الهلال تفوق بالتكتيك والخبره .. والصفاقصي بالمهارات وامكانات اللاعبين

الشوط التاني من مباراة الهلال والصفاقصي لم اشهده في مباراة افريقية قريبا
كورة من الدوري الانقليزي ما زيها

غايتو كان في قلب ومجيك لي ناس الهلال ما عادي خصوصا في الـ 20 دقيقية الاولى
لكن كمان ناس الهلال ثباتهم الانفعالي كان 100% بدوك احساس انهم ناس كبار


الهلال لعب خاصة الشوط الثاني بتكتيك عالي جدا
وتفوق لاعبي الصفاقصي بالمهارات الفردية مع انه تكتيكهم كان ضعيف وخبرتهم قليلة

اكتر حاجة عجبتني في الفريقي معدل اللياقة العالي جدا وخاصة من الهلال
اتوقعت انو الهلال ينهار ولياقتو تنخفض قياسا على اعمار لاعبيه
وهم فعلا مخزونهم اللياقي نفذ
لكنهم غطوا عليها بالعزيمة
والدليل انهم بعد المبارة حتى القسم بتاعم غلبهم يودوه وادوه بفتور ( تعبانين تعب الموت )


الهلال 8/10
الصفاقصي 9/10

مدرب الهلال 9.5/10
مدرب الصفاقصي 6.5/10


مساوي كالعادة نجم فوق العادة لو كان لاعب منير الانتر او سامي عبد الله كان شربتو ما رويتو

انتبه مشو في الشوط الثاني الى ضعف الصفاقصي في الطرفين بسبب غياب الاساسيين
فدفع بثلاث تغيرات هجومية اربكت الصفاقصي

فمهند وبشى لاعبي وسط متقدمين
وبكري مهاجم صريح

تغير بشى بخليفة هو من اراح الهلال وسحب اللعب من ميدان الهلال الى ميدان الصفاقصي خاصة بعد تغير اللاعب صاحب الامكانيات الكبيرة كمال الزعيم


الزول ده لو كان كمل كان بجيب فيكم قون تاني


لابد ان ينتبه الهلال الى انه سيعود على الاقل احد الطرفين في المباراة القادمة

يعني تلعب مندفع زي الـ15 الاخيره
بتترش بالمرتاد

في ناس كتار حانقين على كاريكا

وده كلام غلط والسبب فيه المزيع بتاع الجزيرة شنو كده سوار الدهب اداهم احساس بانو كاريكا ما شغال
وانه مفروض يكون متقدم مع سادومبا وسادومبا لوحده


ما اصلو سادومبا قدام لوحده لانو الخطة مبنية على كده خاصة في الشوط الاول
كاريكا كان لاعب وسط يا سيادة المزيع

عليك الله زيع كورتك ساكت


كاريكا ادى الدور المناط به على اكمل وجه دخل مهند في مكان لقى ناس الصفاقصي راقدين سلطة ولو ركز شوية كان شخت ليهم

ما اخافه الان على لاعبي الهلال هو اللياقة
كورة امس ارهقتهم واستنفذت كثيرا من مخزونهم اللياقي

وقياسا على معدل الاعمار الهلال سيكون في مشكلة ان واصل اللعب في الدوري الممتاز
اتمنى على ادارة الاتحاد ان تجمد مباريات الهلال في الدوري الممتاز حتى يخلد لاعبي الهلال لراحة تمكنهم من خوض مباراة الرد

الهلال يحتاج الى مباراة واحده فقط مع فريق كبير

ثم يخلد الى راحة وتمارين بدون ضغط مباريات وسفر الى الولايات وما ادراكما

تواطأنا بالامس اربعة مريخاب لحضور المباراة في بيت احدنا , بدات المباراة وعملنا فيها محايدين , والقلوب تعرف مكان اشواقها , سادومبا قطع قلب بعضنا حين انفراد لم يحسن التعامل معه , انتهي الشوط الاول بالهدف الذي جعل بعضنا يتحلل من حياده ويظهر نواياه , الشوط الثاني بدا واستمر سجالا , احسن الهلال تكتيه , وظهر إبراهيما توريه فريقا بحاله , اشتد ا########س واشتدت قلوب لعيبة الهلال , دون شرط عاد جل الموجودين مشجعين للهلال وعلت اصواتهم , علقت علي ذلك بان ما يقوله فيكم الرشاشات يبدو انه صحيحا في انكم ( هلالاب زعلانين ) ضحك الجميع واستمروا مشجعين للهلال الا ان النتيجة كانت غريبة فهي لا تغني الهلال فوزا ولا تشفعنا شماتة
النصيحة انا الشوط الثاني رغم اني كنت اكثر المتحمسين للوقوف مع الهلال الا ان الامر ( غلبني عديل) وما بقي لي كلو كلو , فنفضت النفاق عن نفسي وغسلت روحي بمتعة نقلات ومهارات إبراهيما توريه

هاهاهاهاهاهاهاهاهاهاهاهاها

حقيقي يا اساسي الشوط التاني كان حصة عديل كده

حصة في المهارة وحصة في العزيمة وحصة في التكتيك


انا الان شايف انو حظوظ الهلال في الكاس ضعيفة خاصة لو استمرت مواصلة مباريات الدوري الضاغطة

لكن اقول ليك بكل امانه


بقيت خايف من مباراة هلال مريخ الجاية
الله يستر بس

Quote: انا الان شايف انو حظوظ الهلال في الكاس ضعيفة خاصة لو استمرت مواصلة مباريات الدوري الضاغطة

اطمئنك يا اخينا ... لاخوف علي الهلال من مباريات الدوري - بالعكس حتكون خير اعداد وتذيد من المخذون اللياقي الزي زكرته انت يا صديقي

Quote: بقيت خايف من مباراة هلال مريخ الجاية

ودي اهم من الكونفدراليه زااااااااااااااااااته

كان ناقص بس قون تعادل ونطلع الشارع


النتيجة بالجد مربكة لأنها تستوجب انو ما يخش فينا قون في ام درمان

الصفاقسي فيهو حاجة غلط امس

الصفاقصي الحاجة فيه الغلط انو كان صقر بدون جناحين

طرفيه الاثني كانو مافي
عشان كده اللعب ما كان فيه تكتيك من ناحيتهم وتركيزهم كان على اللعب بالدبل باص ومن العمق
عشان الاطراف ما بطلعوا ويشدوا الميدان زي ما بلعب الصفاقصي عادة

انت يا وليد بتقول في شنو عليك الله ؟
تكتيك وانضباط بتاع الساعة كم عليك الله ؟
نحن زي ما قال حسن المصري قاعدين نغلب قضاء وقدر بس ...
ياخ لولا القضاء والقدر الكورة دي امس كان مفروض تنتهي 5/2
لياقة تعبانة اجسام ضئيلة وكرعين زي المساويك ومهارات زيرو .. شفت ليك لاعب بلعب في بطولة هامة زي دي بثبت الكورة بساقو ؟
تشكيلة غلط ...
الولدوهو الليلة بكون عارف انو هيثم مصطفى دا امس ما مفروض يتجاوز ربع الساعة الاولى ويتغير بمهند بسجمو المعروف ..
هيثم كان عاطل تماما وخصوصا بعد ما تكشف للمدرب انو ما ممكن يستفيد منو في باصاتو البينية والخلف المدافعين الحاجة الوحيدة البتميزو ... لأنو الدفاع التونسي كان حاضر وموجود ومتفوق ... وغيب فعالية مهاجمي الهلال ..
والمدرب اصلن لو داير يستفيد من كاريكا في الوسط ليه من البداية ما لعب بشة لاعب وسط ممتاز ونشيط وبتميز على كاريكا بالضربات الرأسية ...
يوسف محمد وديمبا كانوا زي الزفت والبركة في مساوي ...
وبعدين في حاجة مهمة انت ما ذكرتها الحكم امس تحامل كثيرا على التوانسة وعكس الكثير من الحالات لصالح الهلال ... عليك الله ياوليد كورة شنو الجاي تتكلم عنها غير المرض ووجع القلب ما لقينا من وراها حاجة ... الله يتوب علينا

______________
عودوا الى ممتازكم يرحمكم الله

مرحب عمنا

ابدا يا عمنا كلامك غير صحيح

ليه الكورة ما بقت 5:2 ؟

عشان اللعب ضاغط والتكتيك عالي

حتى انو مافي كورة اتشاتت في الثلاث خشبات طيلة الشوط الثاني بالنسبة للهلال

يعني مافي كورة خطرة مصورة للمرة اخرجها المعز او دقت في الخشبات

تفتكر ده ليه ؟

لانو اللعب ضاغط


حتى شبه الانفرادين من لاعبي الصفاقصي ما شتت انباهم انو لحدي اخر خطوة كان بكون معاهم لاعب هلالى ضاغط مما يتت تفكير المهاجم ويفقده تركيزو وتوازنو كمان زي ما حصل في الكورة القلبو فيها الهلال كلو


التشكيل الامس ده مناسب جدا جدا

يعني حا تلعبو بمنو خلاف ديل ؟

Quote: والمدرب اصلن لو داير يستفيد من كاريكا في الوسط ليه من البداية ما لعب بشة لاعب وسط ممتاز ونشيط وبتميز على كاريكا بالضربات الرأسية

دي عندك فيها حق

كان مفروض بشة يكون بادي

على حساب كاريكا او حتى على حساب خليفة

بالنسبة للياقة الاعب الوحيد الذي ظهر فيه ضعف في اللياقة هو خليفة


عمر بخيت برضو قطع لكن تماها رجالة

Quote: بقيت خايف من مباراة هلال مريخ الجاية الله يستر بس

مش قلت ليكـ بتفائل بيكـ ياخي



______________
وهبة ما بعرف كورة

Quote: مش قلت ليكـ بتفائل بيكـ ياخي

__________

يا عمنا وهبة

كدي جيب لي كورة واحده في الثلاث خشبات خلاف القون
جيب لي كورة واحده مرقها معز بصعوبة او كورة لعبها مهاجم مرتاح دقة في عراضة

مافي يا عمنا الكور المصوبة في المرمى وشكلة خططورة ومرقها القونة بصعوبة كانت كور الهلال



القون بتاع الهلال انا بحمل غلطو لي بويا
الكورة انضربت في محلو مرق مساوي وحاحا ليه الزول مفروض هو يعمل الكروس ويدخل محل مساوي لو عمل كده ما كان زعيم لعب مرتاح

لكنو وقف في مكانو ومدي ضهروا لخط اللاين وراية الكورنور
التقول حارس بتاع الراية


لكن نقول هي قلت خبره

Quote: وهبة ما بعرف كورة

ياعم عمران
احوالك ياخ
اول حاجة والله انا زعلان من حركتك العملتها في السودان دي
بقى ياراجل تجي وتمشي ما نلاقيك ؟ وانا على بعد خطوات من الهجرة ومن ناس عمك
غايتو ظهرتها عااااملة

___________
يازول كورة امبارح دي مادايرة ليها عرفة ذاتو ههه
عليك الله دا مستوى دا انتو بتضحكو علي نفسكم ولا كيف ؟
بالمناسبة القدر ممكن يلعب دورو في امدرمان ونتأهل
ما تخافوا نحن ما عندنا حاجة غير الايمان بالقضاء والقدر خيره وشره

حبيابنا وليد ووهبه والضيوف

Quote: غايتو كان في قلب ومجيك لي ناس الهلال ما عادي خصوصا في الـ 20 دقيقية الاولى لكن كمان ناس الهلال ثباتهم الانفعالي كان 100% بدوك احساس انهم ناس كبار

والله ياوليد حاجات زي دي تكون جوه الميدان وتقول لزميك وووووب عليء
هههههههه
ياخي يوسف التقلب قلب الطعمية يقوم صاحبك علاء الدين مافي واحد سألو مشى ركب
ليك في واحد وجابو الارض بردلوب والله ضحكت ضحك وفي النهاية مررها باص قون
بين ارجل مساوي بس المهاجم لم ينفزها صاح وقفت وقلت الحمد لله واستغفر الله الله
يحاوروا يوسف محمد يقع علاء الدين يوسف
ههههههههه
وليد ياحبيب
اختلف معاك بان الهدف يتحمله عبد اللطيف بويا
طبعا يفترض تكون الحركة بتوازن حسب الهجمه ولكن من عادتنا الكروية
كثيرا ماتكون تغطيتنا بالعين فقط وهدا مافعلة عمر بخيت وممكن ترجع للاعادة
يوسف محمد كان عالة على فريق الهلال ويجب استبداله بمحترف اخر
وكان خليفه رغم ضعف حركته العشوائية
.
.
وهبه اخونا كلامو سليم ميه ميه

Quote: يازول كورة امبارح دي مادايرة ليها عرفة ذاتو ههه عليك الله دا مستوى دا انتو بتضحكو علي نفسكم ولا كيف ؟ بالمناسبة القدر ممكن يلعب دورو في امدرمان ونتأهل ما تخافوا نحن ما عندنا حاجة غير الايمان بالقضاء والقدر خيره وشره

كمان ياوهبه ماقدر دا
اولادكم ماقصروا تب
الهلال سوف ينتزع النصر بأمدرمان
.
.
لكن المزيع السوداني فضيحة وعبيط معقول يقول في قناة الجزيرة الهلال هزم فريق الجمعية بـ 17 هدف وتسعة اهداف منهم احرزهم اللاعب سادمبا
ياخي دا اصلو دوري شنو استرونا ياخي مالكم ومال الفضائح

مرحب يا ولي يا فرده

Quote: يحاوروا يوسف محمد يقع علاء الدين يوسف

كاااااااااااااااااااااااااااااك


بالنسبة للقون يا ولي
فعلا عمر عندو دور فيه

لكن انا لو كنت في القون كنت بكورك في بويا واوقل ليه: قص ليه.. قص ليه

Quote: ما تخافوا نحن ما عندنا حاجة غير الايمان بالقضاء والقدر خيره وشره

تسلم يا ولي
خصوصا تغيير هيثم مصطفى
كورتو كانت جايطة وأخد كرت مجاني!!

ود الصايم

Quote: تسلم يا ولي خصوصا تغيير هيثم مصطفى كورتو كانت جايطة وأخد كرت مجاني!!

وهنا الفرق بين النقر وهيثم مصطفى
.
.
ياعمك
المشكله اولاد الهلال كانوا لاعبين ضد المعز محجوب وليس الصفاقصي
ونجحوا في دلك .
ياخي اولادكم امس كانوا حليوين
دا جنس ضغط كان من النوع الكل مره تقول للحكم عن ادنك ماشي الحمام

الحمد لله ما عندنا حكم في البيت!
لأنو الواحد صراحة كل شوية كان في الحمام!!

Quote: الحمد لله ما عندنا حكم في البيت! لأنو الواحد صراحة كل شوية كان في الحمام!!

ههههههههه
والله ياعمك برشت عمر بخيت في الارض ديك عشان يرتاح لو فتشوا تحته
يكون بله الارض ومتعتها لما تقول كبوا لي موية عادي الناس ماتعرف تفرق
انت كبيت شنو في الملعب ..
ههههههههه
ود الصايم مباراة الهلال دي كانت محتاجة بامبرز مطاط ومريح
لانه يمكن تمشي الحمام يركب هدف زي ماقال كمال ترباس ( مشيت اشرب موية لقيتها خمسة )
يازول امس حسيت بكل الهلالاب

شكرا يا ولول

وانا ايضا طالبت بتغيير هيثم مصطفي

محمد عبدالرحمن وبهاء بكري وود رملية وكل الحضور

قربو ان يقيمو في الحد

اختلف معاك ايضا سيف مساوي كان مضطربا وعلاء الدين يوسف ترك خانته ولعب ظهيرا ثالثا

خليفة لا يصلح للعب في وسط الملعب اكثر الهلال من لعب الباصات الخاطئة

الحمد لله البقت واحد صفر

وخليني عايش بالامل مرتاح ضميري

الصفاقسي ما يوجعش

اخي وليد

تكتيك قوبل بالتوفيق ,
و النتيجه جيده للهلال , لكنها على حد الخنجر !,
من اقوى ما في تحليلك الراقي نصيحتك عن دور الاطراف القادم في الذهاب..

بوست التقول المحيط الهندى كله غواصات
صبرا ال راكوباب موعدكم يوم 14 إن شاء الله

Quote: و النتيجه جيده للهلال , لكنها على حد الخنجر !,

تقرقر يا ود الصايم

ولي يا حبيب ..
سلامات ..
عارف تشكيلة وسط الهلال هي الجابت لينا الضغط ده كلو .. التكتيك كان عالي بس المشكلة إنو نصنا كان سهلة ..
هيثم راجع من عملية .. وخليفة وكاريكا فشلو في إنو يشيلو مع هيثم النص .. عشان كده كل الكور الاتشتت من دفاعنا كان بتلقى
لعيبة الصفاقصي في النص وبيجونا دافرين جنس دفرهم الورونا ليهو ده ..

أنا ما متشاءم بالمرة .. الصفاقصي فريق كبير .. والنتيجة دي زي ما حتدخلنا في حسابات فأقلاها حتدخل الصفاقصي نفسو في حسابات
وما حيجينا مرتاح ... فهمتني ؟؟

أنا متفائل لأنو زي ما إنت قلت قبل كده .. الجيل البيلعب في الهلال هسي ده .. دي فرصتو في إنو يحقق لي نفسو إنجاز ما ..
لو فوتوها المرة دي فحتفوت عليهم للأبد ...
فبي عزيمة زايده وإصرار .. أمدرمان حتشهد صعودنا للنهائي..
___

مشتاقين للدين يا عمك
مافيها إن شاءالله
.. إجتماع ؟؟!!