانت الهزيمة الوحيدة بهذه النتيجة أمام الأفريقي بالبطولة المحلية في عام 1985. وأكد مدير البرامج أن الفريق الذي شاهدناه لا علاقة له بالترجي لا على المستوى البدني ولا الفني ولا التحضير للمباراة، مشيرًا إلى أن اللاعبين افتقدوا لردة الفعل، بل إنهم كانوا ينتظرون الهدف تلو الآخر ليمنى به مرماهم ، واعترف الخالصي بأن الحكم كان له بارز في خروج المباراة بهذه النتيجة، متسائلا عن إمكانية الاتصال برئيس نادي مازيمبي ليعرف كيف اتفق مع حكم اللقاء التوجولي على ظلم الترجي. من جهته، قال طارق ذياب، إن الحقيقة الواضحة والتي تمثلت أمامه، أن مازيمبي استحق الفوز فهو سيطر على المباراة تماما ، وحقيقة مازيمبي فريق كبير يلعب كرة سهلة، وينوع اللعب على الأجناب، وسدد الكثير من الكرات على المرمى، والترجي لم يكن له أي وجود

Quote: التونسي هشام الخالصي مدير إدارة البرامج الرياضية بقنوات "الجزيرة الرياضية"

اذا كانت قناة الجزيرة تدير برامجها بهذه العنصرية البغيضة
فلا عجب أن
لا يوجد إستديو تحليلي لأي فريق سوداني الهوية
قناة الجزيرة ترفض نقل الدوري الممتاز السوداني
و بإذن الله الهلال يأدبكم بخماسية في المقبرة عشان نشوف تاني فصاحتكم و طولة لسنكم و عنصريتكم البغيضة دي حدها وين.
عالم مقرفة ..



_
والله الذي لا اله الا هو لولا الهلال لكان اليوم هو آخر أيام قناة الجزيرة ببيتي.

Quote: و بإذن الله الهلال يأدبكم بخماسية في المقبرة

يااااااااارب *

______________
* قالها خالصاً من كل قلبه

كاااك ياخ

خمسة شنو ؟؟

اتذكرتو ماذنبي والخمسات ...


كاك تاني

طبعاً معتصم المذكور أعلاه لا علاقة له برياضة كرة القدم
يعيش علي أعتاب سوق الذهب و ما يلتقطه من بقايا جريدة الدار صفحة الرياضة
لذا وجب التنبيه بأنه غير مؤاخذ فيما يقول أو يفعل رياضياً.

آمين يا عابد يا صديقي
اللهم ثبت اقدام البرنس و إخوانه
اللهم أجعلهم يدكون مرمي التوانسة العنصريين دكأَ
اللهم أنصرهم علي من عاداهم ( المريخ و اشباهه ) .





_
آمين

لا لا ، ما عندنا طريقة نخلي قناة الجزيرة ، دوري ابطال اوروبا وارسنال واقوان كريستيانو في الدوري ، الناس ديل للأسف خمو أي حاجة واجبرونا



بحكم انو أخوك متابع للدوريات الأوربية من 15 سنة تقريباً ، داير اقول انو ولو انو الجزيرة بهرتنا بالامكانيات الصوتية والتقنية لكن على مستوى الاستديوهات الجزيرة غير محايدة أبداً
يعني هشام الخلصي دا فشل في اذاعة المباريات فقام جابوهو في استديو ميلانو في الدوري الايطالي ، صاحبك اتنفخ لأنو بغالط ليك كل اسبوع في عمك تشيزاري مالديني رمز الاسي ميلانو المعروف وفي اليساندرو التوبيلي نجم الانتر وايطاليا! واعمامك ديل يا ناس مجاملين شديد يا كانو خايفين على رزقهم والنقاطة البتجيهم من الدوحة دي والتي ليست كمثلها نقاطة ، لانو الخلصي يازول بقى ينتقد ليهم برلسكوني زات نفسو يازول وينتقد ليهم ايطاليا كلها وماف زول قعد يسألو في الاستديو! تحت شعار الشفافية. وفي نفس الوقت مجاملة رهيبة جداً لفريق اسي ميلان في نقل الجزيرة للدوري الايطالي (مع انو فريقي) وانتقلت العدوى السنة الفاتت لنبيل معلول التونسي برضو. حازم امام المصري الجابوهو السنة دي من الشوتايم بدل معلول ود ممتاز بالجد وبفهم كورة صاح رغم مظهرو وكلامو بتاع السحاسيح داك ، مع رؤف خليف (التونسي الوحيد الاكثر مهنية) في استديو الدوري الايطالي.
مدير البرامج الرياضية الفات اللي هو ايمن جادة السوري ، عمك دا طبعن ما عندو علاقة بالكورة وزول ينفع مدرس لغة عربية ساكت ، دا زول دمو تقيل بالذات في اذاعة المباريات. شوية في الاستديو ممكن يتبلع مع ليمونة المحللين التانين. وطبعن ايمن جادة دا مجامل كبير لمحلل التحكيم اللي هو السوري جمال الشريف ، اللي بنفع استاذ عربي بس برضو!
التوانسة الاتنين المفروض يخلوهم في القناة هم رؤوف خليف (مذيع مباريات) ، وطارق ذياب المحلل (ولو السودانيين زعلانين منو في سقطتو في كاس العالم ديك بس ممتاز ومافي كلام)

الداير اقولو انو الإي ار تي ياحليلهم ، صحي ماكان بصرفو قروش على التحليل والنقل التفاعلي ، لكن والله كانو منصفين السودان وكل الجمهور بالمناسبة.
الجزيرة ياخ حقرو بينا وطلعو زيتنا ،
ولمزيد من الحقارة بالبطولات الافريقية منزلنهم في 9+ و+10 اللي هم اصلاً اشتراكهم خاص للزول ما عندو كاس عالم

خلاصة الكلام لو ادو الادارة لخليجيين ورحمونا من شمال افريقيا بكون احسن

يا عابد من الليلة تاني ما بدفع قرش لقناة الجزيرة
بشوف لي طريقة ريسيفر بالنت ولا ريسيفر يفك الشفرات بطبق تاني
المهم ما بدفع ولا قرش لناس الجزيرة
و كان بيرجعو لي قروشي من دربي ده هسي بمشي أرمي ليهم كرتهم العاجبهم ده و اشوف الحلول التانية.

Quote: اذا عرف السبب بطل العجب .... ( و الفيك إتعرفت يا قناة الجزيرة )

عنوانك جميل ...
وموضوع اجمل ...
وياريت انحن زاتنا ما نكون عنصريين
ونكون منصفين حبة
ولا انا غلطان ...

الحل الوحيد يانوبى,,,خمسات ماذبمى لازم نرصع بيها الصفاقسى

فرصتنا احسن بكتير من الكنغولى,,,لاننا ما خايفين من مباراة رد


والرد الاخر,,,السوبر لازم يكون مازمبى هلال,,,

على اكتاف العرب الخلص,,,

تحياتى

فيصل كيفك

ذى ما قال ليك عابد ناس الجزيرة عندهم الجمل بما حمل
وانت عارف انا مرضان برشلونة يعنى ما فى طريقة
والرسيفر الحرامى يوم يشتغل وتلاته يوم خارج نطاق الخدمة

غايتو ننتظر الهلال يسحق الصفاقصى ونشوف تعليقهم شنو ؟

ادخل المواقع المصرية وشوف الشماته حتموت من الضحك