إلي باسط المكي أمنجياً كريماً في إماراته ..!

ضحكت وأنا أقرأ ما كتبه الأخ صديق علي مهدي في رده علي صاحبنا باسط مكي متهماً إياه بالعمل لصالح جهاز الأمن
منذ فترة قصيرة إنتبهت لوجود الأخ صديق بيننا في هذه المساحة الرحبة فأصبحت أتابعه عن قرب لا لشئ بل لمقدراته
الفذة في إنتشال البني آدم منا من براثن الإحباط والقرف الذي ندخله كل يوم بإقتدار جراء المشهد السياسي والسوق البقي
بطال ده .

لا أعرف صديق علي مهدي ولم أتجرأ الي يومنا هذا للدخول علي بروفايله فبعض الرجال يكفي فقط أن تطالعهم علي الهواء
لتعرف من هم وصديق كان بكل تأكيد رجلاً من أؤلئك الرجال الذين لا يحتاج المرء للدخول الي بروفايلاتهم لمعرفتهم .
يضحكني صديق كثيراً للدرجة التي أصبح فيها مؤخراً كاتبي المفضل . ولا غرابة في ذلك ففي زمن إنحطاط المقاييس
يصبح كل شئ جائزاً .

باسط المكي هو أحد القلائل الذين توطدت علاقتي بهم عبر هذا المنبر وأحد الذين احترمهم في هذا المكان صدقاً لا قولاً
لما أراه فيهو من شخصية تجبرك علي الاحترام ـ التقيته قبل شهرين تقريباً في خراطيم الهزيمة هذه ـ كان قادماً من إماراته
في اجازة قصيرة ـ هاتفني الرجل ما إن وطأت قدماه أرض السودان ثم فاجأني بعد يومين تقريباً بزيارة في مكان عملي
وهو الي جانب صلعته التي يحملها رجل نادر بكل مقاييس الندرة شديد التهذيب حتي إنك لاتسمع صوته وهو يحدثك
مثقف وقارئ نهم الي جانب أنه أحد المهمومين بمستقبل السودان وأحد أكثر الذين يعملون بصمت ودون ضجيج من أجل
وطنه وفي ذلك هو من الفائزين .

ربما تزعج هذه الكتابة صديقنا باسط المكي لكنني أجد نفسي مدفوعاً بدفوعات كثيرة تملني قسراً لأكتب فمن الصعوبة بمكان
ما يحدث هنا من اتهامات العمالة والارتزاق والتخوين المجاني .
وأنا أقرأ أمنجية باسط المكي تذكرت حوارات كثيرة أدرناها هنا عن السودان بأخدر تفاصيل هزيمته ويابس عمله المعارض
عن الممكن يكون .

اليوم أيها الناس وبضربة كي بورد من أخانا في الله صديق مهدي علي تحول صاحبنا المدعو باسط المكي لعضو في جهاز الأمن
تهانينا لباسط المكي ولاحول ولاقوة الا بالله العلي العظيم

ـــــــــ
بيت مال وعيال ياباسط وتضوي ليك ياصاحب

بعدين ياصديق ما وريتنا الزول ده تبع الأمن الخارجي ولا تخصصو شنو بالضبط ؟


ــــــــ
قادرالله

فمن رأي منكم باسطاً فليرمه بجبل

Quote: بيت مال وعيال ياباسط وتضوي ليك ياصاحب

خضر ياصااااح
انت عارف جديق دة زول ود بلد
واصيل لكن مصاب بطشاش فكري مرات بحن عليهو من جوة قلبي
لانو يحسسك بانه من عالم وجيل اتغرض
من زمن العندي انا مابدي اغنية قديمة
جد بحن عليه
اها قلت لي الراجل دة قال شنو؟
انا برعي علي حد قول محمد عبد الرحمن
برعي تعني امنجي انا ماعارف احساسو دة قوي
للدرجة

Quote: وهو الي جانب صلعته التي يحملها رجل نادر بكل مقاييس الندرة شديد التهذيب حتي إنك لاتسمع صوته وهو يحدثك مثقف وقارئ نهم الي جانب أنه أحد المهمومين بمستقبل السودان وأحد أكثر الذين يعملون بصمت ودون ضجيج من أجل وطنه وفي ذلك هو من الفائزين .

ولا أنا أعرفه يا خضر لكني أصدق كل ما كتبته أعلاه، فقد تابعت كتاباته هنا
ويعززه وضع صورة الراحل المقيم د. حموده دليلاً لبروفايله.

Quote: فمن رأي منكم باسطاً فليرمه بجبل

... فليرمه بجبلٍ من حُب!

عارف يا محمد وأنا بقرأ في كلام صديق رجعت لكثير القاب منبرية
تجلت قصص المعارضة والسلطة في أبأس صورها
عاينت وضحكت وقلت الحمدلله الما طلعوهو مجرم حرب


ياخ كل شئ بقي ممكن في الزمن الزنيم ده ياصاحب

عاش سديق عاش سديق


خضر ياعميل قوم لف او طير

Quote: ولا أنا أعرفه يا خضر لكني أصدق كل ما كتبته أعلاه، فقد تابعت كتاباته هنا ويعززه وضع صورة الراحل المقيم د. حموده دليلاً لبروفايله

محمدعبد الرحمن
سلمت سلمت من كل بلاء

Quote: ياخ كل شئ بقي ممكن في الزمن الزنيم ده ياصاحب

"مره شافت في رؤاها
طيره تاكل في جناها
حيطة تتمطى وتفلِّع
في قفا الزول البناها
شافت الشياله عاولي
وحاتي للصور فوق تراها"
__
[حميد] ما قصر ومعبر عن حاصلنا تمام..

*صدقني يا خضر متفائل!

Quote: !عاش سديق عاش سديق

معاوية
سلامات الراجل دة هسي بجي ينطط
هنا يحمينا القعدة

باسط

بكرى مفروض يعمل خور لصديق خور خاص؟
وحق الحفر يدفعو ابو الحسين

Quote: وحق الحفر يدفعو ابو الحسين

بالغت فيها لكن ابو الحسين زنبو شنو
تعبان شديد معاهو

ياباسط
ياخ من امس لليوم
11 بوست مشت الخور


بعدين صديق اشتهر بمداخلات
ابو الحسين
عليه يتحمل كافة تبعات فعلته

ادفع يا ابو الحسن

الإتهامات المجانية
آفة سودانيز اونلاين

هاك الجبل ده

Quote: ضحكت وأنا أقرأ ما كتبه الأخ صديق علي مهدي في رده علي صاحبنا باسط مكي متهماً إياه بالعمل لصالح جهاز الأمن منذ فترة قصيرة إنتبهت لوجود الأخ صديق بيننا في هذه المساحة الرحبة فأصبحت أتابعه عن قرب لا لشئ بل لمقدراته الفذة في إنتشال البني آدم منا من براثن الإحباط والقرف الذي ندخله كل يوم بإقتدار جراء المشهد السياسي والسوق البقي بطال ده . لا أعرف صديق علي مهدي ولم أتجرأ الي يومنا هذا للدخول علي بروفايله فبعض الرجال يكفي فقط أن تطالعهم علي الهواء لتعرف من هم وصديق كان بكل تأكيد رجلاً من أؤلئك الرجال الذين لا يحتاج المرء للدخول الي بروفايلاتهم لمعرفتهم . يضحكني صديق كثيراً للدرجة التي أصبح فيها مؤخراً كاتبي المفضل . ولا غرابة في ذلك ففي زمن إنحطاط المقاييس يصبح كل شئ جائزاً . باسط المكي هو أحد القلائل الذين توطدت علاقتي بهم عبر هذا المنبر وأحد الذين احترمهم في هذا المكان صدقاً لا قولاً لما أراه فيهو من شخصية تجبرك علي الاحترام ـ التقيته قبل شهرين تقريباً في خراطيم الهزيمة هذه ـ كان قادماً من إماراته في اجازة قصيرة ـ هاتفني الرجل ما إن وطأت قدماه أرض السودان ثم فاجأني بعد يومين تقريباً بزيارة في مكان عملي وهو الي جانب صلعته التي يحملها رجل نادر بكل مقاييس الندرة شديد التهذيب حتي إنك لاتسمع صوته وهو يحدثك مثقف وقارئ نهم الي جانب أنه أحد المهمومين بمستقبل السودان وأحد أكثر الذين يعملون بصمت ودون ضجيج من أجل وطنه وفي ذلك هو من الفائزين . ربما تزعج هذه الكتابة صديقنا باسط المكي لكنني أجد نفسي مدفوعاً بدفوعات كثيرة تملني قسراً لأكتب فمن الصعوبة بمكان ما يحدث هنا من اتهامات العمالة والارتزاق والتخوين المجاني . وأنا أقرأ أمنجية باسط المكي تذكرت حوارات كثيرة أدرناها هنا عن السودان بأخدر تفاصيل هزيمته ويابس عمله المعارض عن الممكن يكون . اليوم أيها الناس وبضربة كي بورد من أخانا في الله صديق مهدي علي تحول صاحبنا المدعو باسط المكي لعضو في جهاز الأمن تهانينا لباسط المكي ولاحول ولاقوة الا بالله العلي العظيم

ضحكتك دي وين وكتابتك دي وين لما صديق ده ذاتو
كتب عني وقال :- سفيان ده ........... ونقط
نقط دي ذاته ما ورانا ليها شنو؟؟!

مالي يا خضر ما بتكتب عنيّ ما زميلك وصاحبك
واتشردته وجعته معاك وبيتنا سوى وبينا قصص
وحكايات!!!!

سمح بتسداها فيك .



ياباسط ياخ ازيك ومشتاغووون
وغمض عيونك ما تقرأ الكلام
الفوق ده .

يا سفيان نحنا واحد ياخ
ـــــــ
والله علي ما اقول شهيد

Quote: بعدين ياصديق ما وريتنا الزول ده تبع الأمن الخارجي ولا تخصصو شنو بالضبط ؟ ــــــــ قادرالله

من ود العمدة في مهجرة الى ود خليل في هجيره قف

اخخخخخخخخخخ يا اصبعي البكتب بيهو دا قف

الجديد شنو ما انتو يا الحمر زمان متلحني يا امنجي ويا نضارة الشباب في خـ(ض)ر ؟!!


غايتو اول مرة اتكلم مع باسط دا كاني بعرفو لي مية سنة اريحية ما عادية

ندين ونشجب انتهى
قسم الامن الخارجي بس اون لاين دوت كوم
ود العمدة

Quote: يا سفيان نحنا واحد ياخ ـــــــ والله علي ما اقول شهيد

رضيانين البيعة
بس وريني المحطات بتاعة
قبيل حصل فيها شنو وراي؟

خضر سلام واشواق
توارد خواطر غريب .. لى 3 يوم متابع بوستات صديق بصبر شديد
هذه الشخصية تثير فى النفس كثير من التساؤلات وتوصلت لأحد احتمالين
اما أن يكون شخص غير سوى لان ما يصدر عنه لا يمكن تصنيفه فى باب المعقول والسواء النفسى
واما انه شخص سوى جدا اكتر منى ومنك ويعلم تماما ما يفعل بل يخطط له بكل جدارة واقتدار
فرجحت الاحتمال الثانى خاصة وان له مشابهين فى الكتابة الفرقعةوالشتائميةالبذيئة والفجر فى الخصومة وعلى راسهم هبانى وهما ومن شاكلهما كانوا ولا زالوا الاداة التى يسخر بها الكيزان من المعارضة ويصورونها فى اسوأ حال ولهم الحق فى ذلك فهذه النماذج غير مشرفة بالمرة حتى لك ولكل المعارضين .. ثم انه ظهر فجأة ولا أحد يعرف له انتماء فلو كان اعتقد ان تنظيمه كان يجب ان يوقف هذا الهطل الذى يقوم به لانه يسىء لتنظيمه قبل اساءته للمعارضة .. فالرجل اصبح مثار تندر انصار الحكومة حتى انهم فى احد البوستات شبهه احدهم بالاراجوز الذى يوفر لهم مساحات من الضحك
لماذا لا يكون هذا الشخص مدفوعا للقيام بما يقوم به .. ارجو ان تلاحظ مسارات وخطوط وتعرجات المنبر وسجالاته ( حكومة / معارضة ) فى الآونة الاخيرة .. دائما ما يبتدر كل شاتم للمعارضة السلوك الفردى لممثليها ودائما ما كان هبانى فى الواجهة الى ان انتزع منه المكانة المدعو صديق
لا اعتقد ان المعارضة رغم مشاكلها وامراضها وضعفها الاخير حريصة على ان تقدم نفسها على هذا النحو المبتذل الذى يفتقر لكل منطق او ادب واخلاق حتى .. والمنبر ملىء بالمعارضين الذين لا تملك لهم سوى كل احترام وتقدير حتى من انصار الحكومة انقسهم وهم كثر بل اكثر بكثير من حالات صديق بحيث لا يمكن ان تكون حالة صديق او هبانى هى النموذج وكما تعلم فان الاوانى الفارغة تحدث ضجيجا اكثر
وعلى الرغم من وجود بوستات جادة كثيرة حول الشان السياسى من معارضين بارزين بالمنبر الا ان بوستات الجهبز صديق هى دائما محل احتفاء وتهافت مثل جريدة الدار وكذلك هبانى .. على الرغم من ضحالة وصفاقة ما يقدمون
فهل هم يعلمون ما يفعلون
ام ان فكرتى شاطحة وموسوسة
ام انه الواقع والحقيقة وحينها تكون الكارثة وعلى كل شىء السلام
مودتى

Quote: الإتهامات المجانية آفة سودانيز اونلاين

خدروكه وضيوفه الكرام .. والمحتفى به باسط!

ياخ باسط دا والله يستحق من الاحترام والبوستات ما يفيض
ويدفق ويكمل الباوندث زاتو .. لكن لما يجي الكلام دا بعد
اتهام مجاني .. وكمان من صديق مهدي .. يبقى بضحّكـ بالجد!!


صديق دا عامل زي الشافع البطلع روح الحلّة كلها وأبوهو
(اللي هو هنا بكري أبو بكر) النوع الشرامي القاعد بره
الزمن اليوم كلو وداير حاجة تملى فـراغو!
وأول ما الشافع دا (اللي هو صديق) يلاقي زول يغالتو ولّ
يحميهو اللعب يقعد يكوركـ ويجعّر .. ودايرين يدقوني .. ويا شين
ويا شنو شنو ويكون واقف بعيد .. ولما القصة تجوط يجري ينادي أبوهو!!




_
بقيت بكتب وبمسح كتير .. وما من عوايدي!!
يا الواحد بقى متحسس شديد .. يا الشيوعيين بقو حساسين!!

كامل التضامن مع سى سى ديق

على ولى امر سى سى عمل للازم عندنا ضيوف



ود الصائم بوستات امريكا يوم السبت ....نتلب بث

باسط المكي
هو أحد القلائل الذين توطدت علاقتي بهم عبر هذا المنبر
وأحد الذين احترمهم في هذا المكان صدقاً لا قولاً
لما أراه فيهو من شخصية تجبرك علي الاحترام

شكرا ياخدروكة
لإتاحة هذه المساحة لتحية الاخ باسط المكي
رغم انو وعدني بزيارة ولم يوف وما بيناتنا
اكون طالبك زيارة ياباسط كان بقينا حيين

________________________
ردا على الزميل سمير شيخ الدين في احتمالاته

Quote: اما أن يكون شخص غير سوى لان ما يصدر عنه لا يمكن تصنيفه فى باب المعقول والسواء النفسى

ارجح الاحتمال دا وانا متابع جيد للمذكور
والشواهد كثيرة لكن اطرفها على الاطلاق ... في مرة افترع بوست يحكي فيه مشاكل الجالية السودانية بولاية اريزونا .. ويبدو انه شخصية مزعجة جدا بالنسبة لهم .. المهم في ذلك البوست بعد ما طرح المشكلة قرر أن يعفو عنهم لأن العفو من شيم الرجال ولكنه لن يعفو عن احدهم (ذكر الاسم) لأن هذا الشخص شتمه وقال له امشي (يامنشة) ... ودا طبعا غير القصائد الجميلة التي أثرى بها هذه الساحة ... التحية للاخ صديق مع دعواتي الصادقة له بالشفاء العاجل ..
أما المفاجأة التي لا يعلمها أغلب كتاب هذا المنبر أن صديق مهدي (ابن عمة هشام هباني لزم) والمدهش أن كليهما يفتخر بهذه القرابة فتامل !!

وهبة العزيز
ازيك يازول
والله ياوهبة حاجة مقرفة ومحزنة حاصل الحاصل هنا ده ـ يازول دي بلد ماعندها وجيع ؟ والمؤسف انو أي زول
منصب نفسو كولي أمر للحال المائل ده .
الناس مفترض تكون قدر المسؤولية ولو لمرة واحدة لأننا حقاً أمام مفترق (طرق) نحن الوحيدين الذين ياناس الله
ما حنلم في وطن ؟


حاجة تحزن والله

الأعزاء
معاوية عبيد
خالدالعبيد

تحياتي لكما وشكري اللامحدود لحضوركما هنا (طبعاً انتو اصحاب حارة) لي ده اعذروني من اعتذار التأخير
مودتي يارفاقا

Quote: خضر سلام واشواق توارد خواطر غريب .. لى 3 يوم متابع بوستات صديق بصبر شديد هذه الشخصية تثير فى النفس كثير من التساؤلات وتوصلت لأحد احتمالين اما أن يكون شخص غير سوى لان ما يصدر عنه لا يمكن تصنيفه فى باب المعقول والسواء النفسى واما انه شخص سوى جدا اكتر منى ومنك ويعلم تماما ما يفعل بل يخطط له بكل جدارة واقتدار فرجحت الاحتمال الثانى خاصة وان له مشابهين فى الكتابة الفرقعةوالشتائميةالبذيئة والفجر فى الخصومة وعلى راسهم هبانى وهما ومن شاكلهما كانوا ولا زالوا الاداة التى يسخر بها الكيزان من المعارضة ويصورونها فى اسوأ حال ولهم الحق فى ذلك فهذه النماذج غير مشرفة بالمرة حتى لك ولكل المعارضين .. ثم انه ظهر فجأة ولا أحد يعرف له انتماء فلو كان اعتقد ان تنظيمه كان يجب ان يوقف هذا الهطل الذى يقوم به لانه يسىء لتنظيمه قبل اساءته للمعارضة .. فالرجل اصبح مثار تندر انصار الحكومة حتى انهم فى احد البوستات شبهه احدهم بالاراجوز الذى يوفر لهم مساحات من الضحك لماذا لا يكون هذا الشخص مدفوعا للقيام بما يقوم به .. ارجو ان تلاحظ مسارات وخطوط وتعرجات المنبر وسجالاته ( حكومة / معارضة ) فى الآونة الاخيرة .. دائما ما يبتدر كل شاتم للمعارضة السلوك الفردى لممثليها ودائما ما كان هبانى فى الواجهة الى ان انتزع منه المكانة المدعو صديق لا اعتقد ان المعارضة رغم مشاكلها وامراضها وضعفها الاخير حريصة على ان تقدم نفسها على هذا النحو المبتذل الذى يفتقر لكل منطق او ادب واخلاق حتى .. والمنبر ملىء بالمعارضين الذين لا تملك لهم سوى كل احترام وتقدير حتى من انصار الحكومة انقسهم وهم كثر بل اكثر بكثير من حالات صديق بحيث لا يمكن ان تكون حالة صديق او هبانى هى النموذج وكما تعلم فان الاوانى الفارغة تحدث ضجيجا اكثر وعلى الرغم من وجود بوستات جادة كثيرة حول الشان السياسى من معارضين بارزين بالمنبر الا ان بوستات الجهبز صديق هى دائما محل احتفاء وتهافت مثل جريدة الدار وكذلك هبانى .. على الرغم من ضحالة وصفاقة ما يقدمون فهل هم يعلمون ما يفعلون ام ان فكرتى شاطحة وموسوسة ام انه الواقع والحقيقة وحينها تكون الكارثة وعلى كل شىء السلام مودتى

شـــــرحو

الحبيب خضر
باسط المكي أعرفه فقط من خلال هذا المنبر ..رجل محترم ويستحق كل احترام وتقدير ..نسأل الله له الصحة والعافية ودوام التوفيق

تحياتي ووافر احترامي

Quote: الحبيب خضر باسط المكي أعرفه فقط من خلال هذا المنبر ..رجل محترم ويستحق كل احترام وتقدير ..نسأل الله له الصحة والعافية ودوام التوفيق تحياتي ووافر احترامي

جعفراسماعيل
كاني اعرفك من سنين وسنين
لعلك بخير لفة العمة الفي بروفايلك
كل ما اشوفها قلبي يفرني تزكرني النهارات الحنينة
وطيبة غابت شمسها في هذه الايام سريعة
الايقاع ماتميز الضحي من العصر الممحوق
كل الود لك ياعزيز

الحبيب جعفر اسماعيل
تحياتي الحارة والأكيدة
مشكور علي جميل الحضور والتأكيد وباسط يستحق الكثير وحق له أن يفخر بشهادتك والآخرين
سلمت

مشكور حضورك ياروغيم
وأتمني إنو الأمور تكون اتضحت بالنسبة ليك

مودتي

العزيز ودالصايم
تحياتي ومعليش للتأخير
أخوك ليهو يومين جاري بعيد من منبر بكري

Quote: اخ باسط دا والله يستحق من الاحترام والبوستات ما يفيض ويدفق ويكمل الباوندث زاتو .. لكن لما يجي الكلام دا بعد اتهام مجاني .. وكمان من صديق مهدي .. يبقى بضحّكـ بالجد!! صديق دا عامل زي الشافع البطلع روح الحلّة كلها وأبوهو (اللي هو هنا بكري أبو بكر) النوع الشرامي القاعد بره الزمن اليوم كلو وداير حاجة تملى فـراغو! وأول ما الشافع دا (اللي هو صديق) يلاقي زول يغالتو ولّ يحميهو اللعب يقعد يكوركـ ويجعّر .. ودايرين يدقوني .. ويا شين ويا شنو شنو ويكون واقف بعيد .. ولما القصة تجوط يجري ينادي أبوهو!! _ بقيت بكتب وبمسح كتير .. وما من عوايدي!! يا الواحد بقى متحسس شديد .. يا الشيوعيين بقو حساسين!!

ياخ شكراً مقدماً لحضورك هنا ـ وبالتأكيد لسنا هنا لنفي الاتهام عن صديقنا باسط
بقدرما عايزيزن نشوف صيغة مشتركة للتخلص من اللغة الساهلة دي .
غايتو محن سودانيزاونلاين محن غلاد غلاد ياصديقي
والله يعين

ــــــــــ
شيوعي متحسس

شكراً حيدر قاسم لمرورك من هنا

العزيز سمير شيخ ادريس
تحياتي الحارة والأشواق

Quote: هذه الشخصية تثير فى النفس كثير من التساؤلات وتوصلت لأحد احتمالين اما أن يكون شخص غير سوى لان ما يصدر عنه لا يمكن تصنيفه فى باب المعقول والسواء النفسى

بالأمس القريب وفور كتابتي لهذا البوست تفاجأت ببوست غريب للأخ صديق وجدت نفسي محشوراً الي جانب الأصدقاء
معاوية عبيد ومحمدعبدالرحمن وسفيان بشير علي ما أذكر ـ للأمانة البوست كان موغلاً في السخف وإيحاء غير كريم لا
علاقة له بمنابر الحوار ـ والأغرب من هذا كله أنه زيل مداخلته الأولي وبعد كل السخف الذي كتبه بضحكة طويلة هههههه
دخلت وعلقت وكنت أنوي تصعيد الموضوع والوصول مع هذا الصديق لنهاية منطقية لساقط قوله لكن علي ما أظن أن
الرقيب كان أسرع وتم حذف البوست ـ
صديق عليه أن يعلم بأن الجميع هنا لديهم ما لديهم من أفكار وهموم الي جانب أن الجميع يملكون رصيداً ضخماً من المفردات
التي يفر منا الشيطان لكن الجميع يحاولون قدر المستطاع كبت هذه اللغة لأن إنتشارها يعني ببساطة تحول المنبر لماخور كبير .

صديق في تقديري نتاج طبيعي لحالة الفراغ السياسي الذي نعيشه اليوم ونتاج ايضاً لتنامي البذاءة والسقوط والذي يؤسف حقاً
أنه يظن بسماجته المبذوله هنا وهناك أنه يناضل وأنه صاحب قضية وأنه وأنه وأنه .
ما عارف لكن يا سمير أنا بفتكر إنو ده نموزج سيئ للعمل المعارض .

احترامي المعلوم يا سمير

العزيز ود العمدة
تحياتي يازول
يا محمد (نضارة الشباب) دي كانت بمسبباتها
فما تتمها لينا موية ياخينا في (خضم) هذا النهر الــ(صديق مهدي )
غايتو ربك يهون ياصديق

Quote: الإتهامات المجانية آفة سودانيز اونلاين

تحياتي يا زول
اتفق معك يا ابوساندرا

الى باسط المكي ...شفيفا حصيفا ..خلوقا سمحا بيننا

الاخ خضر ...التحيات النواضر ...
باسط :التقيته عبر سودانيات نت تابعته منذ زمن عرفته جيدا من قلمه ..يوما ما كان لنا احتفاليه مجموعة نادوس بالامارات ...قرر الحضور
عرفت من مداخلته الجميلة انه قادم ...
ذهبت الى الاحتفال وفي خاطري تصورات كثيرة له ...كلما تبسم لي احدهم حسبته باسط ...
في نهاية الحفل لمحت رجل ..0عمامة وجلباب ابيض في ملامحه سحنات الرجل السوداني الاصيل وفي زيه كل المعاني قررت ان اقتحمه سلمت عليه ولكنه تبين الملامح 0لشخصي وبادرني اهلا بالايقونه تيقنت انه باسط ضحكنا وتعارفنا واكتملت الرؤى لم يخزلني فيه شئ وتوطدت علاقتنا ببعض تلفونيا وجدت فيه كل المعاني الجميله للانسان في الغربة ..فاصبح صديق واخ و....
صبيحة الحفل عمل حادث 0قطع اصبعه فدعوت له في سري بان لاتكون عين الرباطابية ولكن الحمدلله تعافى .
الان من ان يجرؤ احدهم بان يحول هذا الاحساس لمجرد كابوس ...جريمة يستحق عليها ....العقاب
باسط الرجل الهادي المؤدب امنجيا 0سبحان الله بشاعة تدل على كاتبها
وبعدين لو صح الاتهام نحن ضعنا ورحنا فيها الزول حيشتغل علينا بعد كشف ورقنا
لخضر كل الامنيات وانا حازورك في نفس المكتب في العيد العنوان بس بالله...عشان الله لا قدر لو احدهم تغول علي باي اتهام تكتب فيني زي باسط دا
وبلاش غيره يا سفيان
ويا نار كوني بردا وسلاما على صديقي العزيز باسط ولينعم في اماراته بهدأت البال
ولكم محبتي

نعمات حمود
مودتي يا عزيزة
سعدت للغاية بحضورك هنا وما كتبتيه عن باسط ـ ولن تتصوري علي الاطلاق مدي سعادتي وأنا أري كل
هذه المشاعر النبيلة ـ باسط رجل فذ للغاية ومعرفته بكل تأكيد مكسب وهو اضافة حقيقية لكل الذين
عرفوه عن قرب ـ
أكون ممتناً لو التقيت بك سيدتي .
لك الشكر ووالاحترام

Quote: ... فليرمه بجبلٍ من حُب!

من حب وأزاهر وشعاع من نور!.
سلام يا حبيبنا.
يا خضر ياخ مجرم حرب دي بالغت فيها عديل.الزول ده أمنجي جهجه باكاتنا وركبنا!.


تحية ليك ولباسط الفرح النبيل.

محبتي

ياشباب الكلام دة كبار كبار
علي تحياتي لكم

كامل تضامننا مع الامنجي الجميل باسط المكي

تحياتي لك يا خضر

خضر يا حبيب
سلام مرة تانية
فاتنى فى غمرة التحليل الصديقى أن أذكر كلمة حق فى حق باسط الذى لم التقيه مباشرة
بل أننى أتمنى وأتشرف بأن ألتقى هذا الانسان الراقى الرقيق ..
فيكفى أن التقيته عبر المنبر وتابعت قلمه فعرقت أى الرجال هو .. رجل مسكون بكل هذا الاحساسس بالجمال والروعة والفن لا يمكن الا أن يكون انسانا يعلو مصاف الانسانية فمنه استقيت أعذب الالحان عن الراحل عثمان الشفيع ووردى وغيرهم .
شكرا للمدعو صديق
فقداراد النيل من باسط لكنه دون أن يدرى ياعد فى طرح كل هذه المشاعر الطيبة وكشف الرصيدالضخم لباسط وسط أخوته هنا ولمن يعرفه ولا يعرفه
خضر
فى انتظارك يا حبيب

كامل التضامن مع سى سى سديق
اذهب وواصل العلاج يا سديق

اسمع نصيحة ميادة كمال (شكرن)


تبا لك ايها الباسط وتبا مكعب لرهط
المدعو خضر

احذروا بوستات امريكا يوم السبت

Quote: تبا لك ايها الباسط وتبا مكعب لرهط المدعو خضر

م. ع. الصايم،
يا رهط..
والله كلامك الفوق دا يكيفلك سي سي سديق
صحي صحي [دا لو انتبه لي بوست زي دا، وما ظنيتو!]..
__
تباً ثم تباً..

محمد عبدالرحمن [المطرطش]

محمد عبد الرحمن سلام

انت زول حاقد وناوى تجوط علاقتى بالعلامة سديق


تبا فى 3 فى 6

(الا..... سديق)

محمدالشيخ ارباب
تحياتي ياصديقي
ووين الحي بيك يازول ؟ غايتو باسط ده زول ما هين نهائي المرقك ده
مشتاقين ياصديق وتشكرات علي حضورك الجميل هنا
دعماً لهذا الامنجي الجميل

صديقي الجميل الفاتح ميرغني
تحياتي ياصاح
مشتاقين عليم الله وإفتقد أخبارك ياصديقي ـ ثم لا يفتي في باسط وأنت حضور
ليتك تكتب عن هذا الرجل يا صاحبي .

مودتي ياصديقي

.....





باسط المكى ،و لله الحمد لاقيناهو و قريناهو.
زول من أشد الناس إحتراما للناس . و لى رقبتو.
أجمل العلاقات الإسفيرية الممتدة عبر سودانيات لزمن ليس بالقصير
إلتقيته فى مرة واحدة و يتيمة بالإمارات ، ناحية الفجيرة
فى مناسبة إستقبال مولود جديد لأخ و صديق مشترك
زول لطيف مهذب ، يستمع إليك قبل أن تستمع إليه
يوحى إليك بأهميتك ويبذل لك طريقا ممهدة لصداقته
بنى أدم سودانى براحة كدا ، يختلف معك بود
يديك رقم تلفونو ببساطة و كان إتصلتا عليهو برد


أها يا خضر

عليك الله مما قمت لاقاك أمنجى فى سماية ؟






....

Quote: عليك الله مما قمت لاقاك أمنجى فى سماية ؟

الوليد دي قلبت فيها الهوبة
تحياتي لك

Quote: الإتهامات المجانية آفة سودانيز اونلاين هاك الجبل ده

ابوساندرا
الله يكفيناالاتهامات
وكل افات سودانيزاونلاين
وافات الدرب الطويل والرخرخة
وشد الضراع يابلد الموج بقاوم كل رخوة
علي الجروف كما قال الدوش

Quote: ]خضر يا حبيب سلام مرة تانية فاتنى فى غمرة التحليل الصديقى أن أذكر كلمة حق فى حق باسط الذى لم التقيه مباشرة بل أننى أتمنى وأتشرف بأن ألتقى هذا الانسان الراقى الرقيق .. فيكفى أن التقيته عبر المنبر وتابعت قلمه فعرقت أى الرجال هو .. رجل مسكون بكل هذا الاحساسس بالجمال والروعة والفن لا يمكن الا أن يكون انسانا يعلو مصاف الانسانية فمنه استقيت أعذب الالحان عن الراحل عثمان الشفيع ووردى وغيرهم . شكرا للمدعو صديق فقداراد النيل من باسط لكنه دون أن يدرى ياعد فى طرح كل هذه المشاعر الطيبة وكشف الرصيدالضخم لباسط وسط أخوته هنا ولمن يعرفه ولا يعرفه خضر فى انتظارك يا حبيب

سميرشيخ ادريس
حرف رصين وقلم قوي لايشق له غبار
اتابع كل مداخلة له بشقف واقراء مابين
السطور يجيد التحليل والنقد الموضوعي
احيييييييه
وشكرا لصديقالذي اتاح لنا هذا التلاقي الجميل
مع اروع الناس هنا
كن بخير ياصاح الدنيا لسة ضوء

Quote: ]كامل تضامننا مع الامنجي الجميل باسط المكي تحياتي لك يا خضر

محمد الشيخ ارباب
تحياتي وين انت مختفي مشتاقون
يابلد

Quote: ضحكتك دي وين وكتابتك دي وين لما صديق ده ذاتو كتب عني وقال :- سفيان ده ........... ونقط نقط دي ذاته ما ورانا ليها شنو؟؟! مالي يا خضر ما بتكتب عنيّ ما زميلك وصاحبك واتشردته وجعته معاك وبيتنا سوى وبينا قصص وحكايات!!!! سمح بتسداها فيك . ياباسط ياخ ازيك ومشتاغووون وغمض عيونك ما تقرأ الكلام الفوق ده

سفيان نابري
كنا ومازلنا نباري ماتخطه
من حرف ######رية طاعمة قبل ماندخل حوش بكري
العامر باخوان الانسانية
الشوق بحر ونحن دائما بنذكر دار
الصعيد الجنة كل الود ياجميل الخاطر

سديق راجيك سيك ؟

هولاء حاقدين خضر ورهطه




باسط تابع السيك حقت سى دى يق

Quote: باسط تابع السيك حقت سى دى يق

معاوية عبيد
تحياتي صديق دة دقس دقسة كبيرة
والسيك متابعنها لكن صاحبنا اختفي
وين ياربي

Quote: الاخ خضر ...التحيات النواضر ... باسط :التقيته عبر سودانيات نت تابعته منذ زمن عرفته جيدا من قلمه ..يوما ما كان لنا احتفاليه مجموعة نادوس بالامارات ...قرر الحضور عرفت من مداخلته الجميلة انه قادم ... ذهبت الى الاحتفال وفي خاطري تصورات كثيرة له ...كلما تبسم لي احدهم حسبته باسط ... في نهاية الحفل لمحت رجل ..0عمامة وجلباب ابيض في ملامحه سحنات الرجل السوداني الاصيل وفي زيه كل المعاني قررت ان اقتحمه سلمت عليه ولكنه تبين الملامح 0لشخصي وبادرني اهلا بالايقونه تيقنت انه باسط ضحكنا وتعارفنا واكتملت الرؤى لم يخزلني فيه شئ وتوطدت علاقتنا ببعض تلفونيا وجدت فيه كل المعاني الجميله للانسان في الغربة ..فاصبح صديق واخ و.... صبيحة الحفل عمل حادث 0قطع اصبعه فدعوت له في سري بان لاتكون عين الرباطابية ولكن الحمدلله تعافى . الان من ان يجرؤ احدهم بان يحول هذا الاحساس لمجرد كابوس ...جريمة يستحق عليها ....العقاب باسط الرجل الهادي المؤدب امنجيا 0سبحان الله بشاعة تدل على كاتبها وبعدين لو صح الاتهام نحن ضعنا ورحنا فيها الزول حيشتغل علينا بعد كشف ورقنا لخضر كل الامنيات وانا حازورك في نفس المكتب في العيد العنوان بس بالله...عشان الله لا قدر لو احدهم تغول علي باي اتهام تكتب فيني زي باسط دا وبلاش غيره يا سفيان ويا نار كوني بردا وسلاما على صديقي العزيز باسط ولينعم في اماراته بهدأت البال ولكم محبتي

نعمات حمود
ياطرحة من عصاري بلدنا
عبرك احي كل بنية اتلحفت بالنور
مهجنة بغني الاطفال وسعف النخيل والنيل
سلمت من كل بلاء ياخ انا مقدر الاطراء دة
في لمة نادوس تردددت كتير وقويت قلبي وقلت اسلم عليها
لكن ماخيبتي ظني الله يحفظك

سلام يا جماعة

صراحة كده انا باسط ده من زمان كنت شاكك فيهو

اها لمن جات حسه النجيضة ..... ها ها

تحياتي أبوبكر شداد
وعميق احترامي

Quote: سلام يا جماعة صراحة كده انا باسط ده من زمان كنت شاكك فيهو اها لمن جات حسه النجيضة ..... ها ها

قريت كلامك وقعد أضحك في حا أخونا الكاشف ده

اهو لقينا واسطة كلنا يا شداد

مودتي

Quote: كنا ومازلنا نباري ماتخطه من حرف ######رية طاعمة قبل ماندخل حوش بكري العامر باخوان الانسانية الشوق بحر ونحن دائما بنذكر دار الصعيد الجنة كل الود ياجميل الخاطر

والله امنجي السرور انت يا باسط
امنجي طاعم وكتاب واخو اخوان
ومن يوم هليت هنا انا ذاتي
راصدك رصد شديد لوووووول .



يا خضر بلاهي الزول ده
يومي باليل بيذكرنا وينضم فينا!!!
وانا وين مغبي!!!؟
بيقول شنو ياخ ؟

Quote: ¿ود العمدة في مهجرة الى ود خليل في هجيره قف اخخخخخخخخخخ يا اصبعي البكتب بيهو دا قف الجديد شنو ما انتو يا الحمر زمان متلحني يا امنجي ويا نضارة الشباب في خـ(ض)ر ؟!! غايتو اول مرة اتكلم مع باسط دا كاني بعرفو لي مية سنة اريحية ما عادية ندين ونشجب انتهى قسم الامن الخارجي بس اون لاين دوت كوم ود العمدة

ود العمدة
غيبتك طالت راجيك في الدرب
الحديث ماتمة
كن بخير

Quote: باسط المكي هو أحد القلائل الذين توطدت علاقتي بهم عبر هذا المنبر وأحد الذين احترمهم في هذا المكان صدقاً لا قولاً لما أراه فيهو من شخصية تجبرك علي الاحترام

خالد العبيد
الليل امسي والنعيسان جرايدويتحن
قصع الجرة سحار الغروب اتمحن
تعود سلمان ياخالد الظنون انصحن
ابيات لود ضحوية
طولت مني اخبارك زينة انشاءالله
حتي طلة المساء راحت الدنيا شغلتك
لسة منتظرين الفجر ياخالد
يطل رغم كثافة الاكام ملح الارض يا اخالد
سكن اروقة برندات السماسرة ورواق الرب ماعاد
فيه سابلة ولا تطرائد ليل المصانع مخازن للطفيلية والمداخن
التي تعلن الحياة في بوابة المدن ماعادت كما هي سكنها لطير
كن بخير ياخد

ياشباب زول يصحى سديق؟



شان السيك؟


صديق بعد السيك عذرا سديقى؟



سييييييييييييييييييك لن تخيب يا سديق؟

Quote: صديق دا عامل زي الشافع البطلع روح الحلّة كلها وأبوهو (اللي هو هنا بكري أبو بكر) النوع الشرامي القاعد بره الزمن اليوم كلو وداير حاجة تملى فـراغو! وأول ما الشافع دا (اللي هو صديق) يلاقي زول يغالتو ولّ يحميهو اللعب يقعد يكوركـ ويجعّر .. ودايرين يدقوني .. ويا شين ويا شنو شنو ويكون واقف بعيد .. ولما القصة تجوط يجري ينادي أبوهو!!

ود الصائم
صدجيق دة انت بتجيب خبرو
زول كدجي ورينا محلو وين
نتفقدجو ساكت لله

Quote: ]شكرا ياخدروكة لإتاحة هذه المساحة لتحية الاخ باسط المكي رغم انو وعدني بزيارة ولم يوف وما بيناتنا اكون طالبك زيارة ياباسط كان بقينا حيين

وهبة اعفي لي يااااااخ
اخدتني المشاغل وايقاع البلد البقي سريع
ماتعرف العصر من نص النهار ضف علي ذلك
لسة نحن شتر ماعندنا زمن ايقاعي لرتم
البلد رغم الشوق لكل لزرة تراااب وشارع شارع
حتي رائحة قدرة الفول في الصباحات الخريفية
كان حين بنتلاقي اعفي لي
ياجميل الخاطر والزوق

Quote: ] شـــــرحو

عثمان رغيم
كل الود وسلام بعد غياب
وسكون
لكن هو جنس تشريح الزول اختفي عديل

Quote: ]سلام يا جماعة صراحة كده انا باسط ده من زمان كنت شاكك فيهو اها لمن جات حسه النجيضة ..... ها ها

دكتور شداد
سلامات وتحياتي لك بطعم القدلة في رمال بارا
واماسيها اتاريك من زمان لابد ومتحسس
ههههه كل اشواقي لك

باسط بقا امنجي ...
يا رااااااااااااجل

والله يا سيد/ خضر الجملة دي عا########ي وشايله لي مدة
واذا بك تجدعا لينا مدردقة تمشي الهويني :
(باسط المكي شهادتنا فيهو مجروحة)
ولايعرف قدر الرجال الا الرجال
خالص الود

التحية والتقدير لباسط المكى الشخص المحترم صاحب القامة العالية
والشكر لخضر على هذا البوست

سلآم يا خضر،
باسط المكي شخصياً!؟ يا خضر والله إنت
سعيد في عُمرك دا. والله انا متمني في باقي
عِميري الفضل دا اقابل باسط المكي.

بس انا زعلآن منّك يا خضر. يا اخي حكاية
إتهام الناس بإنهم امنجيّة دي ما موضة في
البورض، حارمين منها صديق إخيّ دا
مالكم؟ ما تخلوهو زي رفاقتو ديل يلبسلوا
قميص محزّق ومشجر، وبنطلون محزّق
من فوق وعريض من تحت وينكُش شعروا
ويطُظلوا فيهو خُلآل، ويقشر بباسط المكي
زي باقي الجنيات.



ملآحظة امنيّة:
صديق...مهدي!!!؟
الزول دا كان طار السماء
حزب أُمّة...

الجميل خضر حسين

تحية وتقدير

والتحية عبركم لباسط المكي الذي لا أعرفه ولكن تكفيني شهادتك له .


----------------------

القيلم الهندي زماااااااااااان مش بكون فيهو واحد ع ب ي ط وبكون عامل

شغل وبمجرد ما يظهر الناس تقعد تضحك , أهه صديق دا هو الشخصية دي .

خلوا الزول دا يمارس دوروا في البورض دا .

بكري زاتو ما عاوز يوقفوا , عشان متكيف منو زي ما متكيف من هشام هباني

ديل فاكهة المنبر ياخ

الأصدقاء هنا
تحياتي وعميق احترامي
شاكر لكم جميعاً حضوركم هنا ـ إعتزر لكم لتأخيري في الرد علي مداخلاتكم
وأعدكم بعودة ماهلة . لكم الشكر والتقدير

Quote: صديق عليه أن يعلم بأن الجميع هنا لديهم ما لديهم من أفكار وهموم الي جانب أن الجميع يملكون رصيداً ضخماً من المفردات التي يفر منا الشيطان لكن الجميع يحاولون قدر المستطاع كبت هذه اللغة لأن إنتشارها يعني ببساطة تحول المنبر لماخور كبير .

خضر حسين خليل
يسلم قلمك ياخ وتسلم..
معا ضدالبذائة وساقط الكلام

تحياتي




ودمت.

Quote: .باسط بقا امنجي ... يا رااااااااااااجل

امجد سلامات
كيف مع غبار الحياة
ومشوار الحياة اليوماتي
سلمت ياعزيز

Quote: والله يا سيد/ خضر الجملة دي عا########ي وشايله لي مدة واذا بك تجدعا لينا مدردقة تمشي الهويني : (باسط المكي شهادتنا فيهو مجروحة) ولايعرف قدر الرجال الا الرجال خالص الود

dabeep
طولة شديدة
انشاء الله تكون بخير
بتاوق ليك في شبابيك
المدن ماطليت لو مرة
كن بخير

Quote: ]التحية والتقدير لباسط المكى الشخص المحترم صاحب القامة العالية والشكر لخضر على هذا البوست

نبيل عبد ارحيم اروع الاحباب
اوصيك جزوة النار لاتنطفي الدرب طويل
طويل للشمس البعيدة

Quote: ]بس انا زعلآن منّك يا خضر. يا اخي حكاية إتهام الناس بإنهم امنجيّة دي ما موضة في البورض، حارمين منها صديق إخيّ دا مالكم؟ ما تخلوهو زي رفاقتو ديل يلبسلوا قميص محزّق ومشجر، وبنطلون محزّق من فوق وعريض من تحت وينكُش شعروا ويطُظلوا فيهو خُلآل، ويقشر بباسط المكي زي باقي الجنيات.

معاوية المدير
القلوب شواهد ياخ كيف حالك
الناس مابتريح نوع صديق دة قدر ماحولنا
نتحاشاه يلاقيك ببوست يفور دمك
يستفذك لابعد حد
برضو لسة فيهو الخير
علي الاقل لاقيناكم بعد غياب وسكون
طولت ياخ ماظاهر مالك؟
انشاء الله عافية

Quote: B]والتحية عبركم لباسط المكي الذي لا أعرفه ولكن تكفيني شهادتك له .

البشير دفع الله
ياخ بعرفك قبل ما ادخل هنااا
لعلك بخير صديق اخ عزيز لكن
مشاتر لمن غلط

Quote: ]خضر حسين خليل يسلم قلمك ياخ وتسلم.. معا ضدالبذائة وساقط الكلام

مرتضي عبد الجليل
سلامات سلامات صح لسانك
خضر دة اصلو مبدع لمن مشاتر
الله يحفظه

Quote: فالرجل اصبح مثار تندر انصار الحكومة حتى انهم فى احد البوستات شبهه احدهم بالاراجوز الذى يوفر لهم مساحات من الضحك

لم .... تقع ...عينى عليه هو و الباسط فى صيوان التعازى ؟

معاوية الصائم

Quote: بكرى مفروض يعمل خور لصديق خور خاص؟ وحق الحفر يدفعو ابو الحسين

أعملو لي كشف لأنو دا حا إكون مُكلف جداً
ياخي دا بكتب 10 بوستات في الدقيقة

مرة كتب بوست بناشد فيها أمريكا تطرد الكيزان لأنهم خطر على الأمن القومي الأمريكي
و بعدو بي ثواني لي الإتحاد الأوروبي
و بعدو بي ثواني لي ماليزي
و كمان الأمارات
و كمان الكويت
و كمان السعودية
ياخي اليوم داك عذبني عذاب في الدنيا دي لا يعلم بيه إلا الله

كدي شوفو لي موضوع الكشف دا


تحياتي للجميع

ابو الحسين الدفع ثم الدفع ؟


على فاعلى الخير عمل اللازم



ابو الحسين احفر براك يا خ ووفر قروشك

او ادفع

يا صاحب كيفنك
باسط دة اسالني منه انا
دة زول براااااااااااهو
نيل تاني عدييييييييل كدة

باسط ابسط يا ملك جات معاك باسطة

خضر دابك اخدت بالك ولا شنو؟

في قوائم كان برصوها ناسكم هنا يتهموا الناس بالباطل في ذممهم وشرفعم واعراضهم وبعملوا ليهم
تأريخ مزيف
انت كنت وين؟

والله قسس يا اولاد امي
ما هو المعبار يا خضر؟

Quote: أعملو لي كشف لأنو دا حا إكون مُكلف جداً ياخي دا بكتب 10 بوستات في الدقيقة

ابو الحسين
غايتو شيل شلت
الردم الجايك كتير
الا تكتف الزول دة

Quote: يا صاحب كيفنك باسط دة اسالني منه انا دة زول براااااااااااهو نيل تاني عدييييييييل كدة

طارق
سلامات اتزكرتك قبل يومين
واتخيلت وقت الليل فلل عليك في بلاد الله البعيدة
وخروف الضحية وانت تتخيل الشخوص المفروض يشاركوك
المرارة والشية
كانك حفرتها جواي حفر وصف لحظات العيد
وانت بعيد كن بخير
واهو في انتظار تجاني
تحياتي لك

Quote: باسط ابسط يا ملك جات معاك باسطة

استاذة نجاة
سلام بعد غياب
وتحية بطعم النهارات في اتبرا
البركة في صديق علي مهدي

Quote: ابو الحسين غايتو شيل شلت الردم الجايك كتير الا تكتف الزول دة

يازول الكلام دا حصل في بوست معنون بي إسمك

بعدين أمنجي دي معناها بتقبض كويس ما تبقى ناشف

خلينا نسجل إسمك أول واحد في الكشف.

Quote: يازول الكلام دا حصل في بوست معنون بي إسمك بعدين أمنجي دي معناها بتقبض كويس ما تبقى ناشف خلينا نسجل إسمك أول واحد في الكشف.

ابو الحسين
كدي انت ابداء
الردم والترميم
البقدرنا علي الله بنساهم
معاااك ود الصائم بمسك
الكشف

الأصدقاء والصديقات هنا
تحياتي واحترامي
لظروف خارجة عن الارادة لم أتمكن من متابعة البوست .

كتبت د- نجاة محمود

Quote: خضر دابك اخدت بالك ولا شنو؟

بالطبع يا نجاة (ما أخدت بالي يادوب) وانها لسانحة طيبة أن أقول لك إنك أيضاً واحدة من الذين ساهموا
أيما مساهمة في ما نحن فيه الآن ـ وما صديق الا مثالاً لسلسلة من (الصداديق والصداديقات) الذين
يملأؤن هذا الجزء الافتراضي من العالم ضجيجاً .
آرائي التي كتبتها هنا منذ إنضمامي وحدها من أتحمل مسؤولية (أخد بالي عليها ولا ما آخد) حاكميني فيها
وستجديني انشاء الرب من الفائزين .
لا رغبة عندي يا نجاة في العودة لمربعات الحوارات الدائرية ولغة أطفال الحلة صباحات العيد وقصص
(خروفنا أكبر من خرفكم) أتحداكي في ما كتبت يا نجاة وليس في ما كتب الآخرون .

Quote: انت كنت وين؟

أنا كنت في السعودية بنين لحدي يوليو 2009 م حالياً مقيم بين الخرطوم ووادي الضباع .

Quote: ما هو المعبار يا خضر؟

المعبار ده ما عارفو لكن المعيار هو بالتأكيد التزام الجميع أو ميثاق شرف يتعاهد عليه
أعضاء المنبر .

ــــــــ
التعديل لاضافة ضجيجاً حيث إكتفيت في الأولي بعدم كتابتها بحثاً عن مفردة صائبة .
والتي أحسب الآن إني وجدتها

شكراً

Quote: البشير دفع الله ياخ بعرفك قبل ما ادخل هنااا لعلك بخير صديق اخ عزيز لكن مشاتر لمن غلط

مراحب مجددا باسط المكي

سعيد بهذه المعرفه ومعرفة الرجال كنوز

مهما أختلفنا يبقى الود والاحترام واثبات المواقف النبيلة وهذا ما يربطني بالكثير

من الرفاق رغم كل شئ .

وان قدر لنا أن نلتقي سنعرف بعضنا أكثر بلا شك .

احترامي

Quote: لك إنك أيضاً واحدة من الذين ساهموا أيما مساهمة في ما نحن فيه الآن

بس غلتي ما كنت في الحزب الشيوعي اسع كان شالو نقد وختوني بدلو قرقررقررقررر
والله انت فاكيها في روحك شيددددددددديد
تذكر لما جيت خشيت شمال في بوست سهام بوبار وشتمتني دون وجه حق
لما ادوك راسك جريت مسحتو؟

نوعيتك المطبلاتية الملعماتية دي هي المبوظة هذه المساحة
ما ممكن تقيف مح حق ابدا ابدا

Quote: الملعماتية

برضو


فتأمل ...!

ـــــــــــ
التوقيع : ملعماتي
ــــــ
التعديلين لاضافة الرموز

خضر تحياتي

يا باسط مبروك الوظيفة الجديدة
ضابط امن عديييييل كده

على العموم لو فيها خروف على كورنيش الفجيرة
ادينا خبر انا واخوك الكاشف راشد جبريل

أشوفك ياوطن ممشي
أحندكبك زمن جاي
أغازلبك شمس باكر
أغنيلك غنانا الجاي
وأشوفك يا بلد مرسي

ونمرق من مساماتك
بلد ممكن

اذا دقت نحاساتك
يقفين صف بنياتك مع أولادك
نقيس الممشي والخطوة

أيا ليل الحزن إنطم
أقيف لي غادي وإتلزم

وأيا شمس الصباح أمرق
تعال أمرق
أمرق من سجون خوفك
تعال أمرق
أمرق من لجج صمتك
تعال أمرق
أمرق من عتاميرك
تعال شيد
متاريسك
ـــــــــ

خضر

Quote: يا باسط مبروك الوظيفة الجديدة ضابط امن عديييييل كده على العموم لو فيها خروف على كورنيش الفجيرة ادينا خبر انا واخوك الكاشف راشد جبريل

ياعصام
وين انت ياخ لينا زمان الا من الليلة
ديك اسمع خليك قريب ولا زم تشرفنا وفي طرفك الحبيب
رشود الحبوب خروف جزيرة كمان قريب من السوداني
تحياتي لك

مصاريف الحفر حصل فيها شنو يا جماعة؟

وصاحب البوست ..يكون مخمس مع سديق



باسط سلام مثلث ومكعب؟
بالمناسبة حفر بالمتر المكعب

يا سلام يا دبيب
ياخ شكراً لباسط المرقك يازول
وين الحي بيك
والله الواحد مشتهي أيامكم


تسلم يا جميل

Quote: باسط بقا امنجي ... يا رااااااااااااجل

تتصور يا أمجد
غايتو الخيل تجقلب واشكر لي صديق

مصاريف الحفر حصل فيها شنو يا جماعة؟

وصاحب البوست ..يكون مخمس مع سديق
معاوية عبيد
شيل الصبرابو الحسين قال مافي عوجة

Quote: أمرق من سجون خوفك تعال أمرق أمرق من لجج صمتك تعال أمرق أمرق من عتاميرك تعال شيد متاريسك

خضر ياصاح الزول دة
راح وين ؟

0

لي محبة كبيرة للاخ باسط مكي

له ولك يا خضر التحايا النواضر

والنواضر دي من معتز تروتسكي

الوليد عمر
أيا صاحبنا الغاتس وينك وينك ياخينا ؟
ضحكتني والله وفرجت علي كرباً كتيرات يا الوليد
ثم ياخ لو الموضوع موضوع سمايات فقطع شك باسط ده من الجماعة اياهم
ياخ اللحمة في الظروف العجيبة دي عندها علاقة برأس المال الطفيلي

حتي السمايات اختفت في هادي البلاد ياصديقي

مودتي واشواقي التي تعلم ياصاح

Quote: ضحكتني والله وفرجت علي كرباً كتيرات يا الوليد ثم ياخ لو الموضوع موضوع سمايات فقطع شك باسط ده من الجماعة اياهم ياخ اللحمة في الظروف العجيبة دي عندها علاقة برأس المال الطفيلي حتي السمايات اختفت في هادي البلاد ياصديقي

اوالحسين
غيابك طال