خوجلي هاشم فنان متمكن وينتقي أعماله باحترافية عالية وتدقيق مقياسه الجودة ... لكن للأسف تنازل عن الأغنية الأروع التي صنعت اسمه ( الفات زمان ) ولا عزاء لمعجبيه ...........
Quote: خوجلي هاشم فنان متمكن وينتقي أعماله باحترافية عالية وتدقيق مقياسه الجودة ... لكن للأسف تنازل عن الأغنية الأروع التي صنعت اسمه ( الفات زمان ) ولا عزاء لمعجبيه ...........
خوجلي دا من نحن صغار ظهر وكان منافسه واحد اسمو حسن محي الدين ..في العداد طبعا بعيدا عن المعطيات الاساسية من حيث الصوت والكلمات وغيرو المهم زولك دا بعد تاشر سنه جاء الامارات في احتفالية تابين القامة (العطبراوي )برفقة عصام محمد نور واسرار وحوده لكن بصراحة ما جاب جديد وبعدين هو ما من امكي او ابوديس وكدا (ورينا سر اهتمامك ...يكون حيغني ليك في عرسك مثلا ؟؟؟ (ملك دي كتيرة )لو قلت مصطفى مضوي او احمد عمر او العطبراوي او الحوري او عبد الواحد او اونسة او نجم الدين الفاضل ...ديل فنانين المنطقة ما بين عطبرة وابوحمد ...لكن هاشمك دا ما قدر على تعزيز المكانة بين قلوب الناس الا عطبرة وما جاورها ام الطيور او الفاضلاب او ...او
فنانكم في امكي منو ؟؟؟
كل الود وكثيف الاشواق ...وفي العيد نحاول نعمل معاه شغل (ههههه)... محبتي
كدي اول حاجة ورينا انتي حتصلي متين بالضبط عشان نجي المطار
Quote: وبعدين هو ما من امكي او ابوديس وكدا (ورينا سر اهتمامك ...يكون حيغني ليك في عرسك مثلا ؟؟؟ (ملك دي كتيرة )لو قلت مصطفى مضوي او احمد عمر او العطبراوي او الحوري او عبد الواحد او اونسة او نجم الدين الفاضل ...ديل فنانين المنطقة ما بين عطبرة وابوحمد ...لكن هاشمك دا ما قدر على تعزيز المكانة بين قلوب الناس الا عطبرة وما جاورها ام الطيور او الفاضلاب او ...او
فنانكم في امكي منو ؟؟؟
كل الود وكثيف الاشواق ...وفي العيد نحاول نعمل معاه شغل (ههههه)... محبتي
خوجلي فعلا مامن بلدنا لكن مافي زول مي عطبرة مابيحب يسمع ليهو عيبو الاساسي انو كسول جدا وفشلت كل المحاولات في انو يجي يسجل اغانيهو لكن بالتأكيد هو ملك في الطرب صوت خطير تطريب عالي اداء ممتاز يجيد اختياؤر الكلمات والتلحين
خوجلي هاشم زول فنان كبير والله بس هاجر بدري قبال يكمل الحلم لاقيتو في الثورة مرة كان عيد ميلاد عوض شكسبير وكان بيناتنا فنانين كبار وكان هو اكبرهم غني واجشني بطريقه جميله وغريبه طلب منو احد الفنانين ان يتغني بالجلابيه بيضاء مكويه ولكن كان خوجلي اكبر من ذلك بكثير وتغني بواحشني للفنان ابوعركي تغني بالراكوبه: سرقوها في ليله.. لما الغبش دقسوا.. قبال تشيل حيلا... والليل يخت نفسو... شالوها من حته.. ختوها في حته... .... ماكنتي مرتاحه.. تسلم مداين القش.. ماجمتك راحه... ساساق صدورن هش... سروقـــــــوها... الراكوبه كلمات الاستاذ قاسم ابوزيد والحان علي مااعتقد عاكف عدلان اخ الكاتب المسرحي ذوالفقار حسن عدلان... تغني ايضا: عتقني ياعشق البنفسج.. والغموض.. خلي المناديل التنويح.. ترتاح علي جمر المسافه وتندهش .. خليني ابحث عن وطن.. خلي ابحث عن وطن... وتغني بالفات زمان وقتها... خوجلي هاشم كنا نراهن عليه انا وصديقي الممثل مختار محمد بخيت الذي كان معجبا حد الاعجاب بالفنان خوجلي هاشم وكانا سويا فترة لم تطول..زثم هاجر خوجلي الي المملكه العربيه السعوديه ولم نسمع عنه سوي هنا في هذا المكان فتحياتي لخوجلي هاشم ذلك الفنان الطروب صاحب الصوت الجميل والفكر الراقي
Post: #29 Title: Re: خوجلي هاشم ( ملك الطرب ) ...... وما اجملكـ ياعطبرة Author: فدياس نجم الدين Date: 11-10-2010, 02:05 PM Parent: #28
Quote: عتقني ياعشق البنفسج.. والغموض.. خلي المناديل التنويح.. ترتاح علي جمر المسافه وتندهش .. خليني ابحث عن وطن.. خلي ابحث عن وطن...
Post: #30 Title: Re: خوجلي هاشم ( ملك الطرب ) ...... وما اجملكـ ياعطبرة Author: ياسر بيناوي Date: 11-11-2010, 09:58 AM Parent: #29